لكيت الغرفه كلها اندارو يباوعون عليه
تجمدت بمكاني
اركان يباوع عليه وياهم اول مره اشوف هالنظره بعينهكتلهم : شنو شبيكم اكيد مو اني مالي علاقه
السكرتيرات والداير مداير يبدون يتهامسون
الزبونه هدت عليه : منو لعد ابويه تلغفون رواتب هلكد ع كلبهم و بعدها عينكم فارغه
عطت : احترمي نفسج من تحاجيني
- ليش انتي احترمتي نفسج من بكتي سواري
- اني مابكت شي و لاخر مره انبهج نصي صوتج من تحاجيني
- شتسوين شوفيني شتسوين
عفتهم مشيت
طلعت ورايه تعيط : طلعي سواري يا حراميييه
اركان كالها : رجاءا نضبط اعصابنا لابد صار سوء فهم
- سكرتيرتكم الحراميه باكتني خل ترجع سواري احسن ما اشتكي عليها
اركان : اختي ياريت تنصين صوتج عيب
- مناكصني غيرك وخر من وجهي
نتر بيها اركان : حتنصين صوتج لو تطلعين بره لا تشوفين سوار ولا الج حق يمي
سكتت تفتر و متخصره بعصبيه
اندار عليهم يكلهم : سمعوني زين حندقق بالموضوع اكثر و نفتهم الصار ماريد تنفتح هالسيره لما نتاكد كلمن يحط لسانه بحكله و يسكت ماتصدكون تلكون موضوع تلتون و تعجنون بي .. وانتي اختي استريحي بين ماندوره
أنت تقرأ
ستائر وهميه
Storie d'amoreقصة عراقية حقيقية 💯 لبنيه تمردت على واقعها المرفوض بواقع جديد رسمته لنفسها .. شكد حياثر عليها هالشي و شنو ثمنه ؟ تابعو ويايه الاحداث 💙 القصه دراميه مثيره جريئه ببعض البارتات صارت بالسنوات الاخيره و عبره لبنات جيلها ❤️