ستائر وهميه

الجزء 4

اني ومغمضه افكر حسيت احد لعب بشعري
فزيت مرعوبه انداريت شفت رجل امي واكف فوك راسي

- ماتطلع صوت شبيك

رجل امي سكت بعدين حجه بهدوء : نامي جوه مو هنا

- ماجنت نايمه .. شبيك؟

رجل امي : ماكو شي

عافني و راح للمطبخ

كلت شبي هذا اخذت جنطتي و غراضي
رحت لكيت امي نايمه بالغرفه ماحاسه عليهم جنت عبالي طالعين
دخلت غرفتي غيرت هدومي و رحت المطبخ اسوي عشه
شفته كاعد عالميز يدخن ماهتميت

طلعت لحم من الفريز و جيس فنكر وكفت اثرم الطماطه و البصل و البيتنجان عجبني اسوي تبسي لحم و فنكر و سلطه

اني واطبخ سمعت صوت موبايلي بغرفتي
ايدي مبلله مسحتها بهدومي و ركضت
اركان كاتبلي : يعني ماكو شكرا عالصور اكلج عفوا تكليلي عازمتك ع كهوه باجر اكلج لا عندي شغل

ضحكت ع حجيه كتله : صاير حشاش عيني وين الدكتور الجان عاكد حاجبه اول يوم شفته بي

اركان : انتي تنطين طاقه ايجابيه للواحد شسويلج .. هسه شوكت

- شنو

اركان : اشوفج