...فى صباح يوم جديد فى الغردقة...
وخاصة فى اليخت
... فتحت حياة عيناها ببطأ وضعف من كثرة البكاء ليلة أمس...
حياة لنفسها وهى تفرك عيناها كالاطفال
_اوووف هوا انا مالى كدة مش قادرة افتح عينى
لتقول آخر جملة بصدمة لأنها تذكرت ماحدث امس وان مشاعرها تغلبت عليها وبكت كثيراً امام كنان
حياة بغضب من نفسها
_ احييييه علياااا انا ازااى عيطت امبارح كدة قدامه انا واحدة غبية الواد يقول عليا ايه بعد العياط ده زمانه خاد فكرة تانية غير اللى كان واخدها عنى انا لازم اتصرف كأن مفيش حاجة ولا كأنى عيطت إمبارح عشان انا اصلا لسة متعصبة على اللى عملوا فالموضوع مش بالسهولة دى
لتنهض حياة وتتفقد ثيابها اهى نشفت ام لا فوجدتها مازالت مبللة فخرجت من الغرفة وهى مرتدية ملابس كنان وكانت واسعة جداً عليها وطويلة لأنه يمتلك عضلات ضخمة وطويل أيضا
فخرجت من الغرفة ووجدت كنان وعم صبرى يجلسون ويتناولوا الإفطار
حياة وهى تجلس ولكن لا تنظر فى عين كنان
_صباح الخير
كنان وعم صبرى
_ صباح النور
عم صبرى وهو ينهض
_تسلم إيدك يبنى على الفطار طول عمرك اكلك حلو
كنان وهو ينظر لحياة الصامتة
_بالهنا والشفا
عم صبرى
_انا هقوم بقا عشان اتبقالنا نص ساعة وهنوصل على الجزيرة جهزوا نفسكم
ليمشى ويترك كنان وحياة بمفردهم
كنان
_ عاملة ايه ياحياة دلوقتي بقيتى احسن
حياة بعد ان فهمت ولكنها اظهرت انها لا تتذكر شئ
_الحمدلله بس ليه بتسأل يعنى
كنان بأستغراب
_مش كنتى إمبارح متضايقة وعيط......
حياة بمقاطعة
_اظن قولتلك ياكنان متتكلمش معايا بعد اللى عملتو إمبارح انا رايحة اوضتى لما نوصل قولولى
لتمشى حياة تحت نظرات كنان المستغربة ولكنه فهم انها لاتريد ان تتذكر ألمها وبكائها ففضل انه لن يذكرها بشئ
وبعد مرور نصف ساعة كانت حياة بالغرفة وكنان بالأعلى فتوقف اليخت على الشاطئ لأنهم وصلا الى الجزيرة
عم صبرى لحياة
_اتصلى بقا يبنتى بالشخص اللى هتروحيله ده خليه يستناكى هنا اويجيلك
كنان
_هوا وصفلى هوا قاعد فين انا هوديها يلا ياحياة
حياة وهى تنظر لملابسها
_انا مش معقول همشى بالمنظر ده فى وسط السياح
كنان بضحك على ملابسها
_مالهم يعنى مش عاجبينك....!
حياة بغضب
_اكيد اه يعنى انت مش شايف انى عامله شبهه الهبلة بهدومك دى
كنان وهو ينظر لها هى حقا جميلة حتى بهذه الملابس
_ولا هبلة ولا حاجه وبعدين الجزيرة دى مبيبقاش فيها سياح كتير يعنى يلا اتصلى بباسل بتاعك ده انجزى
أنت تقرأ
حياة الكنان (قسوة عشق)
Romansaيقال ان عضو المشاعر عند الانسان هوا القلب الذي يحمل بداخله كثير من المشاعر مثل الشعور بالحب والكره والحقد وغيرها ولكن شعور واحد فقط عندما يقتحم قلب الإنسان لا يتركه بسهولة وهوا الشعور بالقسوة هذا الشعور الذى يجعلك وحيد دائماً خائف دائما وفى نفس الوق...
