حياة الكنان (قسوة عشق)

هقول حاجه على الخفيف كدة

عاوزة اتكلم عن موضوع كدة بصراحة بقا شائع اوووى فى مجتمعنا وانا عاوزة رأيكم فيه ياريت الكل يكتبلى رأيه فى كومنتات

احم 😂هبدأ

دلوقتي البت فينا تبقا قاعدة فى امانة الله وفاتحة نت عادى زى اى واحدة تلاقى الشيطان اللى يبعتلها ممكن نتعرف والكلام الفارغ ده نص البنات وانا متأكدة بتعمل بلوك علطول وفيه بنات تانية بتيجى توافق تحسوا انها عندها عطش عاطفى زى مابيقولوا انا بقا عاوزة اتكلم على النقطة دى ليه البنت مننا ممكن تقبل يعنى نفسى افهم بنبقا عاوزين ايه بالظبط حابة اوصل رسالة لكل البنات عشان الموضوع ده بجد انتشر دلوقتي ياااما اووى اوعى تصدقى اى ولد يبعتلك اى ماسج او يقولك نتعرف وانتى توافقى وتكلميه وبعد كدة يقولك انا حبيتك طب فكرى بعقلك كدة حب ايه ده اللى هييجى من شاات مابين اتنين ليه بيحب طريقة كتابتك مثلا على الكيبورد والله ده هبل دلوقتي فيه اللى هيقولى مافى بنات بتقابل ولاد ويمشوا معاهم ويبقوا متعشمين انهم هيتجوزوا ويرتبطوا والكلام ده كله احب اقولك مستحيل ولد يبقا ماشى مع بنت وعرفها من على السوشيال ميديا يرتبط بيها قدام الناس لأنه أولا مش هيثق فيها وهيقول اللى تمشى معايا تمشى مع مليون واحد غيرى مع انك هتبقى مخلصة ليه بس برضو ممكن فى اى وقت يبقا متعصب منك ويقولك ده انتى كنتى ماشية معايا وشاقطك وانتو عارفين بقا كلام الشباب حتى انتى نفسك ممكن تشكى فيه لأنه اللى يمشى معااكى هيمشى مع مليون غيرك وبنسبة واحد فى المية اللى فى مجتمعنا يبقوا مشيين مع بعض ويحبوا بعض بجد وتنتهى بجواز قليل اووى لما تلاقى حد مخلص من الاخر كدة بلاش يجماااعة التعارف من على السوشيال ميديا ده والنبى عشان بيودى فى داهية لأنه أولا ممكن يخليكى تبعتيله صورك وانتى بعبطك تبعتى ولقدر الله يعمل فيها حاجه وحشة وإلخ إلخ حاجات كتير ممكن يعملها مش عاوزة اتكلم عليها تمام

يعني خليكي بنت بمليون راجل ومتنخدعيش فى كلام اى حد واللى بتبقى هتمووت وتتجوز دى ولما بتصدق تلاقى حد يكلمها على السوشيال ميديا عاوزة اقولك ان ده مش هيجبب نفعة لانه مفيش احسن من الراجل اللى ييجى دغرى ويدخل الباب من بيته ويطلب ايدك من اهلك وترتبطى بيه قدام الناس كلها وده بقا هيبقا بيحبك ويشيلك جوه عنيه ويبقا هوا ده الراجل الصح وانا والله حبيت افهم البنات عشان فيه ناس حوليا كتير مخدوعة من الموضوع ده وانا بتمنى انى اكون فيدتكم وربنا يسعد كل بنت وتحقق اللى بتتمناه يارب

وصحيح البارت هينزل كمان ساعة كدة اكون جهزته استنونى