Taxi ရပ်လိုက်တာနဲ့ မျက်စိတဆုံးအိမ်လှမ်းမမြင်ရလောက်အောင် ကျယ်သော ခြံဝန်းကြီးကို ကြည့်ရင်း မိမိပုံကို သူတောင်းစားလိုတောင် သတ်မှတ်မိ၏ ။အိမ်တော်ကြီးအား ဝန်းရံထားသော အဝန်းအကာများမှာလဲ မြင့်မားလွန်းလို့ မော့ကြည့်ပါက ဇပ်ပင်ကြိိုးမတတ်။လူခေါ် ခေါင်းလောင်းကို နိုပ်လိုက်တာနဲ့ ခြံဝန်းဂိတ်တံခါးမှာ Auto Systemဖြင့် ပွင့်လာသည်မို့ စိတ်တောင်အနည်းငယ် လှုပ်ရှားမိလာသည်။ခြံကျယ်သလောက် လူကတော့ လုံးဝမရှိ။အိမ်သို့သွားသော လမ်းပင် ကားနှစ်စီးပြိုင်မောင်းလို့ရပြီး မိနစ်20လောက်လျှောက်မှ အိမ်ရှေ့သို့ ရောက်တော့သည်။
ရှေ့တွင် လူလုံးဝမတွေ့ခဲ့သောလည်း အိမ်တော်ရှေ့မှာတော့ အစောင့်များအပြည့်။အရောင်ခပ်မှိုင်းမှိုင်းနှင့် ဘီစီ20ခန့်က ဉရောပကသလစ်ဘုရားကျောင်းပုံစံ မှီညမ်းတည်ဆောက်ထားသည့်မို့ အိမ်တော်ကြီး၏ ခမ်းနားမှုကတော့ ပြောစရာပင်မလို။မုကို မြင်တာနှင့် အစောင့်တစ်ယောက် သေချာလမ်းပြခေါ်သွားတော့သည်။အိမ်ပြင် ခမ်းနားမှုကတော့ အိမ်တွင်းကို မယှဉ်နိုင်ခဲ့။အိမ်အတွင်း၌ ကြမ်းခင်များမှာ မှန်လို ကြည်လင်၍ ပေါ်တူကီဗိသုကာလက်ရာများ ပွန်းလုံးလှေကားရှည်ကြီးများနှင့် တည်ဆောက်ထားသည်။အပြင်တွင် အရောင်မှိုင်းသလောက် အိမ်ထဲမှာတော့ အရာအားလုံးဟာ ရွှေရောင် ဖိန်းဖိန်းတောက်လျက်။ဉီး ချမ်းသာတာကို မုသိပေမဲ့ ဒီလောက်ထိတော့ မထင်ထားခဲ့။ ချမ်းသာမှုသုခမှ အတိုင်းထက်အလွန်ဖြစ်နေတာမို့ မုသိမ့်ငယ်စိတ်လေးတော့ ဝင်လာမိ၏ ။ သို့သော် အသက်ပြင်းပြင်း တချက်ရှူပြီး အစောင့်ခေါ်ရာနောက်သို့ လိုက်ပါလာခဲ့သည်။
နန်းပလင်ကဲ့သို့ တင့်တယ်သော ထိုင်ခုံကြီးတွင် ဉီးဒီပ မုအလာကို ဆီးကြိုနေလေသည်။မုထိုင်ခုံတွင် ဝင်ထိုင်ရင်း ဉီးဒီပမျက်နှာကိုကြည်လိုက်တာနဲ့ သူမကို အမြင်မကြည်မှန်း ရိပ်စားမိသည်။
" သက်သောင့်သက်သာ ထိုင်ပါကလေးမ...ငါက အောင်စစ်မှူး အဖေ ဉီးဒီပပါ "
" ဟုတ်ကဲ့ပါ ဉီးလေး မုက နန်းမုဒြာပါ ဉီးအောင်စစ်မှူးရဲ့ ချစ်သူပါ "
" အိုးဟို့...မင်းက ငါသားနာမည်တပ်ပြီးတောင် မိတ်ဆက်ရဲနေပြီပဲ "
" ဉီးရဲ့ ချစ်သူမို့ ချစ်သူလို့ မိတ်ဆက်တာ ဘာအမှားပါသွားလို့လဲ ဉီးလေး "
" ဒီခေတ်ကလေးတွေ ကတော့ အတော်ကို အတင်းရဲကျတာပဲ "
" အတင့်ရဲထာထက် ကိုယ့်ကိုကိုယ် ယုံကြည်မှုပိုရှိတာပါ ဉီးလေး "
" ဒီလောက်တောင် ယုံကြည်မှုရှိမှတော့ ရှင်းရှင်းပဲ ပြောမယ် ဘာလိုချင်တာလဲ ငွေလား လုပ်ပိုင်ခွင့်လား"
" ဉီးလေး ဘာလို့ဒီလိုပြောလဲဆိုတာ မုနားမလည်ပေမဲ့ မုအတွက် အဲ့တာတွေမလိုပါဘူး လူတိုင်းမှာ ငွေရော လုပ်ပိုင်ခွင့်ရော ရှိပြီးသားမို့ပါ "
" ဘယ်လို "
" ဟုတ်ပါတယ်... ဆင်းရဲရဲ ချမ်းသာသာ ငွေတစ်ရာရှိရင်လဲ ငွေရှိတာပဲလေ ပြီးတော့ ကိုယ်ဘဝရဲ့ ဆုံးဖြတ်ချက်တိုင်းကလဲ ကိုယ့်လုပ်ပိုင်ခွင့်ပဲလေ "
YOU ARE READING
Only She (တစ်ဉီးတည်းသောသူမ) Completed
Romanceပါဝင်သော အကြောင်းရာများမှာ စိတ်ကူးရင်သက်သက်သာ ဖြစ်ပါသည်။ အချစ်က ဘယ်လောက်အရေးပါလဲ ငါမသိဘူး ဒါမဲ့မင်းကတော့ ငါရဲ့ တစ်ဉီးတည်သောနဲ့ ပထမဆုံးသော သူ မင်းကိုငါမချုပ်နှောင်ဘူး မရုန်းနိုင်အောင်ပဲ ဆွဲဆောင်မှာမို့.......။
