✍️ Unicode
အချစ်နဲ့အမုန်းကို အရောင်နဲ့သတ်မှတ်ရင် နှစ်ခုလုံးက အရောင်အတူတူပါပဲတဲ့။
ဒါပေမဲ့ အနီရောင်တွေပဲလို့ သတ်မှတ်ထားတဲ့ အချစ်နဲ့အမုန်း နှစ်ခုလုံးမှာ မတူညီတာတော့ရှိနေခဲ့ပြန်တယ်ဆိုပဲ။
အမုန်းတွေပြင်းထန်လာရင် ကမ္ဘာကြီးကိုပျက်စီးစေပြီးတော့ အချစ်ကတော့ ကိုယ့်ကိုယ့်ကိုပျက်စီးစေတယ်တဲ့လေ။
သင်ရောချစ်ခဲ့ဖူးပြီလား။
တစ်ခုခုကိုပျက်စီးစေခဲ့ဖူးပြီဆိုရင် သင့်အချစ်ကရုပ်ဆိုးအကျည်းတန်သွားခဲ့ပါပြီ။
ဘယ်အရာကိုမှမပျက်စီးစေသေးဘူးဆိုရင်တော့ သင့်အချစ်ကလှပနေဆဲမို့ဖြစ်ပါလိမ့်မယ်။
~~~~~~~~~~ " Without ........ "
" မမ "
အပြင်ကပြန်လာတဲ့မောင်က တီဗွီကြည့်နေတဲ့ သူမနားထိအရောက်လာကာ ခေါ်လိုက်တာမို့ တီဗွီကြည့်ရင်းကပင်ထူးလိုက်သည်။
" ဘာလဲ မောင် "
" ကျွန်တော့်ကို ကွာရှင်းခွင့်ပေးပါ "
မထင်မှတ်ထားတဲ့စကားကြောင့် အလန့်တကြားနဲ့ မောင့်ကိုမော့ကြည့်မိသည်။မောင့်ပုံစံကနောက်ပြောင်နေဟန်မဟုတ်ဘဲ တည်တည်ငြိမ်ငြိမ်နဲ့မို့ တကယ်ပြောနေတဲ့ပုံစံပေါက်နေသည်။မောင်ကသူ့လက်ထဲမှာကိုင်လာတဲ့ စာရွက်နှစ်ရွက်ကို စားပွဲပေါ်တင်လိုက်ရင်း ဆိုဖာခုံပေါ်ထိုင်ချလိုက်သည်။
" ဘာဖြစ်တယ်မောင် "
" ကျွန်တော် မမနဲ့ ကွာရှင်းချင်တယ် ဒီမှာကွာရှင်းစာချုပ် ကျွန်တော်လက်မှတ်ထိုးထားပြီးပြီ "
သူမတို့အိမ်ထောင်သက်တမ်းတလျှောက်မှာ ဘာပြဿနာမှမရှိခဲ့ဖူး။ယုတ်စွအဆုံးရန်တောင်မဖြစ်ဘူးခဲ့။အခုမှမောင်ကရုတ်တရက်ကွာရှင်းချင်တယ်ဆိုတော့ ဘာကိစ္စလဲ။သူမစိတ်ထဲမှာ မရှင်းမရှင်းရှိနေခဲ့တဲ့ သံသယကအမှန်တကယ်ဖြစ်လာပြီလား။ဟင့်အင်း မဖြစ်နိုင်။မဖြစ်နိုင်ဘူးလို့အားတင်းနေပေမဲ့ သေချာတော့သူမပြောရဲ။
" ဘာဖြစ်လို့လဲ မမမှာ ဘာအပြစ်ရှိလို့လဲ အကြောင်းပြချက်တစ်ခုခုတော့ပေးဦးလေ ဒီအတိုင်းကြီးကွာရှင်းချင်တယ်ဆိုတာကမဖြစ်နိုင်ဘူး "
YOU ARE READING
💕 " Without ........ "
Romantikဇာတ်လမ်းတိုင်းက ဖြစ်ရပ်မှန်မဟုတ်ပေမဲ့ ဖြစ်ရပ်မှန်တိုင်းကတော့ ဇာတ်လမ်းတစ်ပုဒ်ဖြစ်ခဲ့တာချည်းပါပဲ။ ~~~~~~~~~~~~~~~~ " Without ........ " ဇာတ္လမ္းတိုင္းက ျဖစ္ရပ္မွန္မဟုတ္ေပမဲ့ ျဖစ္ရပ္မွန္တိုင္းကေတာ့ ဇာတ္လမ္းတစ္ပုဒ္ျဖစ္ခဲ့တာခ်ည္းပါပဲ။
