✍️ Unicode
အချစ်စိတ်ဆိုတာ ဘယ်လိုအရာနဲ့မှတားဆီးထားနိုင်တာမျိုးမဟုတ်ဘူး။
ကိုယ်ချစ်တဲ့သူသိအောင်ထုတ်ပြောကြတဲ့သူရယ် ဘယ်သူမှမသိအောင်တစ်သက်လုံးမျိုသိပ်ထားတဲ့သူရယ်လို့ နှစ်မျိုးကွဲသွားကြပေမဲ့ ချစ်မိတဲ့အချစ်စိတ်ကတော့အတူတူပါပဲ။
တွေးကြည့်ရင်တော့ ဖွင့်ပြောလိုက်သူထက် မျိုသိပ်ထားသူကပိုခံစားရမယ်လို့ထင်စရာရှိပေမဲ့ တကယ်တမ်းတော့ဘယ်လောက်ချစ်ခဲ့သလဲဆိုတာကပိုပြီးအခရာကျပါလိမ့်မယ်။တကယ်ကိုရင်နင့်အောင်ချစ်ခဲ့ကြသူတွေကသာ ပိုပြီးခံစားခဲ့ကြရတယ်ဆိုတာ ပြောစရာမလိုတော့အောင် သိပြီးသားဖြစ်ကြမှာပါ။
တစ်ခုတော့ရှိတယ် အသည်းနုသူတွေကတော့ ဟန်မဆောင်နိုင်အောင် ခံစားလွယ်တတ်ကြပြီး အသည်းမာသူတွေကတော့သူတို့ရဲ့ခံစားချက်ကိုအခြားသူတွေမသိမမြင်ရအောင် ပိုဟန်ဆောင်ထားနိုင်တတ်ကြတယ်။
ဒါပေမဲ့ တကယ်ချစ်ခဲ့မိသူတိုင်းကတော့ တကယ်ခံစားခဲ့ကြရတာချည်းပါပဲလေ။
~~~~~~~~~~~~~~~~ " With "
ထုံစံအတိုင်းဒီနေ့လည်းကာယအချိန်မှာသန့်ရှင်းရေးလုပ်ခဲ့ကြရတာဖြစ်သည်။အဖြူအစိမ်းဝတ်ထားတဲ့ကျောင်းသူကျောင်းသားတွေပြည့်နေတဲ့ ကျောင်းဝင်းကြီးတစ်ခုလုံးက ရုတ်တရက်ကြည့်လိုက်ရင် စံပါယ်ပန်းခက်တွေနေရာအနှံ့ဖြန့်ကျဲချထားသလို။
သေးသေးသွယ်သွယ်ခန္ဓာကိုယ်နဲ့ထည်ကလေးကိုပင်ပင်ပန်းပန်းမလုပ်စေချင်တာကြောင့် သူကမြက်ပင်တွေကိုပေါက်ပြားနဲ့ပေါက်ပြီး ထည်ကလေးကတော့ သူပေါက်ထားတဲ့အမှိုက်တွေကိုတောင်းတစ်လုံးနဲ့လိုက်ကောက်နေခဲ့ပါသည်။
" ကိုခန့်ရေနင်နားဦးလေ… ငါတို့အမှိုက်ကောက်ဦးမယ်… "
" ကောက်မှာဆိုလည်းကောက်ကြလေ… နင်တို့က လေပဲများမနေကြနဲ့… "
ဘာမလုပ်ဘဲထည်ကလေးအနားမှာဝိုင်းထိုင်နေကြတဲ့ ခင်မိုးရီတို့အုပ်စုကို ထဟောက်ပစ်လိုက်သည်။
" အလကား မိန်းမဏှာပူးတွေ… အားရင် ထည်ကလေးအနားတကပ်ကပ်နဲ့… "
YOU ARE READING
💕 " Without ........ "
Romansဇာတ်လမ်းတိုင်းက ဖြစ်ရပ်မှန်မဟုတ်ပေမဲ့ ဖြစ်ရပ်မှန်တိုင်းကတော့ ဇာတ်လမ်းတစ်ပုဒ်ဖြစ်ခဲ့တာချည်းပါပဲ။ ~~~~~~~~~~~~~~~~ " Without ........ " ဇာတ္လမ္းတိုင္းက ျဖစ္ရပ္မွန္မဟုတ္ေပမဲ့ ျဖစ္ရပ္မွန္တိုင္းကေတာ့ ဇာတ္လမ္းတစ္ပုဒ္ျဖစ္ခဲ့တာခ်ည္းပါပဲ။
