للخذلان وجه أخر

الحكاية الثانية البارت العاشر

ميرنا حكتلة ال حصل امبارح بصوت واطي عشان سليم ميسمعش
حمزة بغضب ... ايه البني ادم دا هو فيه كدة والله لو قدامي كنت اديته علقة موت والله ما يتساهل ضفرة حتي دا راجل حيوان دا ازاي كان جوزك دا هه ازاي اختارتيه ازاي وافقتي علي حد بالعقليه و التخلف والجمود دا هه ردي ساكتة ليه
ميرنا بصتلة بلوم عشان سليم انتبه وبص عليهم وهو خايف من صوت حمزة

ميرنا ل سليم ... حبيبي يلا نتصل ب جدو و عمتو هند نقولهم اننا هنا يلا فون عمتو تعالي

سليم نزل من ع كرسية وراح ناحيه ميرنا كل دا و حمزة بيصلهم بحزن بعد ما هدي شوية واضايق من نفسه أنه مسيطرش ع غضبة قدام سليم

ميرنا ... الو صباح الخير يا هنودة فينكم ؟
هند .. صباح الخير يا روحي احنا نزلنا من البيت اهو انتم فين
ميرنا ... في النادي قدامكم كتير
هند .. لا عشر دقائق ونكون عندك بابا متحمس اوي يشوف سولي ف تمارينات بتاعته
ميرنا ... طيب تمام هو لسه قدامة شوية تكونو سلمتم عليه قبل ما يبدء
هند ... اوكي بابا عامل حسابة اننا هنتغدي سوا ومفيش اعذار
ميرنا ... تمام مفيش مشكلة
هند ... اوكي حبيبتي باي مؤقت بقي
ميرنا ... باي
سليم ... فين عمتو
ميرنا ... خلاص حبه صغيرة وتيجي هي و جدو
حمزة .. احم ميرنا انا ا
قاطعتة ميرنا ... لو سمحت مفيش كلام تاني بنا ( بصت ل سليم ) تعالي معايا يا سولي ع ما معاد تمرين يجي
جت تقوم حمزة وقف ادامها .. اسف والله انا بس عصبي شوية متزعليش
ميرنا ... حصل خير ممكن امشي ؟
حمزة ... لا مش ممكن قلت اسف
ميرنا ... وانا رديت وقلت حصل خير ايه اغنيها يعني مش فاهمه ؟
حمزة بضيق .. لا متغنيش
ميرنا ... طيب عديني لو سمحت
حمزة .. طيب رايحة فين ؟
ميرنا ... ملكش دعوة عديني بقا
حمزة .. لا مش هتعدي ال لما اعرف رايحة فين ( وشال سليم ) وهو وريني بقا هتعدي ازاي وانا وسليم واقفين كدة
ميرنا وشها بقا احمر واتكلمت بصوت مخنوق وهي بتزقه و تجري ... اوعي بقا

حمزة اتصدم من شكلها و هي جريت علي الحمام كانت محتاجة تطلع اللي جواها قبل ما هند و محي يوصلو كان لازم تنهار لوحدها هي من امبارح وهي بتدعي انها كويسه وكانت بتحكي ل حمزة عشان يشجعها انها فعلا كويسه لكنة داس علي جرحها زي ما يكون حد مجروح وبينزف واستنجد بحد والطرف التاني جاب ملح و ضغط بكل قوتة علي الجرح دا اللي حمزة عمله فيها ..

فضلت تعيط فترة لحد ما تلفونها رن ولاقت هند اللي بتتصل بيها كنسلت عليها و غسلت وشها وفضلت تتنفس بهدوء و طلعت نظارة شمس ولبستها عشان تدراي شكل عينيها وقبل ما تطلع خدت نفس عمييييق و رسمت ابتسامة علي وشها و خرجت ومن اول ما قربت منهم و حمزة عينه عليها و حس بللي هو عمله بس مكنش ينفع يتكلم لأن هند و محي واقفين
ميرنا .. صباح الخير ازيكم
محي .. صباح النور يا حبيبتي عامله ايه
ميرنا ... الحمد لله
هند .. كنتي فين جينا لاقينا سليم مع الكابتن
ميرنا .. كنت في تواليت
حمزة ... طيب هستاذن انا بقا و معايا البطل دا عشان معاد التمرين جة
محي .. اتفضل واحنا هنا يا سولي هنتفرج عليك و نشجعك يا بطل
سليم ... سليم بطل
هند ... احلي بطل
حمزة مشي مع سليم بس عينه متعلقه علي اللي واقفه و راسمه ابتسامة علي وشها وبتتكلم معاهم اتنهد و رجع بص للاطفال و بدء شغله ... ومحي كان مركز اوي مع سليم فرحان ب حفيدة اللي بيتحسن يوم بعد يوم فرحان بيه وهو له صحاب و شايفهم بيكلموة و بيساعدوة كمان
هند .. ميرنا اوعي تكوني زعلانة مننا ؟
ميرنا ... هند مش هنتكلم في الموضوع دا تاني احنا زي ما احنا وانا وعدتك اني عمري ما هقطع سليم منكم بس لو سمحتي تفهمي مرات اخوكي ان الموضوع دا مقفول بلاش سليم يكون في موقف زي دا انا مش عايزة تعب سنين يروح عشان محاوله منكم أن أبوة يتقبلة ممكن ؟
هند ... حاضر هقولها هي والله نيتها خير
ميرنا ... هند بليز
هند ... خلاص خلاص الموضوع اتقفل حاضر

سليم خلص تمرين السباحة و جري علي ماماتة زي ما متعود وهما خدوة ومشيو ناحيه تمرين الجمباز طلبو عصير وقعدو مع بعض النص ساعه اللي مابين التمرينين وحمزة متابعهم من بعيد وبعد تلت ساعات كان اخيرا اليوم خلص و ميرنا في طريقها للبيت هي وسليم تلفونها رن وهي قدام البيت برقم غريب افتكرت اخر مرة رديت فيها علي رقم غريب وكانت سلمي مرات خالد كشرت و مردتش وطلعت ع البيت
حنان ... حمدالله على السلامه
ميرنا .. الله يسلمك .. معلش يا ماما سليم عايز ينام ممكن تنيمة انتي انا لازم ابعت ميل للشغل و مرهقه من اليوم الطويل دا
حنان ... ماشي ادخلي انتي وانا شوية كدة و هصحيكي عايزة اعرف ايه ال حصل انهاردة
ميرنا .. ولا اي حاجة هند حبت توضح موقف مرات خالد بس انا قفلت الموضوع وكانت خايفة امنع سليم منها هي و عمي وانا قلتلها ان دا عمرة ما هيحصل
حنان .. طيب ربنا يسهل الحال يارب ادخلي ارتاحي يلا
ميرنا ... صحيني ع ١٠ كدة أسهر اشتغل شوية ماشي
حنان ... ماشي يا حبيبتي
اول ما دخلت الاوضه وقفلت عليا لاقيت مسج ع الواتس فتحتها
حمزة ... انا بجد اسف والله العظيم مقصدش اضايقك ابدا انا بحب سليم اوي اتعصبت غصب عني ميرنا بليز ردي عليا انا مقصدش بجد ومش مسامح نفسي وانا حاسس اني السبب في الحزن اللي جواكي