للخذلان وجه أخر

الحكايه الثانية البارت الحادي عشر

اول ما دخلت الاوضه وقفلت عليا لاقيت مسج ع الواتس فتحتها
حمزة ... انا بجد اسف والله العظيم مقصدش اضايقك ابدا انا بحب سليم اوي اتعصبت غصب عني ميرنا بليز ردي عليا انا مقصدش بجد ومش مسامح نفسي وانا حاسس اني السبب في الحزن اللي جواكي
مكنش عندي حاجة اقولهالو .. هقولو ايه ؟ خلصت شوية شغل ويادوب لحقت انام تلات ساعات و صحيت عشان حضانة سليم و أنا نازلة ل حظي الجميل قابلت طنط عايدة جارتنا
عايدة ... صباح الخير يا ميرنا يا بنتي
ميرنا ... صباح النور يا طنط
عايدة ... ازيك يا سليم عامل اية
سليم ...
ميرنا ... معلش اصلة بيتكسف شوية
عايدة 😏 ... هو لسه مش بيتكلم ؟ يا بنتي ودية عند دكتورة متهمليش فيه كدة اللي زية في مدرسة دلوقتي
ميرنا بضيق .. ماشي عن اذن حضرتك متأخرين شوية
عايدة ... ماشي اتفضلي ربنا يشفيهولك يارب حبيبي صغير والله معلش
نزلت و انا دمي محروق هي مش اول مرة تقولي كدة ولا اول مرة اسمع تعليق يضايقني ولا هتبقي اخر مرة بس للاسف لحد دلوقتي مبقدرش ميتحرقش دمي ولا اني متاثرش بكلامهم اه مش بيبان عليا نهائي لدرجة أن اللي قدامي ممكن يحس اني باردة لكن لما بكون لوحدي وهو نايم وفي حضني اي احساس وحش حسيت بيه و كتمتة جوايا بيطلع وبياكل في روحي
وصلتة الحضانة و رجعت علي البيت اخلص شغل زيادة المدير طلبة مني و تلفوني رن تاني برقم حمزة محبتش ارد وانا في الحاله دي كنسلت ولما اتصل تاني قفلت التلفون وعلي معاد خروج سليم من الحضانة نزلت اخدتة و طلعت بيه ع جلسه التخاطب بتاعتة كانت الأخصائية موجودة و مستنياة بس كان واضح عليها انها معيطة انا كنت بحبها اوي وهي كمان كانت ديما تدعمني مقدرتش مسالهاش مالها
ميرنا ... السلام عليكم ازيك يا ميس اماني
اماني بصوت مخنوق ... الحمد لله انتم عاملين ايه ؟ وسليم اخبارة ايه معاكي ؟
ميرنا ... احنا كويسين في ايه مالك ؟
اماني ... مخنوقة شوية
ميرنا ... من ايه ؟ اول مرة اشوفك كدة
اماني ... كان عندي طفل زمان حالتة كانت بسيطة بس محتاجة متابعه واهتمام من الأهل اوي وكانو مقتدرين مديا كمان و بعد ما بدء يتحسن وقفو الجلسات معايا لما حاولت اتواصل معاهم عملولي بلوك قلت يمكن لاقو حد تاني و محرجين مني و سكت وبعد ست سنين قابلت الام بالصدفة في الشارع ولما سالتها عنة جاوبت وهي منهارة وبتقولي أنهم اهملو فيه جدا و بطلو كل حاجة و ودوة مركز داخلي عشان يخلصو من مسؤليتة و أن المركز دا من مدة زارة دكتور كبير اوي جاي زيارة من امريكا و كشف ع كزا حاله موجودين و هما ال يعني عشان يبقو عملو اللي عليهم خلوة كشف علي الولد واتفاجؤ أن الدكتور بيقولهم إن كان في احتمال كبير يكون طفل طبيعي بنسبة كبيرة بس الإهمال وعدم العلاج وصلو الطفل أنه بقا عندة نسبة من التخلف العقلي وال ايه هما ندمانين أنهم اهملو فيه انا مش قادرة أصدق أن في أهل كدة انا تعبت من المهنة دي اللي بضطر اني أقابل فيها نماذج ناس من نوعيتهم
ميرنا بتأثر ... طيب اهدي ربنا موجود و مطلع انتي مأثرتيش في حاجة منهم لله
اماني وهي بتمسح دموعها .. ميرنا ممكن ناجل الجلسه لبكرة مش هقدر أركز معاه حقك عليا
ميرنا ببتسامة ... مفيش مشكلة بس بشرط
اماني ... شرط ايه
ميرنا ... ننزل نتغدي سوا انا من امبارح مفحوتة في الشغل و مودي اصلا وحش جدا وانتي كمان تعالي نتغدي سوا ونفصل شوية
اماني وهي بتبص لىسليم ... ايوة بس
ميرنا .. عشان سولي بيبهدلني ف الأماكن العامة يعني لا ما انا هعدية ع ماما واروح انا وانتي نتغدي لوحدنا ايه رايك دا هيبقي my time ☺️
اماني ... ماشي يا ستي يلا هقفل و ننزل سوا
وفعلا عدينا سليم علي ماما و طلعنا ع مطعم حلو انا بحبه واتغدينا سوا و اتكلمنا كتير وقدرنا احنا الاتنين نغير مزاج بعض للاحسن و رجعت علي البيت و انا حسه اني اتخلصت شوية من الطاقة السلبيه اللي كنت حسه بيها
وعدي روتين اليوم زي ما هو و تاني يوم مرحتش تمرين سليم و وديتة الجلسه المتأخرة و زي ما توقعت حمزة مبطلش اتصال ومردتش عليه إلا بالليل قبل ما انام
حمزة بقلق ... انتي مبترديش ليه هه انتم كويسين ؟ في حاجة ؟
ميرنا ... احنا بخير مفيش حاجة
حمزة ... اومال مش بتردي ليه ؟ ولية مجتوش انهاردة التمرين ؟؟
ميرنا .. مجيناش عشان جلسه التخاطب بتاعت سليم اتغير معادها من امبارح ل انهاردة مش برد عشان مكنتش قادرة اتكلم
حمزة بضيق .. يا سلام بسهولة كدة ( وبيقلدها) مش برد عشان مش قادرة اتكلم ايه البرود دا
ميرنا ... حمزة انا مش قادرة اتكلم فعلا لو سمحت تحترم رغبتي
حمزة ... ماشي متتكلميش بس تطمنيني عليكم حرام عليكي القلق اللي كنت فيه دا
ميرنا ... ما انا طمنتك اهو
حمزة ... ميرنا تصبحي علي خير بدل ما اتعصب عليكي سلام
ميرنا ... ايه هو دا انت تضايقني و تحرق دمي وكمان مش عجبك و بتتعصب عليا
حمزة ... علي فكرة انا بقفل عشان متعصبش عليكي هه انتي كدة مشفتويش عصبيتي لو شوفيتها مش هتعرفني تاني
ميرنا ... لا و علي ايه تصبح علي خير يا كابتن
حمزة ... كابتن ؟
ميرنا ... اه كابتن يلا بقا عايزة انام
حمزة ... انا راجل مهزء اني قلقت عليكي اصلا سلام
ميرنا وهي بتضحك ... سلام
قفلت معاه وانا مبسوطة معرفش ليه بفرح لما بعصبه اصل حمزة لما بيتعصب بيبقي شكلة حلو اوي تكشرتة بتضحكني وقبل ما انام لاقيت مسج منه
حمزة ... دلوقتي بس هرتاح لما سمعت صوتك واطمنت انكم بخير يا تعبه قلبي
_ الله ايه تعبه قلبه دي لا هو قصدة ايه وليه انا حسه ان قلبي هيخرج من مكانة وبعدين معاك يا حمزة اخرتها ايه
بس رغم حيرتي و تفكيري الا اني نمت وانا مبسوطة وكل طاقة السلبيه اللي كانت جوايا مشيت وراحت خلاص وصحيت وانا كلي نشاط ل يوم جديد خصوصا اني صحيت علي سليم وهو بيصحيني
سليم ... امي اصحي ماما
ميرنا بفرح ... حبيب ماما انت قلت ايه ؟
سليم .. امي اصحي قومي قومي
حضنتة و انا طايرة من الفرحة اول مرة يقولي امي تقريبا لقطها من الحضانة
ميرنا ... صحيت اهو يا حبيبي فين تيتا
سليم بصوت عالي ... تيتا امي صحيت تيتا تيتا ماما صحيت
ضحكت من قلبي عليه وهو مبسوط اني صحيت طاقتي الايجابيه و فرحتي اللي بجد هو انت يا سولي ❣️