للخذلان وجه أخر

الحكاية الثانية البارت الرابع

لوحدي أقوي

لوحدي أقوي
البارت التاسع
ميرنا بهدوء .. وياتري من حقي اعرف اتفقتم علي ايه ؟؟ ولا مش من حقي ؟
رقيه بانفعال ... انت عمال تبصلي كدة ليه ما هي كدة كدة هتعرف انت نازل ليه
ميرنا ... وياتري ليه يا طنط احب اعرف
رقيه 😏 ... عشان تحملي يا حبيبتي في عيل تاني يبقي سند لابوة و إخوة ويعوضكم عن سليم

_ رغم صدمتي في تفكيرهم إلا أن صدمتي الأكبر ان جوزي متفق معاهم معرفش ازاي استوعبت اللي اتقال بسرعه و رديت بكل هدوء انا نفسي استغربتة

ميرنا ... حقيقي يا خالد دا سبب نزولك ؟
خالد ... ميرنا لما نروح نتكلم
ميرنا .. ليه ؟ في ايه هنقولو لوحدنا اهلك ميعرفهوش ؟ دا ماشاء الله انتم متكلمين و مقررين كمان ايه المشكلة بقا لما نتكلم قدامهم
خالد ... حبيبتي انا هفهمك كل حاجة لما نروح
ميرنا بعند ... لاء هنتكلم دلوقتي و قدامهم
رقية ... اتكلم يابني خلينا نخلص
ميرنا .. بالظبط زي ما طنط قالت خلينا نخلص ها جاي لية يا خالد ؟
خالد بتوتر .. ا اصل يعني كنت بفكر أن الوقت بقا مناسب أن أن
محي بضيق .. ماتنطق يا ابني
خالد ... أن نجيب اخ او اخت ل سليم
ميرنا ... ممممم بس انا بقولكم أن الوقت مش مناسب ولسة بدري اوي ع خطوة زي دي دا لو خدتها اصلا
خالد ... يعني اية لو خدتيها اصلا مش فاهم
ميرنا ... يعني انا مش بفكر غير في مصلحة ابني وبس حاليا كل مجهودي واهتمامي بيه هو اتحسن و بقا تمام والدكتور قالي أننا بقينا في مرحله احسن تتطلب مجهود أقل هفكر في حوار الخلفة دا فضل هو محتاج كل طاقتي و مجهودي مش هفكر نهائي في الموضوع
رقيه ... دا اسمو جنان دا اتفضل يا سيدي شوف مراتك بتقول ايه
محي ... يا بنتي سليم من حقة يكون له أخ أو أخت يسندوة و يملو عليكم انتم كمان حياتكم
ميرنا ... انا سليم الحمد لله مالي حياتي و مش محتاج لا اب ولا اخ ولا اخت مش محتاج غيري أنا أنا وبس
خالد ... يا سلام وانا ايه بقا هه ؟ طيشه في البيت مليش اي تلاتين لازمة
ميرنا ... انت اللي همشت دورك مش انا انت اللي مش متقبل ابنك و من وقت ما عرفت ع مرضه و انت بعدت عني وعنة تقدر تقولي سليم عامل ايه ف علاجة جلساتة حضانتة؟ ولا تعرف اي حاجة متعرفش انا بتعب اد ايه متعرفش كم الذل اللي بتعرضله من حضانة ل حضانة متعرفش وجع قلبي لما بيكون مهيير ومش قادر يقعد عايز يقعد ومش قااااادر متعرفش قهرتي وانا مسمعتش صوتة لحد دلوقتي متعرفش بعيط و انهار كل يوم ازاي بالليل وانا حضناه و مليون تصور في دماغي لىمستقبلة ياتري حد ممكن يضايقة ياتري ممكن حد يتنمر عليه بضربة طب لو حصل وفضل مش بيتكلم ولا مدرك انا هعرف ازاي إذا كان اتأذي نفسيا وهو بعيد عني ولا لا مليييييون وجع وسؤال جوايا وانت فييييييين هه متفق مع أهلك تيجي للجاريه اللي رميها هي وابنها مبتسألش عنهم انك تخلف غيرة وترمي طوبتة نهائي إذا كان انت لسه مجبتش غيرة وبعدت عنة اومال لما تجيب غيرة هتعمل معاه ايه عايز تقهره لما يشوفك مدي كل حنانك واهتمامك ب طفل تاني قدام عينيه وهو منبوووذ لا سامع لا ابني مش هيكون منبوذ عاجبك تتقبله وتحبة وتهتم بية عجبك مش عجبك براحتك انا اقدر اعوضة عن أي حد عن ازنكم
_ قلت كلامي و جريت من قدامهم واول ما ركبت عربيتي سمحت لنفسي اني اعيط و دموعي تنزل كنت مقهورة اوي وقلبي وجعني ازاي هو كدة مش دا جوزي دا حد اتحووول انا معرفهوش مقدرتش اروح ع بيتي وطلعت ع ماما كنت محتاج لها اوي اول ما دخلت اترميت في حضانة وفضلت اعيط اعيط معرفش جبت كل الدموع دي منين

حنان ... هديتي شوية ؟
ميرنا ... الحمد لله
حنان ... حماتك كلمتني قبل ما تدخلي هنا ب خمس دقايق كانت بتشتكيلي منك
اتعدلت في قعدتي ... نعم وهما ليهم عين كمان هما اللي يشتكو هو في اية
حنان .. يا حبيبتي اسمعني بس
ميرنا ... ماما لو سمحتي مش عايزة اتكلم في الموضوع دا عشان خاطري

_ لسة هترد عليا جرس الباب رن وتوقعت طبعا أنه خالد

ميرنا ... انا هدخل اوضتي ولو سمحتي بلغية اني مش عايزة اتكلم معاة ولا اشوفو دلوقتي بلييز
حنان .. حاضر يا حبيبتي ادخلي

خالد ... مساء الخير يا طنط
حنان بزعل ... مساء النور يا خالد ينفع كدة اللي حصل دا
خالد بعصبية ... الكلام دا تقوليه للهانم اللي علت صوتها في بيت اهلي و معملتليش اي اعتبار وقال اي مش عايزة تخلف تاني اييي الجنان دا هه
ميرنا بغضب ... متتعصبش ع ماما سامع ولا لا كلامك معايا انا
خالد ... بقولك اية قدامي ع البيت ونبقي نتكلم هناك
ميرنا ... لا مش متزفتة مروحة وكلامي كان نهائي يا خالد وانت الى حاااالا لازم تختار
خالد .. متعصبنيش فوق عصبيتي يا ميرنا وقدامي ع الشقة
ميرنا ... انا قلتلك مش هتحرك من هنا الا لما ترد عليا اخترت ايه
خالد بغضب ... انا من حقي اكون اب لطفل طبيعي مش متخلف وهيفضل طول عمرة متخللللف
ميرنا من غير ما تحس رفعت ايديها و نزلت بيها ع خدة كان قلم قوي بكل الغضب اللي جواها
ميرنا ... اطلع برررررة سامع برة و تطلقني يا خالد مش هعيش معاك يوم واحد ولا هتشوف ابنك دا تاني ابدا سامع ابدا بررررة
خالد بصدمة ...

يتبع