للخذلان وجه أخر

الحكاية الثانية البارت الثالث عشر

لوحدي أقوي
ملحقتش ارد لاقيت ماما جت و سليم كمان رجع وقعد معانا حمزة بعد ربع ساعة تلفونة رن و وقف بعيد شوية رد ورجع تاني و قالي ..

حمزة ... ميرنا معلش ممكن تيجي معايا لحد مبني الادارة في مشكلة في ورق سليم
ميرنا بارتباك .... ا اه طيب ماشي .. عن ازنك يا ماما ثواني خلي بالك من سليم
حنان ... ماشي يا حبيبتي بس متتاخروش عشان نتغدي
حمزة ... حاضر مش هنتاخر يلا يا ميرنا
ميرنا .. يلا
و اول ما مشينا خطوتين بدء حمزة يتكلم
حمزة ... ميرنا انا طلبت منك تاجلي مقابلة خالد عشان أنا عايز اقولك حاجة ولو ردك كان اه هكون اسعد انسان في الدنيا و هحضر مع سليم بصفتي أبوة الحقيقي عشان مديش فرصه لىحد يضايقة مهما كان مين ولو رفضتي انا مش هيياس وهحاول مرة واتنين وعشرة لحد ما توافقي
ميرنا .. حمزة انا م
قاطعها حمزة ... انا بحبك
ميرنا 😳
حمزة ببتسامة ... بس حبيت سليم الاول حبيت إصرارة و حنانة وبدأت بعدها أركز مع الام اللي وصلتة ل كدة و ركزت يا ميرنا واتعلقت بيكي و حبيتك ميرنا انا مليش حد اهلي اتوفو من زمان و اقاريبي كلهم من الصعيد مش هنا انا عايش هنا لوحدي و عندي شركة ع فكرة ف مجال الاعلانات يمكن اول مرة تعرفي بس انا بحب الاطفال اوي ودا كان سبب اني ادرب هنا ف النادي كل يوم كام ساعه هواية مش اكتر ولو وافقتي هتكوني انتي و سليم عيلتي وهكون اسعد راجل في الدنيا قلتي ايه ؟
ميرنا بتوتر ... مش عارفه اقول ايه مش عارفه بس ( اتنهدت ) حمزة انا اسفة مش هينفع
حمزة ... خايفة علي سليم مني صح ؟
ميرنا بدموع ... اه صح انا خسرت حاجات كتير اوي عشان سليم مش هقدر اخاطر باي حاجة تخصة مش هقدر والله انا اسفة
حمزة ... بس انتي واثقة اني بحبه والله بحبه جدا وهكون له الاب اللي انتي حلمتي بيه اديني انتي بس فرصة واحدة
ميرنا لسة هترد قاطعها حمزة
حمزة ... مش عايز رد منك دلوقتي ممكن مش عايز اسمع رفض دلوقتي ارجوكي فكري وبعدين ردي
هزيتلة راسي بموافقه و رجعنا ع ترابيزة اللي كنا قاعدين عليها تاني وطول الوقت وأنا دماغي مش بتبطل تفكير في طلب خالد و حب حمزة ولما حسيت بزحمة في دماغي كنت محتاجة اي اشارة اعرف اعمل ايه حيت خارجة من البيت لاقيت مني في وشي وبتصبح عليا ولاقتيني بطلب منها معاد ف العيادة و اهو اديني قاعدة معاكم مش عارفه اعمل ايه اوافق ع حمزة و ادي قلبي فرصه يحب و يتحب ؟ طب وسليم ممكن أضحي بيه زي ما أبوة ضحي بيه ؟ و خالد اتصرف ازاي معاه ؟ مش عارفه إجابة لاي سؤال بيجي ف دماغي ف جيت هنا
مني ... حبيتي حمزة ؟ لا بتنسي بيه حبك ل خالد ؟
ميرنا ... انا من قبل ما يظهر حمزة وانا مفيش في قلبي اي مشاعر لخالد
مني ... حبيتية ؟
ميرنا بحزن ... أه حبيتة وإلا مكنتش اكون ف مشكلة دلوقتي
مني .. يعني حاليا خالد مستني منك تلفون و حمزة مستني منك رد صح
ميرنا ... اه وانا لا عارفه اعمل دا ولا اعمل دا
مني ... هرد عليكى بعد ما نسمع نرمين ها يا نرمين اتكلمي
نرمين بصوت واطي و توتر .. ا اتكلم اقول ايه ؟
مني ... قولي انتي هنا ليه ؟ مين خذلك ؟
نرمين ... انا انا اللي خذلت نفسي و ضيعتها انا اللي مرضتش بنصيبي و عندت لحد ما كل حاجة ضاعت مني انا السبب في كل اللي ييجرالي كل واحدة فيكم اللي حواليها خذلوها الا انا كنت سبب خذلان اقرب ناس ل قلبي ولحد دلوقتي مش مسمحني