الرواية ملهاش مواعيد ثابتة عشان الناس اللي بتغلط في التعليقات ☺️
متنسوش تعليقاتكم وردود أفعالكم بين كُل جزئية يا عيال 😂
الڨوت .. الڨووووت .. الڨووووووت 😑
ـــــــــــــــــــــــــــــــــــــــــــــــــــــــــــــــ
توسعت عيني عادل وهو يستمع لما قاله زينجيرو بينما عقد خالد حاجبيه وهو يرمقه بغرابة، متسائلًا بداخله ما الذي يريد فعله صديقه الأبله ذاك؟!
تقدم عادل للأمام ليقف أمام خالد هاتفًا بتساؤل : الكلام اللي بيقوله دا صح؟! جاكسون دا صاحبكم؟!
نظر خالد لزينجيرو الذي تقلصت ملامحه وكأنه يخبره - ارجوك وافق على حديثي - فنفى خالد مُردفًا : لأ .. معرفش حد بالإسم دا .. صاحبنا اللي اتحبس اسمه رستوم.
اغمض زينجيرو عينيه بيأس ثم جلس من جديدة ليرمقه عادل بسخرية : يعني مشوفتش ولا في بجاحتك ولا كِذبك بِجد.
جلس محله ليتابع : هتقول ولا لأ يا عم خالد؟!
زفر خالد بنفاذ صبر، فعلى ما يبدو أنه لا مفر اليوم .. اما أن يخبره بالحقيقة أو أن يظل هنا مدى الحياة، رفع قدميه عن الأرض وهو يقول : هقولك.
نظر عادل لقدمه التي رفعها ليقول في استهزاء : لأ دا الموضوع شكلها كبير بقا.
اجابه بذات السخرية : آه كبير جِدًّا والله .. الحقيقة إن بنتك مكنتش في عالم خيالي ولا حاجة...
ثم توقف عن الحديث فجأة يتابع قسمات وجهه التي ظلت ثابتة فقطب جبينه بغرابة : خير .. ما تكمِل؟!
دنى منهم روبن الذي كان قد أنهى حديثه مع جاكسون ليستكمل خالد : أبطال التاتيتنز مِش شيئ خيالي .. هما فعلًا موجودين ولما هي راحتلهم مكنتش راحة لشيء خيالي كانت راحة لناس...
واكبر دليل على كِدا إن روبن عِرف يجي لعالمنا على عكس مثلًا يوچين...
نفى عادل برأسه يقاطعه سريعًا : لحظة لحظة، يعني اي حقيقيين يعني؟ يعني روبن دا مِش خيال! واي دخل نارچين بتاعك دا للموضوع بتاعنا! واحدة واحدة كِدا.
تنفس خالد بملل ثم قال : يوچين مِش نارچين دا أولًا .. ثانيًا يوچين دا بطل حكاية أو قصة روبانزل ودي قِصة خيالية .. كُنت بقول بقى إن عشان روبن قصة حقيقة و انسان موجودة في الحياة فهو عِرف يجي لعالمنا....
أما يوچين عشان شخص خيالي غير موجود في الحياة اصلا فهو مستحيل يعرف يجي هِنا...
قاطعه عادل من جديد وهو ينظر لروبن بتهلهل : يعني انت بني آدم زينا يا واد! وانا اللي فكرتك كرتون يا حتة روبي!
إبتسم روبن بغباء : وهل ظننتني خروفٌ مثلًا!
ضرب عادل فوق قدمه وهو يقول بصوتٍ حاد : اتريق اوي يا اخويا، اتريق كمان ها...
أنت تقرأ
والتقى العشاق «مكتملة» "التلفاز السحري 2"
Gizem / Gerilimماذا لو أحببتَ من غير عالمِكَ..! وكيف ستنتقل للذهاب إلى من أحببت..! « والتقى العشاق ». « التلفاز السحري 2 ». كوميدي_عائلي _دراما _رومانسي_ديني...
