The writer: Anosha Alriany✍🏻
#عكس_تيار✨
حلقه9
مسكت تلفون وشمرته كان مسجل هيبي قعدت نبحت ف شاشه ورديت حطيت فون ع وذني
هبه..ايهم واخيراً رديت عليا بس خليني نوضحلك انا ليش رنيت امس
صكرت ف وجها ومسحت مكالمه ورديت فون ف مكانه
ايهم خش لدار..صباح الخير نضتي
انا بصوت واطي..صباح النور
ايهم..ترا ساعه كم شوفيها
انا مسكت فونه..ساعه1
ايهم..اها رقدنا واجد
انا صبيت من سرير وقعدت نسقم فيه
ايهم..امس رقدتي وفيلم كيف بدأ
انا..اها انا خاشه بندوش وحنطول واها رنت عليك هيبي يعني كان بتحكي معاها خوذ راحتك
قعد يبحت وانا نطلع ف دبشي قرب مني ومسك دبش
انا..ايهم لو سمحت
ايهم..ميس انتي فاهمه غلط خليني نشرحلك
انا..لا فاهمه صاح وفاهمه كويس بكل
كريت منه دبش وخشيت دوش ونسمع فيه يدق عليا
ايهم..ميس افتحي نحكوا كنك هكي انتي بعد تزعلي معش تعرفي حد افهمي الموضوع قبل
قعدت ساكته لين معش سمعت صوته
قعدت حابسه دموعي بسيف مانبيش نبكي معش عرفت نفسر شعور الي حسيت بيه شعور بغيره ولا شعور تملك انه ايهم ملكي مانبيش يحكي مع حد غيري ولا شعور الحب خايفه نقول حب وهو مزال بدري بس النار الي حاسه بيها نار حد يحب مش متحمله فكره انه يحكي مع بنت
قعدت شويا وطلعت لابسه من حمام خشيت لدار مشطت شعري وحسيت راسي يوجع فيا ودايخه رقدت ع سرير وفردت شعري ع مخده وغمضت عيوني لانه نحس فيهن سخنات بكل"
"ايهم..معش ترني فاهمه معش ترني شن تبي مني مش انتي الي نهيتيها خلاص انسيني
هبه..ايهم والله مانبي منك حاجه بس انا رنيت
ايهم..شنو بتكذبي هبه انتي عارفه بعد ننفصل مافيش داعي تخليني نعصب لانه الي بينا انتهى مافيش داعي للكلام
هبه..اسفه ضايفتك
صكرت وايهم تنهد حط فون ف جيبه وخش لشقه شاف لحمام لاقهى فاضي خش لدار
ايهم..بسم الله مسرع مارقدتي
قرب مني وانا فتحت عيوني بشويا
ايهم..كنك تحسي ف حاجه عيونك حمر
رديت غمضت عيوني
قمعز ع سرير ولمس راسي
ايهم..اووو حراره بكل عاليه مش منك من حمام كل يوم
نسمع فيه ونحس ف صوته بعييييد عليا
ايهم..تسمعي فيا
قعدت نغمض ونفتح ف عيوني لانه حاسه بدوخه تلف فيا
ايهم..شعرك مبلول جايبه استشوار معاك ميس ركزي معايا شويا
هزيت راسي قعد يفتش ف دولاب لين لاقهى سندني ع سرير ولعه قعد يجفف فيه بشويا
ايهم..خلاص تريحي نجيبلك بندول مش حنطول وخلي تلفونك عام توا نسجلك رقمي
هزيتله راسي وهو سجل رقم وصبى طلع"
"محمد..نقولك حاجه بس ماتقولهش لخوك الحصله
منير..احكي حاس ف شي مصيبه
محمد..هههه عقلك مسوس يا سيدي رشا تقعد اخت مرات ايهم
منير..اوب اببببب ومن امتى عارفها
محمد..تي ف عرسه يوم سياق عرفتها
منير..الله الله ع نصيبات وهكي تسهل عليك شويا
محمد..والله ماني عارفه ضروفي توا مايسمحنش كيف ماعارف انت حاسها مشوشه عندي
منير..تي شقه وعندك شوي تشطيبات توا يكملن قدم خطوه ع اقل تضمنها شورك
محمد..مش عارف
تسنيم..منيررررررر ااااا محمد شنجو
محمد..طشه وينك مش باينه علينا معش تجينا وين صحبتك انتي ومريم
تسنيم..قاعد غير معش فضيت وهيا مادورش
محمد..قولي هكي من اول
تسنيم..هههه كنك
محمد..لا شي انا طالع تبو حاجه توا
منير..سلامتك ياطيري
طلع محمد ومنير قرب من تسنيم
منير..انتي يافرخه شن في بينك وبين مريم
تسنيم كشخت..يالقاق البنت مش مبحته ف وجك عليش تسال عليها
منير..ميه مره نقولك شن دخلك انتي تبحت ولا ماتبحش عندك حاجه قوليله ماعندكش اسكتي وصكري فمك
دنيا نازله وماسكه اعليوه ف ايدها
منير ابتسم..حبيب عمه يضحك اليوم مديه
دنيا..امسكه هبلني اليوم عنده طاقه زايده
منير..بنطلع بيه
دنيا..ههههه وتسأل اطلع بيه نتريح الا من هرجته"
