ﻣﻦ ﻋﺎﻟﻤﻲ
# ﻋﻜﺲ _ ﺍﻟﺘﻴﺎﺭ
ﺣﻠﻘﻪ 59 ﻣـــﺎﺍﻗــﺒـــﻞ ﺍﻷﺧــــﻴـــــﺮﻩ
" ﺑﺸﺮﻯ ﺩﺍﺧﺖ ﻭﻋﻼﺀ ﺍﺭﺗﺒﻚ ﻭﻗﻌﺪ ﻳﺨﺒﻂ ﻉ ﺧﺪﻭﺩﻫﺎ
ﻋﻼﺀ .. ﺑﺸﺮﻯ ﺑﺸﺮﻯ
ﻗﻌﺪ ﻳﻬﺰ ﻓﻴﻬﺎ ﻭﻳﺸﻮﻑ ﻓﻴﻬﺎ ﺗﻨﺰﻑ ﺻﺒﻰ ﺟﺎﺏ ﻋﺒﺎﻳﻪ ﻭﻟﺒﺴﻬﺎ ﻟﻬﺎ ﻭﻧﺰﻝ ﺑﻴﻬﺎ ﻳﺠﺮﻱ ﻃﺒﻌﺎ ﻛﺎﻥ ﺍﻟﻮﻗﺖ ﻣﺘﺄﺧﺮ ﺷﻮﻳﺎ ﻣﺎﻓﻴﺶ ﺣﺪ ﻓﻄﻦ ﻃﻠﻊ ﺑﻴﻬﺎ ﺷﺎﻟﻬﺎ ﻟﻤﺴﺘﺸﻔﻰ ﺧﺬﻭﻫﺎ ﻣﻨﻪ ﻭﻗﻌﺪ ﻳﺮﺍﺟﻲ ﺑﺮﺍ ﻣﺮﺗﺒﻚ
ﻟﻴﻦ ﻃﻠﻌﺖ ﺩﻛﺘﻮﺭﻩ
ﻋﻼﺀ .. ﻫﺎ ﺷﻦ ﺻﺎﺭ ﻑ ﺑﺸﺮﻯ
ﺩﻛﺘﻮﺭﻩ .. ﺗﻤﺎﻡ ﻭﺿﻌﻬﺎ ﻃﺒﻌﺎ ﻫﻴﺎ ﻛﺎﻧﺖ ﺣﺎﻣﻞ ﻣﺎﻟﻬﺶ ﺍﺳﺒﻮﻉ ﺑﺲ ﻭﺑﻌﺪ ﻗﺮﺑﺖ ﻣﺎﺗﺤﻤﻠﺶ ﻭﻃﺎﺡ
ﻋﻼﺀ ﻗﻌﺪ ﺳﺎﻛﺖ
ﺩﻛﺘﻮﺭﻩ .. ﻛﻮﻳﺴﻪ ﻫﻴﺎ ﻛﺎﻥ ﺑﺘﺨﺶ
ﻋﻼﺀ ﻫﺰ ﺭﺍﺳﻪ ﻭﺧﺶ ﻗﻤﻌﺰ ﺗﻼﻫﺎ
ﺑﺸﺮﻯ ﻓﺘﺤﺖ ﻋﻴﻮﻧﻬﺎ ﺑﺼﻮﺕ ﻭﺍﻃﻲ .. ﻋﻼﺀ
ﻋﻼﺀ .. ﺍﺳﻒ ﻣﺎﻛﺎﻧﺶ ﻧﻌﺮﻑ ﺍﻧﻚ ﺣﺎﻣﻞ ﻟﻮ ﻛﻨﺖ ﻧﻌﺮﻑ ﺭﺍﻩ ﻣﺎﻗﺮﺑﺘﺶ
ﺑﺸﺮﻯ .. ﻣﺶ ﺫﻧﺒﻚ
ﻋﻼﺀ .. ﻻﻻ ﺍﻧﺘﻲ ﻗﺘﻴﻠﻲ ﺍﺟﻠﻬﺎ ﺍﻧﺎ ﺍﺻﺮﻳﺖ ﻋﻠﻴﻚ ﻑ ﻧﻬﺎﻳﻪ ﻃﺎﺡ ﺑﺴﺒﺒﻲ
ﺑﺸﺮﻯ ﺍﺑﺘﺴﻤﺖ .. ﻋﻼﻭﻱ ﻋﻠﻴﺶ ﻣﺰﻋﻞ ﺭﻭﺣﻚ ﻣﺰﺍﻟﻨﺎ ﺻﻐﺎﺭ ﺭﺍﻩ ﻧﺤﻦ
ﻋﻼﺀ .. ﻋﺎﺭﻑ ﺑﺲ
ﺑﺸﺮﻯ .. ﻣﻌﺶ ﺗﺤﻜﻲ ﺍﻧﺎ ﻭﺍﻧﺖ ﻣﺎﻧﻌﺮﻓﻮﺵ ﺑﻌﺪﻳﻦ ﺍﻧﺎ ﻣﺶ ﻛﻨﺖ ﺭﺍﺿﻴﻪ ﻋﻠﻲ ﺻﺎﺭ ﺧﻼﺹ ﻳﺒﻘﻰ
ﻋﻼﺀ ﺗﻨﻬﺪ ﻭﺳﻜﺖ
ﺑﺸﺮﻯ ﺑﺤﺘﺖ ﻑ ﺗﻐﺪﻳﻪ .. ﻣﻌﺶ ﻣﺰﺍﻝ ﻭﺍﺟﺪ ﻭﻧﻄﻠﻊ
ﻋﻼﺀ .. ﺗﻮﺍ ﺗﻜﻤﻞ ﻭﺗﻄﻠﻌﻲ ﺗﺮﻳﺤﻲ
ﺑﺸﺮﻯ .. ﻻ ﻋﺎﺩﻱ ﻣﺶ ﻣﻀﺎﻳﻘﻪ
ﻋﻼﺀ ﺳﻜﺖ ﻭﺑﺸﺮﻯ ﻗﻌﺪﺕ ﺗﺒﺤﺖ ﻓﻴﻪ ﺷﻮﻳﺎ ﻭﻛﻤﻠﺖ ﺗﻐﺪﻳﻪ ﻭ ﻃﻠﻌﻮ ﺭﻭﺣﻮ "
" ﺍﻟﻴﻮﻡ ﺛﺎﻧﻲ ﻃﺒﻌﺎ ﻛﺎﻥ ﺟﻤﻌﻪ ﻭﻋﻴﺖ ﻉ ﺭﻧﻪ ﻣﻮﺑﺎﻳﻞ ﻛﺎﻥ ﻋﺰﻭ
ﺍﻧﺎ ﺑﺼﻮﺕ ﻭﺍﻃﻲ .. ﺻﺒﺎﺡ ﺍﻟﺨﻴﺮ
ﻋﺰﻭ .. ﺻﺒﺎﺡ ﺍﻟﻨﻮﺭ ﻧﻮﺿﺘﻚ
ﺍﻧﺎ .. ﻫﺬﻱ ﻧﻮﺿﺘﻲ ﺍﺻﻼ
ﻋﺰﻭ .. ﺑﺎﻩ ﻧﺰﻟﻴﻠﻲ ﻳﻘﻴﻦ
ﺍﻧﺎ ﻗﻤﻌﺰﺕ .. ﺑﺎﻩ ﺗﻤﺎﻡ ﺍﻭﻛﻲ ﺍﻧﻲ ﻧﺎﺯﻟﻪ
ﻋﺰﻭ .. ﺗﻢ
ﻧﺎﺽ ﺍﻳﻬﻢ ﺑﺤﺖ ﻓﻴﺎ
ﺍﻳﻬﻢ .. ﺻﺒﺎﺡ ﺍﻟﺨﻴﺮ
ﺍﻧﺎ ﺻﺒﻴﺖ .. ﺻﺒﺎﺡ ﺍﻟﻨﻮﺭ
ﺍﻳﻬﻢ .. ﺧﻠﻴﻬﺎ ﻋﻠﻴﺶ ﺟﺎﻱ ﻳﺎﺧﺬ ﻓﻴﻬﺎ
ﺍﻧﺎ .. ﻫﻜﻲ ﺍﺣﺴﻦ
ﻃﻠﻌﺖ ﻭﻣﺸﻴﺖ ﻭﻋﻴﺘﻬﺎ
ﺍﻧﺎ .. ﻫﻴﺎ ﻗﻮﻧﻲ ﻋﺰﻭ ﻟﻮﻃﻪ
ﻳﻘﻴﻦ .. ﺑﺎﺑﺎ
ﺍﻧﺎ .. ﺍﻫﺎ ﺑﺎﺑﺎ ﺟﺎﺀ ﻫﻴﺎ
ﻃﺒﻌﺎ ﻻﻧﻪ ﺗﺴﻤﻊ ﻑ ﻭﺳﻦ ﺗﻨﺎﺩﻱ ﻓﻴﺎ ﻣﺎﻣﺎ ﻭﺗﻨﺎﺩﻱ ﻑ ﻋﺰﻭ ﺑﺎﺑﺎ ﻗﻌﺪﺕ ﻛﻴﻔﻬﺎ
ﺷﻤﺮﺗﻬﺎ ﻏﻴﺮﺗﻠﻬﺎ ﻭﺩﺭﺗﻠﻬﺎ ﺭﺿﺎﻋﻪ ﻉ ﺳﺮﻳﻊ ﻭﻃﺎﻟﻌﻪ ﺑﻴﻬﺎ
ﺍﻳﻬﻢ ﻣﺴﻚ ﺧﺪﻫﺎ .. ﺑﺎﻱ ﻳﺎﺳﻤﺤﻪ
ﺍﻧﺎ .. ﺑﻨﻨﺰﻝ
ﺍﻳﻬﻢ ﺧﺬﺍﻫﺎ ﻣﻨﻲ .. ﺧﻼﺹ ﺗﻮﺍ ﻧﺰﻟﻬﺎ ﺍﻧﺎ
ﺍﻧﺎ ﻋﺪﻳﺖ ﻭﺳﻴﺒﺘﻪ .. ﺗﻤﺎﻡ
ﺧﺸﻴﺖ ﻟﻜﻮﺟﻴﻨﻪ ﺩﺭﺕ ﺭﺿﺎﻋﻪ ﻭﺳﻦ ﻭﺑﺪﻳﺖ ﻧﺪﻳﺮ ﻑ ﺍﻟﻔﻄﻮﺭ ﺷﻮﻳﺎ ﻭﺧﺶ ﺍﻳﻬﻢ
ﺍﻳﻬﻢ .. ﺣﺪﺩﺗﻲ ﺟﻠﺒﻴﺘﻲ
ﺍﻧﺎ ﺑﺮﻣﺖ ﺣﻄﻴﺘﻠﻪ ﻛﺒﺎﻳﻪ .. ﺍﻫﺎ
ﺍﻳﻬﻢ .. ﻣﺎﺗﺒﻴﺶ ﺗﻔﻄﺮﻱ
ﺍﻧﺎ .. ﻻ
ﺍﻳﻬﻢ ﻣﺴﻚ ﺍﻳﺪﻱ .. ﻛﻨﻚ ﺩﺍﻳﺮﻩ ﺟﻮ ﺷﻴﻦ ﺗﻮﺍ
ﺍﻧﺎ .. ﻻ ﻋﺎﺩﻱ
ﺍﻳﻬﻢ ﻛﺮﻧﻲ ﺑﻘﻮﻩ ﻉ ﻛﺮﻋﻴﻪ .. ﻻ ﻣﺶ ﻋﺎﺩﻱ ﻗﺎﻋﺪ ﺑﺎﻳﻦ ﺍﻧﻪ ﺯﻋﻼﻧﻪ ﻣﻨﻲ
ﺍﻧﺎ ﺳﻜﺘﺖ ﻭﻗﻌﺪﺕ ﻧﺒﺤﺖ ﻻﺟﻴﻬﺎ ﻻﺧﺮﻯ
ﺍﻳﻬﻢ ﻣﺴﻚ ﻭﺟﻲ ﻭﺑﺮﻣﻪ ﻟﻌﻨﺪﻩ ﻭﺣﻂ ﻋﻴﻨﻪ ﻑ ﻋﻴﻨﻲ
ﺍﻧﺎ ﺗﻨﻬﺪﺕ
ﺍﻳﻬﻢ ﺍﺑﺘﺴﻢ .. ﻣﺎﻧﻘﺼﺪﺵ ﺷﻲ ﺍﻧﺎ ﻟﻴﺶ ﺩﺭﺗﻲ ﻣﻮﺿﻮﻉ
ﺍﻧﺎ ﺳﺎﻛﺘﻪ ﻭﻧﺒﺤﺖ ﻑ ﻋﻴﻮﻧﻪ ﻭﺣﺎﺳﻪ ﻋﺒﺮﻩ ﺧﻨﻘﺘﻨﻲ
ﺍﻳﻬﻢ ﻫﺰﻟﻲ ﺭﺍﺳﻪ .. ﺍﺣﻜﻲ ﻟﻴﺶ ﺳﺎﻛﺘﻪ
ﺍﻧﺎ .. ﺷﻦ ﻧﻘﻮﻝ ﻳﻌﻨﻲ ﺧﻠﻴﻨﻲ ﺳﺎﻛﺘﻪ
ﺍﻳﻬﻢ .. ﻣﺎﺗﺒﻴﺶ ﺗﺤﻜﻲ ﺣﺎﺟﻪ
ﺍﻧﺎ ﺑﺮﻣﺖ ﻭﻫﺰﻳﺖ ﺭﺍﺳﻲ
ﺍﻳﻬﻢ .. ﻣﺎﺗﺒﻴﺶ ﺗﺒﺤﺘﻲ ﺣﺘﻰ ﻑ ﻋﻴﻮﻧﻲ ﻟﻴﺶ ﺗﺼﻌﺒﻲ ﻓﻴﻬﺎ ﻋﻠﻴﺎ ﺍﻧﺘﻲ
ﺍﻧﺎ .. ﺧﻠﻴﻨﻲ ﻧﺼﺒﻲ ﻭﺭﺍﻳﺎ ﺣﻮﺳﻪ
ﺍﻳﻬﻢ ﺗﻨﻬﺪ ﻭﺳﻜﺖ ﻭﺍﻧﺎ ﺻﺒﻴﺖ ﻗﻌﺪﺕ ﻧﺤﻮﺱ ﻭﻫﻮ ﺧﺶ ﻟﺒﺲ ﻭﻃﻠﻊ ﺑﺪﻭﻥ ﻣﺎﻳﺤﻜﻴﻠﻲ ﺷﻲ ﻧﺎﺿﻮ ﺍﻟﻌﻴﺎﻝ ﻏﻴﺮﺗﻠﻬﻢ ﻭﺭﺿﻌﺘﻬﻢ ﻭﻧﺰﻟﺖ ﻟﻮﻃﻪ
ﺍﻧﺎ .. ﺍﻟﺴﻼﻡ ﻋﻠﻴﻜﻢ
ﺳﻠﻴﻤﻪ .. ﻭﻋﻠﻴﻜﻢ ﺍﻟﺴﻼﻡ
ﺟﻴﺖ ﺳﻠﻤﺖ ﻋﻠﻴﻬﺎ ﻭﺳﻠﻤﺖ ﻉ ﺩﻧﻴﺎ ﻭﻗﻤﻌﺰﺕ
ﺳﻠﻴﻤﻪ .. ﺑﻨﺖ ﺍﺧﺘﻚ ﻭﻳﻦ
ﺍﻧﺎ .. ﺟﺎﺀ ﻋﺰﻭ ﺧﺬﺍﻫﺎ
ﺳﻠﻴﻤﻪ .. ﺍﻫﺎ ﺑﺎﻫﻲ ﻳﺎﺣﻨﻪ ﺧﻴﺮ
ﺳﻜﺘﺖ
ﺩﻧﻴﺎ .. ﻛﻴﻒ ﺣﺎﻟﻚ
ﺍﻧﺎ .. ﺑﺨﻴﺮ ﺍﻧﺘﻲ ﻛﻴﻒ ﺣﺎﻟﻚ
ﺩﻧﻴﺎ .. ﺍﻟﺤﻤﺪ ﺍﻟﻠﻪ ﺗﻤﺎﻡ
ﺳﻠﻴﻤﻪ .. ﺍﺧﺘﻚ ﺭﻳﻬﺎﻡ ﺣﺮﺟﺎﻧﻪ ﻣﺎﻩ
ﺍﻧﺎ ﺑﺤﺘﺖ ﻑ ﺩﻧﻴﺎ ﻭﺳﻜﺘﺖ
ﺩﻧﻴﺎ .. ﺧﻼﻑ ﺑﺴﻴﻂ ﺑﻴﻨﻬﻢ ﺗﻮﺍ ﻳﻨﺤﻞ
ﺳﻠﻴﻤﻪ .. ﻋﻠﻲ ﻣﻮﺿﻮﻉ ﺍﺧﺘﻚ ﻗﻴﺴﻪ
ﺩﻧﻴﺎ .. ﻫﻴﻴﻲ ﻭﻋﻠﻴﺶ ﺍﻥ ﺷﺎﺀ ﺍﻟﻠﻪ ﻻ ﻳﺎﺍﻋﻤﻴﻤﻪ ﻣﻮﺿﻮﻉ ﺑﻴﻨﻬﻢ ﻣﺎﻓﻴﺶ ﺣﺪ ﻳﻌﺮﻑ
ﺳﻠﻴﻤﻪ .. ﺍﻣﻤﻢ ﺑﺎﻫﻲ ﺍﻥ ﺷﺎﺀ ﺍﻟﻠﻪ ﻫﻜﻲ ﻣﺮﻳﻢ ﻛﻨﻬﺎ ﻣﺎ ﻧﺰﻟﺖ ﻣﺎﺗﺤﺴﺎﺏ ﺭﻭﺣﻬﺎ ﺣﻤﻠﺖ ﺍﻻ ﻫﻴﺎ
ﻉ ﺧﺸﺖ ﻣﺮﻳﻢ .. ﺧﻴﺮﺍﺕ
ﺳﻠﻴﻤﻪ .. ﺑﺪﺭﻱ
ﻣﺮﻳﻢ ﺭﻓﻌﺖ ﺣﺎﺟﺒﻬﺎ .. ﻣﻦ ﻋﻤﺮﻙ ﺍﻋﻤﻴﻤﻪ
ﺣﻄﺖ ﺗﺒﺴﻲ ﻉ ﻃﺎﻭﻟﻪ ﻭﺟﺖ ﻗﻤﻌﺰﺕ
ﻣﺮﻳﻢ .. ﺗﺎﻋﺒﻪ ﻓﺘﺮﻩ ﻫﺬﻱ ﺑﻜﻞ ﻣﻜﻤﻠﺘﻬﺎ ﻉ ﻧﻮﻡ
ﺳﻠﻴﻤﻪ .. ﻛﻨﻚ
ﻣﺮﻳﻢ .. ﻣﺶ ﻋﺎﺭﻓﻪ ﻭﺍﻟﻠﻪ
ﺍﻧﺎ .. ﺗﻌﺐ ﺑﺲ
ﺳﻠﻴﻤﻪ .. ﺷﻦ ﻳﺒﻲ ﻳﺘﻌﺒﻬﺎ ﻭﻫﻴﺎ ﺣﺘﻰ ﻧﺰﻭﻝ ﻣﺎ ﺗﻨﺰﻝ
ﻣﺮﻳﻢ ﺳﻜﺘﺖ
ﺩﻧﻴﺎ .. ﺍﺣﻢ ﻭﻳﻦ ﺗﺴﻨﻴﻢ
ﺳﻠﻴﻤﻪ .. ﺭﺍﻗﺪﻩ ﻻ ﻭﺭﺍﻫﺎ ﺭﺍﺟﻞ ﻻ ﻋﻴﻞ
ﻧﺤﻦ ﺳﻜﺘﻨﺎ
ﺳﻠﻴﻤﻪ .. ﻳﺎﺣﻨﻪ ﺍﻟﻲ ﺑﺘﺮﻗﺪ ﺗﺮﻗﺪ ﻑ ﺣﻮﺵ ﻫﻠﻬﺎ ﻛﻠﻪ ﺭﺍﺟﻞ ﻳﺒﻲ ﻭﺣﺪﻩ ﺗﺨﺪﻣﻪ
ﻣﺮﻳﻢ .. ﻫﻮ ﻭﺍﺧﺬ ﺑﻨﺖ ﻧﺎﺱ ﻭﻻ ﺧﺪﺍﻣﻪ ﻣﻌﻠﻴﺶ ﻳﻌﻨﻲ
ﺳﻠﻴﻤﻪ .. ﻫﺎ ﺃﻣﻼ ﻣﻦ ﺑﻴﺨﺪﻣﻪ ﻛﻠﻪ ﺻﺒﺎﻳﺎ ﺗﻮﺍ ﻃﻴﺎﺡ ﻧﻮﻡ ﻭﺧﻼﺹ ﻭﺭﺟﺎﻟﻪ ﻣﺎﻛﻴﻒ ﺯﻣﺎﻥ ﺩﻟﻊ ﻭﺣﻦ ﻭﺧﻼﺹ
ﻣﺮﻳﻢ .. ﻛﺎﻥ ﻣﺎﺩﻟﻌﻚ ﺭﺍﺟﻠﻚ ﻣﻦ ﻳﺒﻲ ﻳﺪﻟﻌﻚ
ﺳﻠﻴﻤﻪ .. ﺍﻩ ﻭﺧﻼﺹ ﻣﺎﻓﻲ ﻭﺍﺣﺪ ﻣﻦ ﺍﻋﻴﺎﻟﻲ ﺟﺎﺀ ﻛﻴﻒ ﻣﺎﻧﺒﻲ ﻛﻠﻬﻢ ﻳﺴﻤﻌﻮ ﻑ ﻛﻼﻡ
ﻣﺮﻳﻢ ﻋﻠﺖ ﺻﻮﺗﻬﺎ ﺷﻮﻳﺎ .. ﻛﻨﻚ ﻳﺎﺍﻋﻤﻴﻤﻪ ﺷﻦ ﻗﺼﺪﺩﻙ
ﻉ ﺧﺸﺖ ﺭﺟﺎﻟﻪ ﻣﻨﻴﺮ ﻭﺍﻣﺠﺪ ﻭﺍﻳﻬﻢ
ﻣﻨﻴﺮ .. ﻛﻨﻚ ﻳﺎ ﻣﺮﻳﻢ
ﺳﻠﻴﻤﻪ .. ﻣﺮﺍﺗﻚ ﺗﺠﻠﻂ ﻗﺎﻋﺪﻩ ﺍﻧﺎ ﻭﻳﺎﻫﺎ ﻛﻠﻤﻪ ﺑﻜﻠﻤﻪ ﻣﺎﺧﻠﺖ ﻣﺎ ﻗﺎﻟﺖ
ﻣﻨﻴﺮ ﻓﻨﺺ ﻓﻴﻬﺎ ﻭﻗﺮﻥ ﺣﻮﺍﺟﺒﻪ
ﻣﺮﻳﻢ .. ﺍﻧﺎ ﻳﺎﺍﻋﻤﻴﻤﻪ ﺩﺭﺕ ﻫﻜﻲ ﺍﺳﺎﻝ ﻣﻴﺲ ﻭﺩﻧﻴﺎ
ﺍﻧﺎ .. ﻣﺮﻳﻢ ﻣﺎ ﻗﺎﻟﺖ ﺷﻲ ﻧﻘﺎﺵ ﻋﺎﺩﻱ ﻭﻛﻞ ﺣﺪ ﻭﺭﺍﻳﻪ ﻑ ﻧﻬﺎﻳﻪ
ﺳﻠﻴﻤﻪ ﺑﺼﻮﺕ ﻋﺎﻟﻲ .. ﺍﻧﺘﻲ ﺍﺳﻜﺘﻲ ﺍﻟﻲ ﺟﻴﺒﺘﻴﻠﻨﺎ ﺑﻨﺖ ﻣﺶ ﻋﺎﺭﻓﻴﻦ ﺍﻣﻬﺎ ﻣﻦ ﺑﻮﻫﺎ ﺭﺍﻩ ﺗﻄﻠﻊ ﻑ ﻧﻬﺎﻳﻪ ﻳﺎﺍﻳﻬﻢ ﺣﺘﻰ ﻫﺎﻟﺒﻨﺖ ﻣﺎﻫﻲ ﺑﻨﺘﻚ
ﺍﻧﺎ ﻛﺎﻧﻪ ﺣﺪ ﻛﺐ ﻋﻠﻴﺎ ﻣﻴﻪ ﺳﺎﺧﻨﻪ ﻋﻴﻮﻧﻲ ﻗﻌﺪﻥ ﺩﻣﻮﻉ ﻭﻣﻌﺶ ﻗﺪﺭﺕ ﻧﺘﺤﺮﻙ ﻣﻦ ﺻﺪﻣﻪ
ﺍﻳﻬﻢ ﺑﻌﺼﺒﻴﻪ .. ﺍﻣﻲ ﺍﻭﻭﻭﺯﻧﻲ ﻛﻼﺍﺍﻣﻚ ﺷﻨﻮ ﺗﻘﻮﻟﻲ ﺍﻧﺘﻲ ﻗﺎﻋﺪﻩ ﺗﻐﻠﻄﻲ ﻓﻴﺎ ﺭﺍﻩ ﺷﻨﻮ ﻛﻼﻡ ﻫﺬﺍ ﺍﻧﺎ ﻋﺎﺭﻑ ﻣﺮﺍﺗﻲ ﻛﻮﻳﺲ
ﺳﻠﻴﻤﻪ .. ﻋﺪﻱ ﻭﺍﻧﺖ ﺩﻟﺪﻝ ﻑ ﺭﺍﺳﻚ ﻭﺭﺍﻫﺎ ﻫﺬﺍ ﻛﻼﻡ ﺍﻟﺤﻖ ﻛﻼﺍﺍﻡ ﺍﻟﺤﻖ ﺍﻟﻮﺟﺎﻉ
ﺍﻧﺎ ﻗﻌﺪﺕ ﻧﺒﻜﻲ ﻭﻛﺮﻳﺖ ﻭﺳﻦ ﻭﺟﻮﺩ ﻭﻃﻠﻌﺖ ﻭﺍﻳﻬﻢ ﻭﺭﺍﻳﺎ
ﺍﻳﻬﻢ .. ﻣﻴﺲ ﻣﻴﺲ ﺗﻌﺎﻟﻲ ﺑﺲ
ﺍﻧﺎ ﻋﻴﻄﺖ .. ﺗﻮﻭﻭﻭﺍ ﺗﺸﻴﻴﻠﻨﻲ ﻟﻬﻠﻲ ﺗﻮﺍﺍﺍ ﻳﺎﺍﻳﻬﻢ
ﺍﻳﻬﻢ .. ﺍﺳﻜﺘﻲ ﺑﺲ ﻏﻴﺮ ﺍﻫﺪﻱ ﺷﻨﻮ ﻧﺸﻴﻠﻚ ﺍﻟﻬﻠﻚ
ﺍﻣﺠﺪ ﻃﻠﻊ .. ﻭﺣﺪﻱ ﺍﻟﻠﻪ ﻳﺎﻣﻴﺲ ﺍﻣﺴﺤﻴﻬﺎ ﻑ ﻭﺟﻲ ﻏﻴﺮ ﺍﻫﺪﻱ ﺑﺲ ﻛﻨﻚ
ﺍﻧﺎ ﻧﻔﻚ ﻑ ﺍﻳﺪﻱ ﻣﻦ ﺍﻳﺪ ﺍﻳﻬﻢ .. ﻗﺘﻠﻚ ﺷﻴﻠﻠﻨﻲ ﺍﻧﺎ ﺗﻐﻠﻂ ﻑ ﺷﺮﻓﻲ ﻳﺎﺍﻳﻬﻢ ﻫﺬﻱ ﻧﻬﺎﻳﺘﻬﺎ
ﺍﻳﻬﻢ ﻳﻀﻐﻂ ﻉ ﺍﻳﺪﻱ .. ﻣﺎﻓﻴﺶ ﺣﺪ ﻳﻐﻠﻂ ﻓﻴﻚ ﻭﺍﻧﺎ ﻋﺎﻳﺶ
ﻣﻨﻴﺮ ﻭﻣﺮﻳﻢ ﻃﻠﻌﻮ ﻭﻛﺎﻧﺖ ﻣﺮﻳﻢ ﺗﺒﻜﻲ
ﺍﻣﺠﺪ .. ﻳﺎﺟﻤﺎﻋﻪ ﻭﺳﻌﻮ ﺑﺎﻟﻜﻢ ﻏﻴﺮ ﻛﻨﻜﻦ
ﺩﻧﻴﺎ ﺟﺖ ﺗﺠﺮﻱ ﺟﺎﻳﺒﻪ ﻛﺒﺎﻳﻪ ﻣﻴﻪ .. ﺍﺷﺮﺑﻲ ﺑﺲ ﻭﺍﻫﺪﻱ
ﺍﻧﺎ ﻋﻠﻴﺖ ﺻﻮﺗﻲ .. ﻣﺸﺸﺸﺶ ﺷﺎﺍﺭﺑﻪ ﻗﺘﻠﻠﻚ ﺷﻴﻠﻨﻲ ﺍﻟﻬﻠﻲ ﺍﻧﺎ ﻫﻨﺎ ﻣﻌﺶ ﻧﻘﻌﺪﺩﺩ ﻣﻌﺸﺶ ﻧﻘﻌﺪ ﺧﻼﺹ ﻳﺎﺍﻳﻬﻢ ﺍﻧﻬﻴﻬﺎ ﻭﻃﻠﻘﻨﻲ " ﺍﻧﺎ ﻗﻠﺖ ﻛﻼﻣﻲ ﻭﻋﺒﺮﻩ ﺧﻨﻘﺘﻨﻲ ﻣﺤﻮﺗﻚ ﺑﻴﺶ ﺩﻭﻳﺖ "
ﺍﻳﻬﻢ ﻓﻨﺺ ﻋﻴﻮﻧﻪ .. ﺷﻦ ﺗﻘﻮﻟﻲ ﺍﻧﺘﻲ ﻃﻼﻕ ﻛﻨﻚ ﻳﺎﻣﻴﺲ ﻛﻨﻚ
ﻣﻨﻴﺮ .. ﻻ ﻋﺎﺩ ﺍﻫﺪﻱ ﻣﺶ ﻟﺪﺭﺟﻪ ﺍﻳﻬﻢ ﻣﺶ ﺷﻮﺭﻩ ﺍﻋﻴﺎﻟﻜﻢ ﻑ ﻧﺺ
ﺍﻳﻬﻢ ﻋﻴﻂ .. ﺧﻼﺹ ﻣﺤﺪ ﻳﺪﺧﻞ
ﻭﻛﺮ ﺍﻳﺪﻱ ﺑﻘﻮﻩ ﻭﺭﻛﺐ ﻉ ﺩﺭﻭﺝ ﻭﺍﻧﺎ ﻧﺤﺎﻭﻝ ﻧﻔﻚ ﻓﻴﻬﺎ
ﺍﻧﺎ ﻧﺒﻜﻲ .. ﺍﻳﻬﻢ ﺍﻃﻠﻘﻨﻲ ﺧﻼﺹ ﺍﻃﻠﻘﻨﻲ
ﺍﻳﻬﻢ ﻓﺘﺢ ﺷﻘﻪ ﺑﻘﻮﻩ ﻭﺧﺶ ﺻﻜﺮ ﺑﺎﺏ ﺑﻘﻮﻩ ﻟﻴﻦ ﻧﻄﻴﺖ
ﺍﻳﻬﻢ ﺑﺼﻮﺕ ﻋﺎﻟﻲ .. ﻃﻼﺍﺍﺍﻕ ﻃﻼﺍﻕ ﻳﺎﺍﻣﻴﺲ ﺗﻄﻠﺒﻲ ﻣﻨﻲ ﻃﻼﻕ ﻗﺪﺍﻣﻬﻢ ﻛﻨﻚ ﺍﻧﺘﻲ ﻛﻨﻚ ﻋﻠﻲ ﻛﻼﻡ ﺍﻣﻲ ﺩﺍﻳﺮﻩ ﻫﻜﻲ ﺩﻭﺭﻱ ﻓﻴﻬﺎ ﺍﻧﺘﻲ ﻣﺶ ﻣﻬﻢ ﺍﻧﺎ ﻣﺶ ﺍﻧﺎ ﻋﺎﺭﻓﻚ ﻭﻻ ﻻ ﺍﺣﻜﻲ ﺭﺩﻱ ﺍﻟﻤﺮﻩ ﻛﻢ ﻫﺬﻱ ﺗﻄﻠﺒﻲ ﻑ ﻃﻼﻕ ﻣﻨﻲ .. ﻋﻠﻰ ﺻﻮﺗﻪ ﺍﻛﺜﺮ .. ﺍﻟﻤﺮﻩ ﺍﻟﻜﻢ ﻫﺬﺫﻳﻲ ﺗﻄﻠﺒﻲ ﻓﻴﻴﻴﻪ ﻟﻬﺪﺭﺟﻪ ﻳﻬﻮﻥ ﻋﻠﻴﻚ ﺣﺒﻨﺎ ﻭﻳﻬﻮﻧﻦ ﺍﻳﺎﻣﻨﺎ ﺭﺩﻱ
ﺍﻧﺎ ﻧﺒﻜﻲ
ﺍﻳﻬﻢ ﺣﺮﻛﻨﻲ ﺑﻘﻮﻩ .. ﺗﻲ ﺭﺭﺭﺩﻱ ﻋﻠﻴﺎ ﺭﺩﻱ
ﺍﻧﺎ ﻧﻬﺮﺕ ﻭﻗﻤﻌﺰﺕ ﻉ ﻭﻃﻰ .. ﺗﻌﺒﺖ ﺍﻧﺎ ﺧﻼﺹ ﺗﻲ ﺷﻦ ﺫﻧﺒﻲ ﺍﻧﺎ ﺑﺲ ﻗﻮﻟﻲ ﻳﺎﺍﻳﻬﻢ ﻛﻼﻣﻚ ﺍﻧﺖ ﻛﻼﻡ ﺍﻣﻚ ﻛﻼﻡ ﺍﻟﻨﺎﺱ ﻭﻫﻠﻚ ﻛﻠﻬﻢ ﺍﻧﺎ ﻣﻦ ﺑﻨﺘﺤﻤﻞ ﻭﻻ ﻧﺘﺤﻤﻞ
ﺍﻳﻬﻢ ﻃﺒﺲ ﺭﻛﺒﻪ ﻭﻧﺺ ﻭﻣﺴﻚ ﻭﺟﻲ ﻭﺑﺼﻮﺕ ﻫﺎﺩﻱ .. ﻗﺘﻠﻚ ﺍﻧﺎ ﻣﺎﻧﻘﺼﺪﺵ ﺣﺎﺟﻪ ﻟﻴﺶ ﺗﻜﺒﺮﻱ ﻑ ﻣﻮﺿﻮﻉ
ﺍﻧﺎ ﻧﺒﻜﻲ ﻭﻣﻨﺰﻟﻪ ﺭﺍﺳﻲ .. ﻗﺘﻠﻚ ﺑﻨﻌﺪﻱ ﺍﻟﻬﻠﻲ ﺍﻧﺎ
ﺍﻳﻬﻢ ﻓﻨﺺ .. ﻗﺘﻠﻚ ﻣﺸﻲ ﻻ
ﺍﻧﺎ .. ﺗﻲ ﺑﺎﻫﻲ ﻧﻌﺪﻱ ﻭﻑ ﻟﻴﻞ ﺭﻭﺡ ﺑﻴﺎ ﺑﺲ ﻣﺎﺗﺨﻠﻴﻨﻴﺶ ﻧﺮﻥ ﻉ ﺧﻮﺗﻲ
ﺍﻳﻬﻢ ﻣﺴﻚ ﺍﻳﺪﻱ ﻭﺻﺒﺎﻧﻲ ﻳﻤﺸﻲ ﺑﻴﺎ ﻟﺪﺍﺭ ﺧﺸﺸﻨﻲ ﻭﻓﻚ ﺍﻟﻤﻔﺘﺎﺡ ﺍﻟﻲ ﻣﻦ ﺟﻮﺍ
ﺍﻧﺎ .. ﺍﻧﻨﻨﺖ ﺷﻦ ﺍﺩﻳﺮ
ﺍﻳﻬﻢ ﺑﺼﻮﺕ ﻋﺎﻟﻲ .. ﻋﻠﻴﺎﺍﺍﺍ ﻃﻼﺍﻕ ﻳﺎﺍﻣﻴﺲ ﺍﻟﻴﻮﻡ ﻣﺎﻧﻚ ﻃﺎﻟﻌﻴﺘﻬﺎ
ﺻﻜﺮ ﺍﻟﺒﺎﺏ ﻭﺍﻧﺎ ﻗﻌﺪﺕ ﺑﻨﺤﺎﻭﻝ ﻧﺤﻠﻪ ﺻﻜﺮ ﻋﻠﻴﺎ ﻣﻦ ﺑﺮﺍ ﻗﻤﻌﺰﺕ ﻉ ﻭﻃﻰ ﻭﻧﺒﻜﻲ ﻭﺣﺎﺳﻪ ﺍﻧﻪ ﺭﺑﻲ ﻳﺨﺘﺒﺮ ﻓﻴﺎ ﻑ ﺍﻳﻬﻢ ﻭﻳﺨﺘﺒﺮ ﻑ ﺣﺒﻨﺎ ﻗﻌﺪﺕ ﻧﺒﻜﻲ ﻭﺳﻤﻌﺖ ﺻﻮﺕ ﺍﻟﻌﻴﺎﻝ ﺑﺮﺍ ﻣﻊ ﺍﻳﻬﻢ ﻗﻌﺪﺕ ﻑ ﻣﻜﺎﻧﻲ ﻛﻞ ﻣﺮﻩ ﺗﺨﻄﺮ ﻋﻠﻴﺎ ﺣﺎﺟﻪ ﻣﻦ ﺍﻟﻲ ﻋﺸﻨﺎﻫﺎ "
" ﻣﺮﻳﻢ ﻣﻘﻤﻌﺰﻩ ﻉ ﺻﺎﻟﻮﻥ ﻭﺗﺒﻜﻲ ﻭﻣﻨﻴﺮ ﻑ ﺩﺍﺭ ﻳﺴﻤﻊ ﻓﻴﻬﺎ
ﻣﻨﻴﺮ .. ﺍﺳﺘﻐﻔﺮﺍﻟﻞﻩ ﻭﺧﻼﺹ
ﻃﻠﻊ ﺑﺤﺖ ﻓﻴﻬﺎ
ﻣﻨﻴﺮ .. ﻋﻠﻴﺶ ﺍﻟﺒﻜﺎﺀ ﺗﻮﺍ
ﻣﺮﻳﻢ ﺗﺒﻜﻲ ﻭﺳﺎﻛﺘﻪ
ﻣﻨﻴﺮ .. ﺧﻼﺹ ﺍﺳﻜﺘﻲ ﺑﺲ ﺍﻧﺘﻲ ﺣﺎﻣﻞ
ﻣﺮﻳﻢ .. ﻣﺎﺣﻤﻠﺖ ﺍﻻ ﺍﻧﺎ ﻉ ﻗﻮﻝ ﺍﻣﻚ
ﻣﻨﻴﺮ ﺗﻨﻬﺪ ﻭﺟﺎﺀ ﻗﻤﻌﺰ ﺗﻼﻫﺎ ﻣﺴﻚ ﺍﻳﺪﻫﺎ
ﻣﺮﻳﻢ ﺗﺸﻬﻖ .. ﻛﻼﻣﻬﺎ ﻛﺎﻥ ﺳﺎﻣﻂ ﺑﻜﻞ ﻭﺟﻌﻨﻲ ﻳﺎﻣﻨﻴﺮ
ﻣﻨﻴﺮ .. ﺑﺎﻩ ﺧﻼﺹ ﺍﻟﻠﻪ ﻳﺮﺑﺤﻚ ﺍﺳﻜﺘﻲ ﻋﻠﻴﺶ ﺗﺒﻜﻲ ﺑﺲ
ﻣﺮﻳﻢ .. ﻃﻠﻌﻨﻲ ﺑﻨﻄﻠﻊ ﺗﻮﺍ
ﻣﻨﻴﺮ .. ﺑﺎﻩ ﺻﺒﻲ ﻫﻴﺎ ﻧﻄﻠﻌﻮ
ﻣﺮﻳﻢ ﺻﺒﺖ
ﻣﻨﻴﺮ ﻣﺴﻚ ﺍﻳﺪﻫﺎ .. ﺍﻣﺴﺤﻲ ﺩﻣﻮﻋﻚ ﻗﺒﻞ ﻭﺍﻫﺪﻱ ﺗﻢ
ﻣﺮﻳﻢ ﺧﺬﺕ ﻧﻔﺲ .. ﺣﺎﺿﺮ ﺍﻭﻛﻲ
ﺧﺸﺖ ﻟﺤﻤﺎﻡ ﻏﺴﻠﺖ ﻭﺟﻬﺎ ﻭﻃﻠﻌﺖ ﻟﺒﺴﺖ ﻋﺒﺎﻳﻪ ﻭﻃﻠﻌﺖ ﻟﺼﺎﻟﻪ
ﻣﻨﻴﺮ ﺻﺒﻰ .. ﻫﺎ ﺷﻨﻮ ﺗﻤﺎﻡ
ﻣﺮﻳﻢ ﺍﺑﺘﺴﻤﺖ ﺑﺸﻮﻳﺎ .. ﻧﻮﻋﺎً ﻣﺎ
ﻣﻨﻴﺮ ﺑﺎﺱ ﺭﺍﺳﻬﺎ .. ﻣﺎﺗﺰﻋﻠﻴﺶ ﺭﻭﺣﻚ ﻭﻻ ﺗﺰﻋﻠﻲ ﺍﻟﺒﻴﺒﻲ
ﻣﺮﻳﻢ ﻫﺰﺕ ﺭﺍﺳﻬﺎ
ﻣﻨﻴﺮ .. ﺧﻼﺹ ﺟﻮﻧﺎ ﺗﻤﺎﻡ
ﻣﺮﻳﻢ .. ﺑﻌﺪ ﻧﻄﻠﻊ ﻧﻘﻌﺪ ﺍﺣﺴﻦ ﺗﻤﺎﻡ
ﻣﻨﻴﺮ ﻣﺴﻚ ﺍﻳﺪﻫﺎ .. ﺑﺎﻩ ﻫﻴﺎ
ﻧﺰﻝ ﻫﻮ ﻭﻫﻴﺎ ﻭﻃﻠﻌﻮ ﺑﺮﺍ ﻳﺒﺮﻣﻮ ﻭﻣﻨﻴﺮ ﻳﺤﺎﻭﻝ ﻳﻐﻴﺮ ﺟﻮﻫﺎ "
" ﻛﻤﻞ ﺍﻟﻴﻮﻡ ﻭﺍﻧﺎ ﻣﺤﺒﻮﺳﻪ ﻑ ﺩﺍﺭ ﻑ ﻟﻴﻞ ﻓﺘﺢ ﺍﻟﺒﺎﺏ ﻣﺎﺭﻓﻌﺘﺶ ﻋﻴﻮﻧﻲ ﻓﻴﻪ ﺟﺘﻨﻲ ﻭﺳﻦ ﺗﺠﺮﻱ ﺍﺿﺒﻄﺘﻨﻲ ﻭﺗﺒﻜﻲ
ﺍﻧﺎ .. ﻛﻨﻚ ﻳﺎﻣﺎﻣﺎ ﻋﻠﻴﺶ ﺗﺒﻜﻲ
ﻭﺳﻦ .. ﻣﺒﻴﻚ ﺍﻧﺎ ﻣﺎﻣﻲ
ﺍﻧﺎ ﻧﺒﻮﺱ ﻑ ﺭﺍﺳﻬﺎ .. ﺣﺒﻴﺒﺘﻲ ﺍﻧﺎ ﺗﺒﻲ ﺗﺮﻗﺪﻱ ﻣﺎﻣﻲ
ﻭﺳﻦ ﻫﺰﺕ ﺭﺍﺳﻬﺎ ﻭﺍﻧﺎ ﺷﻤﺮﺗﻬﺎ ﻣﻌﺎﻳﺎ ﻭ ﺭﻗﺪﺕ ﻭﺍﻧﺎ ﺣﻀﻨﺘﻬﺎ ﻭﺍﻳﻬﻢ ﻣﺼﺒﻲ ﻉ ﺑﺎﺏ ﻳﺒﺤﺖ ﻓﻴﻨﺎ ﺭﻗﺪﺕ ﻉ ﺳﺮﻳﺮ ﻭﺍﻧﺎ ﻣﺎﺑﻴﺘﺶ ﻧﺼﺒﻲ ﺑﻴﺶ ﻣﺎﻳﺤﻜﻴﺶ ﻣﻌﺎﻳﺎ
ﺍﻳﻬﻢ ﺟﺎﺀ ﻗﻤﻌﺰ ﻉ ﺳﺮﻳﺮ .. ﻣﻴﺲ ﻧﻮﺿﻲ ﺑﻨﺤﻜﻲ ﻣﻌﺎﻙ ﺳﻴﺒﻲ ﻭﺳﻦ
ﺍﻧﺎ ﺳﺎﻛﺘﻪ
ﺍﻳﻬﻢ .. ﺑﺎﻩ ﺍﻧﺎ ﺷﻦ ﺩﺧﻠﻨﻲ ﺑﺲ
ﺍﻧﺎ ﺗﻨﻬﺪﺕ .. ﻣﺎﺩﺧﻠﻜﺶ ﻧﻔﺲ ﻣﺎﺍﻧﺎ ﻣﺪﺧﻠﻨﻴﺶ ﺑﺲ ﻧﺤﻦ ﻫﻚ ﺍﻟﺒﺸﺮ ﻧﺘﺤﺎﺳﺒﻮ ﻉ ﺍﺧﻄﺎﺀ ﻏﻴﺮﻧﺎ
ﺍﻳﻬﻢ ﺳﻜﺖ ﻭﻗﺮﺏ ﻣﻨﻲ ﺣﻂ ﺍﻳﺪﻩ ﻉ ﺷﻌﺮﻱ ﻭﺍﻧﺎ ﺗﻨﻬﺪﺕ
ﺍﻳﻬﻢ .. ﺑﺎﻩ ﻭﻳﻌﻨﻲ
ﺍﻧﺎ .. ﺑﻜﺮﺍ ﺑﻨﻤﺸﻲ ﻟﻬﻠﻲ ﺑﻨﺸﻮﻑ ﺭﻳﻬﺎﻡ ﻣﺰﺍﻟﺖ ﺣﺮﺟﺎﻧﻪ
ﺍﻳﻬﻢ .. ﻧﺮﻭﺡ ﺑﻴﻚ ﻑ ﻟﻴﻞ
ﺍﻧﺎ .. ﺑﺎﻩ ﺗﻤﺎﻡ
ﺍﻳﻬﻢ .. ﻫﺎﺗﻲ ﻧﺸﻴﻞ ﻭﺳﻦ
ﺧﺬﺍﻫﺎ ﺷﺎﻟﻬﺎ ﻟﺪﺍﺭ ﻭﺍﻧﺎ ﺻﺒﻴﺖ ﻟﺒﺴﺖ ﺑﺠﺎﻣﺘﻲ ﻭﺭﺩﻳﺖ ﻟﺴﺮﻳﺮ ﺟﺎﺀ ﺍﻳﻬﻢ ﻧﺴﻤﻊ ﻓﻴﻪ ﻳﻐﻴﺮ ﻻﻧﻪ ﻋﺎﻃﻴﺘﻪ ﺑﺎﻟﻀﻬﺮ ﺑﻌﺪﻫﺎ ﺟﺎﺀ ﻣﻦ ﺟﻴﻬﺘﻪ ﻭﺭﻗﺪ ﻣﻘﺎﺑﻠﻨﻲ ﻳﺒﺤﺖ ﻓﻴﺎ ﻭﺍﻧﺎ ﻛﻨﺖ ﺳﺎﺭﺣﻪ ﺑﺲ ﻋﻴﻮﻧﻲ ﺩﻣﻮﻉ
ﺍﻳﻬﻢ ﻛﺮﻧﻲ ﺑﻘﻮﻩ ﻉ ﺻﺪﺭﻩ ﻭﻗﻌﺪﺕ ﺣﺎﻃﻪ ﺍﻳﺪﻳﺎ ﻉ ﻭﺟﻲ ﻭﻧﺒﻜﻲ ﻭﻫﻮ ﻳﻤﺸﻲ ﻑ ﺍﻳﺪﻩ ﻉ ﺷﻌﺮﻱ
ﺍﻳﻬﻢ ﺑﺼﻮﺕ ﻫﺎﺩﻱ .. ﺑﺎﻩ ﺍﺳﻜﺘﻲ ﺧﻼﺹ
ﺍﻧﺎ ﺑﺼﻮﺕ ﻣﺘﻘﻄﻊ .. ﺷﺎﻙ ﻑ ﺷﺮﻓﻲ ﻳﺎﺍﻳﻬﻢ ﺍﺣﻜﻲ
ﺍﻳﻬﻢ ﺑﺼﻮﺕ ﺩﺍﻓﻲ ﺑﻜﻞ .. ﺷﻨﻮ ﺗﻘﻮﻟﻲ ﺍﻧﺘﻲ ﻛﻨﻚ ﺍﻧﺘﻲ ﻣﺘﺮﺑﻴﻪ ﻉ ﺍﻳﺪﻳﺎ ﻋﺎﺭﻓﻚ ﺃﻛﺜﺮ ﻣﺎﻧﻌﺮﻑ ﺭﻭﺣﻲ
ﻗﻌﺪﺕ ﻧﺒﻜﻲ ﻭﺳﺎﻛﺘﻪ
ﺍﻳﻬﻢ .. ﻧﻮﺿﻲ ﻛﻮﻟﻲ ﺣﺎﺟﻪ
ﺍﻧﺎ ﻫﺰﻳﺖ ﺭﺍﺳﻲ .. ﻣﺎﻋﻨﺪﻳﺶ ﻧﻴﻪ
ﺍﻳﻬﻢ .. ﺑﺎﻩ ﺍﺳﻜﺘﻲ
ﻗﻌﺪﺕ ﻧﻬﺪﺍ ﻭﻧﻐﻤﺾ ﺑﺮﻭﺣﻲ ﻟﻴﻦ ﺭﻗﺪﺕ "
" ﺍﻟﻴﻮﻡ ﺛﺎﻧﻲ ﻉ ﻗﻴﺲ ﺍﻟﻐﺪﺍﺀ ..
ﻋﺰﻭ ﺧﺶ .. ﺭﻳﻬﺎﻡ
ﺭﻳﻬﺎﻡ .. ﻧﻌﻢ
ﻋﺰﻭ .. ﺍﻧﺲ ﻑ ﻣﺮﺑﻮﻋﻪ ﻳﺒﻴﻚ
ﺭﻳﻬﺎﻡ ﻧﻔﺨﺖ .. ﺑﺎﻩ
ﻋﺰﻭ .. ﺍﻧﺎ ﻑ ﺟﻨﺎﻥ ﺍﻭﻛﻲ
ﺭﻳﻬﺎﻡ ﺗﻨﻬﺪﺕ .. ﺗﻢ
ﻣﺎﻣﺎ .. ﺍﺑﺮﻣﻲ ﻉ ﺭﻭﺣﻚ
ﺭﻳﻬﺎﻡ ﺷﻤﺮﺕ ﺳﻨﺪ .. ﺍﻧﺎ ﻃﺎﻟﻌﻪ
ﻃﻠﻌﺖ ﺭﻳﻬﺎﻡ ﺧﺸﺖ ﻟﻤﺮﺑﻮﻋﻪ ﻭﺍﻧﺲ ﺻﺒﻰ ﻭﻗﺮﺏ ﻣﺪ ﺍﻳﺪﻩ ﺭﻳﻬﺎﻡ ﻣﺪﺗﻠﻪ ﺳﻨﺪ ﻭﻗﻤﻌﺰﺕ ﺍﻧﺲ ﺑﺄﻥ ﻉ ﻭﺟﻪ ﺍﻧﻪ ﺭﺍﻗﻴﻠﻪ ﺑﺲ ﺳﻜﺖ ﻭﻗﻤﻌﺰ
ﺍﻧﺲ .. ﺷﻨﺠﻮ
ﺭﻳﻬﺎﻡ .. ﻑ ﺍﺣﻠﻰ ﺟﻮ ﻗﺎﻋﺪﻩ
ﺍﻧﺲ ﺭﻓﻊ ﺣﺎﺟﺒﻪ .. ﺗﻤﺎﻡ ﺑﺎﻫﻲ ﺷﻨﻮ ﺳﻨﺪ ﻛﻮﻳﺲ
ﺭﻳﻬﺎﻡ .. ﺗﺸﻮﻑ ﻓﻴﻪ ﻛﻮﻳﺲ
ﺍﻧﺲ ﺻﺒﻰ ﻭﻗﻤﻌﺰ ﺗﻼﻫﺎ ﻭﺣﻂ ﺳﻨﺪ ﺗﻼﻩ ﻭﻣﺴﻚ ﻭﺟﻬﺎ ﺑﻴﺪ ﻭﺣﺪﻩ
ﺍﻧﺲ ﺑﺼﻮﺕ ﻭﺍﻃﻲ .. ﺧﺪﻙ ﻫﺬﺍ
ﺭﻳﻬﺎﻡ ﺳﻜﺘﺖ ﻭﻗﻌﺪﺕ ﺗﺒﺤﺖ ﻓﻴﻪ
ﺍﻧﺲ ﺑﺎﺱ ﺧﺪﻫﺎ .. ﺍﺳﻒ
ﺭﻳﻬﺎﻡ ﻓﻜﺖ ﺍﻳﺪﻩ .. ﺍﻧﺲ
ﺍﻧﺲ .. ﻭﺍﻟﻠﻪ ﺍﺳﻒ ﻭﺣﻨﺤﻂ ﻓﻴﻬﺎ ﺣﻖ ﻏﻴﺮ ﺭﻭﺣﻲ ﻣﻌﺎﻳﺎ ﺍﻟﻴﻮﻡ ﺗﺎﻟﺖ ﻳﻮﻡ ﺧﻼﺹ ﻋﺎﺩ
ﺭﻳﻬﺎﻡ ﺑﺤﺘﺖ ﻑ ﻋﻴﻮﻧﻪ .. ﺻﻌﺐ ﻳﺎﺍﻧﺲ ﺍﻧﺖ ﺩﺭﺕ ﺣﺎﺟﺎﺕ ﻛﺴﺮﻧﻲ ﺧﺎﻃﻲ ﺍﻧﻚ ﺿﺮﺑﺘﻨﻲ ﻛﻼﻣﻚ ﻛﻴﻒ ﺳﻢ ﻭﺍﻋﺮ ﻭﺍﻋﺮ ﻛﻼﻣﻚ ﻳﺎﺍﻧﺲ
ﺍﻧﺲ .. ﺑﺎﻩ ﻋﺎﺭﻑ ﻭﺍﻟﻠﻪ ﺍﺳﻒ ﻣﺸﻌﺎﺭﻑ ﻛﻴﻒ ﻗﻠﺘﻪ ﺍﺻﻼ ﺑﺲ ﺍﻧﺎ ﻋﺎﺭﻑ ﺍﻧﻚ ﺗﺤﺒﻴﻨﻲ ﻭﺍﻟﻠﻪ
ﺭﻳﻬﺎﻡ ﺗﻨﻬﺪﺕ .. ﺧﻠﻴﻨﻲ ﻳﺎﺍﻧﺲ
ﺍﻧﺲ ﻣﺴﻚ ﺍﻳﺪﻫﺎ ﺯﻳﻦ .. ﻟﻌﻨﺪ ﺍﻣﺘﻰ ﺑﺎﻩ
ﺭﻳﻬﺎﻡ ﺻﺒﺖ ﻭﻓﻜﺖ ﺍﻳﺪﻫﺎ .. ﻣﺶ ﻋﺎﺭﻓﻪ
ﺍﻧﺲ ﺷﻤﺮ ﺳﻨﺪ ﻭﺑﺎﺳﻪ ﻭﺻﺒﻰ ﻣﺪﻩ ﻟﻬﺎ ﻭﻃﻠﻊ ﻓﻠﻮﺱ .. ﺧﻠﻴﻬﻦ ﻣﻌﺎﻙ
ﺭﻳﻬﺎﻡ .. ﻣﺶ ﻣﺤﺘﺎﺟﻪ ﺍﻧﺎ
ﺍﻧﺲ ﻓﻨﺺ ﻓﻴﻬﺎ .. ﺍﻣﺴﻜﻲ
ﺭﻳﻬﺎﻡ ﺧﺬﺗﻬﻦ ﻣﻨﻪ ﻭﺳﻜﺘﺖ
ﺍﻧﺲ .. ﺭﺍﺟﻴﻨﻲ ﻑ ﺳﻘﻴﻔﻪ ﺟﺎﻳﺐ ﺣﺎﺟﺎﺕ
ﺭﻳﻬﺎﻡ ﻫﺰﺕ ﺭﺍﺳﻬﺎ ﻭﻃﻠﻌﺖ ﻭﺭﺍﻩ ﻭﻫﻮ ﺧﺸﺶ ﺍﻛﻴﺎﺱ
ﺍﻧﺲ .. ﺗﺒﻲ ﺣﺎﺟﻪ ﻛﻠﻤﻴﻨﻲ
ﺭﻳﻬﺎﻡ ﺑﺼﻮﺕ ﻭﺍﻃﻲ .. ﺍﻭﻛﻲ
ﺍﻧﺲ ﺍﺑﺘﺴﻢ ﻭﻃﻠﻊ ﻭﺭﻳﻬﺎﻡ ﺧﺸﺸﺖ ﺣﺎﺟﺎﺕ
ﻣﺎﻣﺎ .. ﺷﻦ ﺻﺎﺭ
ﺭﻳﻬﺎﻡ ﺗﻨﻬﺪﺕ ﻭﻗﻌﺪﺕ ﺗﺒﻜﻲ
ﻣﺎﻣﺎ .. ﻳﻨﻌﻠﻴﺎ ﻛﻨﻜﻢ ﺍﺣﻜﻲ ﻳﺎﻫﻮﻣﺎ ﺷﻦ ﺻﺎﻳﺮ
ﻋﺰﻭ ﺧﺶ .. ﺷﻦ ﻓﻲ ﻳﺎﺭﻳﻬﺎﻡ ﺍﺣﻜﻲ ﺳﺎﻛﺘﻪ ﻫﻜﻲ
ﺭﻳﻬﺎﻡ ﺗﺒﻜﻲ ﻭﺳﺎﻛﺘﻪ
ﻋﺰﻭ .. ﻣﺪ ﺍﻳﺪﻩ ﻋﻠﻴﻚ ﺭﺩﻱ ﻋﻠﻴﺎ
ﻣﺎﻣﺎ .. ﺍﺣﻜﻲ ﺿﺎﺭﺑﻚ ﻣﺎﺗﺨﺎﻓﻴﺶ
ﺭﻳﻬﺎﻡ ﻫﺰﺕ ﺭﺍﺳﻬﺎ ﻭﻗﻌﺪﺕ ﺗﺤﻜﻲ ﻓﻠﻲ ﺻﺎﺭ
ﻋﺰﻭ ﻗﺮﻥ ﺣﻮﺍﺟﺒﻪ .. ﻣﺎﺷﻲ ﺗﻤﺎﻡ ﺗﻮﺍ ﻧﻌﺮﻑ ﻛﻴﻒ ﻧﺼﺮﻑ ﺍﻧﺎ
ﺭﻳﻬﺎﻡ ﺭﺷﻔﺖ ﺧﺸﻤﻬﺎ ﻭﺧﺸﺖ ﻟﺪﺍﺭ ﺻﻜﺮﺗﻬﺎ ﻋﻠﻴﻬﺎ
ﻣﺎﻣﺎ .. ﻋﺰﻭﺯﻩ ﺳﻠﻢ ﻭﻟﻴﺪﻱ ﺭﺍﻙ ﺗﻌﺎﺭﻙ ﻣﻌﺎﻩ
ﻋﺰﻭ .. ﺗﻮﺍ ﻧﺤﻜﻲ ﻣﻌﺎﻩ ﺑﺲ
ﻣﺎﻣﺎ .. ﺑﺎﻩ ﺗﻤﺎﻡ ﺍﻭﻛﻲ
ﻋﺪﺕ ﻟﺪﺍﺭ ﻭﺧﺸﺖ ﻉ ﺭﻳﻬﺎﻡ
ﺭﻳﻬﺎﻡ .. ﻣﺎﻣﺎ ﺧﻼﺹ ﺣﻜﻴﺖ ﻛﻞ ﺣﺎﺟﻪ ﺧﻠﻴﻨﻲ
ﻣﺎﻣﺎ .. ﺍﻃﻠﻌﻲ ﺗﻐﺪﻱ
ﻳﻘﻴﻦ .. ﻧﺒﻲ ﺣﻴﺐ
ﻣﺎﻣﺎ ﻃﺒﺴﺖ ﺷﻤﺮﺗﻬﺎ .. ﺍﻃﻠﻌﻲ ﻫﻮﻣﺎ
ﺭﻳﻬﺎﻡ ﻏﻄﺖ ﻭﺟﻬﺎ .. ﻻﻻ ﻣﺎﻋﻨﺪﻳﺶ ﻧﻴﻪ "
" ﺭﺣﺎﺏ .. ﻟﻴﺶ ﻣﺤﺪ ﺣﻜﺎﻟﻲ ﻛﻨﻜﻢ ﻫﻜﻲ
ﺭﺷﺎ .. ﻭﺳﻌﻲ ﺑﺎﻟﻚ ﺍﻧﻚ ﻋﺮﻓﺘﻲ ﻣﺎﻧﺒﻮﺵ ﻧﻜﺪﻭ ﻋﻠﻴﻚ ﻭﺍﻧﺘﻲ ﻋﺮﻭﺳﻪ
ﺭﺣﺎﺏ .. ﺭﻳﻬﺎﻡ ﻋﻠﻴﺶ ﺣﺮﺟﺎﻧﻪ ﺑﺎﻩ
ﺭﺷﺎ .. ﻣﺎﻗﺎﻟﺘﺶ ﺭﺍﻩ ﻗﺎﻟﺖ ﻣﻮﺿﻮﻉ ﻣﺶ ﺷﻮﺭ ﻗﺼﻪ ﺍﻣﻞ
ﺭﺣﺎﺏ .. ﺍﻭﻭﻭﻑ ﺑﺎﻫﻲ ﺍﻭﻛﻲ ﺍﻧﺘﻲ ﺍﻟﻴﻮﻡ ﻣﺎﺷﻴﻪ ﻏﺎﺩﻱ
ﺭﺷﺎ .. ﺍﻫﺎ ﺷﻮﻳﺎ ﺃﺧﺮﻯ ﺗﻮﺍ ﻳﺮﻛﺐ ﻣﺤﻤﺪ ﺧﻠﻴﻨﻲ ﻧﻤﺸﻲ ﻧﻠﺒﺲ ﻭﺷﺎﺣﻲ
ﺭﺣﺎﺏ .. ﺑﺎﻩ ﻧﺤﻦ ﻣﺰﺍﻝ ﻳﻮﻣﻴﻦ ﻭﻧﺮﻭﺣﻮ
ﺭﺷﺎ .. ﺑﺎﻩ ﺗﻤﺎﻡ ﻫﻴﺎ ﺍﻭﻛﻲ
ﺭﺣﺎﺏ .. ﺑﺎﻱ
ﺻﻜﺮﺕ ﺭﺣﺎﺏ ﻭﺧﺶ ﺳﻔﻴﺎﻥ
ﺭﺣﺎﺏ .. ﺳﻔﻴﺎﻥ ﻋﻨﺪﻙ ﻋﻠﻢ
ﺳﻔﻴﺎﻥ .. ﺑﻘﺼﻪ ﺍﻟﺒﻨﺖ
ﺭﺣﺎﺏ .. ﻟﻴﺶ ﻣﺎﻗﺘﻠﻲ
ﺳﻔﻴﺎﻥ .. ﻋﻠﻴﺶ ﺑﻨﻜﺪ ﻋﻠﻴﻚ ﻭﻧﺤﻦ ﻗﺮﻳﺐ ﻧﺮﻭﺣﻮ
ﺭﺣﺎﺏ ﺗﻨﻬﺪﺕ .. ﺍﻭﻭﻑ ﺗﻌﺮﻑ ﺣﺴﻨﻲ ﻗﻠﻘﺖ ﻭﺍﺟﺪ ﻭﺍﻟﻠﻪ
ﺳﻔﻴﺎﻥ .. ﺧﻼﺹ ﻫﻨﺎ ﻫﺎﻟﻴﻮﻣﻴﻦ ﻭﻧﺮﻭﺣﻮ ﻛﻨﻚ ﻣﻀﺎﻳﻘﻪ ﻫﻜﻲ
ﺭﺣﺎﺏ .. ﺭﻳﻬﺎﻡ ﺣﺮﺟﺎﻧﻪ ﺟﻮ ﺍﻟﺤﻮﺵ ﻣﺶ ﺣﻠﻮ ﺑﻜﻞ
ﺳﻔﻴﺎﻥ ﺣﻀﻨﻬﺎ .. ﺗﻮﺍ ﻳﻘﻌﺪ ﺣﻠﻮ ﻏﻴﺮ ﻑ ﺑﺪﺍﻳﻪ ﺑﺲ ﻣﺎﺗﺸﻐﻠﻴﺶ ﺑﺎﻟﻚ ﺗﻤﺎﻡ
ﺭﺣﺎﺏ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ ﻳﺎﺳﻮﻓﻲ
ﺳﻔﻴﺎﻥ ﻳﺤﺮﻙ ﻑ ﺍﻳﺪﻩ ﻉ ﺿﻬﺮﻫﺎ .. ﻫﻴﺎ ﻧﻄﻠﻌﻮ ﻧﻐﻴﺮﻭ ﺟﻮ ﺷﻮﻳﺎ
ﺭﺣﺎﺏ ﺑﺎﺳﺖ ﺧﺪﻩ .. ﺍﻭﻛﻲ ﺗﻤﺎﻡ ﻭﺣﺘﻰ ﺑﻨﺎﺧﺬﻭ ﺍﻟﻬﺪﺍﻳﻪ
ﺳﻔﻴﺎﻥ .. ﺍﻫﺎ ﺻﺎﺡ ﻫﻴﺎ ﺻﺒﻲ ﺍﻟﺒﺴﻲ
ﺭﺣﺎﺏ .. ﺑﺎﻩ "
" ﻑ ﺻﺒﺢ ﻋﺪﺍ ﺍﻳﻬﻢ ﻟﻌﻤﻞ ﻭﺍﻧﺎ ﻃﻴﺒﺖ ﻏﺪﺍﺀ ﻭﺟﺎﺀ ﻭﺗﻐﺪﻳﻨﺎ ﻣﺎﻓﻴﺶ ﻓﻴﻨﺎ ﺣﺪ ﻧﻄﻖ ﺑﺤﺮﻑ
ﺍﻧﺎ .. ﺍﻳﻬﻢ ﻭﺍﺗﻴﻪ ﻫﻴﺎ
ﺍﻳﻬﻢ ﺻﺒﻰ ﻭﺗﻨﻬﺪ .. ﺗﻤﺎﻡ ﻫﻴﺎ
ﻃﻠﻌﺖ ﺍﻧﺎ ﻭﺍﻋﻴﺎﻝ ﻭﺭﻛﺒﻨﺎ ﻋﺪﻳﻨﺎ ﻟﺤﻮﺵ ﻫﻠﻲ
ﺍﻳﻬﻢ .. ﻧﺠﻲ ﻑ ﻟﻴﻞ ﺗﻄﻠﻌﻲ ﺍﻩ
ﺍﻧﺎ ﻫﺰﻳﺖ ﺭﺍﺳﻲ ﻭﺗﻨﻬﺪﺕ .. ﺍﻭﻛﻲ ﺗﻤﺎﻡ
ﺍﻳﻬﻢ ﺍﺑﺘﺴﻢ ﺑﺸﻮﻳﺎ .. ﺑﺎﻱ ﺑﺎﺑﺎ
ﻗﻌﺪﻭ ﻳﺸﻴﺮﻭﻟﻪ ﺍﻟﻌﻴﺎﻝ ﻭﺧﺸﻴﺖ ﺟﻮﺍ ﺟﺘﻨﻲ ﻳﻘﻴﻦ ﺗﺠﺮﻱ
ﻳﻘﻴﻦ .. ﻣﺎﻣﺎ
ﺍﻧﺎ ﺷﻤﺮﺗﻬﺎ .. ﻳﺎﺭﻭﺡ ﻣﺎﻣﺎ ﺑﺎﺑﺎ ﻭﻳﻦ
ﻳﻘﻴﻦ ﺷﻴﺮﺕ ﻉ ﺩﺭﻭﺝ ﺑﺤﺘﺖ ﻛﺎﻥ ﻋﺰﻭ ﻧﺎﺯﻝ
ﻳﻘﻴﻦ .. ﺑﺎﺑﻲ
ﻭﺳﻦ .. ﻻﻻ ﺑﺎﺑﻲ ﺍﻧﺎ ﺍﺯﺯﺯﻭ ﺑﺎﺑﺎ
ﻋﺰﻭ ﺍﺑﺘﺴﻢ ﻭﻃﺒﺲ ﺷﻤﺮ ﻭﺳﻦ ﻭﻗﻌﺪﺕ ﻣﺎﺳﻜﻪ ﻑ ﺭﻗﺒﺘﻪ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﺧﻴﺮﺍﺕ ﻛﻴﻒ ﺣﺎﻟﻚ
ﻋﺰﻭ .. ﺗﻤﺎﻡ ﻛﻨﻚ ﺍﻧﺘﻲ
ﺍﻧﺎ .. ﻛﻨﻲ
ﻋﺰﻭ .. ﺑﺎﻛﻴﻪ ﻭﻻ ﺷﻨﻮ
ﺍﻧﺎ .. ﻻ ﺗﻤﺎﻡ ﺑﻜﻞ
ﻳﻘﻴﻦ ﻣﺴﻜﺖ ﻑ ﺍﻳﺪ ﻋﺰﻭ
ﻋﺰﻭ .. ﺗﻌﺎﻟﻲ ﻗﻮﻧﻲ
ﺷﻤﺮﻫﻦ ﻫﻨﺎ ﺍﻻﺛﻨﻴﻦ
ﻋﺰﻭ ﻳﺒﺤﺖ ﻓﻴﻬﺎ .. ﻣﺴﺮﻉ ﻣﺎﺧﺬﺕ ﻋﻠﻴﻨﺎ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﺳﺒﺤﺎﻥ ﺍﻟﻠﻪ ﺩﻡ ﻳﺤﻦ ﻳﺎﻋﺰﻭ
ﻋﺰﻭ .. ﻃﺎﻟﻊ ﺑﻴﻬﻦ ﺗﻤﺎﻡ
ﺍﻧﺎ .. ﺍﻭﻛﻲ
ﻃﻠﻊ ﻋﺰﻭ ﻭﺍﻧﺎ ﺧﺸﻴﺖ ﺟﻮﺍ ﻟﻘﻴﺖ ﺭﺷﺎ ﺟﺎﻳﺒﻪ
ﺍﻧﺎ .. ﺍﻟﺴﻼﻡ ﻋﻠﻴﻜﻢ
ﻛﻠﻬﻦ .. ﻭﻋﻠﻴﻜﻢ ﺍﻟﺴﻼﻡ
ﺟﻴﺖ ﺳﻠﻤﺖ ﻋﻠﻴﻬﻦ ﻭﻗﻤﻌﺰﺕ
ﺍﻧﺎ .. ﻛﻴﻒ ﺣﺎﻟﻚ ﻫﻮﻣﺎ
ﺭﻳﻬﺎﻡ .. ﺗﻤﺎﻡ ﺍﻧﺎ ﺍﻧﺘﻲ ﻛﻨﻪ ﻭﺟﻚ
ﻣﺎﻣﺎ .. ﺷﻜﻠﻚ ﻛﻨﺘﻲ ﺗﺒﻜﻲ
ﺍﻧﺎ .. ﻻ ﻋﻠﻴﺶ ﺑﻨﺒﻜﻲ ﻳﻌﻨﻲ ﺟﻮﻱ ﺗﻤﺎﻡ ﺍﻧﺎ
ﺭﺷﺎ ﺑﺤﺘﺖ ﻓﻴﺎ ﻭﺳﻜﺘﺖ
ﺍﻧﺎ .. ﻣﺰﺍﻝ ﻣﺎﺩﺭﺗﻮ ﻗﻬﻮﺀ
ﺭﺷﺎ .. ﻧﺮﺍﺟﻮ ﻓﻴﻚ
ﺍﻧﺎ ﺻﺒﻴﺖ .. ﺑﺎﻩ ﻫﻴﺎ ﻧﺪﻳﺮﻭﻟﻬﺎ ﺭﺍﺳﻲ ﺻﺪﺍﻉ
ﻣﺎﻣﺎ .. ﻗﺘﻠﻜﻦ ﺭﺍﻫﻲ ﺑﺸﺮﻯ ﺭﻣﺖ ﺍﻭﻝ ﺍﻣﺲ
ﺭﺷﺎ .. ﻻﻻ ﻛﻨﻬﺎ ﻣﺎﻗﺎﻟﺘﻬﺎ
ﺍﻧﺎ .. ﻛﻨﻬﺎ ﻳﺎﻧﻮﻳﺮﺗﻲ
ﻣﺎﻣﺎ .. ﻭ ﺍﻟﻠﻪ ﻣﺎﻧﻲ ﻋﺎﺭﻓﻪ ﻗﻴﺴﻪ ﻑ ﺑﺪﺍﻳﻪ
ﺍﻧﺎ .. ﺑﺎﻫﻲ ﻳﺎﺧﻴﻪ ﻣﺰﺍﻟﺖ ﺻﻐﻴﺮﻩ ﺗﻮﺍ ﺗﺤﻤﻞ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻌﻮﺿﻬﺎ
ﺭﻳﻬﺎﻡ ﺻﺒﺖ ﻣﻌﺎﻧﺎ
ﻣﺎﻣﺎ .. ﺗﻌﺎﻟﻮ ﻫﻴﺎ
ﻭﺋﺎﻡ .. ﺑﺒﺎﺍﺍﺡ
ﻣﺎﻣﺎ ﺿﺤﻜﺖ .. ﺗﻌﺎﻟﻲ ﻫﻴﺎ ﻧﻠﻌﺒﻮ ﻫﺬﻱ ﻣﺎﻣﺎ ﻭﻫﺬﺍ ﺑﺎﺑﺎ
ﻭﺋﺎﻡ ﺗﻀﺤﻚ
ﺍﻧﺎ .. ﻧﺠﻚ ﻟﻴﺎ
ﺭﺷﺎ .. ﻧﺎﺷﻄﻪ ﺧﻴﺮ ﻣﻦ ﺧﻮﻫﺎ
ﻣﺎﻣﺎ .. ﺗﻮﺍ ﻳﻨﺸﻂ
ﺧﺸﻴﻨﺎ ﻟﻜﻮﺟﻴﻨﻪ
ﺭﻳﻬﺎﻡ .. ﻛﻨﻚ
ﺭﺷﺎ .. ﺍﺣﻜﻲ ﺷﻦ ﺻﺎﻳﺮ
ﺍﻧﺎ ﻗﻌﺪﺕ ﻧﺒﻜﻲ ﻭﻧﺤﻜﻲ ﻑ ﺍﻟﻲ ﺻﺎﺭ ﻭﺑﻨﺎﺕ ﻳﻬﺪﻥ ﻓﻴﺎ
ﺭﻳﻬﺎﻡ .. ﺍﻳﻬﻢ ﻣﺎﺩﺧﻠﺶ ﻭﺭﺩﻩ ﻛﻮﻳﺲ ﺭﺍﻩ ﻛﻨﻚ ﺗﺨﺮﺑﻲ ﻉ ﺭﻭﺣﻚ ﺍﻧﺘﻲ
ﺭﺷﺎ .. ﺍﻧﺎ ﺳﻤﻌﺖ ﻣﺮﻳﻢ ﺗﺤﻜﻲ ﻓﻠﻲ ﻗﺎﻟﺘﻠﻪ ﻟﻬﺎ ﺑﺲ ﻣﺎﺟﺒﺘﺶ ﺳﻴﺮﺗﻚ
ﺍﻧﺎ .. ﻭﺟﻌﻨﻲ ﻛﻼﻣﻬﺎ ﻭﻛﻼﻡ ﺍﻳﻬﻢ
ﺭﺷﺎ .. ﺑﺎﻫﻲ ﺑﺲ ﺍﻳﻬﻢ ﻣﺎﺣﻜﺶ ﺣﺎﺟﻪ ﻏﻠﻂ ﻳﺎﻣﻴﺲ ﻋﻠﻴﺶ ﺩﻳﺮﻱ ﻫﻜﻲ
ﺍﻧﺎ ﺗﻨﻬﺪﺕ
ﺭﻳﻬﺎﻡ .. ﻋﺎﺭﻓﺎﺕ ﺍﻧﺲ .. ﻭﻗﻌﺪﺕ ﺗﺤﻜﻲ
ﺭﺷﺎ ﺗﺤﺮﻙ ﻑ ﻗﻬﻮﺀ ﻭﺑﺮﻣﺖ .. ﻫﻴﻴﻴﻴﻲ ﻻ ﺷﻌﻔﻴﻪ ﻋﻠﻴﻬﺎ ﻭﺩﺍﺑﻴﻦ ﻋﺰﻭ ﻋﺮﻑ ﻣﻌﻨﺎﻫﺎ ﺧﻼﺹ
ﺭﻳﻬﺎﻡ ﻗﺮﻧﺖ ﺣﻮﺍﺟﺒﻬﺎ ﻭﺣﻄﺖ ﺍﻳﺪﻫﺎ ﻉ ﻓﻤﻬﺎ ﻭﻃﻠﻌﺖ ﺗﺠﺮﻱ
ﺭﺷﺎ .. ﻛﻨﻬﺎ
ﺍﻧﺎ ﻧﻤﺸﻲ ﻭﺭﺍﻫﺎ ﻧﺴﻤﻊ ﻓﻴﻬﺎ ﺗﺴﺘﻔﺮﻍ ﻑ ﺍﻟﺤﻤﺎﻡ ﺷﻮﻳﺎ ﻭ ﻃﻠﻌﺖ
ﺭﻳﻬﺎﻡ .. ﻣﻌﺪﺗﻲ ﺑﻜﻞ ﺧﻼﺹ
ﺍﻧﺎ .. ﻫﻮﻣﺎ ﺭﺍﻩ ﺗﻘﻌﺪﻱ ﺣﺎﻣﻞ
ﺭﻳﻬﺎﻡ ﺣﻄﺖ ﺍﻳﺪﻫﺎ ﻉ ﺧﺪﻫﺎ ﻭﻋﺎﺿﻪ ﻉ ﻓﻤﻬﺎ ﻭﺳﺎﺭﺣﻪ
ﺭﻳﻬﺎﻡ .. ﺣﻲ ﻋﻠﻴﺎ ﺍﺯﻋﻤﻚ ﻳﺎﻣﻴﺲ ﻣﺘﺎﺧﺮﻩ ﻋﻠﻴﺎ ﻭﺍﺟﺪ ﺍﺻﻼ
ﺍﻧﺎ .. ﺑﺎﻩ ﺩﻳﺮﻱ ﺗﺤﻠﻴﻞ ﻣﻨﺰﻟﻲ
ﺭﻳﻬﺎﻡ .. ﻣﻦ ﻭﻳﻦ ﺑﻨﺠﻴﺒﻪ ﺗﻮﺍ ﻋﺎﺩ
ﺍﻧﺎ .. ﺗﻮﺍ ﻧﻘﻮﻟﻮ ﺑﺸﺮﻯ ﻭﻻ ﺍﻣﻴﺮﻩ
ﺭﻳﻬﺎﻡ .. ﺍﺯﻋﻤﻚ ﻳﺎﻣﻴﺴﻮ
ﺍﻧﺎ ﺿﺤﻜﺖ .. ﺍﻥ ﺷﺎﺀ ﺍﻟﻠﻪ ﻳﺎﺣﻨﻪ
ﺭﻳﻬﺎﻡ .. ﻣﺎﻧﺒﻴﺶ ﻳﺎﻣﻴﺲ ﻭﻧﺤﻦ ﻣﺘﻌﺎﺭﻛﻴﻦ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﺗﺼﺎﻟﺤﻮ
ﺭﻳﻬﺎﻡ .. ﻭﺍﻧﺘﻲ ﺑﻄﻠﻲ ﺍﻫﺒﺎﻝ ﺍﻳﻬﻢ ﻣﺎﻓﻴﺶ ﻣﻨﻪ ﺭﺍﻩ ﻭﻣﻦ ﺣﻨﻴﺘﻪ ﺗﻲ ﻗﺮﻳﺐ ﻳﺸﻴﻠﻚ ﻑ ﻋﻴﻮﻧﻪ
ﺍﻧﺎ ﺗﻨﻬﺪﺕ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ
ﺭﻳﻬﺎﻡ .. ﺗﻌﺎﻟﻲ ﻫﻴﺎ
ﻃﻠﻌﻨﺎ ﻭﻗﻤﻌﺰﻧﺎ ﻑ ﺻﺎﻟﻪ
ﺭﺷﺎ .. ﺷﻨﻮ
ﺍﻧﺎ .. ﻣﺎﻣﺎ ﺭﻳﻬﺎﻡ ﺷﺎﻛﻪ ﻑ ﺭﻭﺣﻬﺎ ﺣﺎﻣﻞ
ﻣﺎﻣﺎ .. ﻭﺑﺎﻫﻲ ﺍﻥ ﺷﺎﺀ ﺍﻟﻠﻪ ﻳﺎﺣﻨﻪ ﺩﻳﺮﻱ ﺗﺤﻠﻴﻞ
ﺭﺷﺎ .. ﺍﻃﻠﻌﻲ ﻳﺎﻣﺎﻣﺎ ﺟﻴﺒﻲ
ﻣﺎﻣﺎ .. ﺗﻮﺍ ﻧﺸﻮﻓﻮ ﻋﻼﺀ ﻗﺎﻋﺪ
ﺭﻳﻬﺎﻡ .. ﺧﻠﻲ ﺑﺸﺮﻯ ﺗﻘﻮﻟﻪ
ﺭﺷﺎ .. ﺗﻮﺍ ﻧﺮﻛﺒﻠﻬﺎ ﺍﻧﺎ
ﺭﻳﻬﺎﻡ ﺗﻨﻬﺪﺕ .. ﺑﺎﻩ ﻫﻴﺎ
ﺭﺷﺎ ﺻﺒﺖ ﺭﻛﺒﺖ ﻓﻮﻕ ﺩﻭﺕ ﻟﻲ ﺑﺸﺮﻯ "
" ﻋﻼﺀ ﻛﺎﻥ ﺭﺍﻗﺪ ﻉ ﺳﺮﻳﺮ
ﺑﺸﺮﻯ .. ﺍﻋﻠﻴﻮﺗﻲ ﺣﺒﻴﺒﻰ
ﻋﻼﺀ .. ﻧﻌﻢ ﺑﻴﺸﻮ
ﺑﺸﺮﻯ .. ﺑﻨﻄﻠﻌﻚ
ﻋﻼﺀ .. ﻭﻳﻦ ﺑﺘﻌﺪﻱ
ﺑﺸﺮﻯ .. ﻣﺎﻧﺒﻴﺶ ﻧﻄﻠﻊ ﺑﻨﺪﺯﻙ
ﻋﻼﺀ ﻧﺎﺽ ﺑﺤﺖ ﻓﻴﻬﺎ .. ﻭﻳﻦ ﺍﻥ ﺷﺎﺀ ﺍﻟﻠﻪ
ﺑﺸﺮﻯ .. ﻟﺼﻴﺪﻟﻴﻪ ﺟﻴﺐ ﺍﺧﺘﺒﺎﺭ ﺣﻤﻞ
ﻋﻼﺀ ﻓﺘﺢ ﻋﻴﻮﻧﻪ ﺯﻳﻦ .. ﺍﺧﺘﺒﺎﺭ ﺣﻤﻞ ﻛﻴﻒ
ﺑﺸﺮﻯ ﺿﺤﻜﺖ .. ﻣﺶ ﻟﻴﺎ ﻟﻲ ﺭﻳﻬﺎﻡ ﺷﺎﻛﻪ ﻑ ﺭﻭﺣﻬﺎ
ﻋﻼﺀ .. ﺍﻫﺎ ﻭﻫﺬﺍ ﻛﻠﻪ ﻗﺎﻋﺪﻩ ﻋﻨﺪﻧﺎ
ﺑﺸﺮﻯ ﺗﻀﺤﻚ .. ﻋﻠﻴﻚ ﺳﻤﺎﻃﻪ ﻓﻴﻚ ﻣﻦ ﻗﺒﻠﻬﺎ ﻋﺎﺩ ﻳﺎﺳﺎﻣﻂ
ﻋﻼﺀ ﺿﺤﻚ ﻭﺻﺒﻰ .. ﺑﺎﻩ ﺍﻧﻲ ﻃﺎﻟﻊ
ﺑﺸﺮﻯ .. ﻧﺠﻚ ﻟﻴﺎ
ﻋﻼﺀ ﺑﺤﺖ ﻓﻴﻬﺎ ﻭﺭﻓﻊ ﺣﺎﺟﺒﻪ .. ﻛﻨﻚ ﺍﻧﺘﻲ ﻗﺪﺭﻱ ﻭﺿﻌﻲ ﺍﺯﻑ
ﺑﺸﺮﻯ ﺗﻀﺤﻚ .. ﺍﻓﺴﻪ
ﻋﻼﺀ ﺿﺤﻚ ﻭﻳﻠﺒﺲ ﻑ ﺟﺎﻛﺘﻪ .. ﺻﺎﺭ ﺍﻓﺴﻪ ﺑﺎﻩ ﺍﻓﺴﻚ ﻣﻘﺒﻮﻝ ﻫﻴﺎ ﻃﺎﻟﻊ
ﺑﺸﺮﻯ ﺻﺒﺖ ﻣﺴﻜﺖ ﻑ ﻭﺟﻪ ﻭﺑﺎﺳﺖ ﻓﻤﻪ .. ﺑﺎﻱ ﺣﺒﻴﺒﻲ
ﻋﻼﺀ ﺑﺎﺱ ﺭﺍﺳﻬﺎ .. ﺍﻭﻛﻲ
ﻃﻠﻊ ﻋﻼﺀ ﻭﺑﺸﺮﻯ ﻗﻤﻌﺰﺕ ﺗﻔﺮﺝ "
" ﺭﻳﻬﺎﻡ .. ﺍﻭﻑ ﻃﻮﻝ ﻋﻼﺀ
ﻣﺎﻣﺎ .. ﻏﻴﺮ ﺍﻫﺪﻱ ﺑﺲ
ﺍﻧﺎ .. ﻭﺳﻌﻲ ﺑﺎﻟﻚ ﺗﻮﺍ ﻳﺠﻲ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﺣﺎﻣﻞ
ﺭﻳﻬﺎﻡ ﺑﺤﺘﺖ ﻓﻴﻬﺎ ﻭﺳﻜﺘﺖ ﺷﻮﻳﺎ ﻭﺟﺎﺀ ﻋﻼﺀ ﻃﻠﻌﺘﻠﻪ ﻣﺎﻣﺎ
ﻋﻼﺀ .. ﻫﺎﻛﻲ
ﻣﺎﻣﺎ .. ﺷﻜﺮﺍً ﺍﻋﻠﻴﻮﻩ
ﻋﻼﺀ .. ﻻ ﻋﺎﺩﻱ
ﻣﺎﻣﺎ .. ﺧﺶ ﻧﺪﻳﺮﻭﻟﻚ ﻗﻬﻮﺀ
ﻋﻼﺀ .. ﻻ ﻣﻨﻮﺭﻩ ﻣﺎﻧﺒﻴﺶ
ﺧﺸﺖ ﻣﺎﻣﺎ ﻭﻋﻄﺎﺗﻪ ﻟﻬﺎ ﻭﺧﺸﺖ ﺭﻳﻬﺎﻡ ﺩﻳﺮ ﻓﻴﻪ ﻭﻧﺤﻦ ﻧﺮﺍﺟﻮ ﻓﻴﻬﺎ ﺷﻮﻳﺎ ﻭﻃﻠﻌﺖ ﻭﺟﻬﺎ ﺍﺻﻔﺮ ﻭﻋﻴﻮﻧﻬﺎ ﺩﻣﻮﻉ
ﺭﺷﺎ .. ﺣﺎﻣﻞ
ﺭﻳﻬﺎﻡ ﺿﺒﻄﺖ ﻣﺎﻣﺎ ﻭﻗﻌﺪﺕ ﺗﺒﻜﻲ .. ﺣﺎﻣﻞ ﻳﺎ ﻣﺎﻣﺎ
ﻣﺎﻣﺎ ﺿﺤﻜﺖ .. ﺑﺎﻫﻲ ﻋﻠﻴﺶ ﺍﻟﺒﻜﺎﺀ ﺍﻟﻒ ﻣﺒﺮﻭﻙ
ﺍﻧﺎ .. ﻣﺒﺮﻭﻙ ﻳﺎﻫﻮﻣﺎ
ﺭﺷﺎ ﻣﺒﺘﺴﻤﻪ .. ﻗﻮﻟﻲ ﻟﻲ ﺍﻧﺲ ﺗﻮﺍ ﻳﻔﺮﺡ
ﺭﻳﻬﺎﻡ ﻭﺧﺮﺕ ﻭﻗﻌﺪﺕ ﺗﻤﺴﺢ ﻑ ﺩﻣﻮﻋﻬﺎ ﻭﺗﺒﺤﺖ ﻓﻴﻨﺎ
ﺍﻧﺎ .. ﻗﻮﻟﻴﻬﺎ ﻟﻪ
ﺭﻳﻬﺎﻡ ﺗﻨﻬﺪﺕ .. ﻣﺶ ﻋﺎﺭﻓﻪ
ﺭﺷﺎ .. ﻋﺪﻱ ﻛﻠﻤﻴﻪ
ﺭﻳﻬﺎﻡ ﺧﺸﺖ ﻟﺪﺍﺭ ﻭﻣﺴﻜﺖ ﻣﻮﺑﺎﻳﻞ ﺭﻧﺖ ﻋﻠﻴﻪ ﺭﺩ ﻃﻮﻝ
ﺍﻧﺲ .. ﺍﻟﻮﻭ ﺭﻳﻬﺎﻡ
ﺭﻳﻬﺎﻡ ﺣﺎﻃﻪ ﺍﻳﺪﻳﻬﺎ ﻉ ﻑ ﻓﻤﻬﺎ
ﺍﻧﺲ ﺑﺼﻮﺕ ﻭﺍﻃﻲ .. ﻫﻮﻣﺎ ﺭﺩﻱ ﻋﻠﻴﺎ ﺣﺒﻴﺒﻲ
ﺭﻳﻬﺎﻡ ﻗﻌﺪﺕ ﺗﺒﻜﻲ ﻭﺻﻜﺮﺕ ﻋﻠﻴﻪ ﺷﻮﻳﺎ ﻭﺧﺸﻴﺖ ﻋﻠﻴﻬﺎ
ﺍﻧﺎ .. ﻋﻠﻴﺶ ﺍﻟﺒﻜﺎﺀ
ﺭﻳﻬﺎﻡ .. ﻣﺶ ﺣﻨﻘﻮﻝ ﻣﺶ ﺣﻨﻘﻮﻝ
ﺍﻧﺎ .. ﺑﺎﻩ ﺍﺳﻜﺘﻲ ﻭﻋﻠﻲ ﺭﺍﺣﺘﻚ ﻳﺎﻫﻮﻣﺎ ﻣﺎﺗﺰﻋﻠﻴﺶ ﺭﻭﺣﻚ
ﺭﻳﻬﺎﻡ .. ﺧﻠﻴﻨﻲ ﺑﻨﺮﻗﺪ
ﺍﻧﺎ .. ﺑﺎﻫﻲ ﻉ ﺭﺍﺣﺘﻚ
ﻃﻠﻌﺖ ﻭﻟﻘﻴﺖ ﻋﺰﻭ ﺟﺎﻱ ﻫﻮ ﻭﺑﻨﺎﺕ
ﻳﻘﻴﻦ .. ﻣﺎﻣﺎ
ﺍﻧﺎ .. ﻋﻴﻮﻥ ﻣﺎﻣﺎ
ﻭﺳﻦ .. ﺣﻮﺗﻴﻴﻲ ﺍﻧﺘﻲ ﻣﺎﻣﺎ ﻧﺎ ﺑﺲ
ﻋﺰﻭ ﺷﻤﺮﻫﺎ ﻣﻜﺘﻔﻬﺎ .. ﻛﻨﻚ ﻣﺎﺗﺒﻴﺶ ﺧﺎﻟﻮ
ﻭﺳﻦ .. ﺍﻧﺖ ﺑﺎﺑﺎ ﺍﺵ ﺧﺎﻟﻮ ﺧﺎﻟﻮ ﺍﻋﻴﻴﻴﻮﻩ
ﻋﺰﻭ ﻳﻀﺤﻚ .. ﻋﻠﻴﻚ ﺩﻭﻩ ﻓﻴﻬﺎ ﺑﺎﻩ ﻫﻴﺎ ﻋﻄﻴﻨﻲ ﺑﻮﺳﻪ
ﻭﺳﻦ ﺑﺎﺳﺖ ﺧﺪﻩ .. ﺣﺒﺒﺒﻚ ﺑﺎﺑﺎ
ﻋﺰﻭ .. ﻧﺠﻚ ﻟﻴﺎ ﻭﺍﻧﺎ ﻧﺤﺒﻚ ﻳﺎﺭﻭﺡ ﺑﺎﺑﺎ
ﻗﻤﻌﺰ ﻋﺰﻭ ﻭﺳﻦ ﻑ ﻛﺘﺮﻩ ﻭﺋﺎﻡ ﻉ ﻛﺮﺍﻋﻪ ﻭﺳﺎﻡ ﻣﺼﺒﻲ ﻉ ﺻﺎﻟﻮﻥ ﺗﻼﻩ ﻭﺟﻮﺩ ﻣﺎﺳﻚ ﻑ ﻛﺮﺍﻋﻪ
ﻣﺎﻣﺎ .. ﻧﺠﻴﻬﻢ ﻳﺎﺧﻴﻪ ﻛﻠﻬﻢ ﻳﺤﺒﻮﻙ ﻳﺎﻋﺰﻭ
ﻋﺰﻭ ﺍﺑﺘﺴﻢ .. ﺭﺑﻲ ﻳﺤﻔﻈﻬﻢ ﻟﻴﺎ ﻣﻌﺰﺗﻬﻢ ﻛﺒﻴﺮﻩ ﻭﺍﻟﻠﻪ
ﺭﺷﺎ .. ﺟﻴﻌﺎﻥ ﻋﺰﻭ ﺗﺒﻲ ﺗﺎﻛﻞ
ﻋﺰﻭ .. ﻣﻨﻮﺭﻩ ﺭﺷﻮ
ﺍﻧﺎ .. ﻗﻮﻧﻲ ﺟﻴﻌﺎﻧﻪ
ﻳﻘﻴﻦ .. ﻣﻤﻴﻨﺎ ﺷﻜﻼﺗﻪ
ﺍﻧﺎ .. ﺑﺎﻩ ﺻﺤﻪ ﺣﺒﻴﺒﺘﻲ
ﻋﺰﻭ .. ﺑﻜﺮﺍ ﺗﻮﺍ ﻧﺘﻼﻗﻰ ﻣﻊ ﺍﻧﺲ ﻭﻧﺘﻔﺎﻫﻢ ﻣﺎﻩ ﻋﻮﺝ ﻣﻌﺎﻳﺎ ﻳﻤﺪ ﻭﺭﻗﺘﻬﺎ ﻭﻳﺮﻳﺤﻨﻲ
ﻣﺎﻣﺎ .. ﻳﻨﻌﻠﻴﺎ ﻭﺭﻗﺘﻬﺎ ﺷﻨﻮ ﺍﺧﺘﻚ ﺣﺎﻣﻞ
ﻋﺰﻭ .. ﻛﻴﻒ ﻭﻫﻮ ﻳﻤﺪ ﺍﻳﺪﻩ ﻭﻓﻮﻗﻬﺎ ﺣﺎﻣﻞ
ﻣﺎﻣﺎ .. ﺍﻟﻴﻮﻡ ﻛﻴﻒ ﻋﻠﻤﺘﻬﺎ ﻫﻴﺎ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ
ﻗﻌﺪﻧﺎ ﻧﻬﺪﺭﺯﻭ ﻣﻊ ﺑﻌﻀﻨﺎ ﻟﻴﻦ ﺟﺎﺀ ﺍﻳﻬﻢ ﻭﻃﻠﻌﺖ ﻭ ﻣﻌﺎﻳﺎ ﻋﺰﻭ
ﺍﻳﻬﻢ .. ﻫﻴﺎ ﺗﺒﻲ ﺣﺎﺟﻪ ﻳﺎﻋﺰﻭ
ﻋﺰﻭ .. ﻣﻨﻮﺭ ﻫﻴﺎ ﺍﺭﻛﺒﻲ ﺣﺒﻴﺖ ﺑﺎﺑﺎ
ﺟﺖ ﻭﺳﻦ ﺑﺘﺮﻛﺐ ﻭﺳﻴﺎﺭﻩ ﺍﻳﻬﻢ ﺳﻨﺘﺎﻓﻴﺎ ﻋﺎﻟﻴﺎ ﻃﺎﺣﺖ ﻉ ﺍﺭﺽ
ﻭﺳﻦ ﻗﻌﺪﺕ ﺗﺒﻜﻲ
ﻋﺰﻭ ﺷﻤﺮﻫﺎ .. ﺳﺎﻫﻠﻪ ﺳﺎﻫﻠﻪ
ﻭﺳﻦ .. ﺍﻳﺪﻱ ﺍﺍﺍﺍﺍ ﻭﻗﻌﺪﺕ ﺗﺮﺟﻊ
ﺍﻧﺎ ﻧﺰﻟﺖ .. ﻳﻨﻌﻠﻴﺎ ﺍﻳﺪﻫﺎ ﻧﻜﺴﺮﺕ ﺍﻳﺪﻫﺎ
ﺍﻳﻬﻢ ﻧﺰﻝ .. ﺷﻨﻮ ﺷﻨﻮ ﺍﻳﺪﻫﺎ
ﻭﺳﻦ .. ﺍﺍﺍﺍﺍﺍﺍ ﺍﻳﺪﺩﺩﺩﻱ
ﻋﺰﻭ ﺭﻛﺒﻬﺎ ﻑ ﺳﻴﺎﺭﻩ .. ﺑﺴﺮﻋﻪ ﻟﺠﻼﺀ ﺍﻳﺪﻫﺎ ﺍﻧﻜﺴﺮﺕ
ﺭﻛﺐ ﻋﺰﻭ ﻑ ﻣﻜﺎﻧﻲ ﻭﺍﻧﺎ ﺭﻛﺒﺖ ﻻﻭﺭﻩ ﻭ ﻫﻴﺎ ﺗﺒﻜﻲ
ﺍﻧﺎ .. ﻳﺎﻋﻤﺮﻱ ﺍﻧﺎ ﻓﻴﺎ ﻭﻻ ﻓﻴﻚ ﺣﺒﻴﺒﺘﻲ ﻳﺎﺍﻳﻬﻢ ﺗﺒﻜﻲ ﺣﻲ ﻋﻠﻴﺎ
ﺍﻳﻬﻢ ﺑﺮﻡ ﻋﻠﻴﻨﺎ
ﻋﺰﻭ .. ﺍﻟﻬﻰ ﻑ ﻃﺮﻳﻖ ﺑﺲ ﻳﺎﺍﻳﻬﻢ
ﺍﻳﻬﻢ ﻗﻌﺪ ﻳﺠﺮﻱ ﻭﻛﺎﻥ ﺯﺣﻤﻪ ﺯﻗﺐ ﺳﻴﺎﺭﻩ ﻣﻦ ﻉ ﻣﺮﺷﺒﻴﺪﻱ ﻭﺍﻧﺎ ﻣﺎﺳﻜﺘﻬﺎ ﻭﻫﻴﺎ ﺗﺒﻜﻲ ﻣﻌﺶ ﺳﻜﺘﺖ ﻭﺻﻠﻨﺎ ﻟﺠﻼﺀ ﻭﻧﺰﻝ ﺍﻳﻬﻢ ﻧﺰﻟﻬﺎ ﻭﺧﺸﻴﻨﺎ ﺑﺴﺮﻋﻪ ﺍﻹﺳﻌﺎﻓﺎﺕ ﻭﺍﻧﺎ ﻧﺒﻜﻲ
ﺍﻳﻬﻢ ﺟﺎﺀ ﺷﻮﺭﻱ .. ﺍﺳﻜﺘﻲ ﺑﺲ
ﺍﻧﺎ ﻧﺒﻜﻲ .. ﺍﻳﺪﻫﺎ ﻳﺎﺍﻳﻬﻢ ﻣﺰﺍﻟﺖ ﺻﻐﻴﺮﻩ ﻳﺎ ﻋﻤﺮﻱ
ﺍﻳﻬﻢ ﻣﺴﻚ ﺍﻳﺪﻱ .. ﺍﺳﻜﺘﻲ ﺣﺒﻴﺒﻲ ﺧﻼﺹ ﻣﺴﺘﺸﻔﻰ ﻭﻧﺎﺱ
ﺍﻧﺎ ﻧﻤﺴﺢ ﻑ ﺩﻣﻮﻋﻲ .. ﻳﺎﺭﺑﻲ ﺧﺎﻳﻔﻪ ﻋﻠﻴﻬﺎ ﺍﻧﺎ ﺑﻜﻞ
ﻋﺰﻭ .. ﻋﻠﻴﺶ ﺍﻟﺒﻜﺎﺀ ﻓﺠﻌﺘﻲ ﺍﻟﻌﻴﻞ ﻳﺎﻣﻴﺲ ﺗﻮﺍ ﻳﺠﺒﺴﻮﻫﺎ ﻭﺗﻘﻌﺪ ﻛﻮﻳﺴﻪ
ﺍﻧﺎ .. ﻳﺎﺭﺑﻲ
ﻗﻌﺪﻧﺎ ﻧﺮﺍﺟﻮ ﻭﻃﻮﻟﻮ ﻋﻠﻴﻨﺎ ﺑﻌﺪﻫﺎ ﻃﻠﻊ ﺩﻛﺘﻮﺭ ﺟﺎﻳﺒﻬﺎ
ﺍﻧﺎ ﺟﻴﺖ ﻧﺠﺮﻱ ﻭﺍﻳﻬﻢ ﻣﺴﻜﻬﺎ
ﺩﻛﺘﻮﺭ ﺿﺤﻚ .. ﺩﻟﻮﻋﻪ ﺗﻌﺒﺘﻨﺎ ﻣﺤﻮﺗﻚ ﺑﻴﺶ ﺟﺒﺴﻨﺎﻫﺎ
ﻭﺳﻦ ﺗﺒﻜﻲ ﻭﻣﺎﺳﻜﻪ ﻑ ﺍﻳﻬﻢ
ﻋﺰﻭ .. ﺑﺎﻩ ﺷﻨﻮ ﻛﻮﻳﺴﻪ ﺗﻮﺍ
ﺩﻛﺘﻮﺭ .. ﺗﻤﺎﻡ ﺗﻘﺪﺭﻭ ﺗﺮﻭﺣﻮ ﺑﻴﻬﺎ
ﺍﻧﺎ ﺷﻤﺮﺗﻬﺎ .. ﺗﻮﺟﻊ ﻓﻴﻚ ﻳﺎ ﻣﺎﻣﺎ
ﻭﺳﻦ .. ﺍﻳﺪﻱ ﻣﺎﻣﺎ ﺍﻳﺪﻱ
ﻋﺰﻭ .. ﺳﺎﻫﻠﻪ ﻳﺎﻧﻮﺳﺎ
ﻃﻠﻌﻨﺎ ﺑﻴﻬﺎ ﻭﺣﻄﻴﺘﻬﺎ ﻉ ﻛﺮﻋﻴﺎ ﺑﻜﺖ ﺷﻮﻳﺎ ﻭﺭﻗﺪﺕ
ﻋﺰﻭ ﺑﺮﻡ ﻋﻠﻴﺎ .. ﺭﻗﺪﺕ
ﺍﻧﺎ ﻧﻤﺸﻲ ﻑ ﺍﻳﺪﻱ ﻉ ﺷﻌﺮﻫﺎ .. ﺍﻫﺎ
ﻭﺻﻠﻨﺎ ﻋﺰﻭ ﻟﺤﻮﺵ ﻫﻠﻲ ﻭﻣﺎﺑﻴﺘﺶ ﻧﻘﻮﻟﻠﻬﻢ ﺑﻴﺶ ﻣﺎﻳﻨﺸﻐﻠﻮﺵ ﻭﺭﻛﺒﺖ ﺍﻧﺎ ﻗﺪﺍﻡ
ﺍﻳﻬﻢ .. ﻭﺣﻖ ﺭﺑﻲ ﻗﻠﺒﻲ ﻃﺎﺡ
ﺍﻧﺎ ﺗﻨﻬﺪﺕ .. ﺍﻧﺎ ﺍﺷﺮ ﻣﻨﻚ ﻭﺍﻟﻠﻪ
ﺍﻳﻬﻢ ﻣﺴﻚ ﺍﻳﺪﻱ .. ﺭﺑﻲ ﻣﺎﻳﻮﺭﻳﻨﻲ ﻓﻴﻜﻢ ﺳﻮﺀ
ﺍﻧﺎ ﺗﻨﻬﺪﺕ ﺗﻨﻬﻴﺪﻩ ﻃﻮﻳﻠﻪ ﻭﺳﻜﺘﺖ ﻭﺻﻠﻨﺎ ﻟﺤﻮﺵ ﻭﻧﺰﻟﻨﺎ ﻛﺎﻧﻮ ﻗﺎﻋﺪﻳﻦ ﻑ ﺟﻨﺎﻥ ﺑﻌﺪ ﺧﺸﻴﻨﺎ ﻛﻠﻬﻢ ﺑﺮﻣﻮ
ﺳﻠﻴﻤﻪ ﺻﺒﺖ .. ﻳﻨﻌﻠﻴﺎ ﻛﻨﻬﺎ ﺍﻳﺪﻳﺘﻬﺎ
ﺍﻧﺎ ﻭﺧﺮﺕ ﺑﻮﺳﻦ .. ﺍﻳﻬﻢ ﺍﻧﺎ ﺭﺍﻛﺒﻪ
ﺍﻳﻬﻢ ﻣﺴﻚ ﻣﻨﻲ ﻭﺳﻦ .. ﺍﺭﻛﺒﻲ
ﺍﻧﺎ ﺑﺼﻮﺕ ﻭﺍﻃﻲ .. ﺍﻳﻬﻢ ﻫﺎﺕ ﺍﻟﺒﻨﺖ
ﺍﻳﻬﻢ ﻓﻨﺺ ﻓﻴﺎ .. ﻗﺘﻠﻚ ﺍﺭﻛﺒﻲ ﺍﻧﺎ ﺻﺎﺡ
ﺧﺬﻳﺖ ﺟﻮﺩ ﻭﺭﻛﺒﺖ ﺑﺴﺮﻋﻪ ﻟﺸﻘﺘﻨﺎ ﻭﺍﻧﺎ ﻣﻨﺤﺮﻕ ﺩﻣﻲ
ﺳﻠﻴﻤﻪ ﺗﺒﻮﺱ ﻓﻴﻬﺎ .. ﻋﻮﻳﻨﻪ ﺑﺲ
ﺍﻣﺠﺪ .. ﻛﻴﻒ ﻃﺎﺣﺖ
ﺩﻧﻴﺎ .. ﻳﺎﻣﻴﻨﺘﻲ ﺻﻐﻴﺮﻩ ﺣﺴﺘﻬﺎ
ﺍﻳﻬﻢ .. ﻭﺍﻟﻠﻪ ﺑﻌﺪ ﺟﺖ ﺑﺘﺮﻛﺐ ﻑ ﺳﻴﺎﺭﻩ ﻃﺎﺣﺖ
ﺳﻠﻴﻤﻪ .. ﻣﺮﺍﺗﻚ ﻣﺎﺗﺒﻴﺶ ﺗﺴﻠﻢ ﺣﺘﻰ ﺍﻧﺎ ﻣﺎﻧﺒﻴﻠﻬﺎ ﺳﻼﻡ ﻭﺍﻧﺖ ﺳﺎﻛﺖ ﺑﺪﺍﻝ ﻣﺎﺗﻘﻮﻝ ﺍﻣﻲ
ﺍﻳﻬﻢ .. ﺍﻣﻲ ﺍﻧﺘﻲ ﺣﺘﻰ ﻣﺶ ﻏﻠﻄﺘﻲ ﻓﻴﻬﺎ ﺑﺲ ﺍﻧﺘﻲ ﻏﻠﻄﺘﻲ ﻓﻴﺎ ﺍﻧﺎ ﺩﺍﺑﻴﻦ ﺣﺎﺟﻪ ﻣﺴﺖ ﻣﻴﺲ ﻣﺴﺘﻨﻲ ﺍﻧﺎ ﻭ ﺷﻨﻮ ﻫﻴﺎ ﻣﺮﺍﺗﻲ ﻋﺮﺿﻲ ﻭﺷﺮﻓﻲ ﻏﻠﻄﺘﻲ ﻑ ﺷﺮﻓﻬﺎ ﺍﻧﺘﻲ ﻭﻟﻮ ﻛﺎﻥ ﻳﺴﻤﻌﻮﻫﺎ ﻫﻠﻬﺎ ﻳﻄﻠﻘﻮﻫﺎ ﻭﻳﻜﻮﻥ ﻑ ﻋﻠﻤﻚ ﻫﻴﺎ ﻃﻠﺒﺖ ﻃﻼﻕ ﻣﻨﻲ ﺷﻮﻳﺎ ﻭﺧﺮﺑﺘﻲ ﺣﻮﺷﻲ ﻭﺗﻘﻮﻟﻴﻠﻲ ﻛﻨﻬﺎ ﻣﺎﺗﺴﻠﻢ ﺍﻧﺘﻲ ﺍﻣﻲ ﻉ ﻋﻴﻨﻲ ﻭﺭﺍﺳﻲ ﺑﺲ ﺣﺘﻰ ﻫﻴﺎ ﻣﺮﺍﺗﻲ ﻣﻌﻠﻴﺶ ﻳﻌﻨﻲ
ﺭﻛﺐ ﺍﻳﻬﻢ ﻭﺍﻧﺎ ﻛﻨﺖ ﻣﻘﻤﻌﺰﻩ ﻉ ﺻﺎﻟﻮﻥ ﺑﺤﺖ ﻓﻴﺎ ﺍﻳﻬﻢ ﻭﻗﺮﻥ ﺣﻮﺍﺟﺒﻪ
ﺍﻧﺎ ﺻﺒﻴﺖ ﺑﻌﺼﺒﻴﻪ .. ﺗﺒﻲ ﺗﻀﺮﺏ ﺍﺿﺮﺏ ﺗﺒﻲ ﺗﻬﺰﺏ ﻫﺰﺏ ﺗﺒﻲ ﻃﻠﻘﻨﻲ .. ﻫﻨﺎ ﺣﺴﻴﺖ ﻟﺴﺎﻧﻲ ﻧﺸﻞ ﻭﻗﻌﺪﺕ ﻧﺒﻜﻲ ﺑﻘﻮﻩ ﻻﻧﻪ ﻛﻠﻤﻪ ﻭﺍﻋﺮﻩ ﻭﻭﻭﺍﻋﺮﻩ ﻋﻠﻴﺎ ﻣﺎﻧﻘﺪﺭﺵ ﻧﻌﻴﺶ ﺑﻼ ﺍﻳﻬﻢ
ﺍﻳﻬﻢ ﻗﺮﺏ ﻣﻨﻲ .. ﻛﻤﻠﻲ ﻫﻴﺎ ﻗﻮﻟﻴﻬﺎ
ﺍﻧﺎ ﻧﺒﻜﻲ ﻭﻧﻬﺰ ﻑ ﺭﺍﺳﻲ ﺏ ﻻﻻ .. ﻣﺎﻧﻘﺪﺭﺵ ﻣﺎﻧﻘﺪﺭﺵ ﺍﺍﺍﺍﺍﻩ
ﺍﻳﻬﻢ ﺗﻨﻬﺪ ﺑﻨﻔﺦ ﻭﺣﻂ ﺍﻳﺪﻩ ﻉ ﺿﻬﺮﻱ ﻭﻛﺮﻧﻲ ﻟﺤﻀﻨﻪ .. ﺍﺳﻒ ﺍﺳﻒ ﻉ ﺩﻣﻮﻋﻚ ﻫﺬﻳﻨﺎ ﺍﺳﻒ ﻉ ﻓﺘﺮﻩ ﺷﻴﻨﻪ ﻫﺬﻱ
ﺍﻧﺎ ﻧﺒﻜﻲ ﻭﺍﻳﺪﻳﺎ ﻉ ﺻﺪﺭﻩ .. ﻧﻤﻮﺕ ﻛﺎﻥ ﻧﺒﻌﺪ ﻋﻠﻴﻚ ﺍﻋﻴﻴﻲ ﻳﺎﺍﻳﻬﻢ ﺍﺍﻋﻴﻴﻲ ﻓﺘﺮﻩ ﺷﻴﻨﻪ ﺑﻌﺪ ﺩﻋﻴﺖ ﺭﺑﻲ ﻣﺎﻳﺨﺘﺒﺮﻧﻴﺶ ﻓﻴﻚ ﻭﻻ ﻣﺮﻩ ﻗﺒﻠﻬﺎ ﻣﻨﻲ ﻻﻧﻪ ﺗﻮﺍ ﻳﺨﺘﺒﺮ ﻓﻴﺎ ﺑﻴﻚ ﻭﻑ ﺣﺒﻨﺎ
ﺍﻳﻬﻢ ﺗﻨﻬﺪ .. ﺭﺑﻲ ﻳﺸﻮﻑ ﺣﺒﻨﺎ ﻛﻴﻒ ﺑﺲ
ﺍﻧﺎ ﻧﺒﻜﻲ ﻭﻧﺸﻬﻖ .. ﻳﺎﺭﺑﻲ ﻣﺸﻴﻬﺎ ﺑﺴﺮﻋﻪ ﺍﻧﺎ ﻛﺮﻫﺖ ﺭﻭﺣﻲ
ﺍﻳﻬﻢ ﺑﺼﻮﺕ ﻫﺎﺩﻱ .. ﺍﺷﺸﺸﺶ ﺧﻼﺹ
ﻭﺧﺮﻧﻲ ﻭﻣﺴﻚ ﻭﺟﻲ ﻭﺑﺄﺱ ﺭﺍﺳﻲ
ﺍﻳﻬﻢ .. ﺍﺳﻒ
ﺍﻧﺎ ﻧﺮﺷﻒ ﻓﻲ ﺧﺸﻤﻲ .. ﺣﺘﻰ ﺍﻧﺎ ﺍﺳﻔﻪ ﺍﻧﺖ ﻣﺶ ﺷﻮﺭﻙ ﺷﻲ ﻳﺎﺍﻳﻬﻢ
ﺍﻳﻬﻢ ﺑﺎﺱ ﺧﺪﻱ .. ﻣﻌﻠﻴﺶ ﻋﺎﺩﻱ ﻋﻴﻦ ﺑﺲ
ﺍﻧﺎ ﺿﺤﻜﺖ ﻭﺭﺩﻳﺖ ﺣﻀﻨﺘﻪ .. ﺭﺍﻳﻔﺖ ﻋﻠﻴﻚ ﺭﺍﻩ
ﺍﻳﻬﻢ .. ﻳﻴﻴﻴﻲ ﻋﻠﻲ ﺭﺍﻳﻔﻲ ﻋﻠﻴﻚ ﺑﺮﻭﺣﻪ
ﺍﻧﺎ ﺍﺑﺘﺴﻤﺖ .. ﺍﺱ .. ﺍﻳﻪﻡ ﺣﻂ ﺍﻳﺪﻩ ﻉ ﻓﻤﻲ
ﺍﻳﻬﻢ ﺑﺼﻮﺕ ﻫﺎﺩﻱ .. ﺍﺷﺸﺶ ﺧﻼﺹ ﺣﺎﺟﻪ ﻓﺎﺗﺖ
ﺍﻧﺎ ﺑﺴﺖ ﺻﺪﺭﻩ
ﺍﻳﻬﻢ .. ﺻﺪﻗﻴﻨﻲ ﻣﺶ ﻗﺼﺪﻱ ﺣﺘﻰ ﺣﺎﺟﻪ ﺍﻧﺎ
ﺍﻧﺎ ﻫﺰﻳﺖ ﺭﺍﺳﻲ .. ﻋﺎﺭﻓﻪ ﺑﺲ ﺍﻧﺎ ﻣﺸﻌﺎﺭﻓﻪ ﻧﺘﺤﺴﺲ ﻭﺍﺟﺪ ﻗﻌﺪﺕ
ﺍﻳﻬﻢ .. ﻣﻌﺶ ﺗﻌﺪﻟﻲ ﻉ ﻛﻼﻡ ﺣﺪ ﻓﺎﻫﻤﻪ ﻭﻣﻌﺶ ﺗﺸﻜﻲ ﺍﻭﻛﻲ ﻻﻧﻪ ﺍﻳﻬﻢ ﺣﺎﻁ ﻓﻴﻚ ﺛﻘﻪ ﻛﺒﻴﺮﻩ ﺻﺎﺡ ﻻﻧﻪ ..
ﺍﻧﺎ ﺭﻓﻌﺖ ﺭﺍﺳﻲ .. ﻻﻧﻪ ﻫﻮ ﺭﺑﺎﻧﻲ ﻉ ﺍﻳﺪﻳﻪ
ﺍﻳﻬﻢ ﺗﻨﻬﺪ ﻭﺑﺄﺱ ﺭﺍﺳﻲ .. ﻧﺨﺶ ﻧﺪﻭﺵ ﻭﻧﺠﻲ ﻧﻬﺪﺭﺯﻭ
ﺍﻧﺎ ﻃﺒﺴﺖ ﺷﻤﺮﺕ ﺟﻮﺩ .. ﺑﺎﻩ ﺗﻤﺎﻡ
ﺍﻳﻬﻢ ﺑﺎﺱ ﻓﻤﻲ ﻭﺍﻧﺎ ﺍﺑﺘﺴﻤﺖ ﻭﻫﻮ ﻋﺪﺍ ﻳﺪﻭﺵ "
" ﺭﺷﺎ ﻟﺒﺴﺖ ﺑﺠﺎﻣﻪ .. ﺑﺲ ﻛﻼﻣﻬﺎ ﻣﺰﻋﻞ ﻣﻴﺲ ﻭﺍﺟﺪ ﻳﺎﺣﻤﺎﺩﻱ ﻭﻋﻼﻗﺘﻬﺎ ﻫﻴﺎ ﻭﺍﻳﻬﻢ ﻣﺪﻋﺪﻋﻪ ﺑﻜﻞ
ﻣﺤﻤﺪ .. ﺑﺲ ﺍﻳﻬﻢ ﻣﺪﺧﻠﺶ ﻫﻴﺎ ﺣﻘﻬﺎ ﺗﺰﻋﻞ ﺻﺮﺍﺣﻪ ﺍﻳﻬﻢ ﻗﺮﻳﺐ ﻳﻤﻮﺕ ﻭﺍﻟﻠﻪ ﻭﻗﺎﻋﺪ ﺟﻮﻩ ﺷﻴﻦ ﻟﻠﻤﻠﻴﻮﻥ ﺗﻌﺮﻓﻲ ﻑ ﻋﻼﻗﺘﻪ ﻣﻊ ﻫﺒﻪ ﻭﺧﻄﺒﺘﻬﻢ ﻣﺎﻋﻤﺮﻳﺶ ﺷﻔﺘﻪ ﻓﺮﺣﺎﻥ ﻛﻴﻒ ﺗﻮﺍ ﺍﻳﻬﻢ ﻣﺘﺮﻳﺢ ﻭﺍﺟﺪ ﻭﻳﺤﺒﻬﺎ ﺑﻜﻞ ﺑﺲ ﻛﻞ ﻣﺮﻩ ﺟﺎﻳﻪ ﺣﺎﺟﻪ ﺩﺍﻳﺮﻩ ﺟﻮ ﺷﻴﻦ
ﺭﺷﺎ ﻗﻤﻌﺰﺕ ﺗﻼﻩ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ
ﻣﺤﻤﺪ ﻛﺮ ﺍﻳﺪﻫﺎ ﺑﺎﺱ ﺧﺪﻫﺎ .. ﻧﺠﻚ ﻟﻴﺎ ﺍﻧﺘﻲ ﺗﻌﺎﻟﻲ ﺗﺮﺍ ﺑﻨﺤﻜﻲ ﻣﻌﺎﻙ ﻗﺼﻪ
ﺭﺷﺎ ﺗﻀﺤﻚ .. ﺑﻄﻞ ﺳﻤﺎﻃﻪ ﻣﺤﻤﺪ
ﻣﺤﻤﺪ ﻳﺒﻮﺱ ﻑ ﺭﻗﺒﺘﻬﺎ .. ﺗﻲ ﺑﺎﻫﻲ ﻣﻦ ﻓﻮﻕ ﺑﺲ
ﺭﺷﺎ .. ﻭﻋﺪ ﺑﺲ
ﻣﺤﻤﺪ ﺿﺤﻚ .. ﻭﻋﺪ ﺣﺒﻴﺒﻲ
ﺭﺷﺎ ﺑﺎﺳﺖ ﺧﺪﻩ .. ﻧﺤﺒﻚ ﻧﺠﻚ ﻟﻴﺎ ﻭﺧﻼﺹ
ﻣﺤﻤﺪ .. ﻭﻟﻴﺎ ﻳﺎ ﺍﻡ ﺍﻟﻐﺎﻟﻴﻦ
ﺭﺷﺎ .. ﺍﻣﻤﻢ
ﻣﺤﻤﺪ .. ﺗﺒﻴﺶ ﺗﺨﻮﻳﻬﻢ
ﺭﺷﺎ ﺗﻀﺤﻚ .. ﻧﻼ ﺑﻄﻞ ﺧﻼﺹ ﻗﺘﻠﻚ ﻣﺶ ﺗﻮﺍ
ﻣﺤﻤﺪ ﺑﺎﺱ ﺭﻗﺒﺘﻬﺎ .. ﺑﺎﻫﻲ ﻋﺎﺩﻱ ﺣﺘﻰ ﻫﻜﻲ ﻛﻮﻳﺲ
ﺭﺷﺎ ﺣﻀﻨﺎﺗﻪ ﻭﻗﻌﺪﻭ ﻳﺤﻜﻮﺍ ﻛﻞ ﻣﺮﻩ ﻉ ﺣﺎﺟﻪ "
" ﻣﻨﻴﺮ ﺣﺎﺿﻦ ﻣﺮﻳﻢ ﻣﻦ ﻻﻭﺭﻩ .. ﻣﺎﺗﺒﻴﺶ ﺗﻨﺰﻟﻲ ﺑﻜﻞ ﻳﻌﻨﻲ
ﻣﺮﻳﻢ .. ﺍﻫﺎ ﺍﺳﻔﻪ ﺣﺒﻴﺒﻲ ﺑﺲ ﺍﻋﺬﺭﻧﻲ ﻟﻮ ﺳﻤﺤﺖ
ﻣﻨﻴﺮ ﺑﺎﺱ ﺧﺪﻫﺎ .. ﻻ ﻋﺎﺩﻱ ﺗﻤﺎﻡ ﻳﺎ ﻋﻤﺮﻱ ﺷﻦ ﺑﻨﻘﻮﻟﻚ
ﻣﺮﻳﻢ ﺑﺮﻣﺖ ﻋﻠﻴﻪ .. ﺑﻄﻨﻲ ﻃﻠﻌﺖ ﻳﺎﻣﻴﻨﻮ ﺷﻮﻑ
ﻣﻨﻴﺮ ﻳﻠﻤﺲ ﻑ ﺑﻄﻨﻬﺎ .. ﺍﻫﺎ ﻭﺍﺿﺤﻪ ﻗﻌﺪﺕ ﻧﺠﻚ ﻟﻴﺎ ﺍﻥ ﺷﺎﺀ ﺍﻟﻠﻪ ﺗﺠﻴﺒﻲ ﺑﺨﻴﺮ
ﻣﺮﻳﻢ .. ﺍﻥ ﺷﺎﺀ ﺍﻟﻠﻪ ﻳﺎ ﻋﻤﺮﻱ ﺣﻠﻮ ﻳﻘﻌﺪ ﻋﻨﺪﻧﺎ ﺑﻴﺒﻲ ﺑﻌﺪ ﻳﻜﺒﺮﻭ ﺑﻨﺤﻜﻴﻠﻬﻢ ﻗﺼﺘﻨﺎ ﻭﻣﺶ ﺣﻨﺨﻠﻲ ﺑﻨﺎﺗﻲ ﻭﺍﻋﻴﺎﻟﻲ ﻳﺠﻮﺯﻭ ﺍﻻ ﺑﻌﻼﻗﻪ
ﻣﻨﻴﺮ ﺿﺤﻚ .. ﺗﻘﺮﻧﻲ ﺑﻴﺎ ﻣﻦ ﺗﻮﺍ
ﻣﺮﻳﻢ ﺿﺤﻜﺖ .. ﺍﻧﺎ ﻧﻘﻌﺪ ﻧﺸﺮﻑ ﻉ ﻋﻼﻗﻪ ﻛﺎﻥ ﻃﻠﻊ ﻣﺶ ﻛﻴﻔﻚ ﻧﻮﺯﻋﻮﻩ
ﻣﻨﻴﺮ ﻳﺒﻮﺱ ﻑ ﺭﻗﺒﺘﻬﺎ .. ﻋﻠﻴﺶ ﻛﻴﻔﻲ ﺑﺎﻩ
ﻣﺮﻳﻢ ﺍﺑﺘﺴﻤﺖ .. ﺭﺍﺟﻞ
ﻣﻨﻴﺮ ﺍﺑﺘﺴﻢ .. ﻳﻨﻌﻠﻴﺎ ﺍﻧﺎ ﻭﺧﻼﺹ
ﻣﺮﻳﻢ .. ﺣﺒﻴﺒﻲ ﻗﺮﺏ ﻋﻴﺪ ﻣﻮﻟﺪ ﺟﻴﺒﻠﻲ ﻗﻨﺪﻳﻞ ﺑﺎﻫﻲ
ﻣﻨﻴﺮ ﺿﺤﻚ .. ﺣﺎﺿﺮ ﺑﺎﻩ
ﻣﺮﻳﻢ .. ﺭﺍﻙ ﺗﻨﺴﻰ
ﻣﻨﻴﺮ .. ﺑﺎﻫﻲ ﻭﻭﻭﻭ ﻋﻠﻴﺎ ﻣﻨﻚ ﺍﻧﺘﻲ
ﻣﺮﻳﻢ .. ﺩﺧﻨﻴﺶ
ﻣﻨﻴﺮ ﺿﺤﻚ .. ﺻﺎﺭ ﺩﺧﻨﻴﺶ ﻫﻜﻲ ﺻﺎﺭ
ﻣﺮﻳﻢ ﺗﻀﺤﻚ .. ﻻﻻ ﺻﺎﺭ ﻫﻜﻲ
ﻣﻨﻴﺮ ﺿﻐﻂ ﻋﻠﻴﻬﺎ .. ﺑﻄﻠﻲ ﺳﻤﺎﻃﻪ
ﻣﺮﻳﻢ ﺍﺑﺘﺴﻤﺖ .. ﺧﻼﺹ ﺑﻨﺮﻗﺪ
ﻣﻨﻴﺮ ﻃﻔﻰ ﻭﻧﺎﺳﻪ ﻭﺭﻗﺪﻭ ﻉ ﺳﺮﻳﺮ
ﻣﺮﻳﻢ ﺑﺎﺳﺖ ﺧﺪﻩ .. ﺗﺼﺒﺢ ﻉ ﺧﻴﺮ
ﻣﻨﻴﺮ .. ﻭﺍﻧﺘﻲ ﻣﻦ ﺍﻫﻠﻲ
ﻣﺮﻳﻢ ﺍﺑﺘﺴﻤﺖ ﻭﻏﻤﻀﺖ ﻋﻴﻮﻧﻬﺎ "
" ﺩﻭﺵ ﺍﻳﻬﻢ ﻭﺍﻧﺎ ﻏﻴﺮﺕ ﻟﻮﺳﻦ ﻭﻏﻴﺮﺕ ﺍﻧﺎ ﻭﺭﻗﺪﺗﻬﺎ ﻑ ﺳﺮﻳﺮ ﻣﻌﺎﻧﺎ
ﺍﻳﻬﻢ ﺟﺎﺀ ﺭﻗﺪ ﻑ ﺟﻴﻬﺎ ﺍﻣﺘﺎﻋﻪ .. ﺑﺎﻫﻲ ﻫﺬﻱ ﺑﺘﻘﻌﺪﻟﻲ ﻫﻜﻲ ﺑﻨﺎﺧﺬ ﺭﺍﺣﺘﻲ ﻣﻌﺎﻙ ﺍﻧﺎ
ﺍﻧﺎ ﺿﺤﻜﺖ .. ﺣﺮﺍﻡ ﻋﻠﻴﻚ ﻫﺬﻱ ﻭﺳﻦ ﺣﺒﻴﺒﺘﻚ
ﺍﻳﻬﻢ ﻃﺒﺲ ﺑﺎﺳﻬﺎ .. ﺣﺒﻴﺒﺘﻲ ﻭﻧﻤﻮﺕ ﻓﻴﻬﺎ ﺑﺲ ﺣﺘﻰ ﺍﻣﻬﺎ ﻋﺎﺩ ﻧﺒﻴﻬﺎ
ﺍﻧﺎ ﺍﺑﺘﺴﻤﺖ .. ﻗﺮﺏ ﺷﻮﻳﺎ
ﺍﻳﻬﻢ ﺍﺑﺘﺴﻢ ﻭﻗﺮﺏ ﻣﺴﻜﺖ ﻑ ﺭﻗﺒﺘﻪ ﻭﻗﻌﺪﺕ ﻧﺒﻮﺱ ﻑ ﻓﻤﻪ
ﺍﻧﺎ .. ﻭﺍﻟﻠﻪ ﻧﺤﺒﻚ ﺑﻜﻞ
ﺍﻳﻬﻢ ﺗﻨﻬﺪ .. ﺣﺘﻰ ﺍﻧﺎ ﻧﺤﺒﻚ ﻳﺎﻫﺒﻠﻪ ﺍﻧﺘﻲ ﺑﺲ ﺩﻳﻤﺎ ﻣﺘﺴﺮﻋﻪ ﻭﺗﺰﻋﻠﻲ ﻭﻃﻮﻟﻲ ﻑ ﻟﺴﺎﻧﻚ ﻭﺗﻌﻴﻄﻲ ﻭﺍﻧﺎ ﻧﻜﺮﻫﻦ ﻛﻠﻬﻦ ﻭﻧﻌﺼﺐ ﻭﺗﺒﻜﻲ ﻓﻮﻗﻬﺎ ﻫﺬﻱ ﺣﺎﺟﻪ ﻭﺣﻴﺪﻩ ﺍﻟﻲ ﺗﻬﺪﻱ ﻓﻴﺎ ﻛﺎﻧﻲ ﺟﻤﺮﻩ ﻭﻃﺎﺣﺖ ﻑ ﻣﻴﻪ
ﺍﻧﺎ ﺣﻀﻨﺘﻪ
ﻭﺳﻦ ﻧﺎﺿﺖ ﺗﺒﻜﻲ .. ﺍﻳﺪﻱ ﻣﺎﻣﺎ ﺍﻳﺪﻱ
ﺍﻳﻬﻢ ﻣﺴﻚ ﺍﻳﺪﻫﺎ .. ﺧﻠﻴﻚ ﻳﺎﺑﺎﺑﺎ ﺗﻮﺍ ﻧﻘﺮﺍ ﻋﻠﻴﻚ
ﻭﺳﻦ .. ﺑﺎﺑﻲ ﺣﻮﻝ ﺩﺩﻱ ﺑﻌﺪﻫﺎ
ﺍﻳﻬﻢ ﺍﺑﺘﺴﻢ .. ﺍﻫﺎ ﻳﺤﻮﻝ ﺧﻼﺹ ﺧﻠﻴﻚ ﺻﺎﺑﺮﻩ ﺗﺒﻜﻴﺶ
ﺍﻧﺎ ﻣﺴﻜﺖ ﻑ ﺍﻳﺪﻫﺎ ﻭﻗﻌﺪﺕ ﻧﻤﺸﻲ ﻑ ﺍﻳﺪﻱ ﻉ ﺷﻌﺮﻫﺎ ﻟﻴﻦ ﺍﻧﺎ ﺑﺮﻭﺣﻲ ﺭﻗﺪﺕ "
" ﺍﻟﻴﻮﻡ ﺛﺎﻧﻲ ﺑﻌﺪ ﺍﻟﻐﺪﺍﺀ ﺍﻳﻬﻢ ﻣﻘﻤﻌﺰ ﻫﻮ ﻭﺍﻟﻌﻴﺎﻝ ﻑ ﺻﺎﻟﻪ ﻭﺍﻧﺎ ﻧﻀﻢ ﺩﻕ ﺍﻟﺒﺎﺏ ﻃﻠﻊ ﺍﻳﻬﻢ ﻭﺭﺍﻩ ﺍﻟﻌﻴﺎﻝ ﻧﺴﻤﻊ ﻑ ﻭﺳﻦ ﺗﻘﻮﻝ ﺍﻣﻲ ﻋﺮﻓﺘﻬﺎ ﺍﻋﻤﻴﻤﻪ
ﺍﻳﻬﻢ .. ﻣﻴﺲ ﺍﻣﻲ ﺗﺒﻴﻚ
ﺍﻧﺎ ﻃﻠﻌﺖ ﻭ ﻫﻴﺎ ﺍﺑﺘﺴﻤﺖ ﻣﺸﻴﺖ ﺳﻠﻤﺖ ﻋﻠﻴﻬﺎ
ﺍﻧﺎ .. ﺗﻔﻀﻠﻲ ﻗﻤﻌﺰﻱ
ﻗﻤﻌﺰﺕ ﻉ ﺻﺎﻟﻮﻥ ﻭﺍﻧﺎ ﻣﻘﺎﺑﻠﺘﻬﺎ ﻣﻘﻤﻌﺰﻩ ﻣﺘﻮﺗﺮﻩ ﻭﺍﻳﺪﻳﺎ ﻳﺮﻋﺸﻦ
ﺳﻠﻴﻤﻪ .. ﻣﻴﺲ
ﺍﻧﺎ ﺭﻓﻌﺖ ﺭﺍﺳﻲ .. ﻧﻌﻢ
ﺳﻠﻴﻤﻪ .. ﻗﻤﻌﺰﻱ ﺗﻼﻳﺎ ﺗﻌﺎﻟﻲ
ﺟﻴﺖ ﺗﻼﻫﺎ
ﺳﻠﻴﻤﻪ .. ﺳﺎﻣﺤﻴﻨﻲ ﻳﺎﺑﻨﻴﺘﻲ ﻭﺍﻟﻠﻪ ﻣﺎﻗﺼﺪﻱ ﻧﻐﻠﻂ ﻓﻴﻚ .. ﻭﻗﻌﺪﺕ ﺗﺒﻜﻲ ﺍﻧﺎ ﻣﺘﺤﻤﻠﺘﺶ ﻗﻌﺪﺕ ﻧﺒﻜﻲ ﻣﻌﺎﻫﺎ
ﺍﻧﺎ .. ﻏﻴﺮ ﺍﺳﻜﺘﻲ ﻳﺎﺍﻋﻤﻴﻤﻪ ﻣﺎﺗﺒﻜﻴﺶ
ﺳﻠﻴﻤﻪ .. ﻛﺎﻥ ﻣﺎﻧﻚ ﻣﺴﺎﻣﺤﺘﻴﻨﻲ ﺍﻧﺎ ﻣﺶ ﺣﻨﺴﺎﻣﺢ ﺭﻭﺣﻲ
ﺍﻧﺎ .. ﻻ ﻳﺎﺍﻋﻤﻴﻤﻪ ﺍﻧﺘﻲ ﻛﻴﻒ ﻣﺎﻣﺎ ﻣﺎﺗﻘﻮﻟﻴﺶ ﻫﻜﻲ ﺧﻼﺹ ﺍﻧﺎ ﻣﺴﺎﻣﺤﺘﻚ ﻋﺎﺩﻱ ﻣﺎﻓﻴﺶ ﺣﺪ ﻓﻴﻨﺎ ﻣﺎﻳﻐﻠﻄﺶ
ﺳﻠﻴﻤﻪ ﺣﻀﻨﺘﻨﻲ ﻭﺍﻧﺎ ﺑﺴﺖ ﺭﺍﺳﻬﺎ
ﺍﻧﺎ .. ﻛﺎﻥ ﺯﻋﻠﺘﻚ ﺳﺎﻣﺤﻴﻨﻲ ﻭﺍﻧﺎ ﻣﺎﺧﺬﻳﺘﻴﺶ ﺍﻳﻬﻢ ﻣﻨﻚ
ﺍﻳﻬﻢ ﺑﺤﺖ ﻓﻴﻨﺎ ﻭﺍﺑﺘﺴﻢ
ﺳﻠﻴﻤﻪ .. ﺗﻌﺎﻝ
ﺍﻳﻬﻢ ﺟﺎﺀ ﺗﻼﻧﺎ
ﺳﻠﻴﻤﻪ ﻣﺴﻜﺖ ﺷﻌﺮﻩ
ﺍﻳﻬﻢ ﻳﻀﺤﻚ .. ﻛﻨﻚ ﻳﺎﺍﻣﻲ ﻣﻌﺎﻳﺎ
ﺍﻧﺎ ﻧﻀﺤﻚ ﻋﻠﻴﻬﻢ
ﺳﻠﻴﻤﻪ .. ﺭﺑﻲ ﻳﺨﻠﻴﻜﻢ ﻟﻴﺎ
ﺍﻳﻬﻢ ﺑﺎﺱ ﺍﻳﺪﻳﻬﺎ .. ﻭﻳﺨﻠﻴﻚ ﻟﻨﺎ
ﺳﻠﻴﻤﻪ .. ﺑﻴﺶ ﺗﻨﺰﻟﻲ ﺑﻌﺪﻳﻦ
ﺍﻧﺎ ﺍﺑﺘﺴﻤﺖ .. ﺣﺎﺿﺮ ﺍﻥ ﺷﺎﺀ ﺍﻟﻠﻪ
ﺳﻠﻴﻤﻪ ﺻﺒﺖ
ﺍﻧﺎ .. ﺧﻠﻴﻚ ﻳﻨﻌﻠﻴﺎ ﻣﺎﺷﺮﺑﺘﻲ ﺷﻲ
ﺳﻠﻴﻤﻪ .. ﻻﻻ ﻛﻴﻒ ﻣﺘﻐﺪﻳﻦ
ﻭﺳﻦ .. ﺍﻣﻲ ﺍﻣﻲ ﺍﻣﺒﻲ ﻣﻌﺎﻙ
ﺳﻠﻴﻤﻪ ﻣﺴﻜﺖ ﻑ ﺍﻳﺪﻫﺎ .. ﺗﻮﺍ ﺗﻨﺰﻝ ﻣﻌﺎﻳﺎ ﺑﺎﻫﻲ
ﻃﻠﻌﻨﺎ ﻣﻌﺎﻫﺎ ﻟﺒﺎﺏ ﺻﻜﺮ ﺍﻳﻬﻢ ﻭﺣﻀﻨﻲ ﺑﻘﻮﻩ
ﺍﻳﻬﻢ .. ﻧﺤﺒﻚ
ﺍﻧﺎ ﺍﺑﺘﺴﻤﺖ .. ﻳﺎﺭﺏ ﻣﺎﺗﺨﺘﺒﺮﻧﻴﺶ ﻑ ﺍﺣﻦ ﺍﻧﺴﺎﻥ ﻑ ﺩﻧﻴﺎ
ﺍﻳﻬﻢ ﺗﻨﻬﺪ .. ﻳﺎﺭﺏ ﺗﻌﺎﻟﻲ ﻫﻴﺎ ﻧﺒﻴﻚ
ﺍﻧﺎ ﺿﺤﻜﺖ .. ﻣﺴﻤﻄﻚ
ﺍﻳﻬﻢ ﺑﺎﺱ ﻓﻤﻲ ﻭﻛﺮﻧﻲ ﺑﻘﻮﻩ ﻭﺍﻧﺎ ﻧﻀﺤﻚ "
" ﻣﺸﺎﺀ ﻳﻮﻡ ﻋﺎﺩﻱ ﺑﻜﻞ ﻭﻧﺰﻟﻨﺎ ﺍﻧﺎ ﻭﻣﺮﻳﻢ ﻫﺪﺭﺯﻧﺎ ﻟﻮﻃﻪ ﻭﺭﺩﻥ ﺍﻷﺟﻮﺍﺀ ﻛﻴﻒ ﻗﺒﻞ
ﺍﻟﻴﻮﻡ ﺛﺎﻧﻲ ﻑ ﺻﺒﺢ ..
ﺍﻣﻴﺮﻩ .. ﻣﺮﺑﻮﺣﻪ ﺣﺒﻴﺒﻲ
ﻋﺰﻭ ﺑﺎﺱ ﺭﺍﺳﻬﺎ ﻭﻃﺒﺲ ﺑﺎﺱ ﺑﻄﻨﻬﺎ .. ﺭﺑﻲ ﻳﺨﻠﻴﻜﻢ ﻟﻴﺎ
ﺍﻣﻴﺮﻩ ﺍﺑﺘﺴﻤﺖ .. ﺭﺑﻲ ﻣﺎﻳﻐﻴﺒﻚ ﻋﻠﻴﺎ
ﻋﺰﻭ ﺗﻨﻬﺪ .. ﻭﻻ ﻋﻠﻴﺎ ﻳﺎﻋﻤﺮﻱ ﻣﺎﺷﻲ ﺍﻭﻛﻲ
ﺍﻣﻴﺮﻩ .. ﺭﺩ ﺑﺎﻟﻚ ﻉ ﺭﻭﺣﻚ ﺍﻭﻛﻲ
ﻋﺰﻭ .. ﺗﻤﺎﻡ ﺍﻭﻛﻲ
ﻧﺰﻝ ﻋﺰﻭ ﻭﺍﻣﻴﺮﻩ ﺑﺮﻣﺖ ﻛﺎﻧﻦ ﻣﻔﺎﺗﻴﺤﻪ ﻉ ﻃﺎﻭﻟﻪ ﻗﻌﺪﺕ ﺗﻨﺰﻝ ﻑ ﺩﺭﻭﺝ ﺑﻌﺪ ﻭﺻﻠﺖ ﻟﺒﺎﺏ ﻓﺎﺻﻞ ﺑﻴﻦ ﺣﻮﺵ ﻭﺟﻨﺎﻥ ﺳﻤﻌﺖ ﺻﻮﺕ ﻋﺠﻞ ﺳﻴﺎﺭﻩ ﻭﺧﺒﻄﻪ ﻗﻮﻳﻪ ﻃﻠﻌﺖ ﺗﺠﺮﻱ ﻓﺘﺤﺖ ﺑﺎﺏ ﻭﻛﺎﻧﺖ ﺳﻴﺎﺭﻩ ﺿﺎﺭﺑﻪ ﻋﺰﻭ ﻣﻦ ﻗﻮﻩ ﺧﺒﻄﻪ ﻟﻴﻦ ﻋﺰﻭ ﺍﺭﺗﻔﻊ ﻉ ﺍﺭﺽ ﻭﺍﺟﺪ ﻭﻃﺎﺡ ﺑﻘﻮﻩ
ﺍﻣﻴﺮﻩ ﻃﺎﺣﺖ ﻑ ﻭﻃﻰ ﻭﺑﺼﻮﺕ ﻋﺎﻟﻲ .. ﻋﺰﺯﺯﻭﻭﻭﻭﻭﻭﻭ
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﻗﻮﻟﻜﻦ ﺷﻦ ﺣﻴﺼﻴﺮ ﻟﻌﺰﻭ ﻫﻴﺎ ﺗﻮﻗﻌﺎﺗﻜﻦ ﻟﻠﺤﻠﻘﻪ ﺍﻻﺧﻴﺮﻩ ﻳﻨﻌﻠﻴﺎ ﺑﻜﺮﺍ ﺑﺘﻜﻤﻞ ﻳﺎﺑﻨﺎﺕ ﺑﻠﻴﺰ ﻋﻠﻘﻦ ﺗﻌﻠﻴﻘﺎﺕ ﺣﻠﻮ ﻭﻓﺮﺣﻨﻲ
Anosha Alriany
