The writer: Anosha Alriany✍🏻
#عكس_التيار✨
حلقه15
"منير..واحد صاحبي بيخطب قتله عندي بنت عمي مشاء الله عليها وهو يبي موا..
مريم قطعت عليه وبصوت عالي..من قالك بنجوز انا شكراً جيبه لي اختك العريس
منير..عليش رافضه
مريم..كساد بنرفض مانبيش نجوز
منير..باه ان شاء الله الي تراجي فيه يطلع راجل بس والا يا مريم حنكسره لك
مريم كانت بارمه بتخش لحوشهم ردت برمت عليه..ومن قالك نراجي في حد انا الأفكار هذينا من وين جايبهن انت
منير..جبتهن من وين ماجبتهن
مريم..باه الي جابهن لكي كذاب ف نص عينه
خشت حوشهم وصكرت الباب بقوه ومنير مصبي مشعارف كيف يصرف"
"خشينا لحوش
ايهم..قدامي فوق طول
انا مرتبكه ونركب ف دروج بشويا حاسه كرعيا مش شايلاتني من الخوف وهو يمشي ورايا مسك ايدي من ذراع وقعد يمشي قدامي بسرعه
ايهم..هياااا ازززف قداامي
فتح باب شقه ودفني قدامه ع صالون
انا..ااايهم كنك شن درت عليش ادير هكي
ايهم يقرب مني ومفنص..شن درتييييي قولي شننن الي مااادرتيه انتتييي ف شنو نقصت عليك انا اه ف شنو ولا جايبتيه من حوش هلللك تلعبي ع الاثنين ياااكذذابه
انا مصدومه ودموعي ينزلن..انننت شن تحكي شن تقول
عزقلي موبايلي بقوه ع صالون مسكته ف ايدي وايهم مصكر قبضه ايده زين ويبرم فوق راسي
مسكت موبايل وايدي ترعش فتحته وكانت ف رساله
وقت مايكونش حد تلاك رني عليا مرايف ع ايام سهرنا طاح الموبايل من ايدي
انا نبكي..والله ماشووري والله ياايهم
ايهم بصوت عالي..شنوووو الي مش شوررررك ااااه
قرب مني وانا غمضت عيوني زين مسكني من رقبتي من لاوره وجه قريب مني
ايهم بصوت واطي واضح فيه نبره الغضب..معش تككذذبي لاكن والله نوريك ياميس معش ف مدرسه هي انتي ماتبيش الي يقدرك تبي الي يستحقرك بس ياحقيرره حتقعدي زي كلبه هنااا وطلاق والله مانك حالمه بيه نقعد مش ايهم كان ماوريتكش
طول ماهو يحكي انا مغمضه عيوني ونتالم بدون صوت فك رقبتي بقوه لين خبطت ف ساس
ايهم بصوت عالي..وتواااا صبببببي ديري غددداء صبببي معش ف طلوع معش ف شي وموبايل هذا هاه وعزقه ف ساس بقوه
انا نبحت فيه و دموعي ينزلن وساكته
ايهم عيط ف وجي..صببببي
صبيت نجري لدار صكرتها وقعدت ساكته مصدومه من الي صار طلعت دبشي ولبست مسحت دموعي وتنهدت وطلعت مالقيتش برا خشيت لكوجينه قعدت نطيب وكل مره يجي ف بالي تفكير وكل همي من الرقم من الي يحاول ياذيني بطريقه هكي طيبت الغداء وطلعت لصاله مكان ماكنا نزلت لميت شنطتي وطلعت شهادتي بدن دموعي ينزلن عليها لانه كان حلمي نكمل قرايتي ونتخرج حلمي يكون ليا اسم ف مجتمع رديتها ف شنطه وخششتها جوا ولميت صاله وانا بنخش لكوجينه خش
ايهم بصوت حاد..حطي الغداء انتي هيا ومانبيش نشوف وجك فاهمه ولا لا
هزيت راسي وخشيت حطيتله ومشيت لدار كان خاطري نعرف ليش مادفعت ع روحي ليش ماحاولت نفهمه انه مش شوري ليش سكتت ليش قعدت هكي خليته يصدق فيا الي صار بس مرات من صدمه ومن كلامه الواعر ماعرفتش كيف بنرد وهذي ثاني مره ايهم يشك فيا حاسه ف بنار شاعله ف قلبي سمعت صوت لحوش نخبط بقوه"
