ﻣﻦ ﻋﺎﻟﻤﻲ
# ﻋﻜﺲ _ ﺍﻟﺘﻴﺎﺭ
ﺣﻠﻘﻪ 31
" ﺭﻗﻢ .. ﻣﻌﻠﻴﺶ ﻳﻌﻨﻲ ﺍﻧﺘﻲ ﺧﺸﻴﺘﻲ ﺑﻴﻦ ﺍﺛﻨﻴﻦ ﻳﺤﺒﻮ ﺑﻌﻀﻬﻢ ﻟﻮ ﺳﻤﺤﺘﻲ ﺍﻧﺴﺤﺒﻲ
ﺍﻧﺎ ﻧﺼﺪﻣﺖ .. ﻣﻦ ﺍﻧﺘﻲ ﺑﻴﺶ ﺗﻘﻮﻟﻲ ﻫﻜﻲ
ﺭﻗﻢ .. ﻓﺎﻋﻠﻪ ﺧﻴﺮ ﺍﻧﺴﺤﺒﻲ ﻭﺧﻼﺹ
ﺻﻜﺮﺕ ﻣﻮﺑﺎﻳﻞ ﻑ ﻭﺟﻲ ﻭﺍﻧﺎ ﻗﻌﺪﺕ ﺳﺎﻛﺘﻪ ﻟﻴﻦ ﺳﻤﻌﺖ ﺻﻮﺕ ﺍﻟﻌﻴﺎﻁ ﻣﺸﻴﺖ ﻧﺠﺮﻱ ﻟﺪﺍﺭ
ﺭﻗﻢ .. ﺭﻳﻬﺎﻡ ﻋﻈﻢ ﺍﻟﻠﻪ ﺍﺟﺮﻙ ﻑ ﺍﺳﺎﻣﻪ
ﺭﻳﻬﺎﻡ ﻃﺎﺣﺖ ﻑ ﻭﻃﻰ .. ﻻﻻ ﻗﻮﻝ ﻏﻴﺮﻫﺎ ﺣﻲ ﻋﻠﻴﺎ ﺍﻧﺎ ﺣﻲ ﻋﻠﻴﺎ
ﺭﻗﻢ .. ﺍﻫﺪﻯ ﻳﺎ ﺭﻳﻬﺎﻡ ﺑﺲ ﺍﻧﺎ ﺧﻮ ﺍﺳﺎﻣﻪ
ﺭﻳﻬﺎﻡ ﺗﻌﻴﻂ .. ﻛﻴﻒ ﻣﺎﺕ ﻛﻴﻒ ﻣﺎﺍﺍﺍﺍﺕ
ﺭﻗﻢ .. ﺣﺎﺩﺙ ﺣﺎﺩﺙ
ﺻﻜﺮﺕ ﻣﻮﺑﺎﻳﻞ ﻭﻫﻴﺎ ﻗﻌﺪﺕ ﺗﺒﻜﻲ ﻭﺗﺨﺒﻂ
ﺭﻳﻬﺎﻡ .. ﻭﻭﻭﻭﻭﻭﻭﻭﻭﻭﻭ ﻋﻠﻴﺎ ﻳﺎ ﻣﺎﻣﺎ ﻭﻭﻭﻭﻭﻭﻭ ﻓﺮﺣﺘﻲ ﺍﻧﻜﺴﺮﺕ ﻳﺎﻣﺎﻣﺎ ﺣﻲ ﻋﻠﻴﺎ ﺍﻧﺎ ﺣﻲ ﻋﻠﻴﺎ
ﻣﺎﻣﺎ ﺧﺸﺖ ﺗﺠﺮﻱ ﻭﻧﺤﻦ ﻭﺭﺍﻫﺎ .. ﻛﻨﻚ ﻛﻨﻚ ﺷﻦ ﻓﻲ ﺗﻌﻴﻄﻲ
ﺭﻳﻬﺎﻡ ﺗﺒﻜﻲ ﻭﺗﺨﺒﻂ ﻉ ﻭﺟﻬﺎ .. ﻣﺎﺍﺍﺕ ﻣﺎﺍﺍﺕ ﻳﺎﻣﺎﻣﺎ ﻣﺎﺗﺘﺖ ﻓﺮﺣﺘﻪ ﻣﺎﻛﻤﻠﺘﺶ ﻳﺎ ﻣﺎﻣﺎ
ﻣﺎﻣﺎ ﻣﺼﺪﻭﻣﻪ ﻭﻗﺮﺑﺖ ﻣﻨﻬﺎ ﻣﺎﺳﻜﻪ ﺍﻳﺪﻳﻬﺎ .. ﻣﻦ ﻗﺎﻟﻬﺎ ﻟﻜﻲ ﻣﻦ ﻗﺎﻟﻬﺎ
ﺭﻳﻬﺎﻡ ﺗﺸﻬﻖ .. ﺧﻮﻩ ﺧﻮﻩ ﻳﺎﻣﺎﻣﺎ ﺧﻮﻩ
ﻧﺤﻦ ﺟﻴﻨﺎ ﺗﻼﻫﺎ ﻭﺍﻧﺎ ﻧﺒﻜﻲ ﻣﻌﺎﻫﺎ
ﺍﻧﺎ .. ﻏﻴﺮ ﺍﻫﺪﻯ ﻭﺭﺃﺱ ﻫﻮﻣﺎ ﺑﺎﻟﻚ ﻑ ﻣﺴﺘﺸﻔﻰ
ﺭﻳﻬﺎﻡ ﺗﺨﺒﻂ ﻑ ﺻﺪﺭﻫﺎ .. ﻋﺰﺯﺍﺍﺍﻧﻲ ﻓﻴﻪ ﻋﺰﺯﺍﻧﻲ ﻓﻴﻪ
ﺷﻮﻱ ﻭﺳﻤﻌﻨﺎ ﺍﻟﺒﺎﺏ ﻧﺤﻞ ﻃﻠﻌﺖ ﺭﺷﺎ ﺗﺒﻜﻲ ﺗﺸﻮﻑ ﻣﻦ
ﺧﺶ ﻋﺰﻭ ﻭﺟﻪ ﻣﺘﻐﻴﺮ
ﺭﺷﺎ .. ﺑﺎﻟﻠﻪ ﻋﻠﻴﻚ ﻳﺎﻋﺰﻭ ﺻﺎﺡ ﺍﻟﻜﻼﻡ
ﻋﺰﻭ ﻫﺰ ﺭﺍﺳﻪ .. ﻋﻠﻤﺘﻬﺎ
ﺭﺷﺎ ﺗﺒﻜﻲ .. ﺣﻲ ﻋﻠﻴﺎ ﻗﺼﺪﻙ ﺻﺎﺡ ﻳﻨﻌﻠﻴﺎ ﻳﺎ ﺭﻳﻬﺎﻡ ﻓﺮﺣﺘﻬﺎ ﺍﻧﻜﺴﺮﺕ ﺷﻮﻓﻬﺎ ﻭﺭﺃﺱ ﻋﺰﻭ
ﻋﺰﻭ .. ﺍﻭﻭﻭﻑ ﺑﺎﻩ ﺍﻧﻲ ﺧﺎﺵ
ﺧﺶ ﻋﺰﻭ ﻟﺪﺍﺭ ﺭﻳﻬﺎﻡ ﺻﺒﺖ ﺗﺠﺮﻱ
ﺭﻳﻬﺎﻡ .. ﻋﺰﻭ ﻋﺰﻭ ﻗﻮﻝ ﻛﻼﻡ ﻫﺬﺍ ﺻﺎﺡ ﺑﺎﻟﻠﻪ ﻋﻠﻴﻚ ﻃﻤﻨﻲ ﻳﺎﻋﺰﻭ
ﻋﺰﻭ ﻣﻨﺰﻝ ﺭﺍﺳﻪ .. ﻋﻤﺮﻩ ﻳﺎ ﺭﻳﻬﺎﻡ ﻋﻤﺮﻩ ﻋﻈﻢ ﺍﻟﻠﻪ ﺍﺟﺮﻙ ﺭﺑﻲ ﻳﻨﺰﻝ ﺍﻟﺼﺒﺮ ﻋﻠﻴﻚ
ﺭﻳﻬﺎﻡ ﻃﺎﺣﺖ ﻣﻦ ﻃﻮﻟﻬﺎ
ﻣﺎﻣﺎ .. ﺣﻲ ﻋﻠﻴﺎ ﺑﻨﺘﻲ ﺣﻲ ﻋﻠﻴﺎ
ﺍﻧﺎ ﻧﺒﻜﻲ .. ﺍﺳﻜﺘﻲ ﻳﺎﻣﺎﻣﺎ ﺷﻮﻳﺎ ﺍﺳﻜﺘﻲ ﺑﺲ
ﻋﺰﻭ .. ﻭﺣﺪﻩ ﻣﻨﻜﻦ ﺗﺠﻴﺐ ﻋﺒﺎﻳﺎ ﺗﻲ ﻫﻴﺎ ﺍﺯﺯﺯﻑ
ﺻﺒﺖ ﺭﺣﺎﺏ ﻧﺠﺮﻱ ﺟﺎﺑﺖ ﻋﺒﺎﻳﺎ ﻭﻟﺒﺴﻮﻫﺎ ﻟﻬﺎ ﻭﻃﻠﻊ ﺑﻴﻬﺎ ﻋﺰﻭ ﻭﻣﺎﻣﺎ ﺑﻌﺪ ﻛﺎﻥ ﺣﻮﺵ ﻓﻴﻪ ﻋﺮﺱ ﺍﻧﻘﻠﺐ ﺍﻟﺤﺰﻥ ﻭﻧﻜﺪ
ﺟﻴﺖ ﻗﻤﻌﺰﺕ ﻉ ﺳﺮﻳﺮﻱ ﺳﻤﻌﺖ ﻣﻮﺑﺎﻳﻠﻲ ﻳﺮﻥ ﻣﺸﻴﺖ ﻟﻜﻮﺟﻴﻨﻪ ﻟﻘﻴﺘﻪ ﺍﻳﻬﻢ ﻣﺴﺤﺖ ﺩﻣﻮﻋﻲ ﻭﺭﺩﻳﺖ
ﺍﻧﺎ .. ﺍﻳﻮﺍﻩ
ﺍﻳﻬﻢ .. ﻫﻼ
ﺍﻧﺎ ﺗﻨﻬﺪﺕ ﻭﺳﻜﺘﺖ
ﺍﻳﻬﻢ .. ﻭﺻﻠﻜﻢ ﺍﻟﺨﺒﺮ
ﺍﻧﺎ ﺩﻣﻮﻋﻲ ﻧﺰﻟﻦ .. ﻭﺻﻞ ﺍﻫﺎ ﺗﻮﺍ ﻋﺰﻭ ﻃﻠﻊ ﺑﺮﻳﻬﺎﻡ ﻟﻤﺴﺘﺸﻔﻰ ﺩﺍﺧﺖ ﻋﻠﻴﻨﺎ
ﺍﻳﻬﻢ .. ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺭﺑﻲ ﻳﻨﺰﻝ ﻋﻠﻴﻬﺎ ﺍﻟﺼﺒﺮ ﻭﺍﻋﺮﻩ ﻳﻮﻡ ﻓﺎﺗﺤﺘﻬﻢ
ﺍﻧﺎ .. ﻳﺎﻋﻤﺮﻱ ﻳﺎ ﺭﻳﻬﺎﻡ ﻛﻴﻒ ﺗﻌﻴﻂ ﻭﺗﺒﻜﻲ ﻗﻮﻟﻲ ﻛﻴﻒ ﺻﺎﺭ
ﺍﻳﻬﻢ .. ﺑﻌﺪ ﻃﻠﻌﻨﺎ ﻣﻦ ﺟﺎﻣﻊ ﺟﺎﺀ ﻫﻮ ﻭﺃﺻﺤﺎﺑﻪ ﻳﻤﺘﻌﻮ ﺳﻴﺎﺭﻩ ﺍﻟﻲ ﻫﻮ ﻓﻴﻬﺎ ﺯﻟﻘﺖ ﻭﺧﺸﺖ ﺗﺤﺖ ﺍﻟﺒﻄﺎﺡ ﻛﺎﻥ ﺣﺎﺩﺙ ﺷﻨﻴﻊ ﻭﺍﻻﺳﻮﺀ ﻗﺪﺍﻡ ﺑﺎﺗﻪ
ﺍﻧﺎ ﻗﻌﺪﺕ ﻧﺒﻜﻲ ﻭﺣﺎﻃﻪ ﺍﻳﺪﻱ ﻉ ﻓﻤﻲ .. ﻳﺎ ﺭﻭﺣﻲ ﻭﻭﻭﻭﻩ ﻋﻠﻴﻪ ﻛﺎﻥ ﺗﺴﻤﻌﻬﺎ ﺭﻳﻬﺎﻡ ﺍﺣﺘﻤﺎﻝ ﺗﻨﺠﻨﻦ
ﺍﻳﻬﻢ .. ﺭﺑﻲ ﻳﻨﺰﻝ ﻋﻠﻴﻬﺎ ﺍﻟﺼﺒﺮ ﻭﺧﻼﺹ ﺭﺑﻲ ﻳﺼﺒﺮﻫﺎ ﺑﺎﻩ ﻃﻤﻨﻴﻨﻲ ﻋﻠﻴﻬﺎ ﺳﻼﻡ ﺗﻮﺍ
ﺍﻧﺎ .. ﺗﻤﺎﻡ
ﺻﻜﺮﺕ ﻉ ﺍﻳﻬﻢ ﻭﻗﻤﻌﺰﺕ ﻑ ﻛﻮﺟﻴﻨﻪ ﺧﺎﻳﻔﻪ ﻉ ﺭﻳﻬﺎﻡ ﺗﻔﻜﻴﺮﻱ ﻛﻠﻪ ﻓﻴﻬﺎ ﻧﺴﻴﺖ ﺣﺘﻰ ﻗﺼﻪ ﺍﻟﺮﻗﻢ ﻧﺴﻴﺖ ﻫﻤﻲ
ﺷﻮﻱ ﻭﺧﺸﺖ ﻋﻠﻴﺎ ﺭﺣﺎﺏ ﺗﺠﺮﻱ ﻭﺟﻬﺎ ﻣﻨﺴﻮﺩ
ﺍﻧﺎ .. ﻛﻨﻚ
ﺭﺣﺎﺏ .. ﺭﻳﻬﺎﻡ
ﺍﻧﺎ ﺻﺒﻴﺖ .. ﻛﻨﻬﺎ ﺭﻳﻬﺎﻡ
ﺭﺣﺎﺏ ﺟﺖ ﺍﺿﺒﻄﺘﻨﻲ ﻭﺗﺒﻜﻲ
ﺍﻧﺎ .. ﻛﻨﻬﺎ ﺭﻳﻬﺎﻡ ﻛﻨﻬﺎ "
" ﻋﺰﻭ .. ﻫﺎ ﻳﺎ ﺩﻛﺘﻮﺭ ﻃﻤﻨﺎ ﻋﻠﻴﻬﺎ ﺷﻨﻮ ﺻﺎﺭ ﻣﻌﺎﻫﺎ
ﺩﻛﺘﻮﺭ .. ﻟﻼﺳﻒ ﻣﺮﻳﻀﻪ ﺩﺧﻠﺖ ﻑ ﻏﻴﺒﻮﺑﻪ ﻣﻦ ﺻﺪﻣﻪ ﺍﺛﺮﺕ ﻉ ﺟﺰﺀ ﻣﻦ ﺩﻣﺎﻍ ﺍﻟﻤﺴﺌﻮﻝ ﻋﻦ ﺍﻟﻮﻋﻰ
ﻣﺎﻣﺎ ﻣﺴﻜﺖ ﻑ ﺍﻳﺪ ﻋﺰﻭ .. ﻛﻴﻒ ﻳﻌﻨﻲ ﺑﻨﺘﻲ ﻣﺶ ﺣﺘﻨﻮﺽ ﺑﻜﻞ
ﺩﻛﺘﻮﺭ .. ﻣﻮﺿﻮﻉ ﻫﺬﺍ ﻣﺎﻧﻘﺪﺭﺵ ﻧﺤﺪﺩﻩ ﻻ ﺍﻧﺎ ﻻ ﺍﻧﺘﻲ ﺍﺩﻋﻮﻟﻬﺎ ﺑﺲ
ﻋﺰﻭ ﻣﺼﺪﻭﻡ ﻭﻳﺒﺤﺖ ﻑ ﺩﻛﺘﻮﺭ .. ﻣﻌﻠﻴﺶ ﻳﺎ ﺩﻛﺘﻮﺭ ﺑﺎﻩ ﻧﻘﺪﺭ ﻧﺸﻮﻓﻮﻫﺎ
ﺩﻛﺘﻮﺭ .. ﻧﻘﺎﻟﻨﻬﺎ ﻑ ﻏﺮﻓﻪ ﺗﻌﺎﻟﻮ ﻣﻌﺎﻳﺎ
ﻗﻌﺪ ﻳﻤﺸﻲ ﺩﻛﺘﻮﺭ ﻭﻫﻤﺎ ﻭﺭﺍﻩ
ﻣﺎﻣﺎ .. ﻋﺰﻭ ﺍﺧﺘﻚ ﺍﺧﺘﻚ ﺗﺒﻲ ﺗﺮﻳﺢ ﻣﻦ ﺑﻴﻦ ﺍﻳﺪﻳﺎ
ﻋﺰﻭ ﺑﺼﻮﺕ ﻭﺍﻃﻲ .. ﺍﺳﻜﺘﻲ ﻳﺎﺍﻣﻲ ﻣﺎﺗﻘﻮﻟﻴﺶ ﻫﻜﻲ ﺗﻮﺍ ﺗﻨﻮﺽ ﺑﺨﻴﺮ ﺍﺩﻋﻴﻠﻬﺎ ﺍﻧﺘﻲ ﺩﻋﺎﻙ ﻣﺴﺘﺠﺎﺏ
ﻣﺎﻣﺎ .. ﻳﺎﺭﺏ ﻛﻮﻥ ﻣﻌﺎﻫﺎ ﻳﺎﺭﺏ ﺷﻮﻑ ﺑﺤﺎﻟﻬﺎ ﺍﺍﺍﻩ
ﺧﺸﻮ ﺷﺎﻓﻮﻫﺎ
ﺩﻛﺘﻮﺭ .. ﻣﺎﻓﻴﺶ ﺩﺍﻋﻲ ﻟﻘﻌﺪﺗﻜﻢ ﻫﻨﺎ ﻫﻴﺎ ﻣﺶ ﺣﺎﺳﻪ ﺑﺤﺪ ﻭﻛﺎﻥ ﻧﺎﺿﺖ ﻧﺤﻦ ﻧﺨﺒﺮﻭﻛﻢ
ﻋﺰﻭ ﻫﺰ ﺭﺍﺳﻪ .. ﺍﻣﻲ ﺧﻠﻲ ﻧﺮﻭﺣﻮ ﻻﺯﻡ ﻧﻌﺪﻭ ﻟﻌﺰﺍﺀ
ﻣﺎﻣﺎ ﺗﻤﺴﺢ ﻑ ﺩﻣﻮﻋﻬﺎ .. ﺑﺎﻩ ﻫﻴﺎ
ﻃﻠﻌﻮ ﻣﻦ ﻋﻨﺪﻫﺎ ﻭﺭﻭﺣﻮ ﻟﺤﻮﺵ "
ﺭﺣﺎﺏ .. ﻏﻴﺒﻮﺑﻪ ﻳﺎﻣﻴﺲ ﻏﻴﺒﻮﺑﻪ ﺧﺸﺖ ﻓﻴﻬﺎ ﻣﻦ ﺻﺪﻣﻪ
ﺍﻧﺎ .. ﻳﻨﻌﻠﻴﺎ ﻳﺎﺧﻴﺘﻲ ﻣﺎﻓﺮﺣﺘﻲ ﺑﻌﺮﺳﻚ ﻳﻨﻌﻠﻴﺎ ﻳﺎﺭﺏ ﻛﻮﻥ ﻣﻌﺎﻫﺎ ﻳﺎﺭﺏ
ﺭﺷﺎ ﺧﺸﺖ ﻋﻠﻴﻨﺎ .. ﺳﺎﺩ ﺑﻜﺎﺀ ﺗﺮﺍ ﺭﻳﻬﺎﻡ ﻣﺎﻓﻴﻬﺎ ﺷﻲ ﺗﻮﺍ ﺗﻨﻮﺽ ﺑﺪﻻ ﻣﺎﻳﺪﻟﻠﻌﻬﺎ ﺑﺼﺒﺮ ﻭﺷﻔﺎﺀ ﺗﺒﻜﻦ ﺗﺰﻳﺪﻥ ﻑ ﻣﺎﻣﺎ ﺗﻮﺍ ﺷﻮﻱ ﻭﺗﺠﻲ ﻗﺎﻋﺪﻩ ﻣﻨﻬﺎﺭﻩ
ﺍﻧﺎ ﻗﻌﺪﺕ ﻧﻤﺴﺢ ﻓﻲ ﺩﻣﻮﻋﻲ .. ﺑﻨﻌﺪﻭ ﻟﻌﺰﺍﺀ ﺍﻛﻴﺪﻩ ﺗﻮﺍ
ﺭﺣﺎﺏ .. ﻗﺎﻟﻲ ﻋﺰﻭ ﻭﺗﻦ ﺍﺭﻭﺍﺣﻜﻦ ﺗﻮﺍ ﻳﺠﻲ ﻳﺎﺧﺬﻧﺎ
ﺍﻧﺎ .. ﺑﺎﻩ
ﺭﺣﺎﺏ .. ﻛﻠﻤﻲ ﺍﻳﻬﻢ ﻗﻮﻟﻴﻠﻪ ﺍﻧﻚ ﺑﺘﻌﺪﻱ
ﺍﻧﺎ .. ﻧﺴﻴﺖ ﺑﻜﻞ
ﺭﻧﻴﺖ ﻋﻠﻴﻪ
ﺍﻧﺎ .. ﺍﻳﻮﺍﻩ ﺍﻳﻬﻢ
ﺍﻳﻬﻢ .. ﺷﻦ ﺻﺎﺭ ﻓﻴﻬﺎ
ﺍﻧﺎ ﺗﻨﻬﺪﺕ .. ﺧﺸﺖ ﻑ ﻏﻴﺒﻮﺑﻪ ﻣﻦ ﺻﺪﻣﻪ
ﺍﻳﻬﻢ .. ﻻﻻ ﻭﺍﻟﻠﻪ ﺟﺪ ﻻ ﺣﻮﻝ ﺍﻟﻠﻪ ﻭﺧﻼﺹ ﺭﺑﻲ ﻳﺸﻔﻴﻬﺎ
ﺍﻧﺎ .. ﺍﻣﻴﻦ ﻉ ﻣﻬﻢ ﺭﺍﻩ ﻋﺰﻭ ﺑﻴﺠﻲ ﻳﺸﻴﻠﻨﺎ ﻟﻌﺰﺍﺀ
ﺍﻳﻬﻢ .. ﺗﻤﺎﻡ ﻋﺪﻱ
ﺻﻜﺮﺕ ﻣﻨﻪ ﻭﻟﺒﺴﺖ ﺷﻮﻳﺎ ﻭﺟﺎﻧﺎ ﻋﺰﻭ ﻋﺪﻳﻨﺎ ﺍﻟﻌﺰﺍﺀ ﻛﺎﻧﻮ ﺩﺍﻳﺮﻥ ﺧﻴﻤﻪ ﺍﺻﻼ ﻫﻤﺎ ﻟﻌﺰﻭﻣﻪ ﺍﻟﺮﺟﺎﻟﻪ ﻗﻌﺪﺕ ﺧﻴﻤﻪ ﻋﺰﺍﻩ
ﺧﺸﻴﻨﺎ ﻭﻛﺎﻧﻮ ﻫﻠﻪ ﻣﺶ ﺻﺎﺑﺮﻳﻦ ﻗﺎﻟﺒﺎﺕ ﺩﻧﻴﺎ ﻋﻴﺎﻁ ﺑﻌﺪﻫﺎ ﺟﺖ ﺗﻼﻧﺎ ﺍﺧﺘﻪ ﺍﻟﻜﺒﻴﺮﻩ
ﻣﺎﻣﺎ .. ﺭﺑﻲ ﻳﻨﺰﻝ ﻋﻠﻴﻜﻢ ﺍﻟﺼﺒﺮ
ﺍﺧﺘﻪ ﺍﻟﻜﺒﻴﺮﻩ .. ﺍﻥ ﺷﺎﺀ ﺍﻟﻠﻪ ﻳﺎﻋﻤﺘﻲ ﻛﻴﻒ ﺣﺎﻝ ﺭﻳﻬﺎﻡ ﻭﻳﻨﻬﺎ
ﻣﺎﻣﺎ .. ﺍﻩ ﺭﻳﻬﺎﻡ ﺍﻧﻌﻨﻪ ﻣﺎﻫﻮ ﺣﺎﻟﻚ ﺭﻳﻬﺎﻡ ﻃﺎﺣﺖ ﻋﻠﻴﻨﺎ ﻭﺧﺸﺖ ﻑ ﻏﻴﺒﻮﺑﻪ ﻣﻦ ﺻﺪﻣﻪ
ﺍﺧﺘﻪ ﺍﻟﻜﺒﻴﺮﻩ ﺧﺒﻄﺖ ﻉ ﺻﺪﺭﻫﺎ .. ﻳﻨﻌﻠﻴﺎ ﻳﺎﺍﻋﻤﻴﻤﻪ ﺍﻟﻨﺒﻲ ﻃﻤﻨﻴﻨﻲ ﻋﻠﻴﻬﺎ ﻛﺎﻥ ﻧﺎﺿﺖ ﺗﻮﺍ ﻧﻤﺮﻭ ﻋﻠﻴﻬﺎ ﻑ ﻣﺴﺘﺸﻔﻰ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ
ﺍﺧﺘﻪ ﺍﻟﻜﺒﻴﺮﻩ .. ﺭﺑﻲ ﻳﺼﺒﺮﻫﺎ ﻭﻳﺼﺒﺮﻧﺎ ﻳﺎﺭﺏ ﻧﺰﻝ ﻋﻠﻴﻨﺎ ﺍﻟﺼﺒﺮ
ﺭﺷﺎ .. ﺭﺑﻲ ﻳﺼﺒﺮﻛﻢ ﺑﺲ ﺧﻮﺍﺗﻚ ﻫﺪﻳﻬﻦ ﺣﺮﺍﻡ ﻣﺶ ﺻﺒﺎﺭﺍﺕ
ﺍﺧﺘﻪ ﺍﻟﻜﺒﻴﺮﻩ ﺗﺒﻜﻲ .. ﺍﻟﻠﻪ ﻏﺎﻟﺐ ﺟﺘﻨﺎ ﺍﻟﺨﺒﺎﺭﻩ ﻭﻧﺤﻦ ﻧﺰﻏﺮﺗﻮ ﻓﺮﺣﺎﻧﻴﻦ ﺑﻔﺎﺗﺤﻪ ﻓﺠﺎﺀ ﺍﻟﺤﻮﺵ ﺑﻨﻘﻠﺐ ﺃﻋﻴﺎﻁ ﻛﻴﻒ ﺻﺪﻣﻪ ﺟﺘﻨﺎ
ﺍﻧﺎ .. ﻭﺍﻟﻠﻪ ﺣﺘﻰ ﻧﺤﻦ ﻧﺼﺪﻣﻨﺎ ﻭﺟﻌﻨﺎ ﺍﺳﺎﻣﻪ ﻭﺍﺟﺪ ﺭﺑﻲ ﻳﺼﺒﺮﻛﻢ ﻭﻳﺼﺒﺮ ﺭﻳﻬﺎﻡ
ﺍﺧﺘﻪ .. ﻣﺎﻳﻮﺟﻌﻚ ﻏﺎﻟﻲ ﺭﺑﻲ ﻳﺼﺒﺮﻫﺎ ﺭﻳﻬﺎﻡ ﺍﻥ ﺷﺎﺀ ﺍﻟﻠﻪ ﺗﻨﻮﺽ ﺗﺤﻀﺮ ﺣﺘﻰ ﻋﺰﺍﻩ
ﺍﻧﺎ .. ﻳﻴﻴﻲ ﺗﻨﻮﺽ ﺗﻼﻗﻬﻰ ﻣﺪﻓﻮﻥ ﻫﻴﺎ ﻫﺬﻱ ﺻﺪﻣﻪ
ﺍﺧﺘﻪ ﺗﻨﻬﺪﺕ .. ﻳﺎﺭﺏ ﺍﻟﺼﺒﺮ
ﻗﻌﺪﻧﺎ ﻋﻨﺪﻫﻢ ﻟﻌﻨﺪ ﺍﻟﻤﻐﺮﺏ ﻭﺭﻭﺣﻨﺎ ﺭﻭﺣﺖ ﻟﺤﻮﺵ ﻟﻘﻴﺖ ﺍﻳﻬﻢ ﻭﻋﻼﺀ ﻗﺪﺍﻡ ﺍﻟﺤﻮﺵ
ﺍﻳﻬﻢ .. ﺗﻌﺪﻱ ﻣﻌﺎﻳﺎ ﻟﻤﺴﺘﺸﻔﻰ ﺗﺸﻮﻓﻲ ﺭﻳﻬﺎﻡ
ﺍﻧﺎ .. ﺑﺎﻩ ﺭﺍﺟﻴﻨﻲ ﺷﻮﻳﺎ
ﺍﻳﻬﻢ .. ﻧﺮﺍﺟﻲ ﻓﻴﻚ
ﺣﻄﻨﺎ ﻋﺰﻭ ﻭﻋﺪﺍ ﻳﻠﻐﻲ ﻑ ﺣﺠﺰ ﻛﻞ ﺣﺎﺟﻪ
ﺍﻧﺎ .. ﻣﺎﻣﺎ ﺍﻧﺎ ﻣﺎﺷﻴﺎ ﻧﺸﻮﻑ ﺭﻳﻬﺎﻡ ﺑﻌﺪﻫﺎ ﺗﻮﺍ ﻧﺠﻲ
ﻣﺎﻣﺎ .. ﺑﺎﻩ ﻋﺪﻱ
ﺍﻧﺎ .. ﺗﻌﺪﻥ ﻣﻌﺎﻳﺎ ﻳﺎﺑﻨﺎﺕ
ﺭﺷﺎ .. ﻻ ﻋﺪﻱ ﻣﺤﻤﺪ ﻣﻘﻔﻞ ﻣﺎﻋﻨﺪﻱ ﻛﻴﻒ ﻧﻮﺻﻞ ﻓﻴﻪ ﺗﻮﺍ
ﺭﺣﺎﺏ .. ﻃﻤﻨﻴﻨﺎ ﻋﻠﻴﻬﺎ ﻭﺧﻼﺹ ﺑﻜﺮﺍ ﻧﻌﺪﻱ
ﺍﻧﺎ .. ﺑﺎﻩ
ﻃﻠﻌﻠﺘﻪ ﻭﺭﻛﺒﺖ ﻑ ﺳﻴﺎﺭﻩ
ﺍﻳﻬﻢ .. ﻛﻴﻒ ﺣﺎﻟﻚ
ﺍﻧﺎ .. ﺍﻟﺤﻤﺪﺍﻟﻠﻪ
ﺍﻳﻬﻢ .. ﻛﻠﻤﺖ ﺻﺎﺣﺒﻲ ﻑ ﻣﺴﺘﺸﻔﻰ ﻗﺎﻟﻲ ﺣﺎﻟﺘﻬﺎ ﻣﺴﺘﻘﺮﻩ ﻣﺎﻓﻴﺶ ﻋﻠﻴﻬﺎ ﺧﻮﻑ
ﺍﻧﺎ .. ﺑﺎﻩ ﺗﻤﺎﻡ ﺭﺑﻲ ﻳﻨﻮﺿﻬﺎ ﻉ ﺧﻴﺮ
ﻋﺪﻳﻨﺎ ﻟﻤﺴﺘﺸﻔﻰ ﺷﻔﺘﻬﺎ ﻣﺶ ﺣﺎﺳﻪ ﺑﻴﻨﺎ ﻭﺍﺟﻬﺰﻩ ﻋﻠﻴﻬﺎ ﻭﺧﻼﺹ ﻗﻌﺪﺕ ﻃﺸﻪ ﻭﺭﻭﺣﺖ
ﺍﻧﺎ .. ﺧﻠﻴﻨﻲ ﺍﻟﻔﺘﺮﻩ ﻫﺬﻱ ﻋﻨﺪ ﻫﻠﻲ ﻋﺎﺩﻱ
ﺍﻳﻬﻢ .. ﺗﻤﺎﻡ ﻋﺎﺩﻱ ﺍﻗﻌﺪﻱ ﻣﺎﻓﻴﺶ ﻣﺸﻜﻠﻪ
ﺍﻧﺎ .. ﺷﻜﺮﺍ
ﺍﻳﻬﻢ .. ﻫﺎﻛﻲ ﻓﻠﻮﺱ ﻭﻛﺎﻥ ﻧﺎﻗﺼﻚ ﺣﺎﺟﻪ ﻗﻮﻟﻴﻠﻲ ﺗﻮﺍ ﻧﻤﺮ ﻋﻠﻴﻚ
ﺍﻧﺎ .. ﺗﻤﺎﻡ
ﻧﺰﻟﺖ ﻭﻭﺑﺘﺖ ﻟﻴﻠﻪ ﻫﺬﻛﻬﻲ ﻋﻨﺪ ﻫﻠﻲ ﻭﻗﻌﺪﻧﺎ ﻧﻌﺪﻭ ﻟﺤﻮﺵ ﺍﻟﻌﺰﺍﺀ ﻭﺍﻟﻲ ﻳﺴﻤﻊ ﻣﻦ ﻃﺮﻓﻨﺎ ﻳﺠﻲ ﻳﻌﺰﻱ ﻏﺎﺩﻱ ﻭﺟﻮ ﺣﺘﻰ ﻋﺮﺑﻲ ﻋﺰﻭ ﺍﻧﺘﻬﺎﺀ ﺗﻼﺕ ﺍﻳﺎﻡ ﺍﻟﻌﺰﺍﺀ ﻭﺭﻳﻬﺎﻡ ﻣﺰﺍﻟﺖ ﻛﻴﻒ ﻣﺎﻫﻴﺎ ﻣﺎﻓﻴﺶ ﻋﻠﻴﻬﺎ ﺟﺪﻳﺪﻩ ﻭﺍﻧﺎ ﺑﺎﻳﺘﻪ ﻋﻨﺪ ﻫﻠﻲ ﻣﺎﻧﺒﻴﺶ ﻧﺴﻴﺐ ﻣﺎﻣﺎ ﺑﺮﻭﺣﻬﺎ ﺑﻌﺪ ﺍﻟﻌﺰﺍﺀ ﺏ ﻳﻮﻣﻴﻦ
" ﻋﻼﺀ .. ﻣﻴﺲ ﺍﻳﻬﻢ ﺑﺮﺍ ﻳﺒﻴﻚ
ﻣﺎﻣﺎ .. ﺳﻠﻢ ﺑﻨﻴﺘﻲ ﻛﺎﻥ ﻗﺎﻟﻚ ﺭﻭﺣﻲ ﺧﻼﺹ ﺭﻭﺣﻲ ﻣﻌﺎﻩ ﺍﻧﺎ ﻛﻮﻳﺴﻪ ﻭﺭﻳﻬﺎﻡ ﺍﻥ ﺷﺎﺀ ﺍﻟﻠﻪ ﺗﻘﻌﺪ ﺑﺨﻴﺮ
ﺍﻧﺎ .. ﺣﺎﺿﺮ ﻳﺎﻣﺎﻣﺎ
ﺻﺒﻴﺖ ﻭﺣﻄﻴﺖ ﺍﻳﺪﻱ ﻭﺭﺍﺀ ﺿﻬﺮﻱ ﻭﺧﺸﻴﺘﻠﻪ
ﺍﻳﻬﻢ ﺻﺒﻰ ﺟﺎﻧﻲ ﺳﻠﻢ ﻋﻠﻴﺎ ﺑﺎﻟﺨﺪ .. ﻛﻴﻒ ﺣﺎﻟﻚ ﺍﻟﻴﻮﻡ
ﺍﻧﺎ .. ﺗﻤﺎﻡ ﻛﻮﻳﺴﻪ
ﻗﻤﻌﺰﺕ ﻣﻘﺎﺑﻠﺘﻪ ﻭﺣﻄﻴﺖ ﻣﺨﺪﻩ ﻭﺭﺍﺀ ﺿﻬﺮﻱ
ﺍﻳﻬﻢ .. ﺷﻦ ﺩﺍﻳﺮﻩ ﻭﺟﻚ ﺗﻌﺒﺎﻥ
ﺍﻧﺎ .. ﻻ ﻋﺎﺩﻱ ﺗﻤﺎﻡ
ﺍﻳﻬﻢ .. ﻣﺰﺍﻟﺘﻲ ﻭﻻ ﺑﺘﺮﻭﺣﻲ
ﺍﻧﺎ ﺑﺤﺘﺖ ﻓﻴﻪ ﻭﺳﻜﺘﺖ
ﺍﺑﻬﻢ ﺟﺎﺀ ﺗﻼﻳﺎ .. ﻛﻨﻚ ﻣﻴﺴﻮ ﺷﻦ ﻓﻲ ﻧﻀﺮﺗﻚ ﻭﺭﺍﻫﺎ ﺣﺎﺟﻪ
ﺍﻧﺎ ﺑﺮﻣﺖ ﻭﺟﻲ .. ﻑ ﺍﻟﺸﻘﻪ ﻳﺎﺍﻳﻬﻢ
ﺍﻳﻬﻢ .. ﻣﺰﻋﻠﻚ ﺍﻧﺎ
ﺍﻧﺎ ﺑﺤﺘﺖ ﻑ ﻋﻴﻮﻧﻪ ﺯﻳﻦ .. ﻧﺤﻜﻮﺍ ﻑ ﺍﻟﺸﻘﻪ
ﺍﻳﻬﻢ ﺗﻨﻬﺪ .. ﺑﺎﻩ ﺗﻤﺎﻡ ﺻﺒﻲ ﺟﻴﺒﻲ ﺣﺎﺟﺎﺗﻚ
ﺻﺒﻴﺖ ﺧﺸﻴﺖ ﺟﻮﺍ
ﺭﺷﺎ .. ﺑﺘﺮﻭﺣﻲ
ﺍﻧﺎ ﺗﻨﻬﺪﺕ .. ﺍﻫﺎ ﺑﻨﺮﻭﺡ
ﺭﺷﺎ .. ﻛﻨﻚ ﺣﺎﺳﻪ ﻑ ﺣﺎﺟﻪ
ﺍﻧﺎ .. ﺑﻌﺪ ﻧﺮﻭﻗﻮ ﻭﻋﺪ ﻧﺤﻜﻴﻠﻚ ﺗﻮﺍ ﺧﻠﻴﻨﻲ ﻧﺮﻭﺡ ﻣﻌﺎﻩ
ﺭﺷﺎ .. ﻓﻜﻴﻚ ﻣﻦ ﻣﺸﺎﻛﻞ ﻣﺎﺗﺨﺮﺑﻴﺶ ﻉ ﺭﻭﺣﻚ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻫﻴﺎ ﻣﻊ ﺳﻼﻣﻪ
ﻃﻠﻌﺖ ﺑﺮﺍ
ﺍﻧﺎ .. ﻣﻊ ﺍﻟﺴﻼﻣﻪ ﻳﺎ ﻣﺎﻣﺎ ﺭﺩ ﺑﺎﻟﻚ ﻣﻦ ﺭﻭﺣﻚ ﻭﻃﻤﻨﻴﻨﻲ ﻛﺎﻥ ﺻﺎﺭﺕ ﺣﺎﺟﻪ
ﻣﺎﻣﺎ .. ﻋﺪﻱ ﻣﺮﺑﻮﺣﻪ
ﻃﻠﻌﺖ ﺑﺮﺍ ﻭﺳﻠﻤﺖ ﻉ ﻋﻼﺀ
ﺍﻧﺎ .. ﺭﺩ ﺑﺎﻟﻚ ﻣﻦ ﻣﺎﻣﺎ ﻫﺎﻣﻠﻪ ﺭﻭﺣﻬﺎ ﺭﺍﻩ
ﻋﻼﺀ .. ﺍﻥ ﺷﺎﺀ ﺍﻟﻠﻪ ﻋﺪﻱ ﺍﻧﺘﻲ ﺑﺲ
ﺍﻧﺎ .. ﻫﻲ ﺑﺄﻱ
ﻃﻠﻌﺖ ﺭﻛﺒﺖ ﻑ ﺳﻴﺎﺭﻩ ﻭﻗﻌﺪﺕ ﺳﺎﻛﺘﻪ ﺑﻌﺪ ﻗﺮﺑﻨﺎ ﻣﻦ ﺣﻮﺵ
ﺍﻳﻬﻢ .. ﺍﺭﻛﺒﻲ ﻃﻮﻝ ﻣﺎﺗﻜﻴﺶ ﻟﻮﻃﻪ
ﺍﻧﺎ ﻫﺰﻳﺖ ﺭﺍﺳﻲ ﻭﻧﺰﻟﺖ ﻧﺰﻟﺖ ﺷﻨﻄﻪ ﺍﻳﺪﻱ ﻭﺍﻳﻬﻢ ﻣﺴﻚ ﺷﻨﻄﺘﻲ ﺍﻟﻲ ﻓﻴﻬﺎ ﺩﺑﺶ ﻭﺧﺸﻴﻨﺎ ﻟﺤﻮﺵ ﻛﺎﻥ ﻫﺪﻭﺀ ﻣﺎﻓﻴﺶ ﺣﺪ ﺭﻛﺒﻨﺎ ﻃﻮﻝ ﻟﺸﻘﻪ ﺧﺸﻴﺖ ﻭﺍﻳﻬﻢ
ﻭﻟﻊ ﺍﻟﻀﻲ
ﺍﻳﻬﻢ .. ﻋﺪﻱ ﺩﻭﺷﻲ ﻭﻻ ﻏﻴﺮﻱ ﻭﺗﻌﺎﻟﻲ ﻧﺤﻜﻮﺍ
ﺍﻧﺎ ﺳﻠﺤﺖ ﻭﺷﺎﺣﻲ ﻭﺳﻠﺤﺖ ﺟﺎﻛﻪ ﻗﻌﺪﺕ ﺑﺎﻟﻜﺖ ﻭﺑﺤﺘﺖ ﻓﻴﻪ ﻭﺷﺒﻜﺖ ﺍﻳﺪﻳﺎ ﺑﻌﻀﻬﻦ .. ﻻ ﺑﻨﺤﻜﻲ ﺗﻮﺍ
ﺍﻳﻬﻢ .. ﺷﻨﻮ ﺍﺣﻜﻲ ﻛﻨﻚ ﺷﻦ ﻓﻲ ﻳﺎﻣﻴﺲ ﻣﺸﻐﻮﻝ ﺑﺎﻟﻲ ﺭﺍﻩ
ﺍﻧﺎ ﺧﺬﻳﺖ ﻧﻔﺲ ﻭﺭﻓﻌﺖ ﻋﻴﻮﻧﻲ ﻓﻴﻪ .. ﺍﻧﺎ ﺧﺸﻴﺖ ﺑﻴﻦ ﺍﺛﻨﻴﻦ ﻳﺤﺒﻮ ﺑﻌﻀﻬﻢ
ﺍﻳﻬﻢ ﻗﺮﻥ ﺣﻮﺍﺟﺒﻪ .. ﻛﻴﻒ ﺷﻨﻮ
ﺍﻧﺎ ﺯﻣﻄﺖ ﺭﻳﻘﻲ ﻭﺭﺑﻌﺖ ﺍﻳﺪﻳﺎ ﻟﺼﺪﺭﻱ .. ﻣﻔﺮﻭﺽ ﻧﻨﺴﺤﺐ ﺻﺎﺡ ﺑﻴﺶ ﺗﺎﺧﺬﻭ ﺭﺍﺣﺘﻜﻢ
ﺍﻳﻬﻢ ﺻﺒﻰ .. ﺍﻧﺘﻲ ﺷﻦ ﺗﺤﻜﻲ ﺗﻨﺴﺤﺒﻲ ﻛﻴﻒ ﻣﻴﺲ ﺍﻧﺘﻲ ﻋﺎﺭﻓﻪ ﻛﻼﻣﻚ
ﺍﻧﺎ ﺻﺒﻴﺖ ﺑﻌﺼﺒﻴﻪ .. ﺍﻫﺎ ﻋﺎﺭﻓﻪ ﻋﺎﺭﻓﻪ ﻭﺍﻟﻠﻪ ﺑﻌﺪ ﻳﻮﺻﻠﻨﻲ ﻛﻼﻡ ﺍﻧﻲ ﺧﺎﺷﻪ ﺧﺮﺑﺖ ﻋﻠﻴﻚ ﺍﻧﺖ ﻭﺣﺒﻴﺒﺖ ﺍﻟﻘﻠﺐ ﺍﻧﺎ ﻭﻗﺘﻬﺎ ﻛﻴﻒ ﺗﺒﻴﻨﻲ ﻧﺤﻜﻲ ﺍﺍﻩ ﺷﻨﻮ ﺑﻨﻘﻮﻝ ﻧﻨﺴﺤﺐ ﺑﻜﺮﺍﻣﺘﻲ ﺍﺣﺴﻦ
ﺍﻳﻬﻢ ﻳﻔﻨﺺ ﻭﻳﺒﺤﺖ ﻓﻴﺎ .. ﺻﻜﺮﻱ ﻓﻤﻚ ﺍﺳﻜﺘﻲ
ﺍﻧﺎ .. ﻣﺶ ﺳﺎﻛﺘﻪ ﻋﻠﻴﺶ ﺗﺴﻜﺖ ﻓﻴﺎ ﺑﻨﻔﻬﻢ ﺗﻮﺍ ﻓﻬﻤﻨﻲ
ﺍﻳﻬﻢ ﻋﻴﻂ .. ﻣﻴﻴﻴﻴﺲ ﻗﺘﻠﻚ ﺍﺳﻜﺘﻲ ﻣﺎﻧﺒﻴﺶ ﻧﻌﻴﻂ ﻣﺎﻧﺒﻴﺶ ﻧﻌﺼﺐ ﻭﻧﺘﻌﺎﺭﻙ ﻣﻌﺎﻙ ﻫﺬﺍ ﻛﻠﻪ ﻣﻘﺪﺭ ﻭﺿﻌﻚ ﻭﺧﺎﻳﻒ ﻉ ﻣﺸﺎﻋﺮﻙ ﻭ ﺍﻧﺘﻲ ﺗﻘﻮﻟﻴﻠﻲ ﻧﻨﺴﺤﺐ ﻣﺎﻧﻨﺴﺤﺐ ﺑﻌﻘﻠﻚ ﺑﻌﻘﻠﻚ
ﺍﻧﺎ ﺑﺮﻣﺖ ﻭﻗﻌﺪﺕ ﺣﺎﻃﻪ ﺍﻳﺪﻳﺎ ﻉ ﻭﺟﻲ ﻭﻣﺎﺳﻜﻪ ﺑﻜﻴﺘﻲ ﺟﺎﺀ ﻗﺪﺍﻣﻲ ﻭﺣﻮﻟﻲ ﺍﻳﺪﻳﺎ
ﺍﻳﻬﻢ ﺗﻨﻬﺪ .. ﺑﺤﺘﻲ ﻓﻴﺎ ﻫﻨﺎ ﻣﻦ ﺣﻜﻰ ﻣﻌﺎﻙ ﺷﻦ ﺳﺎﻣﻌﻪ ﺍﻧﺖ
ﺍﻧﺎ ﻣﻼﻣﺤﻲ ﺍﺭﺗﺨﻦ ﻭﺣﺴﻴﺖ ﺩﻣﻮﻋﻲ ﺑﻴﻨﺰﻟﻦ
ﺍﻳﻬﻢ .. ﺍﺷﺸﺸﺶ ﻣﺎﺗﺒﻜﻴﺶ ﻳﺎﻋﻤﺮﻱ ﻣﺎﻓﻴﺶ ﺣﺪ ﻳﺴﺘﺎﻫﻞ ﺩﻣﻮﻋﻚ ﺗﺒﻲ ﺗﺒﻜﻲ ﻉ ﺣﺎﺟﻪ ﻑ ﺍﻟﻮﻫﻢ
ﺣﻀﻨﻲ ﻭﺍﻧﺎ ﺣﻄﻴﺖ ﺭﺍﺳﻲ ﻉ ﺻﺪﺭﻩ ﻭﺍﻳﺪﻱ ﻉ ﺻﺪﺭﻩ ﻣﻦ ﺟﻴﻬﺎ ﻻﺧﺮﻯ
ﺍﻳﻬﻢ .. ﺍﺣﻜﻴﻠﻲ ﺷﻮ ﺳﺎﻣﻌﻪ
ﺍﻧﺎ ﺷﻴﺮﺕ ﻉ ﺷﻨﻄﻪ .. ﻣﻮﺑﺎﻳﻞ ﻑ ﺷﻨﻄﻪ ﻋﻨﺪﻱ ﺑﺮﻧﺎﻣﺞ ﺗﺴﺠﻴﻞ ﺍﻟﻤﻜﺎﻟﻤﺎﺕ ﺷﻮﻓﻪ
ﻗﺮﺏ ﺍﻳﻬﻢ ﻗﻤﻌﺰ ﻉ ﺻﺎﻟﻮﻥ ﻭﺍﻧﺎ ﻣﺰﺍﻟﺖ ﻣﺎﺳﻜﻪ ﻓﻴﻪ ﺧﺬﺍ ﻣﻮﺑﺎﻳﻞ ﻭﻓﺘﺤﻪ ﻭﺣﻞ ﻉ ﻣﻜﺎﻟﻤﻪ ﺑﻌﺪ ﺣﻠﻬﺎ ﺣﻄﻴﺖ ﺭﺍﺳﻲ ﻑ ﺻﺪﺭﻩ ﺍﻛﺜﺮ ﻭﻫﻮ ﺍﻳﺪﻩ ﻉ ﺷﻌﺮﻱ ﻗﻌﺪ ﻳﺴﻤﻊ ﻓﻴﻪ ﻛﻢ ﻣﺮﻩ
ﺍﻧﺎ .. ﺍﻳﻬﻢ ﺧﻼﺹ ﻭﻗﻒ ﺍﺭﺟﻮﻙ
ﺍﻳﻬﻢ ﺻﺒﻰ ﺑﺴﺮﻋﻪ .. ﺑﻨﺖ ﺍﻝ &$$& ﻫﺬﻱ ﺗﻲ ﻭﺍﻟﻠﻪ ﻧﻮﺭﻳﻬﺎ
ﺍﻧﺎ .. ﻣﻦ ﺗﻘﺼﺪ ﺍﻧﺖ
ﺍﻳﻬﻢ ﻣﺴﻚ ﺍﻳﺪﻳﺎ ﻭﺑﺄﺱ ﺭﺍﺳﻲ .. ﺣﺒﻴﺒﻲ ﺭﺩ ﺑﺎﻟﻚ ﺗﺤﻄﻲ ﻛﻼﻡ ﻫﺬﺍ ﻑ ﺭﺍﺳﻚ ﻣﺎﺷﻲ ﻻﻧﻪ ﻣﺎﻓﻴﺶ ﻣﻨﻪ ﺑﻜﻠﻠﻞ ﺍﻧﺎ ﻧﺤﺒﻚ ﺍﻧﺘﻲ ﻭﺑﺲ ﻭﺧﻄﺒﺖ ﺑﺮﻏﺒﺘﻲ ﻻ ﺧﺸﻴﺘﻲ ﻻ ﺷﻲ ﻭﺍﻧﺎ ﻓﺎﺳﺦ ﻟﻴﺎ ﺳﻨﻪ ﻭﻧﺺ ﻛﻨﺖ ﻣﺎﺗﻨﺴﻴﺶ ﺍﻧﺎ ﻧﺤﺒﻚ ﺑﺎﻫﻲ
ﺍﻧﺎ ﻫﺰﻳﺖ ﺭﺍﺳﻲ ﻭ ﺩﻣﻮﻋﻲ ﻉ ﻃﺮﻑ ﻋﻴﻨﻲ
ﺍﻳﻬﻢ ﺑﺎﺱ ﺧﺪﻱ .. ﺍﺭﻗﺪﻱ ﺗﺮﻳﺤﻲ ﺍﻧﺎ ﻧﺎﺯﻝ ﻟﻤﺤﻤﺪ ﺑﺎﻫﻲ
ﺍﻧﺎ ﺑﺼﻮﺕ ﻭﺍﻃﻲ .. ﺭﺩ ﺑﺎﻟﻚ ﻣﻦ ﺭﻭﺣﻚ
ﺍﻳﻬﻢ ﺍﺑﺘﺴﻢ ﻭﻧﺰﻝ ﺑﺎﺱ ﺑﻄﻨﻲ .. ﺣﺎﺿﺮ ﺧﺸﻲ ﺧﻼﺹ
ﺻﺒﻴﺖ ﻭﻫﻮ ﻃﻠﻊ ﻳﺠﺮﻱ ﻭﺍﻧﺎ ﺧﺸﻴﺖ ﻧﺒﺮﻡ ﻉ ﺷﻘﻪ ﻭﺩﻭﺷﺖ ﻭﺻﻠﻴﺖ ﺍﻟﻌﺸﺎﺀ ﻭﻛﺴﺪﺕ ﺑﺮﻭﺣﻲ ﻑ ﺷﻘﻪ "
" ﻣﺤﻤﺪ .. ﺷﻔﺘﻚ ﻣﻦ ﻓﻮﻕ ﻗﺮﻳﺐ ﺗﻜﻤﻞ ﺑﺎﻛﻮ ﺩﺧﺎﻥ
ﺍﻳﻬﻢ ﻧﻔﺦ ﺩﺧﺎﻥ ﺑﻘﻮﻩ .. ﺍﻟﻨﻢ ﺑﻨﺖ ﻋﻤﻚ ﻣﺶ ﻧﺎﻭﻳﻪ ﺗﺴﻴﺒﻨﻲ
ﻣﺤﻤﺪ .. ﻛﻨﻬﺎ ﻫﺎﻟﺒﻼ ﺭﺍﻩ ﻛﺒﺪﻱ ﻋﻠﻴﻬﺎ ﺩﻡ
ﺍﻳﻬﻢ ﺟﺒﻂ ﺩﺧﺎﻥ ﻭﺭﻓﻊ ﺭﺍﺳﻪ ﻓﻮﻕ ﻧﻔﺨﻪ .. ﺭﺍﻧﻪ ﻉ ﻣﻴﺲ ﻭﻭﻭﻭﻭﻭ
ﻣﺤﻤﺪ .. ﻛﻨﻬﺎ ﻫﺬﻱ ﺗﺰﻳﺪ ﻓﻴﻬﺎ ﺯﻳﺎﻩ ﻣﺴﻜﻴﻨﻪ
ﺍﻳﻬﻢ .. ﺍﻟﻠﻪ ﻉ ﺃﺛﺮ ﺍﺧﺘﻬﺎ ﻭﺍﻟﺤﻤﻞ ﻭﺍﻣﺘﺤﺎﻧﺎﺕ ﻗﺮﻳﺒﺎﺕ ﻭﻫﻴﺎ ﺗﻮﺍ
ﻣﺤﻤﺪ .. ﻻ ﺣﻮﻝ ﻫﺬﻱ ﻻﺯﻡ ﻳﻨﺪﺍﺭﻟﻬﺎ ﺣﺪ
ﺍﻳﻬﻢ .. ﻧﺤﻜﻲ ﻟﻌﻤﻲ ﻳﻤﺸﻲ ﻳﻘﺘﻠﻬﺎ
ﻣﺤﻤﺪ .. ﻣﺶ ﻟﺪﺭﺟﻪ ﺑﺲ ﻣﺶ ﻋﺎﺭﻑ ﻭ ﺍﻟﻠﻪ ﻣﺎﻧﻲ ﻋﺎﺭﻑ
ﺍﻳﻬﻢ .. ﻧﺨﺎﻑ ﻧﺤﻜﻲ ﻣﻌﺎﻫﺎ ﻭﺟﻪ ﻟﻮﺟﻪ ﺗﻤﺸﻲ ﺗﻘﻠﺐ ﻛﻼﻡ ﻭﺍﻧﺎ ﻣﺶ ﻧﺎﻗﺺ ﻣﺸﺎﻛﻞ ﻣﻊ ﻣﻴﺲ
ﻣﺤﻤﺪ .. ﻣﻌﻠﻴﺶ ﺑﺘﺤﻤﻞ ﺍﻧﺖ ﺍﻟﻔﺘﺮﻩ ﻫﺬﻱ ﻟﻴﻦ ﻳﺮﺩ ﻛﻞ ﺣﺎﺟﻪ ﻛﻴﻒ ﻗﺒﻞ
ﺍﻳﻬﻢ .. ﻣﺘﺤﻤﻞ ﺩﺍﻭﻱ ﺣﺎﺟﻪ ﺍﻧﺎ ﻉ ﻗﻠﺒﻲ ﻛﻴﻒ ﺍﻟﻌﺴﻞ ﻭﺍﻟﻠﻪ
ﻣﺤﻤﺪ ﺣﻂ ﺍﻳﺪﻩ ﻉ ﻛﺘﻒ ﺍﻳﻬﻢ .. ﻭﻳﻦ ﻉ ﺗﻜﺒﻴﺪ
ﺍﻳﻬﻢ ﺍﺑﺘﺴﻢ .. ﻣﻴﺲ ﻛﻞ ﺣﺎﺟﻪ ﻋﻨﺪﻱ ﻛﻴﻒ ﻋﺎﺩ
ﻣﺤﻤﺪ .. ﺭﺑﻲ ﻳﺨﻠﻴﻬﺎ ﻟﻜﻲ ﺧﻼﺹ ﺍﺭﻛﺐ ﺍﻗﻌﺪ ﻣﻌﺎﻫﺎ
ﺍﻳﻬﻢ .. ﻫﻴﺎ ﻫﻜﻲ ﻫﻴﺎ ﺍﻭﻛﻲ
ﻣﺤﻤﺪ .. ﺗﺸﺎﻭ
ﺭﻛﺐ ﺍﻳﻬﻢ ﻭﺍﻧﺎ ﻛﻨﺖ ﻑ ﺩﺍﺭ ﻧﻀﻢ ﻑ ﺩﺑﺸﻲ ﺧﺶ ﻋﻠﻴﺎ
ﺍﻳﻬﻢ .. ﻛﻠﻴﺘﻲ ﺣﺎﺟﻪ
ﺍﻧﺎ ﻫﺰﻳﺖ ﺭﺍﺳﻲ ﻭﺗﻨﻬﺪﺕ .. ﻣﺎﻋﻨﺪﻳﺶ ﻧﻴﻪ ﺗﻮﺍ
ﺍﻳﻬﻢ .. ﺑﺎﻩ ﻛﻤﻠﻲ ﺣﻮﺳﻪ ﺗﻮﺍ ﻭﻧﺎﻛﻠﻮ ﻣﻊ ﺑﻌﻀﻨﺎ ﺑﺎﻫﻲ
ﺍﻧﺎ ﻫﺰﻳﺖ ﺭﺍﺳﻲ ﺑﺲ ﻭﻫﻮ ﻣﻘﻤﻌﺰ ﻉ ﺳﺮﻳﺮ ﻳﺒﺤﺖ ﻓﻴﺎ ﻛﻤﻠﺖ ﻭﺟﻴﺖ ﺗﻼﻩ
ﺍﻳﻬﻢ .. ﻻﺯﻡ ﺗﺎﻛﻠﻲ ﺣﺮﺍﻡ ﺻﺎﺡ
ﺍﻧﺎ .. ﻋﺎﺭﻓﻪ
ﺍﻳﻬﻢ .. ﻋﺎﺭﻓﻚ ﻣﺎﻋﻨﺪﻛﺶ ﻧﻴﻪ ﻟﺸﻲ ﺑﺲ ﺣﺮﺍﻡ
ﺍﻧﺎ .. ﺑﺎﻩ ﺻﺒﻲ ﻣﻌﺎﻳﺎ
ﺍﻳﻬﻢ ﺍﺑﺘﺴﻢ .. ﻫﻴﺎ
ﺻﺒﻴﺖ ﻣﻌﺎﻩ ﻭﻗﻌﺪ ﻳﻮﻛﻞ ﻓﻴﺎ ﺑﻴﺪﺍ ﻭﻳﺤﺎﻭﻝ ﻳﻐﻴﺮﻟﻲ ﺟﻮﻱ "
" ﻑ ﺍﻟﺼﺒﺢ ..
ﻣﻨﻴﺮ ﻻﺑﺲ ﻧﻀﺮﺍﺕ ﻭﺣﺎﻁ ﻛﺮﺍﻋﻪ ﻉ ﻛﺮﺳﻲ ﻭﻳﻤﺴﺢ ﻑ ﻛﻨﺪﺭﺗﻪ ﻭﻳﺪﻧﺪﻥ .. ﺍﺭﺟﻌﻠﻲ ﺍﻧﺎ ﻗﻠﺒﻲ ﻣﻌﺎﻙ ﻣﺶ ﻗﺎﺩﺭ ﺍﻧﺴﻰ ﻫﻮﺍﻙ ﻳﺎ ﺣﺒﻴﺒﻲ ﻳﺎﺍﺣﻠﻰ ﻣﻼﻙ ﻳﺎﺭﻭﺡ ﺍﻟﺮﻭﺡ ﻋﻨﺪﻱ ﺍﻡ .. ﺭﻓﻊ ﺭﺃﺳﻪ ﻭﻣﺮﻳﻢ ﻛﺎﻧﺖ ﻣﺼﺒﻴﻪ ﺗﻼﻩ
ﻣﻨﻴﺮ ﺍﺑﺘﺴﻢ ﻭﺣﻮﻝ ﻧﻀﺎﺭﻩ .. ﻫﻼ ﻫﻼ ﻭﻳﻨﻚ
ﻣﺮﻳﻢ ﺗﺒﺤﺖ ﻓﻴﻪ ﻭﺳﺎﻛﺘﻪ
ﻣﻨﻴﺮ .. ﻛﻨﻚ ﺳﺎﻛﺘﻪ ﺷﻦ ﻋﻨﺪﻙ
ﻣﺮﻳﻢ ﺗﻨﻬﺪﺕ ﺑﻨﻔﺦ ﻭﻛﺸﺨﺖ
ﻣﻨﻴﺮ ﻗﺮﺏ ﻣﻨﻬﺎ ﻭﺍﺑﺘﺴﻢ .. ﺯﻋﻼﻧﻪ
ﻣﺮﻳﻢ ﺣﻄﺖ ﺍﻳﺪﻳﻬﺎ ﻭﺭﺍﺀ ﺿﻬﺮﻫﺎ ﻭﺗﺤﺮﻙ ﻳﻤﻴﻦ ﻭﻳﺴﺎﺭ ﻭﻣﺮﻩ ﻣﺮﻩ ﺗﺒﺤﺖ ﻓﻴﻪ
ﻣﻨﻴﺮ ﺑﺼﻮﺕ ﻫﺎﺩﻱ .. ﺗﺒﻴﻨﻲ ﻧﺮﺍﺿﻴﻚ
ﻣﺮﻳﻢ ﺯﻣﻄﺖ ﺭﻳﻘﻬﺎ ﻭﺭﻓﻌﺖ ﺭﺍﺳﻬﺎ
ﻣﻨﻴﺮ .. ﻣﺰﺍﻟﺘﻲ ﺳﺎﻛﺘﻪ ﺑﺲ ﻋﻴﻮﻧﻚ ﻳﻜﻔﻦ ﻗﺎﻋﺪﺍﺕ ﻳﺤﻜﻦ
ﻣﺮﻳﻢ .. ﺷﻦ ﻳﻘﻮﻟﻦ
ﻣﻨﻴﺮ ﺍﺑﺘﺴﻢ .. ﺍﻧﺤﺒﻚ
ﻣﺮﻳﻢ .. ﻋﻠﻰ ﺑﻌﺪ ﺍﻟﻤﺴﺎﻓﺎﺕ ﻳﺎﻗﺮﺑﻚ ﻟﻘﻠﺒﻲ
ﻣﻨﻴﺮ ﺿﺤﻚ ﻭﻗﺮﺏ ﻣﺴﻚ ﺍﻳﺪﻫﺎ ﺯﻳﻦ .. ﺍﺳﻒ ﻭﻧﺤﺒﻚ
ﻣﺮﻳﻢ ﺗﻬﺰ ﻓﻲ ﺭﺍﺳﻬﺎ ﻭﺗﺒﺤﺖ ﻓﻴﻪ
ﻣﻨﻴﺮ .. ﺭﺩﻱ ﻟﻴﺶ ﺳﺎﻛﺘﻪ
ﻣﺮﻳﻢ .. ﺷﻦ ﺑﻨﻘﻮﻝ ﻏﻠﻂ ﻛﺎﻥ ﻣﺸﺘﺮﻙ
ﻣﻨﻴﺮ ﻗﺮﻥ ﺣﻮﺍﺟﺒﻪ .. ﻻ ﺍﻧﺎ ﻣﺎﻏﻠﻄﺶ ﺍﻧﺘﻲ ﺍﻟﻲ ﻣﺎﺣﻄﻴﺘﻴﺶ ﻓﻴﺎ ﺛﻘﻪ ﻭﺩﺭﺗﻲ ﺟﻮ ﺷﻴﻦ
ﻣﺮﻳﻢ ﻧﺰﻟﺖ ﺭﺍﺳﻬﺎ
ﻣﻨﻴﺮ ﺑﺼﻮﺕ ﻫﺎﺩﻱ .. ﺍﺣﻢ ﻳﻌﻨﻲ ﺍﻧﺎ ﺭﺩﺕ ﻓﻌﻠﻲ ﻛﺎﻧﺖ ﻃﺒﻴﻌﻴﻪ ﻫﻜﻲ ﺍﻧﻘﻨﻪ ﺭﻗﺘﻠﻲ ﺑﺎﻟﺠﻮ
ﻣﺮﻳﻢ ﺑﺤﺘﺖ ﻓﻴﻪ ﻭﺑﺼﻮﺕ ﻭﺍﻃﻲ .. ﺍﺳﻔﻪ
ﻣﻨﻴﺮ ﺍﺑﺘﺴﻢ ﻭﻗﺮﺏ ﻣﻨﻬﺎ .. ﺑﺎﻩ ﺷﻦ ﻧﺪﻳﺮﻟﻚ ﺍﻧﺤﺒﻚ ﺣﺘﻰ ﻭﺍﻧﺘﻲ ﺑﻌﻴﺪﻩ ﻋﻠﻴﺎ ﺑﺲ ﻛﺎﻧﻚ ﻣﻌﺎﻳﺎ
ﻣﺮﻳﻢ ﺗﻨﻬﺪﺕ .. ﻣﺴﺎﻓﻪ ﻫﺬﻱ ﺍﺛﺒﺘﺘﻠﻲ ﺍﻧﻲ ﺍﻧﺎ ﻣﺶ ﺑﺲ ﻧﺤﺒﻚ ﺍﻧﺎ ﻧﻤﻮﺕ ﺑﻼﻙ
ﻣﻨﻴﺮ ﺿﺤﻚ .. ﻗﻠﺘﻴﻬﺎ ﻟﻲ ﺛﺎﻧﻲ ﻣﺮﻩ ﺗﻮﺍ ﺗﻌﻮﺩﻱ ﻣﻊ ﺍﻟﻮﻗﺖ
ﻣﺮﻳﻢ ﺍﺑﺘﺴﻤﺖ .. ﺍﻫﺎ ﺣﻨﻘﻮﻟﻬﺎ ﻣﺎﻧﺒﻴﺶ ﻟﺤﻈﻪ ﺗﻀﻴﻊ ﻣﻨﻲ ﻭﺍﻧﺖ ﺑﻌﻴﺪ ﺳﺎﺩ ﺍﻟﻔﺘﺮﻩ ﻫﺬﻱ ﻛﺎﻧﺖ ﻓﺘﺮﻩ ﻃﻮﻳﻠﻪ ﻋﻠﻴﺎ ﻭﻑ ﻛﻞ ﻟﺤﻈﻪ ﺣﺴﻴﺖ ﻓﻴﻬﺎ ﺑﻘﺴﻮﺗﻚ ﻋﻠﻴﺎ
ﻣﻨﻴﺮ ﻳﺒﺤﺖ ﻓﻴﻬﺎ .. ﻗﺴﻴﺖ ﻻﻧﻲ ﻭﺟﻌﺘﻨﻲ ﻣﻨﻚ ﻭﺍﺟﺪ ﻭﺯﻋﻠﺖ ﻣﻦ ﺍﻭﻝ ﻣﻮﻗﻒ ﺩﺭﺗﻲ ﻫﻜﻲ ﻭﻫﺠﻤﺘﻲ ﻣﺶ ﺣﺘﻰ ﺣﺎﻭﻟﺘﻲ ﺗﻔﻬﻤﻲ
ﻣﺮﻳﻢ .. ﺷﻌﻮﺭ ﻏﺮﻳﺐ ﺟﺎﻧﻲ ﻛﺮﻫﺖ ﺭﻭﺣﻲ ﺑﺠﺪ ﺑﺲ ﻣﺎﻓﻜﺮﺗﺶ ﻧﻜﺮﻫﻚ ﻑ ﻳﻮﻡ
ﻣﻨﻴﺮ ﺍﺑﺘﺴﻢ .. ﺭﺑﻲ ﻣﺎ ﻳﺠﻴﺐ ﺑﻴﻨﺎ ﻣﺸﺎﻛﻞ ﺑﺲ ﺧﻼﺹ ﺍﻧﺎ ﺑﻨﺪﻭﻱ ﻟﻬﻠﻲ ﻧﺒﻴﻚ ﻟﻴﺎ ﺭﺳﻤﻲ ﻗﺪﺍﻣﻬﻢ
ﻣﺮﻳﻢ ﺍﺑﺘﺴﻤﺖ .. ﻭﺍﻧﺎ ﻧﺒﻲ ﻧﻘﻌﺪ ﻟﻜﻲ ﺧﻼﺹ
ﻣﻨﻴﺮ ﺑﺮﻡ ﻭﺭﺩ ﺑﺤﺖ ﻓﻴﻬﺎ ﺑﺴﺮﻋﻪ .. ﺍﺭﻛﺒﻲ ﺧﻴﺮ ﻣﺎ ﻳﺼﻴﺮ ﻓﻴﻬﺎ ﻛﻼﻡ ﺗﺎﻧﻲ
ﻣﺮﻳﻢ ﻭﺧﺮﺕ .. ﻧﺤﺒﻚ ﻧﺤﺒﻚ ﻧﺤﺒﻚ ﻧﺤﺒﻚ
ﻣﻨﻴﺮ ﺧﺒﻂ ﻛﺮﺍﻋﻪ ﻑ ﻭﻃﻰ ﻉ ﺳﺎﺱ ﺑﻴﻘﺪﻡ ﻣﺮﻳﻢ ﻣﺸﺖ ﺗﺠﺮﻱ ﺑﻌﺪﻫﺎ ﺭﺩﺕ
ﻣﺮﻳﻢ ﺑﺼﻮﺕ ﻋﺎﻟﻲ .. ﺳﻴﻴﻴﻴﻨﺴﻔﻲﺭﺭﺭﻭﻭﻭﻡ ﻣﻨﻴﺮﺭﺭ
ﻣﻨﻴﺮ ﻳﻌﺾ ﻉ ﻓﻤﻪ .. ﻳﺎﻣﺠﻨﻮﻧﻪ ﻳﺎﻫﺒﻠﻪ
ﻣﺮﻳﻢ ﻣﺸﺖ ﺗﺠﺮﻱ ﺧﺸﺖ ﺣﻮﺷﻬﻢ ﻭﻣﻨﻴﺮ ﻣﺒﺘﺴﻢ ﻉ ﺣﺮﻛﺎﺗﻬﺎ ﻭﻃﻠﻊ ﻣﻮﺑﺎﻳﻠﻪ ﻭﻛﺘﺒﻠﻬﺎ
- ﻓﻴـﻬﻪ ﻧـﺎﺱ ﻣـﺠﺒﻮﺭﻳﻦ ﻧـﺴﻤﻴﻬﻢ ﻗﻬـﻮﺓ ﺑـﺸﺮﻳﺔ ﮔـﻞ ﻣﺎ ﻧﺤﮕـﻲ ﻣـﻌﻬﻢ ﻧـﺮﻭّﻕ ﻭﺍﻟﻠﻪِ ".
" ﻋﺰﻭ ﺣﺎﻁ ﻣﻮﺑﺎﻳﻞ ﻉ ﻭﺫﻧﻪ ﻭﻣﺎﺳﻜﻪ ﺑﻜﺘﻔﻪ ﻭﻳﻠﺒﺲ ﻑ ﻛﻨﺪﺭﺗﻪ .. ﻳﺎ ﺩﻛﺘﻮﺭ ﺍﻧﻲ ﻑ ﻃﺮﻳﻖ ﺧﻼﺹ ﻋﻄﻴﻬﺎ ﻣﻬﺪﻱ ﻛﻴﻒ ﻣﺎ ﻗﻠﺖ ﻟﻴﻦ ﻧﺠﻲ ﺍﻧﺎ ﺗﻤﺎﻡ ﺗﻤﺎﻡ
ﻣﺎﻣﺎ ﻃﻠﻌﺖ ﻣﻦ ﺩﺍﺭ ﻭﺗﻠﻒ ﻑ ﻭﺷﺎﺡ ﻋﻠﻴﻬﺎ .. ﺷﻦ ﻗﺎﻟﻚ
ﻋﺰﻭ .. ﻗﺎﻋﺪﻩ ﻗﺎﻟﺒﻪ ﺩﻧﻴﺎ ﻋﻴﺎﻁ ﻣﺶ ﻫﺎﺩﻳﺎ
ﻣﺎﻣﺎ .. ﻳﺎﺭﺑﻲ ﻛﻮﻥ ﻣﻌﺎﻫﺎ ﻳﺎﺭﺏ ﺍﺷﻔﻴﻬﺎ ﻭﺻﺒﺮﻫﺎ
ﻋﺰﻭ .. ﻫﻴﺎ ﻳﺎﺍﻣﻲ
ﺭﺷﺎ .. ﻃﻤﻨﻴﻨﺎ ﻳﺎﻣﺎﻣﺎ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺗﻮﺍ ﻧﻜﻠﻤﻜﻦ
ﻃﻠﻌﻮ ﺷﻮﺭ ﻣﺴﺘﺸﻔﻰ ﻃﻮﻝ ﻭﺭﻛﺐ ﻋﺰﻭ ﻳﺠﺮﻱ
ﻣﺎﻣﺎ .. ﺭﺍﺟﻴﻨﻲ ﻳﺎﻋﺰﻭ
ﻋﺰﻭ ﺭﺩ ﻉ ﻣﺎﻣﺎ .. ﻫﻴﺎ ﻳﺎﺍﻣﻲ
ﻣﺴﻚ ﻑ ﺍﻳﺪﻫﺎ ﻟﻴﻦ ﻭﺻﻞ ﻟﻐﺮﻓﻪ ﻭﺧﺶ ﻭﻛﺎﻥ ﺩﻛﺘﻮﺭ ﻣﺼﺒﻲ ﻋﻨﺪ ﺭﺃﺱ ﺭﻳﻬﺎﻡ ﻭﻫﻴﺎ ﻳﺎﺩﻭﺏ ﻓﺎﺗﺤﻪ ﻋﻴﻮﻧﻬﺎ ﻭﺩﻣﻮﻋﻬﺎ ﻳﻨﺰﻟﻦ ﻭﺗﺤﺮﻙ ﻑ ﺭﺍﺳﻬﺎ
ﺭﻳﻬﺎﻡ .. ﻃﻠﻌﻮﻧﻲ ﻧﺸﻮﻓﻪ ﻃﻠﻌﻮﻧﻲ ﺍﺳﺎﻣﻪ ﻳﺮﺍﺟﻲ ﻓﻴﺎ
ﻋﺰﻭ ﻗﺮﺏ ﻗﻤﻌﺰ ﻉ ﺳﺮﻳﺮ .. ﻋﻄﻴﺘﻬﺎ ﻣﻬﺪﻱ
ﺩﻛﺘﻮﺭ .. ﻻﻻ ﻫﺪﺕ ﺑﺮﻭﺣﻬﺎ ﻫﻚ
ﻋﺰﻭ ﻣﺴﻚ ﺍﻳﺪﻫﺎ .. ﺭﻳﻬﺎﻡ ﺭﻳﻬﺎﻡ ﺑﺤﺘﻲ ﻓﻴﺎ
ﻭﺟﻬﺎ ﻛﺎﻥ ﻣﺎﻳﻼ ﻟﺠﻴﻬﺎ ﻷﺧﺮﻯ ﻋﺰﻭ ﺣﻂ ﺍﻳﺪﻩ ﻉ ﺧﺪﻫﺎ ﻭﺑﺮﻣﻪ ﻟﻪ
ﻋﺰﻭ .. ﺭﻳﻬﺎﻡ
ﺭﻳﻬﺎﻡ ﺗﺒﻜﻲ .. ﻋﺰﻭ ﻗﻮﻟﻲ ﺍﻧﻲ ﻛﻨﺖ ﻧﺤﻠﻢ ﻗﻮﻝ ﻫﻜﻲ
ﻋﺰﻭ .. ﻗﻮﻟﻲ ﻻ ﺇﻟﻪ ﺍﻻ ﺍﻟﻠﻪ
ﺭﻳﻬﺎﻡ ﺗﺒﻜﻲ ﻭﺗﻬﺰ ﻑ ﺭﺍﺳﻬﺎ .. ﻗﺼﺪﻙ ﺻﺎﺡ ﻣﺎﻛﻨﺘﺶ ﻧﺤﻠﻢ ﺍﺳﺎﻣﻪ ﻣﺎﺕ ﻣﺎﺕ
ﻋﺰﻭ ﺗﻨﻬﺪ .. ﻋﻈﻢ ﺍﻟﻠﻪ ﺍﺟﺮﻙ ﺍﺳﺎﻣﻪ ﻳﺒﻲ ﺩﺍﻋﻮﺗﻚ ﺗﻮﺍ ﻳﺒﻴﻚ ﻗﻮﻳﻪ
ﺭﻳﻬﺎﻡ .. ﺳﻤﻌﺘﻲ ﻳﺎﻣﺎﻣﺎ ﺳﻤﻌﺘﻲ
ﻣﺎﻣﺎ ﺗﺒﻜﻲ ﻭﺗﺒﺤﺖ ﻓﻴﻬﺎ ﻗﺮﺑﺖ ﻣﻨﻬﺎ ﻭﺣﻀﻨﺘﻬﺎ ﻭﻫﻴﺎ ﺍﻧﻬﺎﺭﺕ
ﺭﻳﻬﺎﻡ .. ﻋﻠﻴﺶ ﺳﻴﺒﻨﻲ ﻋﻠﻴﺶ ﻋﺪﺍ ﺑﺲ ﻋﻠﻴﺶ ﻓﺮﺣﺘﻲ ﻣﺎﻛﻤﻠﺘﺶ ﻋﻠﻴﺶ ﺍﻳﺼﻴﺮ ﻓﻴﺎ ﻫﻜﻲ ﻟﻴﺶ ﺣﻴﺎﺗﻲ ﻫﻜﻲ ﻛﻞ ﺣﺎﺟﻪ ﻧﺒﻴﻬﺎ ﺗﺠﻲ ﺿﺪﻱ ﻳﺎﻣﺎﻣﺎ ﻗﻮﻝ ﻳﻠﻲ ﺍﻧﺎ ﺷﻦ ﺩﺭﺕ ﺑﻴﺶ ﻳﺼﻴﺮﻟﻲ ﻫﻜﻲ ﻳﺎ ﻣﺎﻣﺎ ﻛﺎﻥ ﻓﺮﺣﺎﻥ ﺏ ﻓﺎﺗﺤﻪ ﻛﺎﻥ ﺑﻴﻄﻴﺮ ﺍﻧﻜﺴﺮﺕ ﻓﻴﻪ ﻛﺴﺮﻧﻲ ﻭﻋﺪﺍ ﻟﻤﻦ ﺧﻼﻧﻲ ﺑﺲ
ﻣﺎﻣﺎ ﺗﺴﻤﻊ ﻓﻴﻬﺎ ﻭﺗﻤﺴﺢ ﻉ ﺭﺍﺳﻬﺎ .. ﺭﺑﻲ ﻳﺼﺒﺮﻙ ﻳﺎﺑﻨﻴﺘﻲ ﺭﺑﻲ ﻳﺼﺒﺮﻙ ﻭﻳﻬﺪﻱ ﺑﺎﻟﻚ
ﺩﻛﺘﻮﺭ ﻳﻬﺰ ﻑ ﺭﺍﺳﻪ ﻭﻳﺒﺤﺖ ﻓﻴﻬﺎ ﻋﺰﻭ ﺻﺒﻰ ﺑﺤﺖ ﻓﻴﻪ
ﻋﺰﻭ .. ﺍﻣﺘﻰ ﻧﻄﻠﻌﻮﻫﺎ
ﺩﻛﺘﻮﺭ .. ﺗﻮﺍ ﺣﻨﻜﺘﺒﻠﻬﺎ ﻉ ﺍﻟﺨﺮﻭﺝ ﻭﺿﻌﻬﺎ ﻣﺴﺘﻘﺮ ﻣﺎﻓﻴﻬﺶ ﺷﻲ ﻭﺿﻌﻬﺎ ﻧﻔﺴﻲ ﺑﺲ ﺭﺑﻲ ﻳﻜﻮﻥ ﻑ ﻋﻮﻧﻬﺎ
ﻋﺰﻭ ﻣﺴﺢ ﻉ ﻟﺤﻴﺘﻪ .. ﺗﻤﺎﻡ ﺷﻜﺮﺍً ﻳﺎ ﺩﻛﺘﻮﺭ ﺑﺎﺭﻙ ﺍﻟﻠﻪ ﻓﻴﻚ
ﺩﻛﺘﻮﺭ .. ﻭﻓﻴﻚ ﺑﺎﺭﻙ ﺍﻟﻠﻪ ﻭﻟﻮ ﻭﺍﺟﺒﻲ
ﻃﻠﻊ ﺩﻛﺘﻮﺭ ﻭﺭﻳﻬﺎﻡ ﻗﻌﺪﺕ ﻑ ﺣﻀﻦ ﻣﺎﻣﺎ ﻫﺎﺩﻳﺎ ﺗﺒﻜﻲ ﺑﺪﻭﻥ ﺻﻮﺕ
ﺭﻳﻬﺎﻡ .. ﺩﻓﻨﻮﻩ
ﻣﺎﻣﺎ .. ﻧﺪﻓﻦ
ﺭﻳﻬﺎﻡ ﻏﻤﻀﺖ ﻋﻴﻮﻧﻬﺎ ﺯﻳﻦ ﻭﺗﻨﻬﺪﺕ .. ﻣﺎﺷﻔﺘﺶ
ﻣﺎﻣﺎ .. ﻧﺼﻴﺒﻚ ﻳﺎﺑﻨﻴﺘﻲ ﻋﺴﻰ ﺍﻥ ﺗﻜﺮﻫﻮﺍ ﺷﻴﺌﺎ ﻭﻫﻮ ﺧﻴﺮ ﻟﻜﻢ
ﺭﻳﻬﺎﻡ ﻣﺴﺤﺖ ﺩﻣﻮﻋﻬﺎ .. ﻭﻧﻌﻢ ﺑﺎﻟﻠﻪ ﺑﻨﺮﻭﺡ
ﻣﺎﻣﺎ .. ﺑﺎﻩ ﺧﻼﺹ ﻳﻜﺘﺐ ﺩﻛﺘﻮﺭ ﻉ ﺧﺮﻭﺝ ﺑﺲ
ﻗﻌﺪﺕ ﻣﺎﻣﺎ ﺗﻠﺒﺲ ﻓﻴﻬﺎ ﻭﺭﻳﻬﺎﻡ ﻛﺎﻧﻬﺎ ﻑ ﻋﺎﻟﻢ ﺑﺮﻭﺣﻬﺎ ﺳﺎﻛﺘﻪ
ﻃﻠﻌﻮﻫﺎ ﻣﻦ ﻣﺴﺘﺸﻔﻰ ﻭ ﻫﻴﺎ ﻫﺎﺩﻳﺎ ﻭﺗﺒﺤﺖ ﻑ ﻗﺰﺍﺯ ﻭﺳﺎﻛﺘﻪ
ﻣﺎﻣﺎ ﺗﺒﺮﻡ ﺗﺒﺤﺖ ﻓﻴﻬﺎ .. ﻫﻮﻣﺎ ﺍﻧﺘﻲ ﻛﻮﻳﺴﻪ
ﺭﻳﻬﺎﻡ ﻫﺰﺕ ﺭﺍﺳﻬﺎ ﺑﺲ
ﻣﺎﻣﺎ .. ﺗﻮﺍ ﻧﻮﺻﻠﻮ ﻭﺩﻳﺮﻱ ﺩﻭﺵ ﺣﻠﻮ ﺗﺮﻳﺤﻲ
ﺭﻳﻬﺎﻡ ﺣﻄﺖ ﺭﺍﺳﻬﺎ ﻉ ﻗﺰﺍﺯ ﻟﻴﻦ ﻭﺻﻠﻮ
ﺭﺷﺎ ﻃﻠﻌﺖ ﺗﺠﺮﻱ .. ﺟﻴﺘﻲ ﻧﻮﺭﺗﻲ ﺍﻟﺤﻮﺵ
ﺍﺿﺒﻄﺖ ﺭﻳﻬﺎﻡ ﻭﺭﻳﻬﺎﻡ ﺳﺎﻛﺘﻪ
ﺭﺷﺎ .. ﻛﻴﻒ ﺣﺎﻟﻚ
ﺭﻳﻬﺎﻡ ﻫﺰﺕ ﺭﺍﺳﻬﺎ
ﻣﺎﻣﺎ .. ﺧﻠﻴﻬﺎ ﺧﻼﺹ ﺗﻌﺎﻟﻲ ﻳﺎﻫﻮﻣﺎ
ﺭﺣﺎﺏ .. ﺭﻳﻬﺎﻡ ﻳﺎﻋﻤﺮﻱ ﺍﻟﺤﻤﺪﺍﻟﻠﻪ ﻉ ﺳﻼﻣﻪ
ﺭﻳﻬﺎﻡ ﻫﺰﺕ ﺭﺍﺳﻬﺎ ﺑﺲ
ﻣﺎﻣﺎ .. ﺑﻨﺎﺕ ﻭﺗﻠﻬﺎ ﺩﺑﺶ
ﺭﺷﺎ .. ﺣﺎﺿﺮ ﻳﺎﻣﺎﻣﺎ
ﻣﺎﻣﺎ .. ﺭﻳﻬﺎﻡ ﻳﺎﻣﺎﻣﺎ ﻧﺨﺶ ﻣﻌﺎﻙ ﻭﻻ ﺗﺨﺸﻲ ﺑﺮﻭﺣﻚ
ﺭﻳﻬﺎﻡ .. ﺑﺮﻭﺣﻲ
ﻣﺎﻣﺎ .. ﺑﺎﻩ ﺧﺸﻲ ﺣﺒﻴﺒﺘﻲ
ﺧﺸﺖ ﻟﺤﻤﺎﻡ ﻭﻣﺎﻣﺎ ﻗﻤﻌﺰﺕ ﺗﻼ ﻋﺰﻭ
ﻋﺰﻭ .. ﻧﻔﺴﻴﺘﻬﺎ ﺗﺤﺖ ﺻﻔﺮ
ﻣﺎﻣﺎ .. ﻭﺿﻌﻬﺎ ﻣﺶ ﻋﺠﺒﻨﻲ
ﻋﺰﻭ .. ﺍﻥ ﺷﺎﺀ ﺍﻟﻠﻪ ﻓﺘﺮﻩ ﻭﺗﻌﺪﻱ ﺭﺍﻩ ﻣﺤﻤﺪ ﻛﻠﻤﻨﻲ ﻭﻗﺎﻟﻲ ﺍﺟﻞ ﺍﻟﻌﺮﺱ ﻟﻌﻨﺪ ﺷﻬﺮ 12 ﻉ ﺳﺒﻪ ﻭﺿﻊ ﺍﻟﺤﻮﺵ
ﻣﺎﻣﺎ .. ﺑﺎﻫﻲ ﺗﻤﺎﻡ ﺍﺣﺴﻦ ﺣﺘﻰ ﺭﻳﻬﺎﻡ ﺗﻘﻌﺪ ﺭﺍﻗﺖ ﺷﻮﻳﺎ
ﻋﺰﻭ .. ﺍﻧﺎ ﺭﺍﻛﺐ ﻓﻮﻕ ﺑﻨﺸﻮﻑ ﺃﻋﻤﺎﻝ ﺷﻦ ﺩﺍﺭﻭ
ﻣﺎﻣﺎ .. ﺑﺎﻩ ﺗﻤﺎﻡ "
" ﻛﻨﺖ ﻑ ﻛﻮﺟﻴﻨﻪ ﻧﺪﻳﺮ ﻑ ﻛﺎﻛﻮ ﻭﻧﻜﻠﻢ ﻓﻲ ﺭﺷﺎ
ﺍﻧﺎ .. ﺑﻜﺮﺍ ﺗﻮﺍ ﻧﻤﺮ ﻋﻠﻴﻜﻢ ﻭﺧﻼﺹ ﺑﺎﻩ ﺳﻠﻤﻲ ﻉ ﻣﺎﻣﺎ ﻭﺍﻟﺒﺎﻗﻲ
ﺭﺷﺎ .. ﻫﻴﺎ ﺍﻭﻛﻲ
ﺻﻜﺮﺕ ﻭﺟﺎﺀ ﺍﻳﻬﻢ ﺣﻀﻨﻲ ﻣﻦ ﻻﻭﺭﻩ
ﺍﻳﻬﻢ .. ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﺘﻬﺎ
ﺍﻧﺎ .. ﺍﻟﻠﻪ ﻳﺴﻠﻤﻚ
ﺍﻳﻬﻢ ﺑﺎﺱ ﻛﺘﻔﻲ .. ﻣﺤﻤﺪ ﻗﺎﻟﻲ ﺍﺟﻞ ﺍﻟﻌﺮﺱ
ﺍﻧﺎ .. ﻗﺎﻟﺘﻬﺎ ﻟﻴﺎ ﺭﺷﺎ ﻟﻌﻨﺪ ﻧﻬﺎﻳﻪ 12 ﺑﺎﻫﻲ ﻧﻘﻌﺪ ﺣﺘﻰ ﺍﻧﺎ ﺟﺎﻳﺒﻪ ﻭﺷﺎﺩﻩ ﺣﻴﻠﻲ ﻉ ﺍﻗﻞ
ﺍﻳﻬﻢ .. ﺍﻥ ﺷﺎﺀ ﺍﻟﻠﻪ ﻉ ﺧﻴﺮ ﻭﺳﻼﻣﻪ
ﻗﻤﻌﺰﺕ ﻭﺟﺎﺀ ﺍﻳﻬﻢ ﻗﻤﻌﺰ ﺗﻼﻳﺎ
ﺍﻳﻬﻢ .. ﺭﺍﻩ ﻣﺰﺍﻝ ﺍﻗﻞ ﻣﻦ ﺷﻬﺮ ﻉ ﺍﻣﺘﺤﺎﻧﺎﺕ
ﺍﻧﺎ .. ﻣﺎﺫﻛﺮﻧﻴﺶ
ﺍﻳﻬﻢ .. ﺍﻟﻴﻮﻡ ﻻﺯﻡ ﻧﺴﻬﺮﻭ ﻉ ﺷﻲ ﻣﺎﺩﻩ
ﺍﻧﺎ .. ﺑﺘﺘﻌﺐ ﻣﻌﺎﻳﺎ ﻻ ﺧﻠﻴﻨﻲ ﻧﺴﻬﺮ ﺑﺮﻭﺣﻲ ﻋﺎﺩﻱ
ﺍﻳﻬﻢ .. ﻻﻻ ﻧﻔﺲ ﺍﻣﺘﺤﺎﻧﺎﺕ ﻓﺘﺮﻩ ﻣﺎﻓﻴﺶ ﻓﺮﻕ
ﺍﻧﺎ .. ﻣﻌﺶ ﻳﻬﻢ ﻧﻨﺠﺢ ﻭﺧﻼﺹ
ﺍﻳﻬﻢ .. ﺗﻮﺍ ﺟﻴﺘﻲ ﻉ ﻓﺘﺮﻩ ﺍﺧﻴﺮﺍ ﻭﺗﻘﻮﻟﻲ ﻫﻜﻲ ﻻﻻ ﺍﻥ ﺷﺎﺀ ﺍﻟﻠﻪ ﺗﺠﻴﺒﻲ ﻧﺴﺒﻪ ﺍﻟﻲ ﺍﻧﺘﻲ ﺗﺤﻠﻤﻲ ﺑﻴﻬﺎ ﻣﺎﺗﺨﺎﻓﻴﺶ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ
ﺍﻳﻬﻢ ﺻﺒﻰ ﻭﺑﺄﺱ ﺭﺍﺳﻲ .. ﺍﻧﺎ ﻃﺎﻟﻊ ﺗﺒﻲ ﺣﺎﺟﻪ
ﺍﻧﺎ .. ﺑﻄﺎﻃﺎ ﻻﻧﻪ ﺑﻜﺮﺍ ﺑﻨﺪﻳﺮ ﺍﻣﺒﻮﺥ
ﺍﻳﻬﻢ .. ﺣﺎﺿﺮ ﻫﻴﺎ ﺍﻭﻛﻲ
ﻃﻠﻊ ﺍﻳﻬﻢ ﻭﺍﻧﺎ ﺧﺸﻴﺖ ﻟﺪﺍﺭ ﻓﺘﺤﺖ ﺩﻭﻻﺏ ﺑﻨﻄﻠﻊ ﺷﻨﻄﺘﻲ ﻗﺎﺑﻠﻨﻲ ﺭﻭﺏ ﺯﻓﻪ ﻣﻦ ﻳﻮﻡ ﺯﻓﻪ ﻣﻌﺶ ﻻﺑﺴﺘﻪ ﺍﺑﺘﺴﻤﺖ ﻭﺭﺩﻳﺘﻪ ﻑ ﻣﻜﺎﻧﻪ ﻭﻃﻠﻌﺖ ﺷﻨﻄﺘﻲ "
" ﻭﻗﻌﺪﻧﺎ ﻳﻤﺸﻦ ﺍﻻﻳﺎﻡ ﻭﺍﻧﺎ ﻻﻫﻴﺎ ﻑ ﻗﺮﺍﻳﺘﻲ ﻣﻌﺶ ﻃﻠﻌﺖ ﺑﻜﻞ ﻭﺍﻳﻬﻢ ﻣﺶ ﻣﻘﺼﺮ ﻣﻌﺎﻳﺎ ﻛﻞ ﺣﺎﺟﻪ ﻣﻌﺎﻳﺎ ﻛﺎﻧﻪ ﻫﻮ ﺍﻟﻲ ﻳﺒﻲ ﻳﺨﺶ ﺑﺪﺍﻟﻲ ﺭﻳﻬﺎﻡ ﻗﻌﺪﺕ ﻃﻮﻝ ﻭﻗﺘﻬﺎ ﺳﺎﻛﺘﻪ ﻣﻌﺶ ﺗﺤﻜﻲ ﻣﻊ ﺣﺪ ﻭﺭﺷﺎ ﻭﻣﺤﻤﺪ ﻗﺎﻋﺪﻳﻦ ﻳﺮﺍﺟﻮ ﻑ ﻳﻮﻡ ﻋﺮﺳﻬﻢ ﻭﻳﻮﺗﻮ ﻑ ﺣﺎﺟﺎﺗﻬﻢ ﻋﺰﻭ ﻭﻋﻼﺀ ﻗﺮﻳﺐ ﻳﻜﻤﻠﻦ ﺷﻘﻬﻬﻢ
ﺭﺣﺎﺏ ﺑﺪﺕ ﺗﻨﺴﺠﻢ ﻣﻊ ﺳﻔﻴﺎﻥ ﻭﺟﻮﻫﺎ ﺣﻠﻮ ﻻﻧﻪ ﻳﺴﺎﻳﺲ ﻓﻴﻬﺎ
ﻑ ﺍﻟﻴﻞ ..
ﺭﺣﺎﺏ .. ﺳﻔﻴﺎﻥ ﺭﺩ ﺑﺎﻟﻚ ﺣﻲ ﻋﻠﻴﻚ ﻭﺍﻟﻠﻪ ﻳﻔﻄﻨﻮ ﺧﻮﺗﻲ
ﺳﻔﻴﺎﻥ .. ﻗﺪﺍﻡ ﺍﻟﺤﻮﺵ ﺍﻧﺎ ﺗﻮﺍ ﺑﻨﺼﺒﻲ ﻉ ﺳﻴﺎﺭﻩ ﻭﻧﻌﺰﻗﻬﺎ ﻟﻜﻲ ﺍﻟﺸﻜﺎﺭﺍ
ﺭﺣﺎﺏ .. ﺳﻔﻴﺎﻥ ﻛﻨﻚ ﺍﻧﺖ
ﺳﻔﻴﺎﻥ .. ﺍﻃﻠﻌﻲ ﺧﻮﻳﻬﺎ ﻣﺶ ﺷﻮﺭﻱ ﺑﻴﻚ
ﺭﺣﺎﺏ ﺻﺒﺖ ﺷﺎﻓﺖ ﺑﻨﺎﺕ ﺭﺍﻗﺪﺍﺕ ﻗﻌﺪﺕ ﺗﺴﻠﺲ .. ﺑﺎﻩ ﻛﺎﻥ ﻛﺒﺴﻮﻧﻲ
ﺳﻔﻴﺎﻥ .. ﻣﺶ ﺣﻜﺒﺴﻮﻙ ﻏﻴﺮ ﺧﻔﻲ ﺭﻭﺣﻚ
ﺭﺣﺎﺏ ﺗﻮﻃﻲ ﻑ ﺻﻮﺗﻬﺎ .. ﺑﺎﻩ ﺍﻧﻲ ﻃﺎﻟﻌﻪ
ﺳﻔﻴﺎﻥ .. ﻧﺘﻌﺐ ﻣﻊ ﺻﻮﺕ ﺍﻟﺴﻤﺢ ﺍﻧﺎ
ﺭﺣﺎﺏ ﻣﺒﺘﺴﻤﻪ .. ﺍﺷﺸﺶ ﻃﺎﻟﻌﻪ ﺗﻮﺍ
ﻃﻠﻌﺖ ﺭﺣﺎﺏ ﻓﺘﺤﺖ ﺑﺎﺏ ﻛﻮﺟﻴﻨﻪ ﻭﻋﺪﺕ ﺗﺠﺮﻱ ﻟﻘﺖ ﺍﻟﺸﻜﺎﺭﺍ ﺧﺬﺗﻬﺎ
ﺭﺣﺎﺏ .. ﺷﻜﺮﺍً ﺷﻜﺮﺍً ﻳﺎﺳﻔﻴﺎﻥ
ﺳﻔﻴﺎﻥ ﻣﺒﺘﺴﻢ .. ﻭﻟﻮ ﺍﻧﺎ ﺑﻨﺨﻠﻲ ﺣﺎﺟﻪ ﻑ ﺧﺎﻃﺮﻙ
ﺭﺣﺎﺏ .. ﻧﺠﻚ ﻟﻴﺎ ﻭﺧﻼﺹ
ﺳﻔﻴﺎﻥ .. ﺧﺸﻲ ﻫﻴﺎ
ﺧﺸﺖ ﺭﺣﺎﺏ ﺗﺴﻠﺴﻞ ﻟﻴﻦ ﻭﺻﻠﺖ ﻟﺪﺍﺭ ﻭﻗﻤﻌﺰﺕ ﻉ ﺳﺮﻳﺮ ﻭﻓﺘﺤﺖ ﺍﻟﺸﻜﺎﺭﺍ ﻭﻃﻠﻌﺖ ﺷﻜﻼﻃﻪ ﻭﺗﺎﻛﻞ
ﺭﺣﺎﺏ .. ﺟﺎﻳﺐ ﺷﻜﻼﻃﺎﺕ ﺍﻟﻲ ﺍﻧﺎ ﻧﺤﺒﻬﻦ
ﺳﻔﻴﺎﻥ .. ﺻﺤﻪ ﻭﻋﺎﻓﻴﻪ
ﺭﺣﺎﺏ .. ﺍﻧﺖ ﻣﺰﺍﻟﺖ ﺑﺮﺍ
ﺳﻔﻴﺎﻥ .. ﺗﻮﺍ ﺑﻨﺮﻭﺡ
ﺭﺣﺎﺏ .. ﺑﺎﻩ ﺧﻠﻴﻨﻲ ﻧﺼﻜﺮ ﺳﻮﻕ ﺑﺸﻮﻳﺶ ﺑﺎﻫﻲ ﺭﺩ ﺑﺎﻟﻚ ﻣﻦ ﺭﻭﺣﻚ
ﺳﻔﻴﺎﻥ ﻣﺒﺘﺴﻢ .. ﺣﺎﺿﺮ ﺍﻭﻛﻲ
ﺭﺣﺎﺏ ﺑﺼﻮﺕ ﻫﺎﺩﻱ .. ﺑﺎﻱ
ﺻﻜﺮﺕ ﻣﻨﻪ ﻭﺣﻄﺖ ﺷﻜﺎﺭﺍ ﺗﻼﻫﺎ ﻭﺣﻄﺖ ﺭﺍﺳﻬﺎ ﻉ ﻣﺨﺪﻩ ﻭﺗﻔﻜﺮ ﻑ ﺳﻔﻴﺎﻥ ﻟﻴﻦ ﺧﺬﺍ ﻑ ﻋﻴﻨﻬﺎ ﺍﻟﻨﻮﻡ ﺑﺪﻭﻥ ﻣﺎﺗﺤﺲ "
" ﺍﻧﺎ ﻧﺘﺎﻭﺏ ﻭﺳﻨﺒﻞ ﺗﻨﻂ ﻉ ﺻﺎﻟﻮﻥ ﻭﺗﺸﺪ ﻑ ﺷﻌﺮﻱ
ﺍﻳﻬﻢ .. ﻣﺰﺍﻟﺖ ﺗﺸﺪ ﻑ ﺷﻌﺮﻙ
ﺍﻧﺎ ﻧﺤﻞ ﻑ ﻋﻴﻮﻧﻲ ﺑﺴﻴﻒ ﻭﻧﺤﻞ ﻑ ﻣﺴﺎﻟﻪ .. ﺗﻌﻮﺩﺕ ﻋﻠﻴﻪ ﺧﻼﺹ ﺗﺮﺍ ﺷﻮﻑ ﻳﺎﺍﻳﻬﻢ ﺣﻠﻴﺘﻬﺎ ﺻﺎﺡ
ﻣﺴﻚ ﻣﻨﻲ ﺍﻻﻭﺭﺍﻕ ﻭﺍﻧﺎ ﻣﺴﻜﺘﻬﺎ ﺣﻄﻴﺘﻬﺎ ﻑ ﻛﺘﺮﻱ
ﺍﻧﺎ .. ﺍﻧﺎ ﻧﺎﻋﺴﻪ ﻭﻧﻘﺮﺍ ﻭﺍﻧﺘﻲ ﺗﻠﻌﺒﻲ ﺃﺧﺮﻯ ﺍﺧﺨﺦ ﻣﻨﻚ ﺍﻫﻤﺪﻱ
ﺣﻄﻴﺘﻬﺎ ﻉ ﻭﻃﻰ ﻭﻫﻴﺎ ﺭﺩﺕ ﻧﻄﺖ ﻉ ﺻﺎﻟﻮﻥ
ﺍﻳﻬﻢ .. ﻛﻨﻚ ﺣﺎﻟﻪ ﻫﻜﻲ ﻳﺎﻣﻴﺲ
ﺍﻧﺎ .. ﺗﺆ ﻓﻴﻬﺎ ﻏﻠﻂ ﻧﻌﺴﺎﻧﻪ ﻳﺎﺍﻳﻬﻢ ﻭﺍﻟﻠﻪ ﻣﻦ ﺑﻌﺪ ﻏﺪﺍﺀ ﻭﻧﺤﻦ ﻧﻘﺮﻭ ﺧﻼﺹ ﻣﺶ ﻗﺎﺩﺭﻩ
ﺍﻳﻬﻢ ﺣﻂ ﺗﻼﻩ ﺃﻭﺭﺍﻕ ﻭﻣﺴﻜﻨﻲ ﻣﻦ ﺧﺼﺮﻱ ﻗﺮﺑﻨﻲ ﻣﻨﻪ ﻭﺍﻧﺎ ﺭﻗﺪﺕ ﻉ ﺻﺪﺭﻩ .. ﺣﺒﻴﺒﻲ ﻧﻔﺴﻴﺘﻪ ﺗﻌﺒﺎﻧﻪ
ﺍﻧﺎ .. ﻣﻀﺎﻳﻘﻪ ﺑﻜﻞ
ﺍﻳﻬﻢ ﺑﺎﺱ ﺭﺍﺳﻲ .. ﻣﻌﻠﻴﺶ ﻳﺎﺣﺒﻴﺒﻲ ﻓﺘﺮﻩ ﻭﺗﻌﺪﻱ ﻓﻜﺮﻱ ﻑ ﻟﺤﻈﻪ ﺗﻄﻠﻊ ﻧﺘﻴﺠﻪ ﻭﺍﻧﺎ ﻧﻘﻮﻟﻚ ﻧﺠﺤﺘﻲ
ﺍﻧﺎ .. ﺍﻭﻭﻑ
ﺍﻳﻬﻢ .. ﻣﻌﺶ ﺗﻨﻔﺨﻲ ﻣﺶ ﻛﻮﻳﺲ ﻣﻦ ﺷﻴﻄﺎﻥ ﻫﺬﺍ
ﺍﻧﺎ .. ﺍﺳﺘﻐﻔﺮﺍﻟﻠﻪ
ﺍﻳﻬﻢ ﻭﺧﺮﻧﻲ ﻭﻣﺴﻚ ﻭﺟﻲ .. ﺍﻳﻮﺍﻩ ﺧﻠﻴﻚ ﻣﺎﻣﻨﻪ ﺑﺮﺑﻲ ﻭﺣﻄﻲ ﺛﻘﻪ ﺍﻧﻚ ﺣﺘﻨﺠﺤﻲ ﻭﺍﻧﺎ ﻣﻌﺎﻙ ﻣﻬﻤﺎ ﻳﺼﻴﺮ
ﺍﻧﺎ ﺍﺑﺘﺴﻤﺖ .. ﺍﻟﻲ ﻣﺼﺒﺮﻧﻲ ﺍﻧﺖ ﻭ ﺍﻟﻠﻪ
ﺍﻳﻬﻢ ﺑﺎﺱ ﺧﺸﻤﻲ .. ﻧﺠﻚ ﻟﻴﺎ ﻭﺧﻼﺹ ﺗﻌﺎﻟﻲ ﻧﺮﻗﺪﻭ ﺩﺍﺑﻴﻦ ﺗﻌﺒﺎﻧﻪ
ﺍﻧﺎ .. ﺑﺎﻩ ﻫﻴﺎ
ﺑﺮﻣﺖ ﺣﻮﻟﺖ ﺳﻨﺒﻞ
ﺍﻳﻬﻢ .. ﺩﺍﻋﻚ ﻓﻴﺎ ﺩﻳﻤﺎ ﺍﻣﺘﻰ ﺑﺘﺮﻗﺪ
ﺍﻧﺎ .. ﺗﻮﺍ ﺗﺮﻗﺪ ﺑﺮﻭﺣﻬﺎ
ﺍﻳﻬﻢ .. ﺗﻮﺍ ﺗﻼﺣﻘﻚ
ﺍﻧﺎ .. ﺧﻠﻴﻬﺎ ﻫﻴﺎ ﻣﺎﺗﺮﻛﺒﺶ ﻉ ﺳﺮﻳﺮ
ﺍﻳﻬﻢ ﺿﺤﻚ .. ﺗﺤﺸﻢ ﺗﺤﺴﻴﻬﺎ
ﺍﻧﺎ .. ﻋﻠﻴﻚ ﺳﻤﺎﻃﻪ
ﺧﺸﻴﺖ ﻟﺪﺍﺭ ﻭﺧﺸﻴﺖ ﻑ ﺳﺮﻳﺮ ﻭﺍﻳﻬﻢ ﻳﺤﻜﻲ ﻣﺼﺒﻲ ﻉ ﻣﺮﺍﻳﺎ ﺍﻧﺎ ﻣﺠﺮﺩ ﻣﺎﻏﻤﻀﺖ ﻋﻴﻮﻧﻲ ﺭﻗﺪﺕ "
" ﻋﺰﻭ .. ﺭﺣﺎﺍﺍﺍﺍﺍﺍﺍﺏ
ﺭﺣﺎﺏ ﻧﺎﺿﺖ ﻣﻔﺠﻮﻋﻪ
ﺭﻳﻬﺎﻡ .. ﻛﻨﻪ ﻋﺰﻭ
ﻋﺰﻭ ﺧﺶ ﻟﺪﺍﺭ ..
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﺗﻮﻗﻌﺎﺗﻜﻦ ﻟﺤﻠﻘﺎﺕ ﺍﻟﺠﺎﻳﺎ
Anosha Alriany
