عكس التيار
The writer: Anosha Alriany✍🏻
" ﺑﺮﻣﺖ ﻧﺒﺤﺖ ﻓﻴﻬﺎ ﺍﻧﺎ ﻭﺍﻣﺠﺪ
ﺗﺴﻨﻴﻢ .. ﺷﻨﻮ ﺍﻃﻠﻊ ﻑ ﺗﻐﻄﻴﻪ
ﻣﻨﻴﺮ .. ﻗﺘﻠﻚ ﻣﻌﺎﺍﺍﻳﺎ ﻳﺎﺍﻧﻢ ﺑﻴﺶ ﺗﻔﻬﻤﻲ ﺧﻼﺹ ﻗﺮﻳﺐ ﻧﺨﺸﻮ ﻟﺸﺎﺭﻉ
ﺗﺴﻨﻴﻢ .. ﺑﺎﻫﻲ ﺑﻼ ﺗﻬﺰﻳﺐ ﻋﻠﻲ ﻳﻨﺸﻐﻞ ﻋﻠﻴﻜﻢ
ﺍﻧﺎ .. ﺷﻦ ﻗﺎﻝ
ﺗﺴﻨﻴﻢ .. ﺧﻼﺹ ﻗﺮﻳﺐ ﻳﺨﺸﻮ ﻟﺸﺎﺭﻉ
ﺳﻜﺘﺖ ﻭﺷﻮﻳﺎ ﻭﺧﺸﻮ ﻫﻤﺎ ﺍﺛﻨﻴﻦ ﻳﻀﺤﻜﻮ
ﺍﻳﻬﻢ ﻳﻀﺤﻚ .. ﻛﻨﻜﻢ ﺗﻜﻠﻤﻮ ﺷﻦ ﻓﻲ
ﺍﻣﺠﺪ .. ﻧﺸﻐﻠﻨﺎ ﻋﻠﻴﻜﻢ
ﺍﻳﻬﻢ .. ﻋﻠﻴﺶ ﺗﻨﺸﻐﻠﻮ ﻣﺶ ﺻﻐﺎﺭ ﻧﺤﻦ
ﺗﺴﻨﻴﻢ .. ﻻﺯﻡ ﺗﻜﻮﻧﻮ ﺻﻐﺎﺭ ﺑﻴﺶ ﻧﻨﺸﻐﻠﻮ ﻋﻠﻴﻜﻢ
ﺑﻌﺪ ﺷﻔﺖ ﺟﻮﻩ ﺣﻠﻮ ﻭﻣﺶ ﻣﺪﻭﺭﻧﻲ ﻭﻻ ﺣﺘﻰ ﺍﺗﺼﻞ ﻭﺍﻧﺎ ﺗﻌﺒﺎﻧﻪ ﻭﻣﻨﺸﻐﻠﻪ ﻋﻠﻴﻪ ﺭﻛﺒﺖ ﻟﺸﻘﺘﻲ ﻭﺳﻴﺒﺘﻬﻢ
ﺍﻣﺠﺪ .. ﻏﻴﺮ ﻣﻴﺲ ﺧﺎﻓﺖ ﻋﻠﻴﻚ ﻭﻧﺰﻟﺖ ﻫﺬﺍ ﻟﻴﺶ ﺭﻧﻴﻨﺎ
ﺍﻳﻬﻢ .. ﻭﻳﻨﻬﺎ ﻣﻴﺲ
ﺗﺴﻨﻴﻢ .. ﻛﺎﻧﺖ ﻫﻨﺎ ﻣﺎﺷﻔﺘﻬﺶ ﺷﻜﻠﻬﺎ ﺭﻛﺒﺖ
ﺍﻳﻬﻢ .. ﺍﻫﺎ ﺑﺎﻩ ﺗﺼﺒﺤﻮ ﻉ ﺧﻴﺮ
ﺧﺸﻴﺖ ﻟﺸﻘﻪ ﺳﻠﺤﺖ ﻣﻼﻳﺎ ﺍﻟﺼﻼﺓ ﻭﺧﺸﻴﺖ ﻟﺪﺍﺭ ﻉ ﺳﺮﻳﺮ ﻭﻏﻤﻀﺖ ﻋﻴﻮﻧﻲ ﻣﺎﻋﻨﺪﻳﺶ ﻧﻴﻪ ﻧﺤﻜﻲ ﻣﻌﺎﻩ ﺑﻜﻞ ﺳﻤﻌﺖ ﺍﻟﺒﺎﺏ ﺻﻜﺮ ﺑﺮﻣﺖ ﻭﺟﻲ ﻟﺠﻴﻬﺎ ﻷﺧﺮﻯ
ﺍﻳﻬﻢ .. ﻣﻴﺴﻮ ﻣﻴﻴﺲ ﻣﻴﺴﻲ ﻭﻳﻨﻚ
ﺧﺶ ﻟﺪﺍﺭ
ﺍﻳﻬﻢ .. ﺑﺴﻢ ﺍﻟﻠﻪ ﺭﻗﺪﺗﻲ ﺑﺴﺮﻋﻪ ﻫﺬﻱ
ﻗﺮﺏ ﻳﻬﺰ ﻓﻴﺎ
ﺍﻳﻬﻢ .. ﻧﻮﺿﻲ ﺣﺒﻴﺒﻲ ﻛﻨﻚ
ﺣﻮﻟﺖ ﺍﻳﺪﻩ ﻣﻦ ﻋﻠﻴﺎ
ﺍﻳﻬﻢ .. ﻛﻨﻚ ﺣﺒﻴﺒﻲ ﻣﺰﺍﻟﺘﻲ ﺗﻌﺒﺎﻧﻪ
ﺍﻧﺎ .. ﻣﺶ ﻣﻬﻢ ﺧﻠﻴﻨﻲ ﺑﻨﺮﻗﺪ
ﺍﻳﻬﻢ .. ﻛﻴﻒ ﻣﺶ ﻣﻬﻢ ﻳﺎﻣﻴﺲ ﻋﻠﻴﺶ ﺑﺘﺮﻗﺪﻱ ﺗﻮﺍ ﺍﺑﺮﻣﻲ ﻧﺤﻜﻲ ﻣﻌﺎﻙ
ﺍﻧﺎ .. ﻣﺶ ﺣﻨﺤﻜﻲ ﻭﻣﺶ ﺣﻨﺒﺮﻡ ﺧﻠﻴﻨﻲ ﻳﺎﺍﻳﻬﻢ
ﺳﻜﺖ ﺑﻌﺪﻫﺎ ﻣﻌﺶ ﺳﻤﻌﺖ ﺻﻮﺗﻪ ﺑﺮﻣﺖ ﻟﻘﻴﺘﻪ ﻃﺎﻟﻊ ﻭﺍﻧﺎ ﻛﺸﻴﺖ ﻑ ﺭﻭﺣﻲ ﻭﺭﻗﺪﺕ "
" ﻣﺎﻣﺎ .. ﺷﻨﺠﻮﻫﺎ ﺷﻦ ﺣﻜﺘﻠﻚ
ﺭﺷﺎ .. ﺣﻤﺪﺍﻟﻠﻪ ﻣﺘﺮﻳﺤﻪ ﺍﻟﺒﺎﻳﻦ ﺭﺍﺣﻪ ﻑ ﻭﺟﻬﺎ ﺗﻼﻗﻴﺖ ﻣﻊ ﺍﻳﻬﻢ ﻭﺍﻧﺎ ﺧﺎﺷﻪ ﻣﺸﺎﺀ ﺍﻟﻠﻪ ﻋﻠﻴﻪ ﺭﺣﺐ ﺑﻴﺎ ﻭﺑﺎﻳﻦ ﻓﺮﺣﺎﻥ ﺏ ﻣﻴﺲ ﻭﺍﺟﺪ ﻏﻴﺮ ﻟﻮﻻ ﺍﻟﺤﻤﻞ ﺑﺲ ﻣﺘﻌﺒﻬﺎ ﻛﻠﻪ ﻫﻴﺎ ﻛﻮﻳﺴﻪ
ﺭﻳﻬﺎﻡ .. ﺑﺎﻫﻲ ﺍﻟﺤﻤﺪﺍﻟﻠﻪ ﻉ ﻣﻬﻢ ﺭﺍﺣﻪ ﻧﻔﺴﻴﻪ
ﻋﺰﻭ .. ﺍﻣﺘﻰ ﺗﺒﻲ ﺗﺠﻴﻨﺎ ﺑﺎﻩ ﺃﺧﺮﻯ
ﺭﺷﺎ .. ﻣﺸﻌﺎﺭﻓﻪ ﻣﺎﻗﻠﺘﻠﻴﺶ ﺍﻣﺘﻰ ﺗﺒﻲ ﺗﺠﻲ
ﻋﻼﺀ .. ﻣﻦ ﺍﻟﺒﻨﺖ ﺍﻟﻲ ﻧﺒﺪﺭﻱ ﺍﺧﺖ ﺍﻳﻬﻢ ﻫﺬﻱ
ﺭﺷﺎ .. ﻻﻻ ﻫﺬﻱ ﺑﻨﺖ ﻋﻤﻪ ﺗﺸﺒﻪ ﻟﻲ ﺍﻳﻬﻢ ﻋﺴﻞ ﺍﻟﺒﻨﺖ ﺑﻜﻞ
ﺭﺣﺎﺏ .. ﻣﻦ ﻣﺮﻳﻢ
ﺭﺷﺎ .. ﻻ ﻻ ﺑﺸﺮﻯ ﻫﺬﻱ ﻣﺎﻫﺪﺭﺯﺗﺶ ﻭﺍﺟﺪ ﻣﻌﺎﻧﺎ ﻑ ﺍﻟﻌﺮﺱ ﻛﻴﻒ ﻣﺮﻳﻢ
ﺭﺣﺎﺏ .. ﺍﻫﺎ ﺑﺲ ﻋﺮﻓﺘﻬﺎ ﺣﻠﻮﻩ ﻭﺟﺬﺍﺑﻪ ﺍﻟﻔﺮﺧﻪ
ﺭﺷﺎ .. ﺍﻳﻮﺍﻩ
ﻣﺎﻣﺎ .. ﻭﺍﻧﺘﻲ ﻳﺎ ﺭﻳﻬﺎﻡ ﺑﻜﺮﺍ ﺗﺒﻲ ﺗﻄﻠﻌﻲ
ﺭﻳﻬﺎﻡ .. ﺑﻨﻄﻠﻊ ﺍﻧﺎ ﻭﺭﺣﺎﺏ ﻋﺎﺭﻓﺘﻬﺎ ﺑﺘﻘﻠﺒﻬﺎ ﺯﻥ ﻓﻮﻕ ﺭﺍﺳﻲ ﺑﺲ ﺷﻦ ﺑﻨﺪﻳﺮ
ﺭﺣﺎﺏ .. ﺍﻣﺘﻰ ﻋﻤﺮﻱ ﺯﻧﻴﺖ ﻋﻠﻴﻚ ﺣﺮﺍﻡ ﻋﻠﻴﻚ
ﺭﺷﺎ .. ﻣﻌﺮﻭﻓﻪ ﺍﻧﺘﻲ ﺑﺎﻟﺰﻥ ﺩﻳﻤﺎ
ﻣﺎﻣﺎ .. ﻋﻠﻴﺶ ﺑﺘﺰﻥ ﺗﻌﺒﺖ ﻛﻠﻤﻠﻴﻠﻬﺎ ﺧﻮﺗﻬﺎ ﺗﺮﻭﺡ
ﺭﺣﺎﺏ .. ﻋﺪﻱ ﺑﺮﻭﺣﻚ ﻭﺍﻧﺘﻲ ﺩﻳﺮﺗﻴﻠﻲ ﺟﻮ ﻋﻴﺎﻝ ﺻﻐﺎﺭ
ﺻﺒﺖ ﻣﻦ ﺗﻼﻫﻢ ﻭﺧﺸﺖ ﻟﺪﺍﺭ
ﻋﻼﺀ .. ﻋﻠﻴﺶ ﺗﺪﻭﻳﻠﻬﺎ ﻋﺎﺭﻓﺘﻴﻬﺎ ﺑﺘﺰﻋﻞ
ﺭﺷﺎ .. ﺧﻠﻴﻬﺎ ﻭﺍﻟﻠﻪ ﺗﺰﻋﻞ ﺭﻳﺖ ﻫﺎﻟﺤﺎﺟﻪ ﺍﻟﻜﺒﻴﺮﻩ
ﻋﺰﻭ ﻓﻨﺺ .. ﺭﺷﺎﺍﺍﺍ ﺍﺧﺘﻚ ﺻﻐﻴﺮﻩ ﻭﺍﻧﺘﻲ ﻋﺎﺭﻓﺘﻴﻨﻪ ﻧﺮﺍﻋﻮ ﻓﻴﻬﺎ ﺩﻳﻤﺎ ﺧﻴﺮ ﻣﺎﺗﺮﺩﻟﻬﺎ ﺣﺎﻟﻪ ﺯﻣﺎﻥ
ﺭﻳﻬﺎﻡ .. ﻳﻴﻴﻲ ﻋﻠﻴﺎ ﻧﻌﺪﻱ ﻧﺮﺍﺿﻴﻬﺎ ﺗﻮﺍ ﻣﺮﺍﺕ ﺗﺮﻗﺪ ﺯﻋﻼﻧﻪ ﺗﺠﻴﺒﻬﺎ ﺟﺜﺎﻣﻪ ﻭﺗﺮﺩ ﺗﺤﻠﻢ ﺑﺤﺎﺟﺎﺕ ﻳﺨﻮﻓﻨﻬﺎ
ﻋﺰﻭ .. ﺧﻠﻴﻬﺎ ﺗﻮﺍ ﻧﻌﺪﻱ ﻧﺤﻜﻲ ﻣﻌﺎﻫﺎ ﺍﻧﺎ
ﻋﺰﻭ ﻣﺸﺎﺀ ﺩﻕ ﻉ ﺑﺎﺏ ﻭﺧﺶ ﻛﺎﻧﺖ ﺭﺣﺎﺏ ﻓﺎﺗﺤﻪ ﺷﻨﻄﺘﻬﺎ ﻭﺗﺤﻂ ﻑ ﻛﺘﺎﺑﺎﺕ ﻓﻴﻬﺎ
ﻋﺰﻭ .. ﺗﻐﻴﺮﻱ ﻑ ﺟﺪﻭﻟﻚ
ﺭﺣﺎﺏ .. ﺍﻫﺎ
ﻋﺰﻭ .. ﻋﻨﺪﻙ ﺍﻣﺘﺤﺎﻥ ﺑﻜﺮﺍ
ﺭﺣﺎﺏ .. ﻻ ﻻ
ﻋﺰﻭ .. ﻣﺸﺎﺀ ﺍﻟﻠﻪ ﻣﺸﻴﺖ ﺳﺎﻟﺖ ﻋﻠﻴﻚ ﻣﺴﺘﻮﺍﻙ ﺍﺣﺴﻦ ﺣﺘﻰ ﻣﻦ ﺳﻤﺴﺘﺮ ﺍﻷﻭﻝ
ﺭﺣﺎﺏ ﺍﺑﺘﺴﻤﺖ ﻭﺳﻜﺘﺖ
ﻋﺰﻭ .. ﺧﻼﺹ ﺗﻮﺍ ﺍﻧﺘﻲ ﻛﺒﺮﺗﻲ ﻣﻔﺮﻭﺽ ﺗﺤﻮﻟﻲ ﺯﻋﻞ ﻉ ﺟﻨﺐ ﻫﻜﻲ ﻣﺶ ﻛﻞ ﺣﺎﺟﻪ ﺗﻨﺰﻋﻞ ﻣﻨﻬﺎ
ﺭﺣﺎﺏ ﺳﺎﻛﺘﻪ
ﻋﺰﻭ .. ﻋﺎﺩﻱ ﻫﻨﺎ ﺩﻭﻥ ﺧﻮﺍﺗﻚ ﻣﺶ ﺣﺪ ﻏﺮﻳﺐ
ﺭﺣﺎﺏ .. ﻣﺎﻧﺤﺒﺶ ﺣﺪ ﻳﺤﺴﺴﻨﻲ ﺑﻜﻼﻡ ﻫﺬﺍ ﻭﻻ ﻳﺤﺴﺴﻨﻲ ﺍﻧﻲ ﺻﻐﻴﺮﻩ ﻭﺍﻧﻪ ﻻﺯﻡ ﺗﺮﺍﻋﻮﻧﻲ ﻭﻻﺯﻡ ﺗﺨﺎﻓﻮ ﻋﻠﻴﺎ
ﻋﺰﻭ .. ﺑﺲ ﻧﺤﻦ ﻫﻠﻚ ﻻﺯﻡ ﻫﻜﻲ ﻧﺪﻳﺮﻭ
ﺭﺣﺎﺏ ﺳﻜﺘﺖ
ﻋﺰﻭ .. ﻧﺤﻦ ﻧﻀﺎﻳﻘﻮ ﻓﻴﻚ ﺑﻜﻼﻣﻨﺎ ﻣﺮﺍﺕ
ﺭﺣﺎﺏ .. ﻳﻌﻨﻲ ﺍﺣﻴﺎﻧﺎً ﻭﺍﺣﻴﺎﻧﺎً
ﻋﺰﻭ .. ﻋﻠﻴﺶ ﺑﺎﻩ
ﺭﺣﺎﺏ .. ﻳﻌﻨﻲ ﻣﺮﺍﺕ ﻧﺤﺲ ﺍﻫﺘﻤﺎﻣﻜﻢ ﺣﻠﻮ ﻭﻣﺮﺍﺕ ﻻ ﻧﺤﺲ ﻓﻴﻪ ﻳﺨﻨﻖ ﻓﻴﺎ ﻻﻧﻪ ﺗﺤﺴﺴﻮ ﻓﻴﺎ ﺑﺎﻟﺤﺎﻟﻪ ﺍﻟﻲ ﻛﺎﻧﺖ ﺗﺠﻴﻨﻲ ﻭﺍﻧﺎ ﻣﺎﻧﺤﺒﺶ ﻧﺬﻛﺮﻫﺎ
ﻋﺰﻭ .. ﻳﺎﺳﺘﻲ ﺍﻧﺎ ﺍﺳﻒ ﻭﻧﻌﺘﺬﺭ ﻧﻴﺎﺑﻪ ﻋﻠﻴﻬﻢ ﻉ ﻣﻬﻢ ﻣﺎﺗﺰﻋﻠﻴﺶ ﺍﻧﺘﻲ
ﺭﺣﺎﺏ .. ﺍﻧﺖ ﻏﻴﺮ ﻋﻠﻴﻬﻢ ﻭﻣﻌﺶ ﺗﻌﺘﺬﺭ ﻣﻨﻲ ﻣﻔﺮﻭﺽ ﺍﻧﺎ ﺍﻟﻲ ﺩﻳﻤﺎ ﻧﻌﺘﺬﺭ ﻣﻨﻚ ﻉ ﻛﻞ ﺗﺼﺮﻓﺎﺗﻲ ﺍﻟﻐﻠﻂ ﻭﻉ ﺯﻋﻞ ﺍﻟﻲ ﻧﺰﻋﻞ ﻓﻴﻪ ﻟﻜﻲ
ﻋﺰﻭ ﺍﺑﺘﺴﻢ .. ﺍﻧﺘﻲ ﺍﺧﺘﻲ ﺻﻐﻴﺮﻩ ﺯﻱ ﺑﻨﺘﻲ ﻻﻧﻪ ﺭﺑﻴﺘﻚ ﻉ ﺍﻳﺪﻳﺎ ﻭﻛﺎﻥ ﻏﻠﻄﻲ ﻋﺎﺩﻱ ﻧﻘﺴﻰ ﻭﻧﻮﺭﻳﻚ ﺍﻟﺼﺢ
ﺭﺣﺎﺏ .. ﺍﻧﺖ ﺍﻣﺘﻰ ﻋﻤﺮﻙ ﻗﺴﻴﺖ ﻋﻠﻴﺎ ﻭﻛﻞ ﺍﻟﻲ ﺍﺩﻳﺮ ﻓﻴﻪ ﻟﻤﺼﻠﺤﺘﻲ
ﻋﺰﻭ .. ﺍﻛﻴﺪﻩ ﻧﺒﻲ ﻣﺼﻠﺤﺘﻚ ﻭﻧﺒﻲ ﻧﺸﻮﻓﻚ ﻑ ﺍﺣﺴﻦ ﺻﻮﺭﻩ ﻗﺪﺍﻣﻲ
ﺭﺣﺎﺏ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﺗﺸﻮﻓﻨﻲ ﻛﻴﻒ ﻣﺎﺍﻧﺖ ﺗﺤﻠﻢ
ﻋﺰﻭ .. ﺧﻼﺹ ﺗﻌﺎﻟﻲ ﻣﻌﺎﻳﺎ ﻣﺎﺩﻭﺭﻳﻬﻨﺶ
ﻃﻠﻌﺖ ﻣﻌﺎﻩ ﻭﻗﻌﺪﻭ ﻳﻬﺪﺭﺯﻭ ﻭﻛﻞ ﺣﺪ ﺑﻌﺪﻩ ﺧﺶ ﻓﺮﺍﺷﻪ ﻭﺭﻗﺪ ﻑ ﻟﻴﻞ ﺭﺷﺎ ﺗﺤﻜﻲ ﻣﻊ ﻣﺤﻤﺪ ﻭﺭﻳﻬﺎﻡ ﻭﺭﺣﺎﺏ ﺭﺍﻗﺪﺕ ﻓﺠﺎﺀ ﺑﺪﺕ ﺭﺣﺎﺏ ﻃﻠﻊ ﻑ ﺍﻧﻴﻦ ﺭﺷﺎ ﺻﻜﺮﺕ ﺍﻟﻤﻮﺑﺎﻳﻞ ﻭﺻﺒﺖ ﻭﻟﻌﺖ ﺍﻟﻀﻲ ﻻﻗﺘﻬﺎ ﻣﺎﺳﻜﻪ ﻑ ﻓﻮﻃﻪ ﺍﻣﺘﺎﻋﻬﺎ ﻭﺟﻪ ﻛﻠﻪ ﻋﺮﻕ ﻭﻣﺎﻓﻴﺶ ﺻﻮﺕ ﺑﺲ ﺍﻧﻴﻦ ﺑﺴﻴﻂ
ﺭﺷﺎ .. ﺭﻳﻬﺎﻡ ﺭﻳﻬﺎﺍﻡ ﻧﻮﺿﻲ ﺷﻮﻓﻲ ﺭﺣﺎﺏ ﺑﺤﺘﻴﻠﻬﺎ
ﺻﺒﺖ ﺭﻳﻬﺎﻡ ﺗﺠﺮﻱ
ﺭﻳﻬﺎﻡ .. ﺣﻲ ﻋﻠﻴﻨﺎ ﻫﻴﺎ ﻭﻗﻔﺖ ﺍﻟﺪﻭﺍﺀ ﻛﻴﻒ ﺑﻨﺪﻳﺮﻭ
ﺭﺷﺎ .. ﻧﻮﺽ ﺧﻮﺗﻲ
ﺭﻳﻬﺎﻡ .. ﺍﻣﺸﻲ
ﻋﺪﺕ ﺭﺷﺎ ﺗﺠﺮﻱ ﻭﺭﻳﻬﺎﻡ ﺗﻤﺴﺢ ﻑ ﻭﺟﻬﺎ ﻭﺩﻣﻮﻉ ﻑ ﻋﻴﻨﻬﺎ
ﺧﺶ ﻋﺰﻭ ﻳﺠﺮﻱ ﻟﺪﺍﺭ ﻭﻋﻼﺀ ﻭﺭﺍﻩ
ﻋﺰﻭ .. ﻏﻴﺮ ﺟﻴﺒﻲ ﻣﻴﻪ ﺑﺸﻮﻳﺎ ﺗﻮﺍ ﺗﻨﻮﺽ ﻣﺘﺸﻨﺠﻪ ﻫﻴﺎ
ﻋﺪﺕ ﺭﺷﺎ ﺟﺎﺑﺖ ﻣﻴﻪ ﻭﻋﺰﻭ ﺑﺨﻬﺎ ﻋﻠﻴﻬﺎ ﻭﻗﻌﺪ ﻳﻔﻚ ﻑ ﺍﻳﺪﻳﻬﺎ ﻣﻦ ﺍﻟﻔﻮﻃﻪ
ﻋﺰﻭ .. ﺑﺴﻢ ﺍﻟﻠﻪ ﺭﺣﺎﺏ ﺭﺣﺎﺏ
ﻧﻄﺖ ﻓﺠﺎﺀ ﻭﻗﻌﺪﺕ ﺗﻌﻴﻂ ﺑﻘﻮﻩ ﻭﺗﺒﻜﻲ ﺣﺎﻃﻪ ﺍﻳﺪﻳﻬﺎ ﻉ ﺭﻗﺒﺘﻬﺎ
ﻋﺰﻭ .. ﺍﻫﺪﻯ ﺧﻼﺹ ﺍﻫﺪﻯ
ﺭﻳﻬﺎﻡ .. ﺧﻼﺹ ﺳﺎﻫﻼ ﺣﻮﻟﺖ ﻣﺘﺨﺎﻓﻴﺶ
ﻋﻼﺀ ﻗﻤﻌﺰ ﺗﻼﻫﺎ ﻭﻣﺎﺳﻚ ﺍﻳﺪﻫﺎ ﺍﻟﻲ ﻉ ﺭﻗﺒﺘﻬﺎ ﻳﺒﺤﺖ ﻓﻴﻬﺎ .. ﺣﻮﻟﺖ ﺧﻼﺹ ﺗﻮﺍ ﻣﻌﺶ ﺗﺠﻲ ﺃﺧﺮﻯ
ﺭﺣﺎﺏ ﺩﻣﻮﻉ ﻉ ﺧﺪﻭﺩﻫﺎ .. ﺗﺨﻨﻖ ﻓﻴﺎ ﺑﻘﻮﻩ ﺗﺒﻲ ﺗﻘﺘﻠﻨﻲ ﻫﻤﺎ ﻫﻤﺎ ﻳﺎﻋﺰﻭ ﻳﺠﺮﻭ ﻭﺭﺍﻳﺎ ﺑﻌﺪ ﺍﻧﺎ ﺟﻴﺘﻚ ﺍﻧﺖ ﻋﺪﻳﺖ ﻭﺳﻴﺒﺘﻨﻲ ﻭﺍﻟﻠﻪ ﻫﻚ ﺍﻧﺖ ﺩﺭﺕ
ﺭﻳﻬﺎﻡ ﺑﺤﺘﺖ ﻑ ﺭﺷﺎ ﻭﻫﺰﺕ ﺭﺍﺳﻬﺎ
ﺭﺷﺎ .. ﻛﺒﻮﺱ ﻳﺎﺣﻮﺑﺎ ﺗﻌﻮﺫﻱ ﻣﻦ ﺷﻴﻄﺎﻥ ﻭﺭﺩﻱ ﺍﺭﻗﺪﻱ
ﺭﺣﺎﺏ .. ﻻ ﻻ ﻣﺎﻧﺒﻴﺶ ﻧﺮﻗﺪ ﻧﺨﺎﻑ ﻳﺮﺩ ﺃﺧﺮﻯ
ﻋﺰﻭ .. ﺗﻮﺍ ﻣﺶ ﺣﻴﺮﺩ
ﻋﻼﺀ .. ﺍﺷﺮﺑﻲ ﻣﻴﻪ ﺳﺎﻫﻼ ﺧﻼﺹ ﺣﻮﻟﺖ
ﺭﺣﺎﺏ .. ﻣﺎﻧﺒﻴﺶ ﻧﺒﻲ ﻋﺰﻭ ﺑﺲ ﺧﻠﻴﻚ ﺗﻼﻳﺎ
ﻋﺰﻭ .. ﺍﻫﺎ ﺍﻧﺎ ﻗﺎﻋﺪ ﺗﻼﻙ
ﺭﺣﺎﺏ .. ﺩﻳﺮﻟﻲ ﻛﻴﻒ ﺯﻣﺎﻥ
ﻋﺰﻭ .. ﺧﻼﺹ ﻋﺪﻱ ﻳﺎﻋﻼﺀ ﺍﺭﻗﺪ ﻃﻔﻮ ﺿﻲ ﻭﺍﺭﻗﺪﻥ ﻑ ﺳﺮﺍﻳﺮﻛﻦ ﻳﺎﺑﻨﺎﺕ
ﻋﻼﺀ ﺻﺒﻰ ﻭﺑﺄﺱ ﻉ ﺭﺍﺳﻬﺎ .. ﺗﺼﺒﺤﻲ ﻋﻠﻰ ﺧﻴﺮ
ﻃﻠﻊ ﻭﻃﻔﻰ ﺿﻲ ﻭﺑﻨﺎﺕ ﺭﻗﺪﻥ ﻑ ﺳﺮﺍﻳﺮﻫﻦ ﻭﻋﺰﻭ ﻗﻤﻌﺰ ﺗﻼﻫﺎ ﻭﻫﻴﺎ ﺭﻗﺪﺕ ﻉ ﻛﺮﺍﻋﻪ ﻭﻳﻤﺸﻲ ﻑ ﺍﻳﺪﻩ ﻉ ﺭﺃﺳﻬﺎ ﻭﻳﻘﺮﺍ ﻑ ﻗﺮﺍﻥ
ﺭﺣﺎﺏ ﺑﺤﺘﺖ ﻓﻴﻪ .. ﺍﻧﺖ ﺗﺒﻲ ﺗﺴﻴﺒﻨﻲ
ﻋﺰﻭ .. ﻣﺴﺘﺤﻴﻞ ﻧﺴﻴﺒﻚ ﺍﻧﺘﻲ ﺧﻴﺘﻲ ﺻﻐﻴﺮﻩ
ﺗﻘﻌﺪ ﺷﻮﻳﺎ ﻭﺗﻌﺎﻭﺩ ﺗﻘﻮﻟﻪ ﺍﻧﺖ ﻋﺪﻳﺖ ﻭﺳﻴﺒﺘﻨﻲ ﻭﻫﻮ ﻳﻘﺮﺃ ﻑ ﻗﺮﺍﻥ ﻟﻴﻦ ﺭﻗﺪﺕ
ﻋﺰﻭ .. ﺭﺩ ﺑﺎﻟﻚ ﺭﺍﻩ ﺗﺼﻴﺮ ﺃﺧﺮﻯ
ﺭﻳﻬﺎﻡ .. ﻋﺪﻱ ﺍﺭﻗﺪ ﺧﻼﺹ ﺗﻮﺍ ﻧﺤﻦ ﻧﻘﻌﺪﻭ ﻭﺍﻋﻴﻦ
ﻃﻠﻊ ﻋﺰﻭ ﻭﺭﺷﺎ ﺑﺤﺘﺖ ﻑ ﺭﻳﻬﺎﻡ
ﺭﺷﺎ .. ﻭﺭﺍﻫﺎ ﻃﺎﺭﻕ ﺍﻛﻴﺪﻩ ﻓﻲ ﺷﻲ ﺻﺎﻳﺮ
ﺭﻳﻬﺎﻡ .. ﺧﻮﻓﺘﻨﻲ ﺑﻜﻞ ﻟﻬﺎ ﻓﺘﺮﻩ ﺍﻟﻘﺼﻪ ﻫﺬﻱ ﻣﻌﺶ ﺟﺘﻬﺎ ﻭﺣﺘﻰ ﺍﻟﺤﺒﻮﺏ ﻭﻗﻔﻬﻦ ﺍﻟﺪﻛﺘﻮﺭ
ﺭﺷﺎ .. ﻫﻨﺎ ﻛﺎﻧﻦ ﻣﻨﻮﻡ ﺑﺲ ﻭﻣﻬﻴﺪﺍﺕ
ﺭﻳﻬﺎﻡ ﺑﺤﺘﺖ ﻑ ﺭﺣﺎﺏ .. ﺍﻭﻭﻭﻑ ﺍﻥ ﺷﺎﺀ ﺍﻟﻠﻪ ﻣﻌﺶ ﺗﺮﺩ ﺍﺭﻗﺪﻱ ﺍﻧﺘﻲ ﺍﻧﺎ ﺧﺬﻳﺖ ﻏﻔﻮﻩ
ﺭﺷﺎ .. ﺑﺎﻩ ﺗﺼﺒﺤﻲ ﻋﻠﻰ ﺧﻴﺮ "
" ﻭﻋﻴﺖ ﺍﻟﺼﺒﺢ ﻏﺴﻠﺖ ﻭﺻﻠﻴﺖ ﻭﺟﻴﺖ ﻧﻮﺽ ﻑ ﺍﻳﻬﻢ
ﺍﻧﺎ .. ﺍﻳﻬﻢ ﺍﻳﻬﻢ ﻧﻮﺽ ﻫﻴﺎ ﻭﻗﺖ ﻋﻠﻴﻚ ﺗﻮﺍ ﺗﺄﺧﺮ
ﻓﺘﺢ ﻋﻴﻮﻧﻪ
ﺍﻳﻬﻢ .. ﺳﺎﻋﻪ ﻛﻢ
ﺍﻧﺎ 8.. ﻫﻴﺎ ﻧﻮﺽ
ﺍﻳﻬﻢ .. ﺻﺒﺎﺡ ﺍﻟﺨﻴﺮ
ﺍﻧﺎ ﺑﺮﻣﺖ ﻭﺟﻲ .. ﺻﺒﺎﺡ ﺍﻟﻨﻮﺭ
ﻧﺎﺽ ﻗﻤﻌﺰ ﻭﻫﻮ ﻛﺮﻧﻲ ﻗﻤﻌﺰﻧﻲ ﻉ ﻛﺮﻋﻴﻪ
ﺍﻳﻬﻢ .. ﻟﻴﺶ ﺯﻋﻼﻧﻪ
ﺍﻧﺎ .. ﻣﺶ ﻭﻗﺖ ﺩﻭﻩ ﺻﺒﺢ
ﺍﻳﻬﻢ .. ﺑﻨﺎﺧﺬ ﺑﻮﺳﺘﻲ ﺍﻧﺎ
ﺑﺎﺱ ﺭﺍﺳﻲ ﻭﺍﻧﺎ ﺻﺒﻴﺖ ﻣﺸﻴﺖ ﻟﻜﻮﺟﻴﻨﻪ ﻭﺗﻴﺘﻠﻪ ﻓﻄﻮﺭ ﺧﺶ ﻋﻠﻴﺎ ﻻﺑﺲ ﻭﺍﻧﺎ ﻛﻨﺖ ﻓﺎﺗﺤﻪ ﺗﻼﺟﻪ
ﺍﻳﻬﻢ .. ﺗﻌﺎﻟﻲ ﺍﻓﻄﺮﻱ
ﺍﻧﺎ .. ﺍﻓﻄﺮ ﺍﻧﺖ ﻣﺶ ﺟﻴﻌﺎﻧﻪ
ﺟﺎﺀ ﺻﻜﺮ ﺍﻟﺘﻼﺟﻪ
ﺍﻳﻬﻢ .. ﺍﺳﻒ ﻭﺍﻟﻠﻪ ﺍﺳﻒ ﺷﺤﻨﻲ ﻛﻤﻞ ﻗﺒﻞ ﺍﻟﻤﻐﺮﺏ ﻭﻗﻌﺪ ﻋﻨﺪﻱ ﺷﻐﻞ ﻭﺍﺟﺪ ﻣﻌﺶ ﻓﻀﻴﺖ ﻭﺑﻌﺪ ﻋﺮﻓﺖ ﺍﻧﻪ ﺭﺷﺎ ﻋﻨﺪﻙ ﺗﻄﻤﻨﺖ ﺣﺒﻴﺒﻲ ﻣﺎﺗﺰﻋﻠﻴﺶ ﻣﻌﻘﻮﻟﻪ ﻣﺎﻧﺒﻴﺶ ﻧﻄﻤﻦ ﻋﻠﻴﻚ
ﺑﺤﺘﺖ ﻓﻴﻪ ﻭﺳﻜﺘﺖ ﻭﻣﺸﻴﺖ ﻗﻤﻌﺰﺕ
ﺍﻧﺎ .. ﻗﻤﻌﺰ ﺍﻓﻄﺮ
ﺍﻳﻬﻢ .. ﻻﻻ ﻣﺶ ﻓﺎﻃﺮ ﻟﻴﻦ ﺗﺮﺿﻰ ﻭﺍﻟﻠﻪ ﻫﺬﺍ ﺍﻟﻲ ﺻﺎﺭ ﻛﻠﻪ ﻭﺣﻘﻚ ﻋﻠﻴﺎ ﻭﺑﻌﺪ ﺑﻨﺮﻭﺡ ﻛﻨﺖ ﺑﻨﻨﺮ ﻣﻮﻗﻔﻲ ﺧﻼﺹ ﻋﻠﻴﺶ ﺯﻋﻞ
ﺍﻧﺎ .. ﻭﺑﺎﻩ ﺑﻌﺪ ﺟﻴﺖ ﻫﺬﺍ ﺷﻨﻮ ﻣﺶ ﻳﺰﻋﻞ
ﺍﻳﻬﻢ .. ﻳﺰﻋﻞ ﻣﻌﺎﻙ ﺣﻖ ﺑﺲ ﺍﻧﺘﻲ ﻣﺶ ﺑﺎﻳﻨﻪ
ﺍﻧﺎ .. ﺍﻣﻤﻢ
ﺭﻓﻊ ﺍﻳﺪﻱ ﺑﺎﺳﻬﺎ
ﺍﻳﻬﻢ .. ﺭﺿﻴﺘﻲ ﻋﻠﻴﻨﺎ
ﺍﻧﺎ .. ﺷﻦ ﻧﺪﻳﺮ ﻧﺤﺒﻚ ﺣﺘﻰ ﻭﺍﻧﺖ ﺗﺰﻋﻞ ﻓﻴﺎ
ﺍﻳﻬﻢ .. ﻧﺠﻚ ﻟﻴﺎ ﻭﺧﻼﺹ ﻫﻴﺎ ﺍﻓﻄﺮﻱ ﻭﺗﺮﻳﺤﻲ
ﻗﻤﻌﺰ ﻣﻘﺎﺑﻠﻨﻲ ﻳﻔﻄﺮ ﻭﺍﻧﺎ ﻧﻔﻄﺮ ﺑﺸﻮﻳﺎ ﺻﺒﻰ ﻏﺴﻞ ﻭﺟﺎﺀ ﻃﺒﺲ ﺑﺎﺱ ﺭﺍﺳﻲ
ﺍﻳﻬﻢ .. ﺳﻼﻡ ﺗﻮﺍ ﻧﺘﻼﻗﻮﺍ ﺑﻌﺪﻳﻦ
ﺍﻧﺎ ﺍﺑﺘﺴﻤﺖ .. ﺍﺳﺘﻮﺩﻋﺖﻙ ﺍﻟﻠﻪ ﺍﻟﺘﻲ ﻻ ﺗﻀﻴﻊ ﻭﺩﺍﺋﻌﻪ
ﺍﻳﻬﻢ ﺍﺑﺘﺴﻢ .. ﺍﺭﻗﺪﻱ ﺑﺎﻫﻲ
ﺍﻧﺎ .. ﺣﺎﺿﺮ
ﻃﻠﻌﺖ ﻭﺭﺍﻩ ﻟﻴﻦ ﻃﻠﻊ ﻭﺻﻜﺮﺕ ﺷﻘﻪ ﻭﺧﺸﻴﺖ ﺿﻤﻴﺖ ﺍﻟﺤﻮﺳﻪ ﻭﺭﻗﺪﺕ "
" ﺑﻌﺪ ﺍﻟﻐﺪﺍﺀ ...
ﺍﻣﺠﺪ .. ﺩﻧﺪﻥ ﻭﻳﻨﻚ
ﺩﻧﻴﺎ ﻣﺎﺳﻜﻪ ﻓﺮﺷﻪ .. ﻫﻨﺎ ﻑ ﺩﺍﺭ
ﻭﺭﺩﺕ ﻓﺘﺤﺖ ﺍﻻﺳﺘﺸﻮﺍﺭ ﺧﺶ ﻋﻠﻴﻬﺎ ﺍﻣﺠﺪ
ﺍﻣﺠﺪ .. ﺍﻭﻭﻭ ﻋﺠﺎﺟﺎﺕ ﺍﻟﺪﻧﻴﺎ ﺑﻨﺴﺎﻟﻚ ﺳﻮﺭﻳﺘﻲ ﺍﻟﺒﻴﻀﺎ ﻭﻳﻦ
ﺩﻧﻴﺎ .. ﺍﻳﻦ ﻭﺣﺪﻩ ﻫﻨﺎ ﺍﺛﻨﻴﻦ
ﺍﻣﺠﺪ .. ﻣﺸﻌﺎﺭﻑ ﺑﺲ ﻭﻳﻨﻬﻦ
ﺩﻧﻴﺎ .. ﻑ ﺩﻭﻻﺏ ﻫﻨﺎ ﺍﻻﺛﻨﻴﻦ
ﻓﺘﺤﻪ ﻭﻃﻠﻊ ﺳﻮﺭﻳﺎ ﻭﺑﺤﺖ ﻑ ﻋﻼﻕ ﻟﻘﻰ ﻓﺴﺘﺎﻥ ﺩﻧﻴﺎ ﻣﻌﻠﻖ
ﺍﻣﺠﺪ .. ﺗﺒﻲ ﺗﻠﺒﺴﻲ ﻫﺬﺍ
ﺩﻧﻴﺎ .. ﺍﻫﺎ ﺣﻠﻮ
ﺍﻣﺠﺪ .. ﺍﻫﺎ ﺣﻠﻮ ﺑﻜﻞ ﻣﺸﺎﺀ ﺍﻟﻠﻪ ﺗﻮﺍ ﻳﻄﻠﻊ ﻋﻠﻴﻚ
ﺳﻜﺘﺖ ﻭﻃﻔﺖ ﺍﺳﺘﺸﻮﺍﺭ ﻭﻟﻤﺖ ﺍﻟﺠﻤﻪ ﻓﻮﻕ
ﺍﻣﺠﺪ .. ﺗﺒﻲ ﺗﻄﻠﻘﻴﻪ
ﺩﻧﻴﺎ .. ﻻﻻ
ﺍﻣﺠﺪ .. ﺍﺣﺴﻦ ﻋﺎﺭﻓﺘﻴﻨﻲ ﻣﺎﻧﺤﺒﺶ ﺗﻄﻠﻘﻴﻪ ﻧﺨﺎﻑ ﻋﻠﻴﻚ ﻣﻦ ﻋﻴﻮﻥ ﺍﻟﻨﺎﺱ
ﺩﻧﻴﺎ ﺑﺤﺘﺖ ﻓﻴﻪ ﻑ ﺍﻟﻤﺮﺍﻳﺎ ﻭﺳﻜﺘﺖ
ﺍﻣﺠﺪ .. ﻣﺎﺗﻜﺜﺮﻳﺶ ﻣﻜﻴﺎﺝ ﺣﺘﻰ ﻭﺟﻚ ﺑﺪﻭﻥ ﻣﻜﻴﺎﺝ
ﺩﻧﻴﺎ .. ﺑﺎﻟﻚ ﺗﻮﻗﻒ ﺃﻭﺍﻣﺮ ﻋﺮﺱ ﻫﻮ
ﺟﺎﺀ ﻭﻗﺮﺏ ﻣﻨﻬﺎ ﺣﻀﻨﻬﺎ ﺻﻜﺮ ﻋﻠﻴﻬﺎ ﺣﺘﻰ ﺍﻳﺪﻳﻬﺎ
ﺍﻣﺠﺪ .. ﻣﺎﻩ ﺧﺎﻳﻒ ﻋﻠﻴﻚ ﺷﻦ ﻧﺪﻳﺮ
ﺩﻧﻴﺎ ﺗﺒﺤﺖ ﻓﻴﻪ ﻣﻦ ﻣﺮﺍﻳﺎ .. ﻋﻠﻴﺶ ﺗﺨﺎﻑ
ﻗﻌﺪ ﻣﺎﺳﻜﻬﺎ ﺑﻴﺪ ﻭﺣﺪﻩ ﻭ ﻷﺧﺮﻯ ﻣﺴﻚ ﻭﺟﻬﺎ ﻭﻗﺮﺑﻪ ﻣﻨﻪ ﻭﺑﺎﺳﻬﺎ ﻉ ﺧﺪﻫﺎ
ﺍﻣﺠﺪ .. ﻧﺨﺎﻑ ﻭﺧﻼﺹ ﻛﻨﻚ ﺗﺤﻘﻘﻲ ﺗﻮﺍ ﺍﻧﺘﻲ
ﺩﻧﻴﺎ .. ﺧﻼﺹ ﺣﻮﻝ ﺑﺎﻩ
ﺍﻣﺠﺪ ﺑﺼﻮﺕ ﻫﺎﺩﻱ .. ﺍﻷﺧﻀﺮ ﺣﻴﺨﻴﻞ ﻋﻠﻴﻚ ﺣﺘﻘﻌﺪ ﻟﻴﻠﻪ ﺣﻠﻮﻩ ﺍﻟﻴﻮﻡ
ﺩﻧﻴﺎ .. ﻟﻴﺎﻟﻲ ﺍﻟﺤﻠﻮﻩ ﻛﻤﻠﻦ ﺧﻼﺹ
ﺍﻣﺠﺪ .. ﺻﺪﻗﻴﻨﻲ ﺣﻴﺠﻦ ﺍﻻﺣﻠﻰ ﻋﻼﻗﺘﻨﺎ ﻧﻬﺰﺕ ﺑﺲ
ﺩﻧﻴﺎ .. ﻣﻌﺶ ﺗﺼﻠﺢ
ﺍﻣﺠﺪ ﺑﺮﻣﻬﺎ ﻟﻪ .. ﻟﻴﺶ ﺗﻘﻮﻟﻲ ﻫﻜﻲ
ﺩﻧﻴﺎ .. ﻻﻧﻲ ﺣﺎﺳﻪ ﻫﻚ ﻳﺎﺍﻣﺠﺪ
ﺍﻣﺠﺪ .. ﻭﻣﻌﺶ ﺗﻘﻮﻟﻲ ﻫﻜﻲ ﻭﻣﻌﺶ ﺗﺤﺴﻲ ﻫﻚ
ﺩﻧﻴﺎ .. ﺧﻠﻴﻨﻲ ﻧﻜﻤﻞ ﺑﺎﻗﻲ ﻣﻜﻴﺎﺟﻲ
ﺍﻣﺠﺪ ﺗﻨﻬﺪ ﻭﺑﺄﺱ ﺭﺍﺳﻬﺎ .. ﺗﻤﺎﻡ ﻛﻤﻠﻲ ﺍﻧﺤﺒﻚ ﺭﺍﻙ ﺗﻨﺴﻲ
ﻃﻠﻊ ﻭﺳﻴﺒﻬﺎ ﻭﻫﻴﺎ ﻗﻌﺪﺕ ﺗﻤﺴﺢ ﺗﺤﺖ ﻋﻴﻮﻧﻬﺎ
ﺩﻧﻴﺎ .. ﻻ ﻣﺎﺗﺒﻜﻴﺶ ﺍﻭﻭﻑ ﺩﻳﻤﺎ ﻫﻚ ﻳﺎﺭﺑﻲ ﺳﺎﻋﺪﻧﻲ "
" ﺗﻐﺪﻳﺖ ﺍﻧﺎ ﻭﺍﻳﻬﻢ ﻭﻫﻮ ﺧﺶ ﺭﻗﺪ ﺧﺸﻴﺖ ﻋﻠﻴﻪ
ﺍﻧﺎ .. ﺍﻳﻬﻢ ﺣﺒﻴﺒﻲ
ﺍﻳﻬﻢ .. ﻧﻌﻢ ﻳﺎﻣﻴﺲ ﻣﺶ ﻗﺘﻠﻚ ﺑﻨﺮﻗﺪ ﻋﻠﻴﺶ ﺗﻮﻋﻲ ﻓﻴﺎ
ﺍﻧﺎ .. ﺍﺳﻔﻪ ﺣﺒﻴﺒﻲ ﺑﺲ ﺑﻨﺒﺮﻡ ﻉ ﺷﻌﺮﻱ ﻭﺗﻮﺍ ﺗﻨﺠﻌﺰ ﻣﻨﻲ ﻋﺪﻱ ﺍﺭﻗﺪ ﺑﺮﺍ
ﻗﻤﻌﺰ ﻭﻗﻌﺪ ﻳﺤﺮﻙ ﻑ ﺷﻌﺮﻩ ﻭﻳﺒﺤﺖ ﻓﻴﺎ ﺑﺘﻜﺸﻴﺨﻪ
ﺍﻧﺎ ﻣﺎﺷﻴﺎ ﻟﺰﻳﺎﻧﻪ .. ﻛﻨﻚ ﺗﻜﺸﺦ ﻋﻠﻴﺎ ﻫﻜﻲ
ﺍﻳﻬﻢ .. ﻣﺎﻩ ﺧﺮﺑﺘﻲ ﻋﻠﻴﺎ ﺍﻟﻨﻮﻣﻪ ﺳﻤﺤﻪ ﺍﻟﻠﻪ ﻳﺴﺎﻣﺤﻚ
ﺍﻧﺎ .. ﺧﻼﺹ ﻣﺰﺍﻝ ﺑﺪﺭﻱ ﻋﺪﻱ ﺍﺭﻗﺪ
ﺍﻳﻬﻢ .. ﺍﺳﺘﻐﻔﺮﺍﻟﻞﻩ ﻭﺧﻼﺹ
ﺍﻧﺎ .. ﺗﺄ ﺍﻟﻲ ﻳﺴﻤﻌﻚ ﻳﻘﻮﻝ ﻧﻮﻣﻪ ﻟﻴﻞ ﻛﻨﻚ ﺩﺭﺕ ﻗﺼﻪ
ﺍﻳﻬﻢ ﺻﺒﻰ ﻭﺟﺎﺀ ﺗﻼﻳﺎ ﻭﺍﻧﺎ ﻛﻨﺖ ﻧﻄﻠﻊ ﻑ ﻣﻜﻴﺎﺟﻲ
ﺍﻳﻬﻢ .. ﺗﻮﺍ ﺣﻮﻟﻲ ﻗﺼﻪ ﻧﻮﻡ ﺷﻦ ﺩﺍﻳﺮﻩ ﻑ ﻭﺟﻚ ﻣﺘﻐﻴﺮﻩ
ﺍﻧﺎ .. ﺑﺮﻣﺖ ﻋﻠﻴﺎ ﺭﺷﺎ ﺍﻣﺲ ﻭﺍﺳﺘﺸﻮﺭﺗﻠﻲ ﺷﻌﺮﻱ
ﺍﻳﻬﻢ ﺍﺑﺘﺴﻢ .. ﻳﻨﻌﻠﻴﺎ ﻣﻌﻨﺎﻫﺎ ﺑﺎﻟﻲ ﺯﻋﻼﻧﻪ ﺍﻣﺲ
ﺍﻧﺎ ﺭﻓﻌﺖ ﺣﺎﺟﺒﻲ .. ﺑﺎﻟﻲ ﺯﻋﻼﻧﻪ
ﺍﻳﻬﻢ ﺿﺤﻚ .. ﺑﻴﺶ ﻣﺎﺗﺸﺮﺩﻳﺶ ﻳﻌﻨﻲ ﻉ ﻣﺼﻠﺤﺘﻚ ﻧﺤﻜﻲ ﻳﻼ ﺗﺸﺎﻭ ﺗﻮﺍ ﻣﺎﺳﻚ ﺭﻭﺣﻲ ﺭﺍﻩ
ﻃﻠﻊ ﻭﺍﻧﺎ ﻗﻌﺪﺕ ﻧﻀﺤﻚ ﻋﻠﻴﻪ ﻭﻉ ﻛﻼﻣﻪ ﺟﺮﻳﺖ ﻉ ﺷﻌﺮﻱ ﻭﻟﻔﻴﺘﻪ ﻓﻮﻕ ﻭﺩﺭﺕ ﻣﻜﻴﺎﺝ ﺑﺴﻴﻂ ﺑﻜﻞ ﻭﺣﻠﻮ ﻭﻓﺴﺘﺎﻧﻲ ﻛﺎﻥ ﻣﻦ ﻓﻮﻕ ﺷﺎﺵ ﻭﺗﺤﺖ ﻣﻨﻪ ﺳﺘﺎﻥ ﻭ ﻛﺖ ﻭﻣﻐﻄﻲ ﺭﻗﺒﻪ ﻭﺿﻬﺮ ﻣﺶ ﻋﺮﻳﺎﻥ ﺑﺲ ﺑﻌﺪ ﻳﻨﺰﻝ ﻉ ﺑﻄﻦ ﺷﺎﺵ ﺑﺲ ﻭﺍﻟﺒﺎﻗﻲ ﺍﺳﻮﺩ ﺳﺘﺎﻥ ﻣﻔﺘﻮﺡ ﻣﻦ ﻧﺺ ﺍﻟﻔﺨﺪﻩ ﻟﻮﻧﻪ ﺍﺳﻮﺩ ﻭﻛﻌﺐ ﺩﻣﻲ ﻓﻴﻪ ﺧﻴﻮﻃﻪ ﻣﻠﻔﻮﻓﺎﺕ ﻉ ﻛﺮﺍﻉ ﻟﻤﻴﺖ ﺷﻌﺮﻱ ﻟﻤﻪ ﺑﺴﻴﻂ ﺑﺎﻳﻨﻪ ﻛﺎﻧﻬﺎ ﺗﺴﺮﻳﺤﻪ ﻭﻟﺒﺴﺖ ﻓﺴﺘﺎﻧﻲ ﺑﺤﺘﺖ ﻑ ﺳﺎﻋﻪ ﻟﻘﻴﺘﻬﺎ ﺳﺘﻪ ﻭﻧﺺ ﻃﻠﻌﺖ ﻟﻘﻴﺘﻪ ﻣﺰﺍﻝ ﺭﺍﻗﺪ ﻟﺒﺴﺖ ﻋﺒﺎﻳﺘﻲ ﻭﺧﺬﻳﺖ ﺷﻨﻄﻲ ﻭﻣﻮﺑﺎﻳﻠﻲ
ﺍﻧﺎ .. ﺍﻳﻬﻢ ﻧﻮﺽ ﻫﻴﺎ
ﻗﻌﺪﺕ ﻧﻬﺰ ﻓﻴﻪ ﻟﻴﻦ ﻓﺘﺢ ﻋﻴﻮﻧﻪ
ﺍﻳﻬﻢ .. ﻛﻨﻚ ﺍﻟﻴﻮﻡ ﻉ ﺍﻻﺯﻋﺎﺝ ﺍﻧﺘﻲ
ﺍﻧﺎ .. ﻭﻗﺖ
ﺍﻳﻬﻢ .. ﺯﻛﺮﻱ ﺑﺎﻫﻲ ﻧﻀﺖ
ﺑﺮﻣﺖ ﻭﺧﺸﻴﺖ ﻟﺪﺍﺭ ﻗﻌﺪﺕ ﻣﺎﺳﻜﻪ ﻣﻮﺑﺎﻳﻠﻲ ﺭﻧﺖ ﺗﺴﻨﻴﻢ
ﺗﺴﻨﻴﻢ .. ﻫﻴﺎ ﺍﻧﺰﻟﻲ ﺩﻧﻴﺎ ﻧﺰﻟﺖ ﻭﺟﻮ ﻋﻴﺖ ﻋﻤﻲ
ﺍﻧﺎ .. ﺑﺎﻫﻲ ﻫﻴﺎ ﻏﻴﺮ ﺍﻳﻬﻢ ﻛﻴﻒ ﻧﺎﺽ ﺑﺲ
ﺧﺶ ﻋﻠﻴﺎ ﺭﺍﻓﻊ ﺣﺎﺟﺒﻪ ﻭﻣﺒﺘﺴﻢ ﻉ ﺟﻨﺐ ﻛﺸﺨﺖ ﻑ ﻭﺟﻪ ﻭﻫﻮ ﻗﻌﺪ ﻳﻤﺸﻂ ﻑ ﺷﻌﺮﻩ
ﺍﻳﻬﻢ .. ﺭﺍﻳﺤﻪ ﺗﻜﺸﺨﻲ ﻋﻠﻴﻨﺎ
ﺍﻧﺎ .. ﻭﺭﺍﻳﺢ ﺗﻌﺼﺐ ﻋﻠﻴﺎ ﻭﺗﺰﻋﻞ ﻓﻴﺎ
ﺍﻳﻬﻢ ﺍﺑﺘﺴﻢ .. ﺑﻌﺪﻳﻦ ﺑﻌﺪﻳﻦ ﻛﺎﻥ ﺑﻨﺤﻜﻲ ﺗﻘﻌﺪﻱ ﻣﻌﺶ ﻳﺼﻴﺮ ﻣﻦ ﻣﺸﻴﺎ
ﻃﻠﻌﺖ ﻗﺪﺍﻣﻪ ﻭﻫﻮ ﻭﺭﺍﻳﺎ
ﺍﻧﺎ .. ﻻ ﺷﻜﺮﺍ ﺧﺎﻃﺮﻱ ﻑ ﺍﻟﻌﺮﺱ
ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﺍﻟﺨﻤﺎﺭ ﻣﺴﻜﻨﻲ ﻟﻴﻦ ﻧﺰﻟﻨﺎ ﺳﻤﻠﺖ ﻋﻠﻴﻬﻢ ﻭﺍﻳﻬﻢ ﻃﻠﻊ
ﻣﺮﻳﻢ .. ﻳﺎﻋﻴﻨﻲ ﻭﺧﻼﺹ ﺍﻣﺲ ﺷﺎﻣﺮﻙ ﻭﺍﻟﻴﻮﻡ ﻳﻨﺰﻝ ﻓﻴﻚ
ﺑﺸﺮﻯ .. ﻣﺎﻧﺤﺴﺎﺑﺶ ﺍﻳﻬﻢ ﻳﺒﻲ ﻳﻬﺒﻠﻨﺎ ﺏ ﺭﻭﻣﺎﻧﺴﻴﺘﻪ
ﺍﻧﺎ .. ﻃﻴﺢ ﺳﻌﺪﻛﻦ ﻛﻠﻪ ﺍﻧﺘﻦ ﺍﺛﻨﻴﻦ
ﺗﺴﻨﻴﻢ .. ﺷﻦ ﺗﺤﻜﻦ
ﺑﺸﺮﻯ ﻏﻤﺰﺗﻠﻬﺎ .. ﻧﺤﻜﻮﺍ ﻉ ﺭﻭﻣﺎﻧﺴﻴﻪ ﺍﻳﻬﻢ
ﺗﺴﻨﻴﻢ ﺿﺤﻜﺖ .. ﺻﺎﻳﻊ ﺧﻮﻳﺎ ﻣﺶ ﻗﺎﺩﺭ ﻳﻤﺴﻚ ﺭﻭﺣﻪ
ﺧﺶ ﻣﻨﻴﺮ .. ﻫﻴﺎ ﺍﻧﺘﻦ ﻓﻴﺶ ﺗﺮﺍﺟﻦ ﺑﺲ
ﻣﺮﻳﻢ .. ﺧﺸﻴﺘﻮ ﺍﻧﺘﻢ ﻗﻠﺘﻮ ﺍﻃﻠﻌﻮ
ﻣﻨﻴﺮ ﺍﺑﺘﺴﻢ .. ﻣﺎﻩ ﻑ ﺣﺎﺟﺎﺕ ﻳﻨﻔﻬﻤﻦ ﻉ ﻃﺎﻳﺮ ﻣﻞ ﺍﻟﻮﺍﺣﺪ ﻭﻫﻮ ﻳﻠﻤﺢ ﺍﻓﻬﻤﻮ ﺑﺮﻭﺣﻜﻢ ﻭﻻ ﻻ ﻳﺎﺗﺴﻨﻴﻢ
ﺗﺴﻨﻴﻢ ﺗﻀﺤﻚ ﻭﺗﺒﺤﺖ ﻑ ﻣﺮﻳﻢ .. ﺍﻳﻮﺍﺍﻩ ﺻﺎﺡ ﻋﻨﺪﻩ ﺍﻟﺤﻖ
ﻣﺮﻳﻢ ﺳﻜﺘﺖ ﻭﻣﻨﻴﺮ ﺷﻴﺮ ﻟﺘﺴﻨﻴﻢ ﻭﻃﻠﻊ ﻭﻧﺤﻦ ﻭﺭﺍﻩ ﻃﻠﻌﻨﺎ
ﺍﻋﻤﻴﻤﻪ ﺭﻛﺒﺖ ﻣﻌﺎﻧﺎ ﻫﻴﺎ ﻭﺑﺸﺮﻯ ﻭﺭﺗﺎﺝ ﻭﺍﻣﺠﺪ ﺭﻛﺒﺖ ﻣﻌﺎﻫﺎ ﻓﺎﻃﻤﻪ ﻭﺗﺴﻨﻴﻢ ﻭﻣﺮﻳﻢ
ﻃﻠﻌﻨﺎ ﻟﺼﺎﻟﻪ ﻭﺻﻠﻨﺎ ﺧﺸﻴﻨﺎ ﺳﻘﻤﻨﺎ ﻣﻨﺎﺿﺮﻧﺎ ﻑ ﺍﺳﺘﻘﺒﺎﻝ ﻭﺧﺸﻴﻨﺎ ﻟﻘﻴﻨﺎ ﺭﺣﻤﻪ ﻭﻫﺒﻪ ﻭﺭﻳﻤﺎ ﻭﻋﻴﺸﻪ ﺍﻣﻬﻦ ﻉ ﻃﺎﻭﻟﻪ ﻣﺸﻴﻨﺎ ﺷﻮﺭﻫﻢ ﻭﺳﻠﻤﻨﺎ ﻭﺍﻭﻝ ﻣﺎﺳﻠﻤﺖ ﻉ ﻫﺒﻪ ﻭﻫﻴﺎ ﺗﺒﺤﺖ ﻓﻴﺎ ﻛﻠﻲ ﺧﺬﻳﻨﺎ ﻃﺎﻭﻟﻪ ﻭﺣﺪﻩ ﺃﺧﺮﻯ ﻻﻧﻪ ﻣﺎﺗﺴﺪﺵ ﻭﺍﻧﺎ ﻋﺪﻳﺖ ﻣﻊ ﺑﻨﺎﺕ
ﺗﺴﻨﻴﻢ .. ﺣﻠﻮﻩ ﺍﻟﻘﺎﻋﻪ ﻫﺬﻱ
ﺍﻧﺎ ﻗﻤﻌﺰﺕ ﺗﻼﻫﺎ .. ﺍﻫﺎ ﺣﻠﻮﻩ ﺑﻜﻞ
ﻣﺮﻳﻢ .. ﺍﻋﺮﺍﺳﻬﻢ ﺣﻠﻮﻩ ﺟﻴﺮﺍﻧﻪ ﻫﺬﻳﻤﺎ ﻭﻻ ﻭﻟﺪﻫﻢ ﺍﻟﻲ ﻣﺠﻮﺯ ﻣﺶ ﺳﻤﺢ ﻭﺑﺲ ﻣﺸﺎﺀﺍﻟﻠﻪ
ﺑﺸﺮﻯ .. ﺟﺎﻳﺎ ﻟﻌﺮﺱ ﺑﻴﺶ ﻧﺸﻮﻑ ﺷﻜﻞ ﻣﺮﺍﺗﻪ ﺑﺲ
ﺗﺴﻨﻴﻢ .. ﻳﺎﺧﻴﻪ ﺗﻮﺍ ﺗﻼﻗﻴﻬﺎ ﻣﺶ ﻟﻪ ﺑﻜﻞ
ﻣﺮﻳﻢ .. ﺩﻳﻤﺎ ﻫﻚ ﺳﻤﺢ ﻳﺎﺧﺬ ﺷﻴﻨﻪ ﻭﺍﻟﻌﻜﺲ
ﺍﻧﺎ .. ﻣﺶ ﺷﺮﻁ ﺑﺲ
ﺑﺸﺮﻯ .. ﺗﻠﻤﺢ ﻋﻠﻴﻬﻢ ﺭﺍﻩ ﻳﺎﺑﻨﺎﺕ
ﺗﺴﻨﻴﻢ .. ﺣﺴﻴﺘﻴﻬﺎ ﺻﺎﺡ
ﺍﻧﺎ ﻧﻀﺤﻚ .. ﻃﺢ ﺳﻌﺪﻛﻦ ﻛﻨﻜﻦ ﻣﻌﺎﻳﺎ ﺍﻟﻴﻮﻡ
ﻣﺮﻳﻢ .. ﺑﻨﺴﻜﺪﻭ ﻋﻠﻴﻚ ﻫﻚ
ﺑﺸﺮﻯ .. ﺟﺖ ﺍﻟﺒﺎﺭﺩﻩ
ﺑﺮﻣﺖ ﻟﻘﻴﺘﻬﺎ ﻫﺒﻪ ﺭﺩﻳﺖ ﺑﺤﺘﺖ ﻑ ﺑﻨﺎﺕ ﺟﺖ ﺗﻼﻧﺎ ﻭﺍﺑﺘﺴﻤﺖ
ﻫﺒﻪ .. ﺷﻨﺠﻮﻛﻦ ﻳﺎﺑﻨﺎﺕ
ﺗﺴﻨﻴﻢ .. ﻛﻮﻳﺴﻴﻦ ﺟﻮﻧﺎ ﻳﻬﺒﻞ ﻣﺎﻧﺤﻜﻴﻠﻚ
ﻫﺒﻪ ﺿﺤﻜﺖ .. ﻛﻨﻚ ﻓﺮﺣﺎﻧﻪ ﻣﺤﺼﻠﻪ ﻋﺮﻳﺲ
ﺗﺴﻨﻴﻢ .. ﻻﻻ ﻓﺮﺣﺎﻧﻪ ﻻﻧﻪ ﻣﻴﺲ ﺣﺎﻣﻞ ﻋﺎﺭﻓﻪ ﺍﻧﺘﻲ ﻏﻼﻭﺓ ﺍﻳﻬﻢ ﻛﻴﻒ
ﻫﺒﻪ ﺑﺤﺘﺖ ﻓﻴﺎ ﻭﺍﺑﺘﺴﺎﻣﺘﻬﺎ ﺍﺧﺘﻔﺖ .. ﺍﻫﺎ ﻣﺸﺎﺀ ﺍﻟﻠﻪ ﺍﻟﻒ ﻣﺒﺮﻭﻙ
ﺍﻧﺎ .. ﺍﻟﻠﻪ ﻳﺒﺎﺭﻙ ﻓﻴﻚ ﻋﻘﺒﺎﻟﻚ
ﻫﺒﻪ .. ﺗﺴﻠﻤﻲ ﻳﺎﺭﺏ ﻣﺰﺍﻟﺘﻲ ﺻﻐﻴﺮﻩ ﻻﺣﻘﻪ ﻉ ﺍﻟﻜﺒﺮ ﻭﻻ ﺧﺎﻳﻔﻪ ﻳﻬﺮﺏ ﻣﻨﻚ ﺑﻨﺎﺕ ﺗﻮﺍ ﻫﻨﺎ ﺍﻟﻲ ﻳﺼﻴﺪﻥ ﻑ ﺭﺟﺎﻟﻪ
ﺍﻧﺎ ﺭﻓﻌﺖ ﺣﺎﺟﺒﻲ .. ﻳﺼﻴﺪﻥ ﺍﻟﺤﻤﺪﺍﻟﻠﻪ ﻫﻮ ﺍﻟﻲ ﺟﺎﺀ ﺑﻜﺮﻋﻴﻪ ﺭﻭﺍﺩﻩ ﻳﺎﺣﻨﻪ ﻭﺑﻌﺪﻳﻦ ﻛﻨﻲ ﻣﺎﻧﺨﺎﻑ ﻋﻠﻴﻪ ﻣﻦ ﺑﻨﺎﺕ ﺍﻟﺤﺮﺍﻡ ﺑﻌﺪﻙ ﻛﺜﺮﺍﺕ
ﻭﺑﺮﻣﺖ ﻉ ﻣﺮﻳﻢ ﻟﻘﻴﺘﻬﺎ ﻣﺒﺘﺴﻤﻪ
ﻫﺒﻪ .. ﺑﺎﻫﻲ ﺟﻴﺖ ﻧﺸﻮﻑ ﻑ ﺃﺧﺮﻯ ﺍﺧﺒﺎﺭﻛﻦ ﻣﺎﻋﻨﺪﻛﺶ ﺍﺧﺒﺎﺭ
ﺑﺸﺮﻯ .. ﻻ ﻳﺎﺣﻨﻪ ﻣﺎﻓﻲ ﺍﺧﺒﺎﺭ
ﺻﺒﺖ ﻭﺍﻧﺎ ﻣﺴﻜﺖ ﻣﻮﺑﺎﻳﻞ ﺑﻌﺼﺒﻴﻪ ﻟﻴﻦ ﻃﻴﺤﺖ ﺍﻟﻤﻴﻪ ﺭﻓﻌﺖ ﻧﺒﻲ ﻧﺠﻴﺒﻬﺎ ﻟﻘﻴﺖ ﺍﻳﺪﻱ ﺗﺮﻋﺶ
ﺗﺴﻨﻴﻢ .. ﻣﺎﺩﻭﺭﻳﻬﺶ ﺧﻼﺹ ﻫﻴﺎ ﻭﺍﻳﻬﻢ ﺳﻴﺒﻮ ﺑﻘﻨﺎﻋﻪ
ﺳﻜﺘﺖ ﻭﺷﻮﻳﺎ ﺑﺪﺃ ﺟﻮ ﺍﻟﻌﺮﺱ ﻭﺍﻧﺎ ﻋﻘﻠﻲ ﻗﻌﺪ ﻳﺸﺘﻐﻞ ﺷﻮﻳﺎ ﻭﻗﻌﺪﺕ ﺗﺠﻲ ﺍﻋﻤﻴﻤﻪ ﻭﺟﺎﻳﺒﻪ ﻣﻌﺎﻫﺎ ﺻﺒﺎﻳﺎ ﻭﺗﻌﺮﻑ ﻓﻴﻬﻦ ﻋﻠﻴﺎ
ﻣﺮﻳﻢ .. ﺑﻨﺮﻛﺐ ﻧﺮﻗﺺ ﺍﻧﺎ ﻣﺶ ﺷﻮﺭﻱ
ﺭﺣﻤﻪ ﻛﺎﻧﺖ ﺗﻼﻧﺎ .. ﻫﻴﺎ ﺑﻨﺮﻛﺐ ﺣﺘﻰ ﺍﻧﺎ ﺍﻟﻔﺮﻗﻪ ﺩﺍﻳﺮﻩ ﺟﻮ ﺳﻤﺢ
ﺍﻧﺎ .. ﺣﺘﻰ ﺍﻧﺎ ﺑﻨﺮﻛﺐ
ﺭﺣﻤﻪ .. ﻳﻨﻌﻠﻴﺎ ﻓﻜﻴﻨﺎ ﺗﺮﻳﺤﻲ ﺍﻧﺘﻲ ﻣﺶ ﻛﻮﻳﺲ ﻋﻠﻴﻚ
ﺍﻧﺎ .. ﺧﺎﻃﺮﻱ ﻧﺮﻗﺺ
ﻣﺮﻳﻢ .. ﻣﺰﺍﻟﺘﻲ ﻑ ﺑﺪﺍﻳﻪ ﻳﺎﻣﻴﺲ ﻣﺮﺍﺕ ﺗﻀﺮﻱ ﺭﻭﺣﻚ
ﺭﺣﻤﻪ .. ﺣﺘﻰ ﻛﻌﺐ ﺍﻣﺘﺎﻋﻚ ﺧﻄﻴﺮ ﻫﺬﺍ ﺍﻧﺘﻲ
ﺍﻧﺎ .. ﺧﻠﻨﻲ ﺧﺎﻃﺮﻱ ﻧﺮﻛﺐ ﺷﻮﻳﺎ ﻭﻧﻨﺰﻝ
ﺭﺣﻤﻪ ... ﺑﺎﻫﻲ ﺷﻮﻳﺎ
ﺻﺒﻴﺖ ﻣﺎﺷﻴﺎ ﺷﻮﺭ ﻣﺴﺮﺡ ﻛﻠﻤﺘﻨﻲ ﺍﻋﻤﻴﻤﻪ
ﺳﻠﻴﻤﻪ .. ﺑﺘﺮﻗﺼﻲ ﺍﻥ ﺷﺎﺀ ﺍﻟﻠﻪ
ﺍﻧﺎ .. ﺭﺍﻛﺒﻪ ﻣﻊ ﺑﻨﺎﺕ ﺑﺲ
ﺳﻠﻴﻤﻪ .. ﺑﺎﻩ ﺭﺩ ﺑﺎﻟﻚ ﺍﻧﺘﻲ ﻣﺰﺍﻟﺘﻲ ﻑ ﺑﺪﺍﻳﻪ
ﺭﻛﺒﺖ ﻣﻌﺎﻫﻦ ﻭﻟﻔﻴﺖ ﻭﺷﺎﺡ ﺧﺸﻴﺖ ﺍﻧﺎ ﻭﻣﺮﻳﻢ
ﻣﺮﻳﻢ .. ﻣﺸﺎﺀﺍﻟﻠﻪ ﻭﻳﻦ ﻉ ﻟﻮﻱ ﺩﻳﺮﻳﻪ ﻟﻲ ﺍﻳﻬﻢ ﺑﻌﺪﻳﻦ
ﺍﻧﺎ ﻧﻀﺤﻚ ﻭﻧﻌﻠﻲ ﻑ ﺻﻮﺗﻲ ﻉ ﺳﺒﻪ ﺍﻟﻬﺮﺟﻪ .. ﻻﻻ ﺩﻳﺮﻳﻪ ﺍﻧﺘﻲ ﻟﻤﻨﻴﺮ ﺑﻌﺪ ﺗﺠﻮﺯﻭ
ﻣﺮﻳﻢ ﻓﻨﺼﺖ ﻋﻴﻮﻧﻬﺎ ﻓﻴﺎ
ﺍﻧﺎ .. ﻋﻴﻮﻧﻜﻢ ﻓﻀﺎﺣﺘﻜﻢ ﻣﺎﻋﻨﺪﻙ ﻟﻴﺶ ﺩﺳﻲ
ﻣﺮﻳﻢ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﻧﻘﻌﺪ ﺳﻠﻔﺘﻚ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﻣﺮﻳﻢ .. ﺣﻲ ﻋﻠﻴﻚ ﺍﻋﻤﻴﻤﻪ ﺗﻔﻨﺺ ﻧﺒﻴﻚ ﺗﻨﺰﻟﻲ
ﺍﻧﺎ .. ﺧﺎﻃﺮﻱ ﻑ ﺭﻗﺼﻪ ﺗﻮﺍ
ﺭﻗﺼﺖ ﺷﻮﻳﺎ ﻭﺗﻌﺒﺖ ﻧﺰﻟﺖ ﻻﻧﻪ ﺣﺴﻴﺖ ﺍﺟﻨﺎﺑﻲ
ﻛﻠﻤﺘﻨﻲ ﺍﻋﻤﻴﻤﻪ ﻣﺸﻴﺘﻠﻬﺎ
ﺳﻠﻴﻤﻪ .. ﺗﻀﺤﻜﻲ ﻋﻠﻴﺎ ﻳﺎﻣﻴﺲ ﻗﻤﻌﺰﻱ ﺗﻼﻳﺎ ﻣﻌﺶ ﺗﺤﺮﻛﻲ ﻣﻌﻘﻮﻟﻪ ﺗﺮﻗﺼﻲ ﺑﺎﻟﻜﻌﺐ ﺑﻜﻞ
ﺍﻧﺎ .. ﻭﺍﻟﻠﻪ ﺧﺎﻃﺮﻱ ﻓﻴﻬﺎ
ﺳﻠﻴﻤﻪ .. ﻗﻤﻌﺰﻱ ﺗﻼﻳﺎ
ﻣﺸﻴﺖ ﺟﺒﺖ ﻣﻮﺑﺎﻳﻠﻲ ﻭﻗﻤﻌﺰﺕ ﻛﺎﻥ ﻛﺮﺳﻲ ﺗﻼ ﻫﺒﻪ ﻓﺘﺤﺖ ﻣﻮﺑﺎﻳﻞ ﻭﺭﺩﻳﺘﻪ ﺧﻠﻴﺘﻪ ﻣﻔﺘﻮﺡ ﻛﻨﺖ ﺣﺎﻃﻪ ﺻﻮﺭﺗﻲ ﺍﻧﺎ ﻭﺍﻳﻬﻢ ﻑ ﺷﻬﺮ ﺍﻟﻌﺴﻞ ﻛﺎﻥ ﻣﺼﺒﻲ ﻭﺭﺍﻳﺎ ﻭﻣﺎﺳﻚ ﻭﺟﻲ ﺿﺎﻏﻂ ﻋﻠﻴﻪ ﻭﻳﺒﻮﺱ ﻓﻲ ﺧﺪﻱ ﻭﺍﻧﺎ ﻣﺎﺩﻩ ﻓﻤﻲ
ﺑﺮﻣﺖ ﻟﻘﻴﺖ ﻫﺒﻪ ﺗﺒﺤﺖ ﻓﻴﻬﺎ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻏﻴﺮﺕ ﺟﻴﻪ ﻣﻮﺑﺎﻳﻞ ﻭﺑﺮﻣﺖ ﻧﻬﺪﺭﺯﻭ ﻣﻊ ﺩﻧﻴﺎ ﻟﻴﻦ ﺧﺸﺖ ﻋﺮﻭﺱ ﻣﺸﻴﺖ ﺗﻼ ﺍﻟﺒﻨﺎﺕ
ﺍﻧﺎ .. ﻃﻠﻌﺖ ﺳﻤﻮﺣﻪ ﻳﺎﺑﻨﺎﺕ
ﺑﺸﺮﻯ .. ﻭﺍﻟﻠﻪ ﺗﻼﻩ ﺷﻲ ﺗﻲ ﻧﻘﻮﻟﻚ ﺳﻤﺢ
ﺍﻧﺎ .. ﻳﻴﻲ ﺍﻥ ﺷﺎﺀ ﺍﻟﻠﻪ ﻳﺨﺶ ﺧﺎﻃﺮﻱ ﻧﺸﻮﻓﻪ
ﻣﺮﻳﻢ .. ﺍﻥ ﺷﺎﺀ ﺍﻟﻠﻪ ﻳﺨﺶ ﺑﻌﺪﻙ ﻋﻼﻗﻪ ﻫﻤﺎ ﺍﻛﻴﺪﻩ ﺟﻮ ﻣﺎﻧﺤﻜﻴﻠﻚ
ﺗﺴﻨﻴﻢ .. ﻫﺬﻱ ﺍﻟﻲ ﻳﻬﻤﻨﻲ ﻑ ﻛﻞ ﺍﻟﻌﺮﺱ ﺭﺍﻩ ﺍﻧﺎ
ﺷﻮﻳﺎ ﻭﺟﺖ ﻣﺮﺍ ﻫﺰﺗﻨﻲ ﺑﺮﻣﺖ ﺳﻠﻤﺖ ﻋﻠﻴﻬﺎ ﻭﺍﻧﺎ ﻣﺴﺘﻐﺮﺑﻪ ﻭﻗﻤﻌﺰﺕ ﺗﻼﻧﺎ
ﺍﻟﻤﺮﺍ ﻣﺒﺘﺴﻤﻪ ﻭﺗﺒﺤﺖ ﻓﻴﺎ ﺯﻳﻦ .. ﺍﻣﻚ ﺍﻟﻲ ﻛﻨﺘﻲ ﺗﻼﻫﺎ
ﺍﻧﺎ ﺍﺑﺘﺴﻤﺖ .. ﻻﻻ ﻋﻤﺘﻲ ﺍﻡ ﺭﺍﺟﻞ
ﺍﻟﻤﺮﺍ .. ﺍﻡ ﺭﺍﺟﻠﻚ ﻣﺠﻮﺯﻩ ﺍﻧﺘﻲ
ﺍﻧﺎ .. ﺍﻫﺎ ﻣﺠﻮﺯﻩ
ﺍﻟﻤﺮﺍ .. ﻣﻦ ﻧﺒﺪﺭﻱ ﻭﺍﻧﺎ ﻋﻴﻨﻲ ﻋﻠﻴﻚ ﻭﺑﺬﺍﺕ ﺑﻌﺪ ﺭﻛﺒﺘﻲ ﻉ ﻣﺴﺮﺡ ﻣﺸﺎﺀ ﺍﻟﻠﻪ ﻋﻠﻴﻚ ﺭﺑﻲ ﻳﺤﻔﻈﻚ
ﺍﻧﺎ ﺍﺑﺘﺴﻤﺖ .. ﺗﺴﻠﻤﻲ ﻭﻳﺤﻔﻈﻚ
ﺍﻟﻤﺮﺍ .. ﻗﺒﻞ ﻛﻨﺖ ﻧﺒﻴﻚ ﻟﻮﻟﺪﻱ ﺑﺲ ﻣﺎﻓﻴﺶ ﻧﺼﻴﺐ
ﺍﻧﺎ .. ﺍﻫﺎ
ﺍﻟﻤﺮﺍ .. ﻣﻌﻠﻴﺶ ﻉ ﺍﺯﻋﺎﺝ
ﺍﻧﺎ .. ﻻ ﻋﺎﺩﻱ ﻭﻻ ﻳﻬﻤﻚ
ﻣﺮﻳﻢ ﺗﻀﺤﻚ .. ﺑﺤﺘﺖ ﻓﻴﻚ ﺍﻧﺘﻲ ﻣﺠﻮﺯﻩ ﻭﻓﺎﺗﺘﻨﺎ ﻧﺤﻦ ﻳﻨﻌﻠﻴﺎ ﻭﺧﻼﺹ
ﺍﻧﺎ ﻧﻀﺤﻚ .. ﻋﻠﻴﻚ ﺑﺨﺖ
ﺗﺴﻨﻴﻢ .. ﻣﺸﺎﺀ ﺍﻟﻠﻪ ﺭﺑﻲ ﻳﺤﻔﻈﻚ ﺍﺭﻗﻲ ﺭﻭﺣﻚ
ﺍﻧﺎ .. ﺗﻲ ﺣﻲ ﻛﺎﻥ ﻳﺴﻤﻌﻬﺎ ﺍﻳﻬﻢ ﻭﻻ ﻳﺴﻤﻌﻨﻲ ﺻﺒﻴﺖ ﺭﻗﺼﺖ
ﺑﺸﺮﻯ ﺗﻀﺤﻚ .. ﺑﻌﺪﻙ ﻣﺎﻳﻨﻘﺮﺏ ﺑﻜﻞ ﻭﻫﻮ ﻣﻌﺼﺐ
ﺍﻧﺎ ﻧﻀﺤﻚ .. ﻣﺸﻐﻴﺮ ﻣﺎﻳﻨﻘﺮﺏ ﻣﺎﺗﺠﻲ ﺷﻮﺭﻩ ﺑﻜﻞ
ﺗﺴﻨﻴﻢ .. ﻳﻨﻌﻠﻴﺎ ﻓﺼﻼﺗﻪ ﺩﻳﻤﺎ ﺟﺎﻳﺎﺕ ﻑ ﻭﺟﻲ
ﺑﺸﺮﻯ .. ﻭﻓﻀﺎﻳﺤﻚ ﺣﺘﻰ ﻫﻨﺎ
ﺗﺴﻨﻴﻢ .. ﻣﺎﺗﺨﻄﺮﻳﺶ ﻋﻠﻴﺎ ﺑﺎﻟﻠﻪ ﺑﻌﺪ ﻛﺒﺴﻨﻲ ﻧﺤﻜﻲ ﻣﻊ ﺍﺣﻤﺪ ﻗﻄﻊ ﻋﻠﻴﺎ ﺍﻟﺴﻴﺮ
ﺍﻧﺎ .. ﻫﻴﻴﻲ ﻗﺼﺪﻙ ﻣﺪ ﺍﻳﺪﻩ ﻋﻠﻴﻚ ﺍﻳﻬﻢ
ﺗﺴﻨﻴﻢ .. ﺍﻫﺎ ﻫﻮ ﻣﺶ ﻛﺒﺴﻨﻲ ﺑﺲ ﺳﻮﺳﻪ ﺍﻟﻲ ﻏﺎﺩﻱ ﻫﻴﺎ ﺍﻟﻲ ﺑﺼﺖ ﻭﺯﺍﺩﺕ ﻛﻼﻡ ﻣﻦ ﻋﻨﺪﻫﺎ ﺭﻭﺡ ﻣﻨﻔﺼﻞ ﻣﺎﻳﺸﻮﻑ ﻑ ﺷﻲ
ﺑﺸﺮﻯ .. ﻣﻦ ﻳﻮﻣﻬﺎ ﺍﻣﺘﺎﻉ ﺷﺮ ﻓﻜﻨﺎ ﻣﻨﻬﺎ ﻳﺎﺧﻴﺘﻲ
ﺗﻌﺸﻴﻨﺎ ﻭﺟﺎﺀ ﺍﻟﻌﺮﻳﺲ ﻭﻧﺤﻦ ﺷﻮﻳﺎ ﻭﺭﻭﺣﻨﺎ "
" ﺧﺸﻴﺖ ﻟﺸﻘﻪ ﺣﻮﻟﺖ ﺍﻟﺨﻤﺎﺭ ﻭﺍﻟﻮﺷﺎﺡ ﻭﻧﺴﻠﺢ ﻑ ﻋﺒﺎﻳﺎ ﺧﺶ ﺍﻳﻬﻢ ﺭﺍﻓﻊ ﺣﺎﺟﺒﻪ ﻭﺻﺒﻰ ﻋﻨﺪ ﺑﺎﺏ ﻭﻣﺮﺑﻊ ﺍﻳﺪﻳﻪ
ﺍﻧﺎ ﺑﺮﻣﺖ .. ﻛﻨﻚ ﺗﺒﺤﺖ ﻫﻚ
ﺍﻳﻬﻢ .. ﺍﻧﺘﻲ ﻣﺴﺮﻩ ﺗﻬﻠﻜﻲ ﺭﻭﺣﻚ ﺭﺍﻩ ﻭﺍﻟﻠﻪ ﻳﺎﻣﻴﺲ ﻧﺤﻠﻒ ﻣﻌﺶ ﻑ ﻃﻠﻮﻉ
ﺍﻧﺎ .. ﺗﻲ ﻛﻨﻚ ﻣﻌﺎﻳﺎ ﺷﻦ ﺩﺭﺕ ﺍﻧﺎ
ﺍﻳﻬﻢ .. ﻻ ﻭﺍﻟﻠﻪ ﻣﺎﺩﺭﺗﻲ ﺷﻲ ﻣﺼﺒﻴﻪ ﺗﺮﻗﺼﻲ ﺑﺲ ﺑﺎﻟﻜﻌﺐ ﺍﻟﻲ ﻫﻚ ﻃﻮﻟﻪ
ﺍﻧﺎ ﻗﻤﻌﺰﺕ ﻭﻃﺒﺴﺖ ﺗﺴﻠﺢ ﻑ ﻛﻌﺐ .. ﺧﻼﺹ ﺟﺖ ﻑ ﺧﺎﻃﺮﻱ ﺭﻗﺼﻪ ﻭﻣﺎﺻﺎﺭ ﺷﻲ ﻋﻠﻴﺶ ﻣﻜﺒﺮ ﺍﻟﻤﻮﺿﻮﻉ ﺍﻧﺖ ﻭﺍﻋﻤﻴﻤﻪ
ﺍﻳﻬﻢ .. ﻻ ﻣﻜﺒﺮﻩ ﻻ ﺷﻲ ﻓﻜﻴﻨﻲ ﻣﻦ ﻃﻠﻮﻉ ﺗﺮﺍ
ﺧﺶ ﻟﺤﻤﺎﻡ ﻧﻜﺪ ﻋﻠﻴﺎ ﻭﺍﻧﺎ ﻣﺘﻨﻜﺪﻩ ﻣﻦ ﻛﻼﻡ ﻫﺒﻪ ﺍﺻﻼ ﻭﺣﺎﺳﻪ ﺟﻮﻱ ﺧﺮﺏ ﺻﺒﻴﺖ ﻉ ﻣﺮﺍﻳﺎ ﻭﻗﻌﺪﺕ ﻧﻔﻚ ﻑ ﻑ ﻟﻔﻪ ﻭﻧﺤﺲ ﻑ ﺩﻣﻮﻉ ﺑﻴﻨﺰﻟﻦ ﻭﻏﺎﻃﺴﻪ ﻑ ﺗﻔﻜﻴﺮ ﻟﻒ ﻋﻠﻴﺎ ﺍﻳﻬﻢ ﺯﻳﻦ ﻣﻦ ﻻﻭﺭﻩ
ﺍﻳﻬﻢ .. ﺍﺣﺴﺎﺳﻲ ﺍﻧﺎ ﻑ ﺣﺎﺟﻪ ﻣﻀﺎﻳﻘﺘﻚ ﺻﺎﺡ
ﺍﻧﺎ .. ﺍﻧﺖ ﻭﻫﺒﻪ ﻋﻠﻴﺶ ﺳﻴﺒﺘﻮ ﺑﻌﻀﻜﻢ
ﺍﻳﻬﻢ .. ﻋﻠﻴﺶ ﺗﺴﺄﻟﻲ ﺩﻭﺗﻠﻚ ﺣﺎﺟﻪ ﻫﻴﺎ
ﺍﻧﺎ .. ﻣﺎﻗﺎﻟﺖ ﺷﻲ ﺑﺲ ﺧﻠﻴﻨﻲ ﻉ ﺑﻴﻦ ﻣﺎﻧﺒﻴﺶ ﻧﻘﻌﺪ ﺯﻱ ﺍﻃﺮﺵ ﻑ ﺯﻓﻪ ﻳﺎﺍﻳﻬﻢ
ﺍﻳﻬﻢ ﺗﻨﻬﺪ .. ﻗﺼﻪ ﻭﻣﺎﺗﺖ ﺧﻼﺹ ﺳﻮﺀ ﺗﻔﺎﻫﻢ ﻭﻗﻠﻪ ﺍﺣﺘﺮﺍﻡ ﻭﺍﻧﺘﻬﺖ ﺑﻔﺴﺦ ﺧﻄﺒﻪ
ﺍﻧﺎ .. ﻻ ﻣﺶ ﺧﻼﺹ ﻳﺎﺍﻳﻬﻢ ﺍﻧﺎ ﺑﻨﻌﺮﻑ ﻣﻦ ﺣﻘﻲ ﻧﻌﺮﻑ
ﺍﻳﻬﻢ .. ﺣﺎﺟﻪ ﻑ ﻣﺎﺿﻲ ﻋﻠﻴﺶ ﺗﺒﻲ ﺗﻌﺮﻓﻴﻬﺎ ﺍﻧﺘﻲ ﻣﺎﻓﻴﺶ ﺩﺍﻋﻲ
ﺍﻧﺎ .. ﻣﺎﺗﺒﻴﺶ ﺗﺤﻜﻲ ﻋﻠﻴﺶ ﻛﻴﻒ ﻣﺎﻓﻴﺶ ﺩﺍﻋﻲ
ﺍﻳﻬﻢ ﺑﺮﻡ ﻳﻤﺸﻲ .. ﺍﻫﺎ ﻣﺎﻓﻴﺶ ﺩﺍﻋﻲ ﺧﻼﺹ ﺻﻜﺮﻱ ﻉ ﺍﻡ ﺍﻟﺒﻼ ﺧﻠﻲ ﻫﺎﻟﻴﻠﻪ ﺗﻤﺸﻲ ﻉ ﺧﻴﺮ
ﺍﻧﺎ .. ﺻﺎﺭ ﻧﺼﻜﺮ ﺑﺎﻩ ﺗﻤﺎﻡ ﺑﺲ ﺑﻌﺪ ﺗﻘﻌﺪ ﺗﻌﺰﻕ ﻑ ﻛﻼﻡ ﺍﻧﺎ ﻭﻗﺘﻬﺎ ﻧﻄﺮ ﻧﺴﻜﺖ ﻭﻧﺼﻜﺮ ﻓﻤﻲ ﻻﻧﻪ ﻣﺶ ﻋﺎﺭﻓﻪ ﺍﺻﻼ ﺷﻦ ﻗﺼﻪ
ﺍﻳﻬﻢ .. ﻣﺎﻓﻴﺶ ﻗﺼﻪ ﻛﻨﻚ ﺍﻧﺘﻲ ﻫﻴﺎ ﻗﻌﺪﺕ ﺗﻘﻠﻞ ﻣﻦ ﺍﺣﺘﺮﺍﻣﻲ ﻭﻣﻦ ﺍﺣﺘﺮﺍﻡ ﻫﻠﻲ ﻭﺗﺸﻚ ﻭﻣﻌﺶ ﻋﺠﺒﻬﺎ ﺣﺎﻝ ﻭﺍﻧﺘﻬﺖ ﻫﻜﻲ ﺧﻼﺹ
ﺍﻧﺎ ﺑﺼﻮﺕ ﻭﺍﻃﻲ .. ﻫﻜﻲ ﺑﺲ ﺣﺒﻴﺒﻲ
ﺍﻳﻬﻢ ﺍﺑﺘﺴﻢ .. ﻫﻜﻲ ﺑﺲ ﺻﺪﻗﻴﻨﻲ
ﻗﺮﺑﺖ ﺣﻀﻨﺘﻪ ﺯﻳﻦ
ﺍﻧﺎ .. ﺑﻨﺖ ﻫﺬﻱ ﻭﻗﺖ ﺗﻘﻌﺪ ﻑ ﻣﻜﺎﻥ ﺍﻧﺖ ﻣﺎﻧﺒﻴﻜﺶ ﻓﻴﻪ ﻣﻜﺎﻥ ﻫﺬﺍ
ﺍﻳﻬﻢ ﻣﺒﺘﺴﻢ .. ﺣﺎﺿﺮ ﻏﻴﺮ ﻗﻮﻟﻴﻠﻲ ﺗﻮﺍ ﺷﻦ ﺳﻤﺎﺣﻪ ﻫﺬﻱ
ﺍﻧﺎ ﻭﺧﺮﺕ .. ﺳﻤﺤﻪ ﻃﺎﻟﻌﻪ
ﺍﻳﻬﻢ .. ﻗﺎﻟﺖ ﺳﻤﺤﻪ ﺑﺲ
ﺑﺮﻡ ﺑﻴﺎ ﻉ ﺳﺮﻳﺮ
ﺍﻧﺎ ﻧﻀﺤﻚ .. ﺍﻳﻴﻴﻬﻢ ﺑﺸﻮﻳﺎ ﺣﺒﻴﺒﻲ
ﺍﻳﻬﻢ ﻣﺒﺘﺴﻢ ﻭﻳﺒﻮﺱ ﻑ ﺭﻗﺒﺘﻲ .. ﺗﻲ ﻳﻨﻌﻠﻴﺎ ﻣﺰﺍﻝ ﻓﻴﻬﺎ ﺑﺸﻮﻳﺶ ﻫﻴﺎ ﻧﺤﺒﻚ ﻳﻨﻌﻦ ﺟﺪ ﻭﺟﻚ
ﻣﺴﻜﺖ ﻓﻴﻪ ﻭﻭﻭﻭﻭﻭ "
" ﺍﻟﻴﻮﻡ ﺛﺎﻧﻲ ..
ﻣﺤﻤﺪ .. ﺍﻃﻠﻌﻲ ﻳﺎﻓﺮﺧﻪ ﺍﺯﻑ ﻭﻗﺖ ﻋﻠﻴﺎ ﻣﺎﻫﻮ ﻋﺎﺭﻓﻪ
ﻣﺮﻳﻢ .. ﺑﺎﻫﻲ ﻳﺎﺍﺣﻤﻴﺪﺍ ﻛﻨﻚ
ﻣﺤﻤﺪ .. ﻣﺶ ﻓﺎﺿﻲ ﺍﺻﻼً
ﻃﻠﻊ ﻭﻫﻴﺎ ﻃﻠﻌﺖ ﺗﺠﺮﻱ ﻭﺭﺍﻩ
ﻣﻨﻴﺮ .. ﻣﺸﺎﺀ ﺍﻟﻠﻪ ﻣﺸﺎﺀ ﺍﻟﻠﻪ ﺍﻣﺲ ﺍﻟﻌﺮﺱ ﻛﺎﻥ ﻣﺶ ﺍﻟﻴﻮﻡ
ﻣﺮﻳﻢ .. ﺻﺒﺎﺡ ﺍﻟﺨﻴﺮ ﻛﻨﻚ
ﻣﻨﻴﺮ .. ﻻ ﺷﻲ ﻧﺒﺤﺖ ﻑ ﻣﻨﻀﺮﻙ
ﻣﺮﻳﻢ .. ﻛﻨﻪ ﻣﻨﻀﺮﻱ
ﻣﻨﻴﺮ .. ﺍﻣﺸﻲ ﺍﻏﺴﻠﻲ ﻭﺟﻚ ﻭﻏﻴﺮﻱ ﻟﺒﺴﻪ ﺍﻟﻲ ﻗﺮﻳﺐ ﺗﻘﻄﻊ ﻋﻠﻴﻚ
ﻣﺮﻳﻢ .. ﻣﻌﺶ ﻑ ﻭﻗﺖ ﻧﻐﻴﺮ ﺍﻧﺎ ﻃﺎﻟﻌﻪ ﺍﺣﻤﻴﺪﺍ ﻣﺴﺘﻌﺠﻞ ﺑﻌﺪﻳﻦ ﻟﺒﺴﺘﻲ ﻛﻮﻳﺴﻪ
ﻃﻠﻌﺖ ﺗﺠﺮﻱ ﻭﻣﻨﻴﺮ ﻏﺾ ﻉ ﻓﻤﻪ ﺑﻘﻮﻩ ﻭﺧﺒﻂ ﻛﺮﺍﻋﻪ ﻑ ﺳﺎﺱ
ﻣﻨﻴﺮ .. ﻧﻌﻦ &$& ﺍﻟﻔﺮﺧﻪ ﻫﺬﻱ ﺗﺒﻲ ﺗﻬﺒﻠﻨﻲ ﺗﺒﻲ ﺗﻘﺘﻠﻨﻲ
ﺍﻣﺠﺪ .. ﻛﻨﻚ ﺑﺴﻢ ﺍﻟﻠﻪ ﺗﺪﻭﻱ ﻣﻊ ﺭﻭﺣﻚ
ﻣﻨﻴﺮ .. ﺑﺎﻟﻠﻪ ﻋﻠﻴﻚ ﺧﻄﺎﻧﻲ ﺗﺮﺍ
ﺍﻣﺠﺪ .. ﺣﺎﻻﺕ "
" ﺭﺣﺎﺏ ﻃﺎﻟﻌﻪ ﻣﻦ ﻣﺪﺭﺳﻪ ﻟﻘﺖ ﻃﺎﺭﻕ ﻣﺼﺒﻲ ﺟﺖ ﺑﺘﺮﺩ ﻻﻧﻪ ﺣﺎﻓﻠﻪ ﻣﺰﺍﻝ ﻣﺎﺟﺖ
ﻃﺎﺭﻕ .. ﻣﺰﺍﻝ ﻧﺤﺒﻚ ﺭﺍﻩ
ﺭﺣﺎﺏ ﺑﺤﺘﺖ ﻑ ﻋﻴﻮﻧﻪ ﻭﻫﻮ ﺍﺑﺘﺴﻢ ﻭﺑﺮﻡ ﻋﺪﺍ
ﺭﺣﺎﺏ ﺧﻨﻘﺘﻬﺎ ﺍﻟﻌﺒﺮﻩ ﻭﺧﺸﺖ ﺗﺠﺮﻱ ﻟﻤﺪﺭﺳﻪ ﺟﻮﺍ ﻣﺶ ﻓﺎﻫﻤﻪ ﻟﻴﺶ ﻫﻮ ﺩﺍﺭ ﻫﻚ ﻭﺷﻦ ﻏﺮﺿﻪ "
" ﻋﺰﻭ ﻑ ﻣﺤﻞ ﻭﺗﻼﻩ ﻋﻼﺀ .. ﺍﺣﺴﺐ ﺣﺘﻰ ﺍﻟﻴﻮﻡ
ﻋﻼﺀ .. ﺑﺎﻫﻲ ﺍﻟﺰﻑ ﻋﺎﺩ ﻧﺤﺴﺐ ﻣﺶ ﺍﻟﻪ ﺍﻧﺎ
ﻋﺰﻭ .. ﺗﻲ ﺑﺎﻫﻲ ﻏﻴﺮ ﺑﻼ ﺗﻨﻔﺘﻴﺮ
ﻋﻼﺀ .. ﻣﺰﻃﺖ ﺍﻣﻲ ﺍﺻﻼ
ﻋﺰﻭ ﺑﺮﻡ ﻭﺳﻤﻊ ﺻﻮﺕ ﻣﺴﺞ ﻉ ﻭﺍﺗﺲ ﻓﺘﺤﻪ ﻭﻛﺎﻧﺖ ﺭﺳﺎﻟﻪ ﻣﻦ ﺭﻗﻢ ﻏﺮﻳﺐ
ﺍﻟﺮﻗﻢ .. ﻣﺒﺮﻭﻙ ﺍﻟﻨﺴﻴﺐ ﺍﻟﺠﺪﻳﺪ ﻣﺤﻤﺪ ﺍﻝ &$& ﻣﺶ ﻏﺮﻳﺐ ﻋﻠﻴﻚ ﺍﻻﺳﻢ ﺻﺎﺡ ﺍﻳﻮﺍﻩ ﻫﻮ ﻧﻔﺴﻪ ﺍﻟﻲ ﻑ ﺑﺎﻟﻚ ﻗﻠﺖ ﺧﻠﻲ ﻧﺨﺒﺮﻙ ﺍﻧﺎ ﻗﺒﻞ ﻻ ﻳﺠﻲ ﺍﻟﻴﻮﻣﻴﻦ ﺍﻟﺠﺎﻳﺎ
ﻋﺰﻭ ﻓﺘﺢ ﻋﻴﻮﻧﻪ ﺯﻳﻦ ﻭﻃﻠﻊ ﻗﻌﺪ ﻳﺮﻥ ﻉ ﺭﻗﻢ ﻳﻌﻄﻲ ﻓﻴﻪ ﻣﻘﻔﻞ
ﻋﺰﻭ .. ﻳﻨﻌﻦ &$& ﻣﻦ ﺍﺯﻑ ﻣﻦ
ﻳﻮﺳﻒ ﻧﺎﺯﻝ ﻣﻦ ﺳﻴﺎﺭﻩ .. ﻛﻨﻚ ﺗﺴﺐ
ﻋﺰﻭ .. ﺍﺳﻤﻊ ﺧﺶ ﻛﻤﻞ ﻣﻊ ﻋﻼﺀ ﺍﻧﺎ ﺑﻨﻄﻠﻊ
ﻳﻮﺳﻒ .. ﺑﺎﻩ ﻏﻴﺮ ﻗﻮﻟﻲ ﻭﻳﻦ
ﻋﺰﻭ .. ﻧﺒﻲ ﻧﺒﺮﻡ ﻣﺶ ﺣﻨﻄﻮﻝ
ﻳﻮﺳﻒ .. ﺑﺎﻫﻲ ﻋﺪﻱ
ﺭﻛﺐ ﻋﺰﻭ ﻑ ﺳﻴﺎﺭﻩ ﻭﻛﻞ ﻣﺮﻩ ﺗﺠﻲ ﻑ ﺑﺎﻟﻪ ﺣﺎﺟﻪ "
" ﺩﻧﻴﺎ .. ﺍﻣﺠﺪ ﻣﻮﺑﺎﻳﻞ ﻳﺮﻥ
ﺍﻣﺠﺪ .. ﺷﻮﻓﻴﻪ ﺗﺮﺍﻩ
ﺩﻧﻴﺎ .. ﺭﻗﻢ
ﺍﻣﺠﺪ .. ﻫﻴﺎ ﺟﺎﻳﺎ
ﻭﺻﻞ ﻣﺴﺞ ﻉ ﻣﻮﺑﺎﻳﻞ ﻗﺮﺑﺖ ﺗﻘﺮﺍ ﻓﻴﻪ
ﺭﺩ ﻟﻮ ﺳﻤﺤﺖ ﻣﺶ ﺣﻨﺎﺧﺬ ﺷﻲ ﻣﻦ ﻭﻗﺘﻚ
ﺭﺩﺕ ﻣﻮﺑﺎﻳﻞ ﻭﻗﻌﺪﺕ ﺷﺎﻛﻪ
ﺍﻣﺠﺪ .. ﺗﺮﺍ ﻣﻦ ﻗﻌﺪ ﻳﻘﺮﺃ ﻑ ﻣﺴﺞ ﻭﺩﻧﻴﺎ ﺗﺒﺤﺖ ﻑ ﺗﻌﺎﺑﻴﺮ ﻭﺟﻪ ..
" ﻳﺘﺒﻊ "..
ﺭﺍﻳﻜﻦ ﻳﺎﺑﻨﺎﺕ ﻫﻴﺎ ﺗﻮﻗﻌﺎﺗﻜﻦ ﻟﺤﻠﻘﺎﺕ ﺍﻟﺠﺎﻳﺎ
