ﻋﻜﺲ _ ﺍﻟﺘﻴﺎﺭ
ﺣﻠﻘﻪ 50
" ﺍﻣﺠﺪ ﻗﺎﺭﻥ ﺣﻮﺍﺟﺒﻪ .. ﻛﻨﻚ ﺍﻧﺘﻲ ﻓﻴﺶ ﺗﺤﺴﻲ
ﺩﻧﻴﺎ ﻓﻜﺖ ﻣﺴﺎﻛﻪ ﻭﺗﻤﺸﻂ ﻓﻲ ﺷﻌﺮﻫﺎ .. ﻣﺎﻛﻨﻲ ﺷﻲ ﺷﻮﻑ ﺭﻭﺣﻚ ﻭﺍﻟﻠﻪ ﻛﻴﻒ ﻗﺮﻳﺐ ﺗﻤﻮﺕ ﻋﻠﻴﻬﺎ ﻭﺍﺟﻌﺘﻚ
ﺍﻣﺠﺪ .. ﺗﻲ ﺑﺎﻫﻲ ﺍﻛﻴﺪﻩ ﺗﺒﻲ ﺗﻮﺟﻌﻨﻲ ﺍﻟﻤﺮﺍﻩ ﺧﻠﻮﻗﻪ ﻭﻓﻲ ﺣﺎﻟﻬﺎ
ﺩﻧﻴﺎ .. ﺧﻠﻴﻬﺎ ﺗﻮﺍ ﺗﻨﻔﻌﻚ ﺗﺮﺍ ﺧﻄﺎﻧﻲ ﻳﺎﺍﻣﺠﺪ
ﺍﻣﺠﺪ ﺟﺎﺀ ﻗﻤﻌﺰ ﺗﻼﻫﺎ .. ﻣﻌﻘﻮﻟﻪ ﻏﺎﻳﺮﻩ ﻫﻜﻲ ﻳﺎﻫﺒﻠﻪ
ﺩﻧﻴﺎ .. ﻏﺎﺍﻳﺮﻩ ﺍﻫﺎ ﻏﺎﺍﻳﺮﻩ ﻭﻟﻴﺶ ﻣﺎﻧﻐﺎﺍﺭ ﻳﻌﻨﻲ ﻣﺎﻩ ﺍﻧﺖ ﺍﻣﺘﺎﻋﻲ ﺍﻧﺎ ﺍﻣﺘﺘﺎﻋﻲ ﺍﻟﻐﻴﺮﻩ ﻣﺶ ﻳﻌﻨﻲ ﻧﺨﻨﻘﻚ ﺍﻟﻐﻴﺮﻩ ﻧﺒﻴﻚ ﺗﻌﺮﻑ ﺍﻧﻚ ﺍﻧﺖ ﻣﻦ ﺣﻘﻲ ﺍﻧﺎ ﺑﺲ ﻭﺍﻟﻐﻴﺮﻩ ﻫﻨﺎ ﻧﺎﺭ ﺗﻘﻌﺪ .. ﻭﺷﻴﺮﺕ ﻉ ﻗﻠﺒﻬﺎ .. ﺗﻌﺮﻑ ﺍﻧﻬﺎ ﻣﺶ ﺑﻴﺪﻱ ﻻﻧﻪ ﺍﻧﺎ ﺑﺲ ﻧﺸﻮﻑ ﻭﺣﺪﻩ ﺗﺒﻲ ﺗﻘﺮﺏ ﻣﻨﻚ ﺗﺸﻌﻞ ﻧﺎﺭ ﻫﻨﺎ ﻭﻣﻌﺶ ﻧﻌﺮﻑ ﻛﻴﻒ ﻧﺼﺮﻑ ﺍﻧﺖ ﻓﺎﻫﻢ ﻫﺎﻟﻜﻼﻡ ﻛﻮﻳﺲ
ﺍﻣﺠﺪ ﺍﺑﺘﺴﻢ ﺑﻀﺤﻜﻪ .. ﻓﺎﻫﻢ ﺍﻧﻬﺎ ﻏﻴﺮﻩ ﻭﻣﻦ ﻗﺎﻝ ﺧﻨﻘﺘﻨﻲ ﻻ ﺑﺲ ﻧﺒﻴﻚ ﺑﻌﺪ ﺗﻐﺎﺭﻱ ﻣﻌﺶ ﺗﻌﻴﻄﻲ ﻛﻴﻒ ﺗﻮﺍ ﻫﻜﻲ ﻏﺎﺭﻱ ﻋﺎﺩﻱ ﻻﻧﻲ ﻓﻌﻼً ﺍﻧﺎ ﻣﻦ ﺣﻘﻚ ﺍﻧﺘﻲ ﺑﺲ
ﺩﻧﻴﺎ ﺣﻀﻨﺎﺗﻪ .. ﺍﻟﻐﻴﺮﻩ ﺷﻲ ﻳﻘﺘﻞ ﻭﺷﻲ ﻳﺤﺮﻕ ﻭﻳﻬﺪﻡ ﺷﻌﻮﺭ ﺻﻌﺐ
ﺍﻣﺠﺪ ﺗﻨﻬﺪ .. ﻣﻌﺶ ﺗﻐﺎﺭﻱ ﻻﻧﻚ ﺍﻧﺘﻲ ﺣﻘﻲ ﻭﺍﻧﺎ ﺣﻘﻚ ﻭﻣﺎﻓﻴﺶ ﺣﺪ ﻳﺨﺶ ﺑﻴﻨﺎ ﻓﺎﻫﻤﻪ
ﺩﻧﻴﺎ ﺍﺑﺘﺴﻤﺖ .. ﻋﺴﻰ ﺍﻟﻠﻪ ﻣﺎﻳﻔﺮﻕ ﺑﻴﻨﺎ
ﺷﻌﻮﺭ ﺍﻟﻐﻴﺮﻩ ﻫﻮ ﺍﻟﻮﺣﻴﺪ ﺍﻟﻠﻲ ﻣﻤﻜﻦ ﻳﻬﺪﻣﻨﻲ ﺑـ ﺛﺎﻧﻴﺔ "!
" ﺍﻟﻴﻮﻡ ﺍﻟﺜﺎﻧﻲ ..
ﻃﻠﻌﺖ ﺭﺣﺎﺏ ﻣﻦ ﺩﺍﺭ
ﺭﺣﺎﺏ .. ﺻﺒﺎﺡ ﺍﻟﺨﻴﺮ
ﻣﺎﻣﺎ ﺑﺮﻣﺖ .. ﺻﺒﺎﺡ ﺍﻟﻨﻮﺭ ﻛﻨﻬﻦ ﻋﻴﻮﻧﺎﺗﻚ ﻣﻨﻔﺨﺎﺕ ﻭﺣﻤﺮ
ﺭﺣﺎﺏ .. ﻣﺎﻣﺎ ﺍﻧﺎ ﻣﻌﺶ ﻧﻘﺪﺭ ﻧﺘﺤﻤﻞ ﺧﻼﺹ ﻗﻮﻟﻲ ﻟﻌﺰﻭ ﻳﻨﻬﻰ ﻛﻞ ﺣﺎﺟﻪ ﻣﻊ ﺳﻔﻴﺎﻥ
ﻣﺎﻣﺎ .. ﻋﻠﻴﺶ ﺷﻦ ﺻﺎﺭ
ﺭﺣﺎﺏ .. ﻳﺎ ﻣﺎﻣﺎ ﻳﺨﻨﻨﻖ ﻓﻴﺎ ﻳﺎﻣﺎﻣﺎ ﻳﺘﺤﻜﻢ ﻭﺍﻧﺎ ﻣﺰﺍﻝ ﻣﺎ ﻭﺻﻠﺖ ﻓﻴﻪ
ﻉ ﺧﺸﺖ ﻋﻼﺀ ﻭﻋﺰﻭ
ﻣﺎﻣﺎ .. ﻋﺎﺩﻱ ﻫﻮ ﻑ ﺣﺴﺒﻪ ﺍﻧﻪ ﺧﻄﻴﺒﻚ
ﻋﺰﻭ .. ﺧﻴﺮ ﺷﻦ ﻓﻲ ﻛﻨﻪ ﺷﻦ ﺻﺎﻳﺮ
ﺭﺣﺎﺏ ﺑﺮﻣﺖ .. ﻋﺰﻭ ﻛﺎﻥ ﺗﻬﻤﻚ ﺭﺍﺣﺘﻲ ﺍﻧﻬﻰ ﻣﻌﺎﻩ ﺧﻼﺹ
ﻋﻼﺀ .. ﻛﻴﻒ ﻫﻮ ﻟﻌﺐ ﻭﺍﻧﺘﻲ ﻋﻠﻴﺶ ﺗﺤﻜﻲ ﻣﻌﺎﻩ ﻭﻣﺎﻓﻴﺶ ﺣﺎﺟﻪ ﺭﺳﻤﻴﻪ ﺑﻴﻨﻜﻢ
ﻋﺰﻭ .. ﺍﺳﻜﺖ ﺑﺲ ﺷﻦ ﻓﻲ ﻳﺎﺭﺣﺎﺏ ﺷﻦ ﺻﺎﻳﺮ ﺍﺣﻜﻲ ﻣﺎﺗﺤﺸﻤﻴﺶ
ﺭﺣﺎﺏ ﺗﻨﻬﺪﺕ ﻭﻗﻌﺪﺕ ﺷﺎﺑﻜﻪ ﺍﻳﺪﻳﻬﺎ ﻭﺗﻌﺼﺮ ﻓﻴﻬﻦ ﺑﻘﻮﻩ .. ﺍﻣﺲ ﻣﻦ ﺍﻭﻝ ﻣﺎﺭﻥ ﻭﻫﻮ ... ﻭﻗﻌﺪ ﺗﺤﻜﻲ ﺍﻟﻲ ﺻﺎﺭ ﻭﺧﻨﻘﺘﻬﺎ ﺍﻟﻌﺒﺮﻩ
ﻋﺰﻭ .. ﺑﺎﻩ ﺳﺎﻫﻠﻪ ﺗﻮﺍ ﻧﺤﻜﻲ ﻣﻌﺎﻩ ﻣﺎﺗﺰﻋﻠﻴﺶ ﺭﻭﺣﻚ ﺧﻼﺹ ﺑﺲ ﻫﻜﻲ
ﺭﺣﺎﺏ ﻗﻌﺪﺕ ﻣﻨﺰﻟﻪ ﺭﺍﺳﻬﺎ ﻭﺩﻣﻮﻋﻬﺎ ﻳﻨﺰﻟﻦ
ﻋﺰﻭ ﻗﺮﺏ ﻣﻨﻬﺎ ﻭﺭﻓﻊ ﺭﺍﺳﻬﺎ .. ﺗﻲ ﻋﻠﻴﺶ ﺍﻟﺒﻜﺎﺀ ﻋﺎﺩﻱ ﺧﻼﻑ ﺑﺴﻴﻂ ﻭﻫﻮ ﻏﺎﻳﺮ ﻳﺎﻫﺒﻠﻪ ﻗﻮﻟﻴﻠﻲ ﻣﺎﻳﺤﺘﺮﻣﺶ ﻓﻴﻚ ﻳﺴﺐ ﻓﻴﻚ ﻳﻬﻴﻦ ﻓﻴﻚ
ﺭﺣﺎﺏ ﺗﻬﺰ ﻓﻲ ﺭﺍﺳﻬﺎ ﺏ ﻻﻻ
ﻋﻼﺀ .. ﺧﻼﺹ ﺍﻣﻼ ﻋﻠﻴﺶ ﺍﻟﺒﻜﺎﺀ ﺗﻮﺍ ﻧﺤﻜﻮﺍ ﻣﻌﺎﻩ ﻭﻛﺎﻥ ﺗﺒﻲ ﻧﻀﺮﺑﻮﻩ ﻟﻜﻲ ﺷﻦ ﺭﺍﻳﻚ
ﺭﺣﺎﺏ ﺗﻤﺴﺢ ﻑ ﺩﻣﻮﻋﻬﺎ ﻭﺗﻀﺤﻚ .. ﻻﻻ ﻣﺶ ﻫﻜﻲ
ﻋﺰﻭ ﺍﺑﺘﺴﻢ .. ﺷﻨﻮ ﻭﺟﻌﺎﺗﻚ ﻓﻴﻪ ﻣﺶ ﻛﺎﻥ ﺗﺒﻲ ﺗﻨﻬﻴﻬﺎ ﻣﻌﺎﻩ
ﺭﺣﺎﺏ ﺗﻀﺤﻚ ﻭﻫﻴﺎ ﻣﺘﺤﺸﻤﻪ
ﻋﺰﻭ ﻣﺴﻚ ﺍﻳﺪﻫﺎ ﻭﺿﻐﻂ ﻋﻠﻴﻬﺎ .. ﺍﻧﺎ ﺗﻬﻤﻨﻲ ﻣﺼﻠﺤﺘﻚ ﺭﺍﻩ ﻭﻛﻠﻬﻢ ﻋﺎﺭﻓﻴﻦ ﺭﺣﺎﺏ ﺷﻨﻮ ﺑﺎﻟﻨﺴﺒﻪ ﻟﻴﺎ ﺍﻧﺘﻲ ﺑﻨﻴﺘﻲ ﻭﺍﺧﺘﻲ ﺍﻟﺼﻐﻴﺮﺓ ﺩﻟﻮﻋﺘﻲ ﺍﻧﺘﻲ ﻭﺍﻧﺎ ﻋﺎﺭﻑ ﻭﻳﻦ ﺣﺎﻃﻚ
ﺭﺣﺎﺏ ﺗﺒﺘﺴﻢ ﻟﻜﻼﻣﻪ ﻭﺭﻓﻌﺖ ﺍﻳﺪﻩ ﻭﺑﺎﺳﺘﻬﺎ .. ﺭﺑﻲ ﻳﺨﻠﻴﻚ ﻟﻴﺎ ﺍﻧﺖ ﻣﺴﺘﺤﻴﻞ ﻳﻘﻌﺪ ﻓﻲ ﻣﻨﻚ ﻑ ﺍﻟﺤﻴﺎﺀ ﻫﺬﻱ
ﻋﺰﻭ ﺿﺤﻚ .. ﻭﻳﺨﻠﻴﻚ ﻉ ﻣﻬﻢ ﻣﺎﺗﺒﻜﻴﺶ ﻣﺎﺗﺰﻋﻠﻴﺶ ﺭﻭﺣﻚ ﺑﺎﻫﻲ
ﺭﺣﺎﺏ ﻫﺰﺕ ﺭﺍﺳﻬﺎ ﻭﺳﻜﺘﺖ
ﺍﻻﺥ ﻫﻮﺍ ﺳﻨـﺪ ﺍﻻﻭﻝ ﻭﺍﻷﺧـﻴﺮ "
" ﺍﻧﺎ ﺣﺎﻃﻪ ﻭﺳﻦ ﺗﻼﻳﺎ ﻑ ﻛﻮﺟﻴﻨﻪ ﻭﻧﺤﻮﺱ ﺣﺎﻃﻪ ﺍﻟﺴﻤﺎﻋﻪ
ﺍﻳﻬﻢ .. ﻣﻴﺲ
ﺍﻧﺎ ﺑﺮﻣﺖ .. ﻧﻌﻤﻴﻦ
ﺍﻳﻬﻢ .. ﺗﺒﻲ ﺣﺎﺟﻪ ﻧﺠﻴﺒﻬﺎ ﻣﻦ ﺑﺮﺍ
ﺍﻧﺎ .. ﺩﻭﺍﺀ ﺍﻣﺘﺎﻋﻲ ﻛﻤﻞ ﺍﻣﺲ ﺟﻴﺒﻪ ﻟﻴﺎ ﻭﺍﻫﺎ ﻧﺒﻲ ﻛﻴﻮﻱ ﻛﺜﺮ ﻣﻨﻪ ﻳﺎﺍﻳﻬﻢ ﺑﺎﻫﻲ
ﺍﻳﻬﻢ ﺍﺑﺘﺴﻢ .. ﺧﺎﻃﺮﻙ ﻓﻴﻪ
ﺍﻧﺎ .. ﺍﻣﻤﻤﻢ ﺟﺎﻱ ﺧﺎﻃﺮﻱ ﻓﻴﻪ ﻣﻦ ﺻﺒﺢ ﺣﻤﻮﺿﺘﻪ ﺗﻬﺒﻠﻞ
ﺍﻳﻬﻢ .. ﺑﺎﻩ ﺣﺎﺿﺮ ﻣﻴﺲ
ﺍﻧﺎ .. ﻧﻌﻢ ﻳﺎﺍﻳﻬﻢ
ﺍﻳﻬﻢ .. ﺷﻦ ﺭﺍﻳﻚ ﻧﺸﻴﻞ ﻧﺤﻠﻘﻬﺎ ﺑﺤﺘﻲ ﺷﻌﺮﻫﺎ ﺧﻔﻴﻒ ﺑﻜﻞ
ﺍﻧﺎ .. ﻻﻻ ﺍﻟﻌﻴﺪ ﻗﺮﺏ ﻋﺎﺩ
ﺍﻳﻬﻢ .. ﺗﻲ ﻣﺰﺍﻝ ﺷﻬﺮ ﻉ ﺍﻟﻌﻴﺪ ﺗﻮﺍ ﻳﻄﻠﻊ ﻏﻴﺮ ﺻﻔﻲ ﺍﻟﻨﻴﻪ ﺑﺲ ﺗﻮﺍ ﻳﻘﻌﺪ ﻗﻮﻱ ﻭﻧﺎﻋﻢ
ﺍﻧﺎ .. ﺍﻣﻤﻢ ﺑﺎﻩ ﺷﻴﻠﻬﺎ ﻭﺧﻼﺹ
ﺍﻳﻬﻢ ﺷﻤﺮﻫﺎ .. ﺟﻮﻫﺎ ﺗﻤﺎﻡ
ﺍﻧﺎ .. ﺗﻤﺎﻡ ﻫﻴﺎ ﺑﺎﻱ ﻳﺎﻣﺎﻣﺎ
ﺍﻳﻬﻢ .. ﺍﻭﻛﻲ ﻣﺎﺗﻌﺒﻴﺶ ﺭﻭﺣﻚ
ﺍﻧﺎ .. ﺗﻤﺎﻡ
ﻃﻠﻊ ﺍﻳﻬﻢ ﻭﺍﻧﺎ ﺭﺩﻳﺖ ﺳﻤﺎﻋﺎﺕ ﻧﺴﻤﻊ ﻑ ﻭﺳﻴﻢ ﻳﻮﺳﻒ ﻭﻧﺤﻮﺱ
ﺑﻌﺪ ﺍﻟﻌﺼﺮ ﺟﺎﺑﻠﻲ ﻭﺳﻦ ﻣﺤﻠﻘﻪ ﺳﺒﺤﺘﻬﺎ ﻭﺭﺿﻌﺘﻬﺎ ﻭ ﺭﻗﺪﺕ ﻭﻛﻤﻠﺖ ﺑﺎﻗﻲ ﻓﻄﻮﺭﻱ ﺩﺭﺕ ﺷﺮﺑﻪ ﻭﻛﺒﺎﺏ ﻭﻓﻄﻴﺮﻩ ﻭﺳﻼﻳﻂ ﻭﻟﻘﻤﻪ ﺍﻟﻘﺎﺿﻲ ﺧﺸﻴﺖ ﺩﻭﺷﺖ ﻭﻃﻠﻌﺖ ﻗﻤﻌﺰﺕ ﻧﻘﺮﺍ ﻑ ﻗﺮﺁﻥ ﻟﻴﻦ ﺷﻮﻳﺎ ﻭﺧﺶ ﻋﻠﻴﺎ ﺍﻳﻬﻢ
ﺍﻳﻬﻢ .. ﺍﻟﺴﻼﻡ ﻋﻠﻴﻜﻢ
ﺍﻧﺎ ﺻﻜﺮﺕ ﺍﻟﻘﺮﺁﻥ ﻭﺑﺴﺘﻪ .. ﻭﻋﻠﻴﻜﻢ ﺍﻟﺴﻼﻡ
ﺍﻳﻬﻢ ﺣﻂ ﺍﻛﻴﺎﺱ ﻑ ﻃﺎﻭﻟﻪ ﻭ ﻗﻤﻌﺰ ﺗﻼﻳﺎ .. ﺷﻦ ﺩﺭﺗﻲ
ﺍﻧﺎ .. ﺩﺭﺕ ﺷﺮﺑﻪ ﻭﻭﻭﻭﻭﻭ ﺑﺲ
ﺍﻳﻬﻢ .. ﺑﺴﺴﺲ ﺃﺧﺮﻯ ﺗﻘﻮﻟﻴﻠﻲ ﺗﻲ ﻣﺶ ﻗﺘﻠﻚ ﻣﺎﺗﻌﺒﻴﺶ ﺭﻭﺣﻚ
ﺍﻧﺎ .. ﻣﺎﺗﻌﺒﺘﺶ ﺭﻭﺣﻲ ﻋﺎﺩﻱ
ﺍﻳﻬﻢ .. ﻉ ﻣﻬﻢ ﻛﻠﻤﻪ ﻫﻴﺎ ﻣﻌﺶ ﺗﻨﺎﻗﺸﻲ
ﺍﻧﺎ .. ﺣﺎﺿﺮ ﺑﺎﻩ ﺟﺒﺘﻠﻲ ﺍﻟﻜﻴﻮﻱ
ﺍﻳﻬﻢ .. ﺟﺒﺖ ﺍﻫﺎ
ﺍﻧﺎ ﺻﺒﻴﺖ .. ﻋﺪﻱ ﺩﻳﺮ ﺟﻮﻙ ﻋﻠﻲ ﻣﺎﺍﺫﻥ
ﺍﻳﻬﻢ .. ﺗﻢ ﺑﺎﻩ
ﺧﺸﻴﺖ ﻭﺗﻴﺖ ﻃﺎﻭﻟﻪ ﻭﺗﻴﺖ ﺣﺎﺟﺎﺗﻲ ﻭﺍﻳﻬﻢ ﻳﺘﻮﺿﻰ ﺷﻮﻳﺎ ﻭﺇﺫﻥ ﺍﻟﻤﻐﺮﺏ
ﺍﻳﻬﻢ .. ﺍﻟﻠﻬﻢ ﻟﻚ ﺻﻤﺖ، ﻭﻋﻠﻰ ﺭﺯﻗﻚ ﺃﻓﻄﺮﺕ ﺑﺴﻢ ﺍﻟﻠﻪ
ﺍﻧﺎ .. ﺑﺴﻢ ﺍﻟﻠﻪ
ﻓﻄﺮﻧﺎ ﺍﻟﺤﻠﻴﺐ ﻭﺗﻤﺮ ﻭﻟﻘﻤﻪ ﺍﻟﻘﺎﺿﻲ ﻭﺻﺒﻴﻨﺎ ﻧﺼﻠﻮ
ﺍﻳﻬﻢ .. ﺍﻟﻠﻪ ﺍﻛﺒﺮ
ﺻﻠﻴﻨﺎ ﻣﻊ ﺑﻌﻀﻨﺎ ﻭﺩﻋﺎﺀ ﺷﻮﻳﺎ ﺍﻳﻬﻢ ﻭﺻﺒﻴﺖ ﺣﻄﻴﺖ ﺍﻟﻔﻄﻮﺭ ﻧﻔﻄﺮﻭ
ﺍﻧﺎ .. ﺷﻦ ﺭﺍﻳﻚ
ﺍﻳﻬﻢ ﻣﺴﻚ ﺍﻳﺪﻱ .. ﺳﻠﻢ ﺍﻳﺪﻳﻚ ﻭﻣﻌﺶ ﺗﻌﺒﻲ ﺭﻭﺣﻚ ﻗﺘﻠﻚ
ﺍﻧﺎ .. ﺣﺎﺿﺮ ﻳﺎ ﻋﻤﺮﻱ ﺍﻥ ﺷﺎﺀ ﺍﻟﻠﻪ
ﺍﻳﻬﻢ . ﺻﺤﻪ ﻉ ﻗﻠﺒﻚ
ﺍﻧﺎ .. ﻭﻗﻠﺒﻚ ﺣﺒﻴﺒﻲ
ﺻﺒﻴﺖ ﺟﺒﺖ ﺗﺒﺴﻲ ﻓﻴﻪ ﻛﻴﻮﻱ ﻭﻧﺎﻛﻞ ﻭﻣﻴﻪ ﻣﺘﺎﻋﻪ ﺗﻄﻠﻊ ﻣﻦ ﻓﻤﻲ ﻭﺍﻳﻬﻢ ﻳﺒﺤﺖ ﻓﻴﺎ ﻭﻳﻀﺤﻚ
ﺍﻧﺎ .. ﺍﻣﻤﻢ ﻫﻤﻤﻤﻢ ﻛﻨﻚ ﺍﻣﻤﻢ ﻳﻬﺒﺒﺒﺒﻞ
ﺍﻳﻬﻢ .. ﺻﺤﻪ ﺻﺤﻪ
ﺍﻧﺎ .. ﺍﻣﻤﻢ ﺳﻠﻤﻚ ﻳﺎ ﻋﻤﺮﻱ ﺗﺒﻲ
ﺍﻳﻬﻢ ﻫﺰ ﺭﺍﺳﻪ .. ﻻﻻ ﺻﺤﻪ ﻉ ﻗﻠﺒﻚ
ﺍﻧﺎ .. ﻉ ﺭﺍﺣﺘﻚ ﺗﻔﻮﺕ ﻋﻠﻴﻚ ﻃﻌﻤﻪ ﺳﻤﺤﻪ
ﺍﻳﻬﻢ .. ﻫﻬﻬﻪ ﻛﻮﻟﻲ ﺍﻧﺘﻲ ﻛﺄﻧﻲ ﻛﻠﻴﺖ ﺍﻧﺎ
ﻗﻌﺪﺕ ﻧﺎﻛﻞ ﻭﺷﻮﻳﺎ ﻭﺳﻦ ﻗﻌﺪﺕ ﺗﺒﻜﻲ ﺧﺸﻠﻬﺎ ﺍﻳﻬﻢ
ﺍﻳﻬﻢ .. ﺻﻠﻮﻋﻪ ﻫﻬﻬﻪ ﺑﺲ ﺑﺎﻥ ﻣﻨﻀﺮﻫﺎ ﻛﻴﻒ ﺑﻴﻀﻪ
ﺍﻧﺎ .. ﻳﺨﻴﺘﻲ ﻣﺤﻼﻫﺎ ﺑﻨﻮﺗﻲ ﻑ ﻛﻞ ﺣﺎﻻﺕ
ﺍﻳﻬﻢ .. ﻃﺎﻟﻌﻪ ﻟﻲ ﺍﻣﻬﺎ
ﺍﻧﺎ .. ﻭﺑﻴﺒﻲ ﺟﺪﻳﺪ ﻟﻲ ﺑﺎﺗﻪ
ﺍﻳﻬﻢ .. ﺟﻮﺩ ﺍﻥ ﺷﺎﺀ ﺍﻟﻠﻪ
ﺍﻧﺎ .. ﻣﺤﻼﻩ ﻭﺳﻦ ﻭﺟﻮﺩ
ﺍﻳﻬﻢ .. ﺻﺒﻲ ﻳﺎﺣﺒﻲ ﻟﻤﻲ ﺍﻟﺤﻮﺳﻪ ﻛﻨﻚ ﻣﺘﻨﺒﻠﻪ
ﺍﻧﺎ .. ﺗﻮﺍ ﻧﺼﺒﻲ ﻏﻴﺮ ﺍﻣﺴﻚ ﻭﺳﻦ ﻓﻜﻨﻲ ﻣﻦ ﺍﻋﻴﺎﻃﻬﺎ
ﺍﻳﻬﻢ ﺧﺬﺍ ﻛﻴﻮﻱ ﻭﻗﻌﺪ ﻳﺬﻭﻕ ﻓﻴﻬﺎ ﻭﻫﻴﺎ ﺗﻜﺸﺮ ﻑ ﻭﺟﻬﺎ ﻉ ﺳﺒﻪ ﺣﺎﻣﻆ
ﺍﻧﺎ .. ﻫﻬﻬﻬﻪ ﺧﺰﻱ ﻋﻠﻴﻚ ﻳﺎﺍﻳﻬﻢ ﺷﻮﻑ ﻛﻴﻒ ﺍﺩﻳﺮ
ﺍﻳﻬﻢ .. ﻏﻴﺮ ﺑﺤﺘﻲ ﺣﺒﺎﺗﻪ ﺗﻮﺍ
ﺍﻧﺎ ﺻﺒﻴﺖ ﻭﻗﻌﺪﺕ ﻧﻠﻢ .. ﻧﺠﻚ ﻟﻴﺎ ﻳﺎﺧﻴﻪ
ﻗﻌﺪﺕ ﻧﻠﻢ ﻭﺍﻳﻬﻢ ﻳﻠﻌﺐ ﻣﻊ ﻭﺳﻦ "
" ﻋﺰﻭ .. ﺍﻳﻮﺍﻩ ﺳﻔﻴﺎﻥ ﻭﻳﻦ ﺍﻧﺖ
ﺳﻔﻴﺎﻥ .. ﻓﻲ ﺣﻮﺵ ﺧﻴﺮ ﺍﻥ ﺷﺎﺀ ﺍﻟﻠﻪ
ﻋﺰﻭ .. ﻧﺰﻟﻲ ﻧﺒﻴﻚ ﺷﻮﻳﺎ
ﺳﻔﻴﺎﻥ .. ﺗﻢ ﺧﻤﺴﻪ ﻭﺟﺎﻱ
ﺷﻮﻳﺎ ﻭﻧﺰﻝ ﺳﻔﻴﺎﻥ
ﺳﻔﻴﺎﻥ ﻳﺴﻠﻢ ﻉ ﻋﺰﻭ .. ﺧﻴﺮ ﻳﺎﺑﺮﻭ ﺯﺭﺍﺗﻨﺎ ﺍﻟﺒﺮﻛﻪ
ﻋﺰﻭ .. ﺗﺴﻠﻢ ﻳﺎ ﻃﻴﺮ ﺷﻨﺠﻮ
ﺳﻔﻴﺎﻥ ﺗﻜﻰ ﻉ ﺳﻴﺎﺭﻩ .. ﻟﻮﺯ ﺍﻟﻮﺯ ﻭ ﺍﻟﻠﻪ ﻭﺍﻧﺖ
ﻋﺰﻭ .. ﺍﻟﺤﻤﺪﺍﻟﻠﻪ ﻑ ﻧﻌﻤﻪ ﻭﺍﻟﻠﻪ ﺟﺎﻳﻚ ﻑ ﻣﻮﺿﻮﻋﻚ ﺍﻧﺖ ﻭﺭﺣﺎﺏ
ﺳﻔﻴﺎﻥ .. ﺧﻴﺮ ﺍﻥ ﺷﺎﺀ ﺍﻟﻠﻪ ﺷﻦ ﻓﻲ
ﻋﺰﻭ .. ﻭﺍﻟﻠﻪ ﻳﺎﺳﻔﻴﺎﻥ ﺷﻦ ﻧﻘﻮﻟﻚ ﻧﺼﻴﺒﻚ ﻣﺶ ﻋﻨﺪﻧﺎ
ﺳﻔﻴﺎﻥ ﻭﺧﺮ ﻣﻦ ﻉ ﺳﻴﺎﺭﻩ .. ﻛﻨﻜﻢ ﻋﻠﻴﺶ ﺷﻦ ﺻﺎﺭ ﺷﻦ ﻏﻴﺮ ﺭﺍﻳﻜﻢ ﻫﻜﻲ
ﻋﺰﻭ .. ﻋﺎﺩ ﺗﻤﺸﻲ ﺍﻣﺲ ﺗﻤﺴﺢ ﺑﻴﻬﺎ ﺍﻟﻮﻃﻰ ﻭﺗﻜﻤﻞ ﻟﻴﻞ ﺑﻜﺎﺀ ﻗﺒﻞ ﻻ ﺗﺠﻴﻚ ﻻ ﻭﺍﻟﻠﻪ ﻣﺎﻗﺎﻝ ﺑﻴﻬﺎ ﺭﺑﻲ
ﺳﻔﻴﺎﻥ .. ﺍﻭﻛﻲ ﻳﻌﻨﻲ ﻫﻴﺎ ﻗﺎﻟﺘﻠﻚ ﺍﻟﻘﺼﻪ ﺑﺎﻩ ﻛﺎﻥ ﻏﺮﺕ ﻋﻠﻴﻬﺎ ﻧﻘﻌﺪ ﻛﻔﺮﺕ ﺍﻧﺎ
ﻋﺰﻭ .. ﻣﺎﻓﻴﺶ ﺣﺪ ﻗﺎﻟﻚ ﻛﻔﺮﺕ ﻻ ﺷﻲ ﻭﻏﺎﺭ ﻛﻴﻒ ﻣﺎﺗﺒﻲ ﻳﺎ ﺳﻴﺪﻱ ﺑﺲ ﺣﺴﻠﻲ ﺍﺳﻠﻮﺑﻚ ﻣﻌﺎﻫﺎ ﺳﻔﻴﺎﻥ ﺭﺣﺎﺏ ﺧﻂ ﺍﺣﻤﺮ ﻋﻨﺪﻱ
ﺳﻔﻴﺎﻥ .. ﺑﺎﻩ ﻳﺎﺳﻲ ﺣﻘﻜﻢ ﻋﻠﻴﻨﺎ ﻛﻨﺖ ﻧﺎﻭﻱ ﻧﻌﺘﺬﺭ ﺍﻟﻴﻮﻡ ﻏﻴﺮ ﻫﻴﺎ ﻣﻌﺶ ﻓﺘﺤﺖ ﻣﻮﺑﺎﻳﻠﻬﺎ ﺑﺲ
ﻋﺰﻭ .. ﺑﺎﻩ ﻳﺼﻴﺮ ﺧﻴﺮ ﻭﺍﻧﺎ ﺑﻌﺪ ﺣﻄﻴﺘﻬﺎ ﻑ ﻣﻌﻬﺪ ﺳﺎﻝ ﻋﻠﻴﻪ ﻛﻮﻳﺲ ﻳﺎﺳﻔﻴﺎﻥ ﻭﺍﻧﺎ ﻣﻦ ﺍﻭﻝ ﺷﺎﺭﻁ ﻋﻠﻴﻚ ﻗﺮﺍﻳﺘﻬﺎ ﻋﺎﺩ ﻓﻜﻨﺎ ﻣﻦ ﺟﻮ ﺷﻴﻦ
ﺳﻔﻴﺎﻥ .. ﺗﻲ ﻏﻴﺮ ﻛﻨﻚ ﺩﺭﺕ ﻣﻮﺿﻮﻉ ﺧﻼﺹ ﺳﻤﻌﺖ ﻗﺼﻪ ﺻﺎﺭﺕ ﻑ ﻣﻌﻬﺪ ﻭﺭﻗﺘﻠﻲ ﻫﺬﻱ ﺣﺪﻫﺎ
ﻋﺰﻭ ﻓﺘﺢ ﺑﺎﺏ ﺳﻴﺎﺭﻩ .. ﻉ ﻣﻬﻢ ﺍﻧﺖ ﻭﺍﺧﺬ ﺑﻨﺖ ﻧﺎﺱ ﺗﻌﺮﻑ ﻭﻳﻦ ﺗﺤﻂ ﻛﺮﺍﻋﻬﺎ
ﺳﻔﻴﺎﻥ ﺣﻂ ﺍﻳﺪﻩ ﻉ ﻛﺘﻔﻪ .. ﻭﻧﻌﻢ ﻭﺍﻟﻠﻪ ﻋﺎﺭﻓﻬﺎ ﺗﺮﺑﺎﻳﺘﻚ ﺳﻤﺤﻨﺎ ﻳﺎﻋﺰﻭ
ﻋﺰﻭ .. ﻻ ﺟﻮ ﺗﻤﺎﻡ ﻏﻴﺮ ﻣﺎﺗﺰﻋﻠﻬﺶ ﻟﻴﺎ
ﺳﻔﻴﺎﻥ .. ﻑ ﻋﻴﻮﻧﻲ ﺣﺎﺿﺮ
ﻋﺰﻭ .. ﺗﺒﻲ ﺣﺎﺟﻪ ﺗﻮﺍ
ﺳﻔﻴﺎﻥ .. ﻏﻴﺮ ﺍﻗﻌﺪ ﻧﺸﺮﺑﻮ ﺷﺎﻫﻲ ﻣﻊ ﺑﻌﻀﻨﺎ
ﻋﺰﻭ .. ﻣﺮﻩ ﺃﺧﺮﻯ ﺃﻥ ﺷﺎﺀ
ﺳﻔﻴﺎﻥ .. ﻋﻠﻲ ﺭﺍﺣﺘﻚ ﻳﺎﺳﻲ
ﻋﺰﻭ .. ﺗﻮﺻﻲ ﻉ ﺣﺎﺟﻪ
ﺳﻔﻴﺎﻥ .. ﺳﻼﻣﺘﻚ ﻣﻨﻮﺭ
ﻋﺰﻭ ﺷﻴﺮﻟﻪ ﺑﻴﺪﻩ ﻭﻃﻠﻊ ﺑﺴﻴﺎﺭﻩ "
" ﺍﻧﺎ .. ﻣﺰﺍﻝ ﻣﺎﺭﻭﺡ ﻋﺰﻭ
ﺭﺣﺎﺏ .. ﻻﻻ ﺍﻭﻭﻑ ﺍﻧﺎ ﻗﻠﺖ ﻧﺒﻲ ﻧﺴﻴﺐ ﺑﺲ ﻣﺎﻧﺒﻴﺶ ﻋﺎﺩ ﻏﻴﺮ ﺯﻋﻼﻧﻪ ﻭﻫﻜﻲ
ﺍﻧﺎ .. ﻳﺎ ﺣﻮﺑﺎ ﺍﻟﺰﻋﻞ ﻣﺶ ﻣﻌﻨﺎﻫﺎ ﻓﺮﺍﻕ ﺯﻋﻠﺘﻮ ﻣﻦ ﺑﻌﻀﻜﻢ ﺍﻧﺘﻲ ﻋﺼﺒﺘﻲ ﻣﻦ ﻋﻨﺪﻙ ﻭﻫﻮ ﻋﺼﺐ ﻣﻦ ﻋﻨﺪﻩ ﻭﺻﺎﺭ ﻛﻼﻡ ﻣﻦ ﺑﺮﺍ ﺍﻟﻘﻠﺐ ﻑ ﻟﺤﻈﻪ ﻏﻀﺐ ﻃﻠﻊ ﺑﺲ ﻣﺶ ﻣﻌﻨﺎﻫﺎ ﺧﻼﺹ ﺍﻧﺘﻬﻴﻨﺎ ﺳﻴﻮﺭﻛﻢ ﺗﺼﺎﻓﻮ ﻣﺶ ﻫﺎﻟﻤﻮﺿﻮﻉ ﺍﻟﻜﺒﻴﺮ ﺍﻟﻲ ﺻﺎﺭ ﺑﻴﻨﻜﻢ ﻭﺳﻔﻴﺎﻥ ﻏﻠﻂ ﻓﻴﻚ ﺍﻭﻛﻲ ﻻﻧﻪ ﻏﺎﺭ ﺑﻄﺮﻳﻘﻪ ﻏﻠﻂ ﺑﺘﺤﻜﻢ ﺑﺲ ﺻﺪﻗﻴﻨﻲ ﻟﻮ ﻛﺎﻥ ﻣﺶ ﺣﺎﺑﻚ ﻣﻦ ﻗﻠﺒﻪ ﻣﺎﻛﻨﺶ ﺩﻕ ﺍﻟﺒﺎﺏ ﻉ ﻃﻮﻝ ﻛﺎﻥ ﻟﻌﺐ ﻣﻦ ﻭﺭﺍﺀ ﺧﻮﺗﻲ
ﺭﺣﺎﺏ ﺗﻨﻬﺪﺕ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ ﻭﺍﻟﻠﻪ ﺣﺘﻰ ﺍﻧﺎ ﺣﺒﻴﺘﻪ ﻭﺍﺟﺪ ﻳﻌﻠﻢ ﺭﺑﻲ ﻣﻦ ﺧﺶ ﺳﻔﻴﺎﻥ ﻗﻠﺒﻲ ﻣﻌﺶ ﻓﻜﺮﺕ ﻑ ﻃﺎﺭﻕ ﺣﺘﻰ ﺗﻔﻜﻴﺮ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﺗﺄﺧﺬﻱ ﻉ ﻗﺼﺎﺩ ﻧﻴﺘﻚ ﻣﺘﺨﺎﻓﻴﺶ
ﺭﺣﺎﺏ .. ﻣﻴﺲ ﻣﻴﺲ ﻋﺰﻭ ﺟﺎﺀ ﺗﻮﺍ
ﺍﻧﺎ .. ﻃﻤﻨﻴﻨﻲ
ﺭﺣﺎﺏ .. ﺗﻤﺎﻡ
ﺻﻜﺮﺕ ﺭﺣﺎﺏ ﻭﻃﻠﻌﺖ ﺗﺠﺮﻱ ﻣﻦ ﺩﺍﺭ
ﻋﺰﻭ ﺍﺑﺘﺴﻢ .. ﺍ .. ﻣﺰﺍﻝ ﻣﺎﺣﻜﻰ ﺳﻤﻊ ﺍﻟﺒﺎﺏ ﻳﺪﻕ .. ﺗﻮﺍ ﻧﺠﻲ ﻧﺤﻜﻴﻠﻜﻢ
ﺭﺣﺎﺏ .. ﺑﺎﻩ
ﻃﻠﻊ ﻋﺰﻭ ﻓﺘﺢ
ﺳﻔﻴﺎﻥ ﺍﺑﺘﺴﻢ .. ﺗﺴﺘﻘﺒﻠﻮﻥﻱ ﻋﺎﺩﻱ
ﻋﺰﻭ .. ﺧﺶ ﺧﺶ ﻳﺎﺭﺍ ﺭﺍﻩ ﻭﺍﻟﻠﻪ ﺑﻮﻧﻲ
ﺳﻔﻴﺎﻥ .. ﻧﺒﻲ ﻧﺤﻜﻲ ﻣﻊ ﺭﺣﺎﺏ ﻗﻠﺖ ﻧﺤﻜﻲ ﻣﻌﺎﻫﺎ ﻭﺟﻪ ﻟﻮﺟﻪ ﺧﻴﺮ
ﻋﺰﻭ .. ﺗﻤﺎﻡ ﺧﺶ ﻫﻴﺎ ﺗﻔﻀﻞ
ﺧﺶ ﻟﻤﺮﺑﻮﻋﻪ ﻭﻋﺰﻭ ﺧﺶ ﺟﻮﺍ
ﻋﺰﻭ .. ﺭﺣﺎﺏ ﺩﻳﺮﻱ ﻗﻬﻮﻩ ﻭﺗﻌﺎﻟﻲ ﻟﻤﺮﺑﻮﻋﻪ ﺳﻔﻴﺎﻥ ﻳﺒﻴﻚ
ﺭﺣﺎﺏ ﺻﺒﺖ .. ﻫﻴﻴﻴﻲ
ﻋﺰﻭ .. ﺻﻘﺪﻱ
ﺭﺣﺎﺏ ﺧﺸﺖ ﺗﺠﺮﻱ ﻭ ﻣﺎﻣﺎ ﻭﺭﺍﻫﺎ
ﻣﺎﻣﺎ .. ﺍﻟﺒﺴﻲ ﻟﺒﺴﻪ ﺣﻠﻮﻩ ﺗﻮﺍ ﻧﺪﻳﺮ ﻗﻬﻮﻩ
ﺭﺣﺎﺏ .. ﺗﻢ ﺑﺎﻩ ﻫﻴﺎ
ﻟﺒﺴﺖ ﺭﺣﺎﺏ ﺳﺮﻭﺍﻝ ﺍﻣﺮﻳﻜﻲ ﺿﺎﺑﻂ ﻓﻴﻪ ﺗﺸﺮﻳﻄﺎﺕ ﺑﺴﻴﻄﺎﺕ ﻭﺑﻠﻮﺯﻩ ﻗﺼﻴﺮﻩ ﻟﻮﻧﻬﺎ ﺯﺭﻋﻲ ﻭﻓﻴﻬﺎ ﻭﺭﺩﺍﺕ ﻟﻮﻧﻬﻦ ﺑﺮﺗﻘﺎﻟﻲ ﻟﻔﺖ ﺷﻌﺮﻫﺎ ﻓﻮﻕ ﻭﺑﺨﺖ ﻋﻄﺮ ﻭﺩﺭﺍﺕ ﻣﻴﻚ ﺍﺏ ﺑﺴﻴﻂ ﻭ ﻃﻠﻌﺖ
ﻣﺎﻣﺎ .. ﻃﻠﻌﻲ ﻫﻴﺎ
ﺭﺣﺎﺏ ﻣﺴﻜﺖ ﺍﻟﺼﻔﺮﻩ ﻭ ﻃﻠﻌﺖ ﻭﺻﻠﺖ ﻟﻤﺮﺑﻮﻋﻪ ﻭﺧﺬﺕ ﻧﻔﺲ ﻭﺧﺸﺖ
ﺭﺣﺎﺏ .. ﺍﻟﺴﻼﻡ ﻋﻠﻴﻜﻢ
ﺳﻔﻴﺎﻥ .. ﻭﻋﻠﻴﻜﻢ ﺍﻟﺴﻼﻡ
ﻋﺰﻭ .. ﻫﻴﺎ ﻳﺎﺳﻲ ﺧﻮﺫﻭ ﺭﺍﺣﺘﻜﻢ ﺍﻧﺎ ﻋﻨﺪﻱ ﻣﻜﺎﻟﻤﻪ
ﺻﺒﻰ ﻋﺰﻭ ﻃﻠﻊ ﻭﺭﺣﺎﺏ ﺗﻘﺪﻡ ﻑ ﻗﻬﻮﻩ
ﺭﺣﺎﺏ ﺗﺰﻣﻂ ﻑ ﺭﻳﻘﻬﺎ .. ﺗﺖ ﻓﻔﻀﻠﻞ
ﺳﻔﻴﺎﻥ ﺣﻂ ﺍﻳﺪﻳﻪ ﻉ ﺍﻳﺪﻳﻬﺎ .. ﻣﺶ ﻭﻗﺖ ﻗﻬﻮﻩ ﺗﻮﺍ ﻗﻤﻌﺰﻱ ﺑﺲ
ﺭﺣﺎﺏ ﺳﺤﺒﺖ ﺍﻳﺪﻳﻬﺎ ﻭﻗﻤﻌﺰﺕ ﺗﻼﻩ ﺑﺲ ﺑﻌﻴﺪ ﺷﻮﻳﺎ ﺳﻔﻴﺎﻥ ﺣﻂ ﺻﻔﺮﻩ ﺗﻼﻩ ﻭﻗﺮﺏ ﻣﻦ ﺭﺣﺎﺏ
ﺳﻔﻴﺎﻥ ﺗﻨﻬﺪ .. ﺷﻨﻮ ﺩﺯﻳﺘﻠﻲ ﻣﻊ ﻋﺰﻭ ﺑﺘﻨﻬﻰ ﺗﻲ ﻋﺎﺭﻓﻪ ﺍﻟﻜﻠﻤﻪ ﺧﺸﺖ ﻛﻴﻒ ﺳﻬﻢ ﻑ ﻗﻠﺒﻲ ﻋﻨﺠﺪ ﻧﻨﻬﻰ ﺗﻲ ﻧﻨﻬﻰ ﺣﻴﺎﺗﻲ ﻭﻻ ﻧﻨﻬﻰ ﻋﻼﻗﺘﻨﺎ ﻓﺎﻫﻤﻪ ﻣﻌﻨﻰ ﻛﻼﻣﻲ ﻭﻻ ﻻ ﻭﺍﻧﺎ ﻋﻠﻲ ﺻﺎﺭ ﺍﻣﺲ ﺍﺳﻒ ﻳﻌﻨﻲ ﻧﻔﻌﻠﺖ ﻭﻓﻠﻤﺖ ﻣﻌﺎﻙ ﻑ ﻛﻼﻡ ﻣﺎﻛﻨﺶ ﻻﺯﻡ ﻧﻘﻮﻟﻪ ﺑﺲ ﺍﻫﻮ ﻃﻠﻊ ﻣﻨﻲ ﻏﺼﺐ ﻭﺍﻧﺎ ﻋﺎﺭﻓﻚ ﺑﻨﺖ ﻧﺎﺱ ﻭﻧﺸﻬﺪ ﺑﺎﻟﻠﻪ ﻗﺮﻳﺐ ﻧﺼﻜﺮﻭ ﺳﻨﻪ ﻣﺎﻋﻤﺮﻱ ﺭﻳﺖ ﻣﻨﻚ ﻏﻠﻂ ﻭﻻ ﻏﻠﻄﺘﻲ ﻓﻴﺎ ﻏﻴﺮ ﻭ ﺍﻟﻠﻪ ﺍﻣﺲ ﻛﺎﻥ ﺻﺎﻳﺮﻟﻲ ﻣﻮﺿﻮﻉ ﻭﺯﺍﺩ ﻋﻠﻴﺎ ﻣﻮﺿﻮﻉ ﺍﻟﻤﻌﻬﺪ ﺍﻣﺘﺎﻋﻚ ﻭﺟﺖ ﻓﺼﻠﻪ ﻑ ﺍﻟﻮﺟﻪ ﺍﻟﺴﻤﺢ ﺍﻟﻲ ﻣﺎﻳﺴﺘﺎﻫﻞ ﺍﻻ ﺧﻴﺮ ﺣﻮﺑﺘﻲ ﺍﻧﺘﻲ ﻋﺎﺭﻓﺘﻴﻨﻲ ﻛﻴﻒ ﻧﺤﺒﻚ ﻉ ﻣﻬﻢ ﺗﻮﺍ ﺳﺎﻣﺤﻴﻨﻲ
ﺭﺣﺎﺏ ﺗﻨﻬﺪﺕ ﺗﻨﻬﻴﺪﻩ ﻃﻮﻳﻠﻪ ﻭﺑﺤﺘﺖ ﻑ ﻋﻴﻮﻧﻪ .. ﻧﺤﺒﻚ
ﺳﻔﻴﺎﻥ ﺍﺑﺘﺴﻢ ﻭﻗﺮﺏ ﻣﺴﻚ ﺍﻳﺪﻫﺎ .. ﺻﺪﻗﻴﻨﻲ ﻧﻤﻮﺕ ﻓﻴﻚ ﻭ ﺍﻟﻠﻪ ﺍﺳﻒ
ﺭﺣﺎﺏ .. ﺧﻼﺹ ﺍﺳﻔﻚ ﻣﻘﺒﻮﻝ ﻉ ﻣﻬﻢ ﻣﻌﺶ ﺗﺰﻋﻠﻨﻲ ﺣﺮﺍﻡ ﺣﻮﺑﺎ ﻣﺎﺗﺴﺘﺎﻫﻠﺶ
ﺳﻔﻴﺎﻥ .. ﺍﻧﻘﻨﻬﺎ ﻣﺎ ﺗﺴﺘﺎﻫﻞ ﺍﻻ ﻛﻞ ﺧﻴﺮ
ﺭﺣﺎﺏ ﺍﺑﺘﺴﻤﺖ ﻭﺳﻔﻴﺎﻥ ﺑﺮﻡ ﻣﺴﻚ ﺍﻟﻜﻴﺲ
ﺳﻔﻴﺎﻥ .. ﻫﺬﻱ ﻫﺪﻳﻪ ﺑﺴﻴﻄﻪ ﻧﻌﺘﺬﺭ ﺑﻴﻬﺎ ﻋﻠﻲ ﺻﺎﺭ
ﺭﺣﺎﺏ .. ﻣﺎﻛﻨﺶ ﻓﻲ ﺩﺍﻋﻲ ﻛﻼﻣﻚ ﻭﺟﻴﺘﻚ ﺑﺮﻭﺣﻬﺎ ﺗﻜﻔﻲ ﺳﺎﺩ ﺍﻧﻚ ﺟﻴﺖ ﻟﺤﻮﺷﻨﺎ ﺑﻴﺶ ﺗﺮﺍﺿﻴﻨﻲ
ﺳﻔﻴﺎﻥ ﺍﺑﺘﺴﻢ .. ﻣﺎﻓﻴﺶ ﺣﺎﺟﻪ ﻣﻦ ﻭﺍﺟﺒﻚ ﺍﻓﺘﺤﻴﻬﺎ
ﺭﺣﺎﺏ .. ﺍﻣﻤﻢ ﺑﺎﻩ ﺣﺎﺿﺮ
ﺭﺣﺎﺏ ﺣﻠﺖ ﺍﻟﻜﻴﺲ ﻛﺎﻥ ﺟﺎﻳﺐ ﺷﻜﻼﻃﺎﺕ ﻭﺳﺎﻋﻪ ﻣﺎﺭﻛﻪ ﺣﻠﻮﻩ
ﺭﺣﺎﺏ ﺍﺑﺘﺴﻤﺖ .. ﻧﺠﻚ ﻟﻴﺎ ﺷﻜﺮﺍً ﺗﻬﺒﻞ ﺍﻟﺴﺎﻋﻪ
ﺳﻔﻴﺎﻥ ﻳﺒﺤﺖ ﻓﻴﻬﺎ ﻭﻣﺒﺘﺴﻢ .. ﻭﻟﻮ ﺍﻟﻌﻔﻮ ﺍﺣﻢ ﺑﺎﻩ ﺩﺍﺑﻴﻦ ﺭﺿﻴﺘﻲ ﺧﻠﻴﻨﻲ ﻧﻌﺪﻱ ﺣﺴﻴﺖ ﺭﻭﺣﻲ ﻋﺴﻠﺖ
ﺭﺣﺎﺏ ﺿﺤﻜﺖ .. ﺑﺎﻩ ﻗﻬﻮﺗﻚ
ﺳﻔﻴﺎﻥ ﺻﺒﻰ .. ﻻ ﻻ ﺍﻧﺘﻲ ﺳﺎﺩﻩ ﺷﻮﻓﺘﻚ ﻋﺪﻟﺖ ﻣﺰﺍﺟﻲ
ﺭﺣﺎﺏ ﺍﺑﺘﺴﻤﺖ .. ﺑﺎﻩ ﻣﻊ ﺳﻼﻣﻪ
ﺳﻔﻴﺎﻥ .. ﺍﻭﻛﻲ
ﻃﻠﻊ ﺳﻔﻴﺎﻥ ﻭﺭﺣﺎﺏ ﺷﻤﺮﺕ ﺍﻟﻜﻴﺲ ﺣﻀﻨﺎﺗﻪ ﻭﻗﻌﺪﺕ ﻣﺒﺘﺴﻤﻪ
ﺭﺣﺎﺏ .. ﺍﺍﺍﺍﺍﻫﻬﻬﻪ ﻳﺎﺍﻗﻠﺒﻲ
ﻋﺰﻭ ﻣﺼﺒﻲ ﻋﻨﺪ ﺑﺎﺏ ﻭﻳﻀﺤﻚ .. ﻛﻨﻚ ﻳﺎﺣﺎﻟﻪ
ﺭﺣﺎﺏ ﻧﻔﺠﻌﺖ ﻭﻧﻄﺖ .. ﻓﺠﻌﺘﻨﻨﻨﻲ
ﻋﺰﻭ .. ﻭﺍﻟﻠﻪ ﺣﺎﻟﻪ ﺍﻟﻠﻪ ﺗﺮﺍ ﻭﺭﻳﻨﻲ ﻓﻲ ﺷﻜﻼﻃﻪ ﻑ ﻣﻮﺿﻮﻉ ﻋﺎﺭﻓﻚ ﺍﺩﻣﺎﻥ
ﺭﺣﺎﺏ .. ﺧﻄﺎﻧﻲ ﻫﺬﻱ ﺷﻜﻼﻃﺘﻲ ﺗﻼﺟﺘﻚ ﻣﻠﻴﺎﻧﻪ ﻓﻮﻕ
ﻋﺰﻭ .. ﺑﺎﻫﻲ ﺑﺎﻩ ﻳﺎﺑﺨﻴﻠﻪ
ﺭﺣﺎﺏ ﻃﻠﻌﺖ ﻟﺴﺎﻧﻬﺎ .. ﺍﺍﺍﺍﺍ
ﻋﺰﻭ .. ﺧﺸﻲ ﻳﺎﻣﺠﻘﺠﻘﻪ
ﺧﺸﺖ ﺭﺣﺎﺏ ﻭﻗﻌﺪﺕ ﺗﻔﺮﺝ ﻉ ﺳﺎﻋﻪ ﻭﺗﺎﻛﻞ ﻑ ﺷﻜﻼﻃﻪ ﻓﺘﺤﺖ ﻣﻮﺑﺎﻳﻞ ﻭﺩﺯﺕ ﻣﺴﺞ ﻟﺴﻔﻴﺎﻥ
ﺍﺣﻠﻲ ﺷﻲ ﻟﻤﺎ ﻳﺒﺪﺍ ﻋﻨﺪﮒ ﺷﺨﺺ ﻓﻲ ﺣﻴﺎﺗﮓ ﺍﻧﺖ ﻋﺎﺭﻑ ﻭﻣﺘﺎﻛﺪ ﺍﻧﻪ ﻣﻬﻤﺎ ﺯﻋﻠﻚ ﻣﺎﻳﻬﻮﻧﺶ ﻋﻠﻴﻬﻪ ﻭﻳﺤﺎﻭﻝ ﻳﺮﺍﺿﻴﻚ ﺑﺄﻱ ﻃﺮﻳﻘﺔ ﻭﺍﻥ ﻣﻬﻤﺎ ﻃﻮﻝ ﺍﻟﺰﻋﻞ ﺗﺒﺪﺃ ﺿﺎﻣﻦ ﺍﻧﻬﻪ ﻓﺎﻟﻨﻬﺎﻳﺔ ﺣﻴﻜﻠﻤﮓ ﻭﺗﺘﺼﺎﻟﺤﻮ ﻭﺍﻧﻜﻢ ﻣﺴﺘﺤﻴﻞ ﺗﻬﻮﻧﻮ ﻋﻠﻲ ﺑﻌﺾ "
" ﺍﻧﺲ .. ﻳﺎ ﺭﻳﻬﺎﻡ ﻣﻌﻨﻰ ﻛﻼﻡ ﺷﻴﺦ ﻳﻘﺼﺪ ﻛﻴﻒ ﻣﺜﻼ ﻭﻗﺖ ﻣﻮﺗﺖ ﺍﺳﺎﻣﻪ ﺍﻧﺘﻲ ﻣﺸﺎﺀﺍﻟﻠﻪ ﻛﻨﺘﻲ ﺻﺎﺑﺮﻩ ﺣﺘﻰ ﺑﻌﺪ ﻧﻀﺘﻲ ﻋﻴﻄﺘﻲ ﺷﻮﻳﺎ ﻭﻫﺪﻳﺘﻲ ﻭﻗﺘﻴﻠﻲ ﻗﻌﺪﺗﻲ ﻫﺎﺩﻳﻪ ﻭﺻﺎﺑﺮﻩ ﺭﺑﻲ ﻭﻗﺘﻬﺎ ﻋﺎﺭﻑ ﺍﻧﻚ ﺻﺒﺮﺗﻲ ﻭﺩﻋﻴﺘﻲ ﻭﻋﻄﺎﻙ ﻓﺘﺮﻩ ﻫﻜﻲ ﺑﻴﺶ ﺍﻧﺘﻲ ﺷﻨﻮ ﺗﻘﺮﺑﻲ ﻓﻴﻬﺎ ﻣﻦ ﺭﺑﻲ ﻭﻗﺖ ﻫﻮ ﺑﻼﻙ ﺣﺒﺎً ﻓﻴﻚ ﺑﻴﺶ ﺗﺰﻳﺪﻱ ﺗﻘﺮﺑﻲ ﻣﻨﻪ ﻭ ﺍﻟﻠﻪ ﺍﻗﺮﺏ ﺍﻟﻴﻚ ﻣﻦ ﺣﺒﻞ ﺍﻟﻮﺭﻳﺪ ﻋﺎﺭﻓﻪ ﻣﻌﻨﺎﻫﺎ ﻳﻌﻨﻲ ﻫﻮ ﺃﻗﺮﺏ ﻟﻜﻲ ﻣﻦ ﺍﻟﻨﺎﺱ ﺍﻟﻲ ﺣﻮﻟﻚ ﻳﻌﻨﻲ ﻫﻮ ﻋﺎﺭﻑ ﺍﻟﻲ ﻣﻮﺟﻌﻚ ﻋﺎﺭﻑ ﺍﻟﻲ ﻗﺎﻫﺮﻙ ﻭﻋﺎﺭﻑ ﺳﺒﺐ ﺩﻣﻮﻋﻚ ﺍﺣﻴﺎﻧﺎً ﻧﺤﻦ ﻧﻘﻮﻟﻮ ﺭﺑﻲ ﻣﺎﻳﺤﺒﻨﺶ ﺑﻼﻧﻲ ﺑﻠﻮﻩ ﻫﻜﻲ ﺻﺎﺡ ﻭﻻ ﻻ ﺑﺲ ﻣﺎﻓﻴﺶ ﺣﺪ ﻳﺤﺒﻚ ﻛﻴﻔﻪ ﻑ ﺩﻳﻤﺎ ﺧﻠﻴﻚ ﻉ ﻳﻘﻴﻦ ﺍﻧﻪ ﻛﻞ ﻓﺘﺮﻩ ﺗﻌﺪﻱ ﻭﺭﺑﻲ ﻳﺒﻴﻚ ﺗﻘﺮﺑﻲ ﻣﻨﻪ ﻭﻳﺨﺘﺒﺮ ﺻﺒﺮﻙ ﻭﻑ ﻧﻬﺎﻳﻪ ﻳﻌﻴﻄﻚ ﺣﺪ ﻳﻌﻮﺿﻚ ﻉ ﻛﻞ ﺍﻟﻲ ﺻﺎﺭ ﻭﻛﺎﻧﻪ ﻟﻢ ﻳﻜﻦ
ﺭﻳﻬﺎﻡ ﺗﺴﻤﻊ ﻓﻴﻪ ﻭﺗﺒﺘﺴﻢ .. ﺻﺎﺡ ﻣﻌﺎﻙ ﺣﻖ ﻑ ﻧﻬﺎﻳﻪ ﺭﺑﻲ ﻋﻮﺿﻨﻲ ﺑﻴﻚ ﻭﻛﺄﻧﻪ ﻟﻢ ﻳﻜﻦ ﺍﻟﻮﺟﻊ
ﺍﻧﺲ ﺍﺑﺘﺴﻢ .. ﻭﻋﻮﺿﻨﻲ ﺑﻴﻚ ﻧﺤﻦ ﻛﻤﻠﻨﺎ ﺑﻌﻀﻨﺎ
ﺭﻳﻬﺎﻡ ﺍﺑﺘﺴﻤﺖ .. ﺭﺑﻲ ﻳﺨﻠﻴﻚ ﻟﻴﺎ ﻛﻞ ﻳﻮﻡ ﺍﺣﻜﻴﻠﻲ ﻫﻜﻲ ﺣﺒﻴﺖ ﻃﺮﻳﻘﻪ ﻛﻼﻣﻚ ﻛﻴﻒ ﺗﺸﺮﺡ ﻭﻫﻜﻲ
ﺍﻧﺲ .. ﺍﻥ ﺷﺎﺀ ﺍﻟﻠﻪ ﺑﺎﻩ ﻣﺎﻓﻴﺶ ﺑﻮﺳﻪ ﻫﻜﻲ ﻭﻻ ﻫﻜﻲ ﺩﺍﺀ ﺍﻧﺎ ﻏﻠﺒﺎﻥ
ﺭﻳﻬﺎﻡ ﺿﺤﻜﺖ .. ﺣﻈﺮﺭﺭﺭ ﻑ ﺭﻣﻀﺎﻥ ﻣﺎﺍﻓﻴﺶ
ﺍﻧﺲ ﻛﺮﻫﺎ ﻑ ﺧﺼﺮﻫﺎ .. ﻗﺘﻴﻠﻲ ﺍﺷﺮﺣﻠﻲ ﻛﻞ ﻳﻮﻡ ﺧﻼﺹ ﺑﻤﻘﺎﺑﻞ ﺷﺮﺡ ﻧﺒﻲ ﺣﻘﺎﺗﻲ ﻋﺎﺩ ﻣﺎﻗﺎﻟﺶ ﺑﻴﻬﺎ ﺭﺑﻲ ﻋﺎﺩ
ﺭﻳﻬﺎﻡ .. ﺍﻫﺎ ﺻﺎﺡ ﺣﺮﺍﻡ ﻣﺎﻗﺎﻟﺶ ﻣﺎﺩﻳﺮﻭﺵ ﻋﻴﺐ ﻑ ﺭﻣﻀﺎﻥ
ﺍﻧﺲ ﻳﻀﺤﻚ .. ﻋﻨﺠﺪ ﻋﻴﺐ ﻫﺬﺍ ﺣﻘﻲ ﻳﺎﻏﺒﻴﻪ
ﺭﻳﻬﺎﻡ .. ﺍﻣﻤﻤﻢ ﻭﻣﺶ ﺣﻘﻲ ﺍﻧﺎ ﻳﻌﻨﻲ
ﺍﻧﺲ .. ﺍﻛﻴﺪﻩ ﺣﻘﻚ ﻭﺍﻧﺘﻲ ﺑﺮﻭﺣﻚ ﺗﻘﺪﺭﻱ ﻃﺎﻟﺒﻲ ﺑﻴﻪ ﻣﺶ ﻻﺯﻡ ﻟﻴﻦ ﻧﺪﻭﻱ ﺍﻧﺎ ﻣﻮﺿﻮﻉ ﻫﺬﺍ ﻣﺎﻓﻴﺶ ﺣﺸﻢ ﻻ ﺷﻲ ﻧﺤﻦ ﺍﻻﺛﻨﻴﻦ ﻻﺯﻡ ﻧﻌﻴﺸﻮ ﻭﻧﺤﺴﻮ ﺑﻴﻪ
ﺭﻳﻬﺎﻡ .. ﺍﻣﻤﻤﻤﻢ ﻧﺠﻚ ﻟﻴﺎ ﻧﺤﺒﻚ ﻻﻧﻚ ﻓﺎﻫﻢ ﻫﻜﻲ ﻣﺸﺎﺀ ﺍﻟﻠﻪ ﻋﻠﻴﻚ ﻳﺎﺍﻏﻠﻰ ﺍﻟﻨﺎﺱ
ﺍﻧﺲ .. ﻭﻟﻴﺎ ﻧﺠﻚ ﻳﺎﺍﺣﻠﻰ ﺍﻟﻨﺎﺱ ﺭﺑﻲ ﻳﺤﻔﻈﻚ ﻟﻴﺎ
ﺭﻳﻬﺎﻡ ﺑﺎﺳﺘﻪ ﻉ ﺧﺪﻩ .. ﻭﻳﺤﻔﻈﻚ
ﺍﻧﺲ ﺑﺎﺱ ﺧﺪﻫﺎ .. ﺑﺎﻩ ﻧﺨﺸﻮ ﻟﺪﺍﺭﻧﺎ
ﺭﻳﻬﺎﻡ .. ﻋﺎﺩﻱ ﺧﻠﻴﻬﺎ ﺑﺎﻟﺠﻮ ﺣﺘﻰ ﻫﻨﺎ
ﺍﻧﺲ .. ﺻﺎﺡ ﺳﻤﺤﻪ ﺑﻌﺪ ﺗﺠﻲ ﻋﻔﻮﻳﻪ ﻛﻴﻒ ﻫﻜﻲ
ﻭﻛﺮﻫﺎ ﻣﻦ ﺍﻳﺪﻫﺎ
ﺭﻳﻬﺎﻡ ﺗﻀﺤﻚ .. ﺍﺍﺍﺍﻫﻬﻪ ﻳﺎﻫﺒﻞ
ﺍﻧﺲ ﺑﺎﺱ ﻓﻤﻬﺎ ﺯﻳﻦ ﻭﻫﻴﺎ ﺗﺒﺎﺩﻝ ﻓﻴﻪ ﻭﻭﻭﻭﻭﻭﻭ ﺧﻼﺹ ﻋﻴﺐ "
" ﺍﻟﻴﻮﻡ ﺛﺎﻧﻲ ..
ﺭﺷﺎ ﺗﻜﻠﻢ ﻑ ﻛﻮﺟﻴﻨﻪ .. ﺗﻮﺍ ﻧﺸﻮﻑ ﻣﻴﺲ ﺣﺘﻰ ﻉ ﻋﺸﺮﻩ ﺭﻣﻀﺎﻥ ﻣﺰﺍﻝ ﺑﺪﺭﻱ ﺗﻮﺍ
ﺭﻳﻬﺎﻡ .. ﻣﺎﻩ ﺭﺍﻳﻔﺖ ﻉ ﺧﻮﺗﻲ ﻭ ﻣﺎﻣﺎ
ﺭﺷﺎ .. ﺣﺘﻰ ﺍﻧﺎ ﻭﺍﻟﻠﻪ ﺑﺲ ﻣﺰﺍﻝ ﺑﺪﺭﻱ
ﺭﻳﻬﺎﻡ .. ﺑﺎﻩ ﺗﻤﺎﻡ ﻫﻴﺎ ﻣﺎﻧﺒﻴﺶ ﻧﻌﻄﻞ ﻋﻠﻴﻚ ﻭﺍﻧﺘﻲ ﺗﻌﺒﺎﻧﻪ
ﺭﺷﺎ .. ﻣﻊ ﺳﻼﻣﻪ ﺳﻠﻤﻲ ﻉ ﺍﻧﺲ
ﺭﻳﻬﺎﻡ .. ﻳﻮﺻﻞ ﺍﻭﻛﻲ
ﺭﺷﺎ ﺻﻜﺮﺕ ﻭﻗﻌﺪﺕ ﺗﻜﻤﻞ ﻑ ﺑﺎﻗﻲ ﺣﻮﺳﺘﻬﺎ
ﻣﺤﻤﺪ ﺧﺶ ﻋﻠﻴﻬﺎ .. ﻛﻨﻚ ﺩﺍﻳﺮﻩ ﻫﺮﺟﻪ ﺍﻟﻴﻮﻡ
ﺭﺷﺎ ﺿﺤﻜﺖ .. ﻫﺬﻱ ﺭﻳﻬﺎﻡ ﺗﻜﻠﻢ ﻓﻴﺎ
ﻣﺤﻤﺪ ﻣﺸﺎﺀ ﺷﻮﺭ ﻃﻨﺠﺮﻩ .. ﺗﺮﺍ ﺷﺎﻭﺭﻣﺎ ﺍﻭﻭﻭ ﺷﻦ ﺑﺪﻳﺮﻱ
ﺭﺷﺎ .. ﺳﻨﺪﻭﺗﺸﺎﺕ ﺷﺎﻭﺭﻣﺎ
ﻣﺤﻤﺪ .. ﺑﺎﻩ ﻳﻌﻄﻴﻚ ﺍﻟﺼﺤﻪ ﻛﺎﻥ ﺗﻌﺒﺘﻲ ﻓﻮﺗﻲ
ﺭﺷﺎ .. ﻻ ﺍﻟﻴﻮﻡ ﻧﺎﺷﻄﻪ ﺷﻮﻳﺎ ﻭﺟﺎﻱ ﺗﻤﺎﻡ
ﻣﺤﻤﺪ .. ﺍﻧﺎ ﻧﺪﻭﺵ ﻭﺑﻨﻄﻠﻊ ﺗﺒﻲ ﺣﺎﺟﻪ ﻣﻦ ﺑﺮﺍ
ﺭﺷﺎ .. ﻻﻻ ﺳﻼﻣﺘﻚ ﻣﺎﻧﺒﻲ ﺷﻲ ﻛﻞ ﺣﺎﺟﻪ ﻓﻲ
ﻣﺤﻤﺪ .. ﺑﺎﻩ ﺗﻤﺎﻡ ﺍﻣﺘﻰ ﻋﻨﺪﻙ ﻋﻴﺎﺩﻩ
ﺭﺷﺎ .. ﺑﻌﺪ ﺑﻜﺮﺍ ﻛﻨﻚ ﻧﺴﻴﺖ
ﻣﺤﻤﺪ .. ﻻﻻ ﻣﺶ ﻗﺼﻪ ﻧﺴﻴﺖ ﺑﺲ ﻧﺤﺴﺎﺏ ﺭﻭﺣﻲ ﻣﻠﺨﺒﻂ ﺑﺎﻩ ﺗﻢ
ﺭﺷﺎ .. ﺍﻳﻮﺍﻩ
ﻣﺤﻤﺪ .. ﺧﻼﺹ ﺗﻮﺍ ﺧﻠﻴﻨﻲ ﻧﻌﺪﻱ ﺗﺎﺧﺮﺕ ﺍﻟﻴﻮﻡ
ﺭﺷﺎ .. ﻣﺮﺑﻮﺣﻪ ﺍﺟﺮﻙ ﺣﺎﺻﻞ ﻭﺍﻋﺮ ﺍﻟﻌﻤﻞ ﻑ ﺭﻣﻀﺎﻥ
ﻣﺤﻤﺪ .. ﻧﺨﻠﻮ ﺭﺯﻗﻨﺎ ﺳﺎﻳﺐ ﻋﺎﺩ ﺣﺘﻰ ﻛﺎﻥ ﺣﻄﻴﻨﺎ ﺣﺪ ﻑ ﻣﺤﻼﺕ ﻧﺒﺮﻣﻮ ﻋﻠﻴﻬﻢ
ﺭﺷﺎ .. ﻻ ﺻﺎﺡ ﺻﺪﻗﺘﻚ ﺭﺑﻲ ﻳﻌﺎﻭﻧﻜﻢ
ﻣﺤﻤﺪ .. ﺍﻥ ﺷﺎﺀ ﺍﻟﻠﻪ ﻫﻴﺎ ﻣﺎﺷﻲ
ﺧﺶ ﻣﺤﻤﺪ ﺩﻭﺵ ﻭﻃﻠﻊ ﻟﺸﻐﻠﻪ "
" ﻣﺸﺎﺀ ﺍﻟﻴﻮﻡ ﻋﺎﺩﻱ ﺟﺪﺍً ﺍﻟﻴﻮﻡ ﺛﺎﻧﻲ ﻑ ﻟﻴﻞ ﻛﻠﻨﺎ ﻑ ﺟﻨﺎﻥ ﻣﻜﺴﺪﻳﻦ ..
ﻣﻨﻴﺮ .. ﺑﺴﺒﻮﺳﻪ ﺷﻮﺭﻙ ﻳﺎﻣﻴﺲ
ﺍﻧﺎ .. ﺍﻫﺎ ﺑﺴﺒﻮﺳﻪ ﺟﻼﻛﺴﻲ
ﻣﻨﻴﺮ .. ﻳﻨﻌﻠﻴﺎ ﺟﻼﻛﺴﻲ ﻭﺩﻧﻴﺎ ﻋﻜﺴﻲ ﺍﻧﻌﻢ ﺍﻧﻌﻢ
ﻣﺤﻤﺪ .. ﻫﻴﺎﺍﺍﻫﻴﻲ ﻳﺎﺍﺍﺍﻩ
ﺍﻳﻬﻢ .. ﺭﻣﻀﺎﻥ ﻳﺎﺗﻴﻮﺱ
ﺍﻣﺠﺪ .. ﺍﻫﻮ ﺍﻧﺖ ﻗﺎﻋﺪ ﺗﺴﺐ ﻓﻜﻨﺎ ﻣﻦ ﺷﻮﺭﺥ
ﺍﻳﻬﻢ .. ﺳﺒﻪ ﻣﺤﺘﺮﻣﻪ ﻛﻨﻚ ﻋﺎﺩ
ﻣﺮﻳﻢ .. ﻫﻴﺎ ﻧﻘﺺ ﻭﻻ ﻭﻻ ﻣﺶ ﺧﺪﺍﻣﻪ ﻋﻨﺪﻙ ﺟﺪ ﺑﻮﻛﻢ ﺍﻧﺎ
ﺍﻳﻬﻢ .. ﺭﺍﺟﻲ ﻭﺍﻧﺘﻲ ﺳﺎﻛﺘﻪ
ﻣﻨﻴﺮ .. ﺍﻭﻭﻱ ﺍﻭﻭﻱ ﺑﻼ ﻏﻠﻂ ﻣﺮﻳﻮﻣﻪ ﻋﺪﻱ ﻭﻓﻮﺗﻴﻪ ﺻﺒﻲ ﺍﻧﺘﻲ ﺷﻮﻓﻲ ﺭﺍﺟﻠﻚ ﺍﻟﺤﺎﻧﻂ
ﺍﻧﺎ .. ﻫﻬﻬﻪ ﺷﻮﺭﻱ ﺩﻭﻩ ﻛﻨﻚ ﻣﻌﺎﻳﺎ
ﻣﻨﻴﺮ .. ﺷﻮﻓﻲ ﺭﺍﺟﻠﻚ ﺍﻟﺜﻘﻴﻞ
ﺳﻠﻴﻤﻪ .. ﻳﻨﻌﻠﻴﺎ ﻛﻠﻪ ﺍﻧﺖ ﻣﺎﻟﻚ ﻭﻣﺎﻝ ﻣﺮﺍﺕ ﺧﻮﻙ
ﻣﻨﻴﺮ .. ﺍﻃﻠﻌﻲ ﻣﻨﻬﺎ ﺩﻻﻟﻪ ﺍﻧﺎ ﻭﻳﺎﻫﺎ
ﺍﻧﺎ ﺻﺒﻴﺖ .. ﺗﻮﺍ ﻧﻘﺼﻠﻜﻢ ﺧﻼﺹ ﻭﻭﻭﻭﻭ ﻋﻠﻴﺎ ﻣﻨﻚ
ﺭﺷﺎ .. ﺷﺪ ﺣﻮﻳﻠﻚ ﻳﺎ ﻣﺮﻳﻢ ﻋﺎﻟﺴﻤﺎﻃﻪ ﺍﻟﻲ ﻓﻴﻪ
ﻣﻨﻴﺮ .. ﺧﻴﺮﻟﻚ ﺣﺘﻰ ﺍﻧﺘﻲ ﺭﺍﻩ ﻧﺼﻴﺒﻚ ﺗﻮﺍ ﺩﻳﺮﻱ ﺷﻲ ﺣﺎﺟﻪ ﺧﻠﻴﻨﻲ ﻣﺤﺘﺮﻡ ﻣﻌﺎﻙ
ﺭﺷﺎ .. ﻟﻮ ﻛﺎﻥ ﺍﻳﺶ ﻣﺎﻧﻲ ﻣﺼﺒﻴﻪ
ﻣﻨﻴﺮ .. ﻛﻨﻚ ﻻ ﺣﺮ ﻻ ﺷﺮ ﻣﺎﺗﺒﻴﺶ ﺗﺼﺒﻲ
ﺑﺸﺮﻯ .. ﻭﺍﻧﺖ ﻣﺎﻟﻚ ﺑﻴﻬﺎ
ﻣﺤﻤﺪ .. ﻣﻨﻴﺮ ﺗﻌﺎﻝ ﻗﻤﻌﺰ ﺗﻼﻧﺎ ﺑﻄﻞ ﻣﻌﻴﻼ
ﻣﻨﻴﺮ .. ﺻﻜﺮﻟﻲ ﻓﻤﻚ ﺗﺮﺍ ﻳﺎﻣﻴﺲ ﻗﺼﻲ ﻣﻦ ﺣﺎﺷﻴﻪ
ﺍﻧﺎ ﺑﺤﺘﺖ ﻓﻴﻪ ﺑﻨﺺ ﻋﻴﻦ .. ﺩﻟﻞ ﺭﺧﻴﺺ ﻭﻃﻠﺐ ﻏﺎﻟﻲ
ﻣﻨﻴﺮ .. ﻣﻌﻘﻮﻟﻪ ﻃﻠﻌﺖ ﺭﺧﻴﺺ ﻓﻴﻬﺎ ﺣﻖ ﻣﺶ ﺷﻮﺭﻱ
ﺍﻳﻬﻢ .. ﻻ ﺣﻖ ﻻ ﺣﻘﻮﻕ ﺭﻳﺤﻠﻲ ﺍﻋﻀﺎﻣﻚ ﺗﺮﺍ
ﻣﻨﻴﺮ .. ﺗﻲ ﺍﻭﻛﻲ ﺩﻓﺎﻉ ﺍﻧﺖ ﻫﻴﺎ ﺳﻘﺪﻱ ﻣﺮﻳﺨﻪ ﻳﺎﺍﻣﻲ ﻛﻨﺘﻚ
ﺩﻧﻴﺎ .. ﻛﻨﻚ ﺟﺎﻩ ﻳﺎﻣﻨﺠﻮﻩ ﺍﻟﻴﻮﻡ
ﻣﻨﻴﺮ .. ﺗﻮﺍ ﺍﻧﺎ ﺟﻴﺖ ﺷﻮﺭﻙ ﻓﻜﻴﻨﺎ ﻣﻦ ﻟﻘﺎﻗﺖ ﺳﻠﻔﺎﺕ
ﺩﻧﻴﺎ .. ﻃﻴﺢ ﺳﻌﺪﻙ ﺍﻧﺖ ﺑﻌﻌﻌﻊ
ﺗﺴﻨﻴﻢ .. ﺍﻧﻘﻨﻚ ﺳﺎﻣﻂ ﺣﻄﻴﻠﻬﻢ ﻳﺎﻣﻴﺲ ﺧﻠﻲ ﻳﺤﻞ ﻭﻳﻔﻜﻨﺎ ﻣﻦ ﻭﺟﻪ
ﻣﻨﻴﺮ .. ﻛﻒ ﺭﺍﻩ
ﺗﺴﻨﻴﻢ .. ﻧﻨﻨﻴﻴﻨﻲ ﺑﺎﺭﺩ
ﻋﻄﻴﺘﻪ ﺻﻔﺮﻩ ﻭﺟﻴﺖ ﻗﻤﻌﺰﺕ ﺗﻼﻫﻢ
ﻓﺎﻃﻤﻪ .. ﻑ ﺷﻬﺮ ﻛﻢ ﻳﺎﻣﻴﺲ
ﺍﻧﺎ .. ﺍﻣﺲ ﺧﺸﻴﺖ ﺍﻟﺘﺎﻧﻲ
ﻓﺎﻃﻤﻪ .. ﺑﺎﻩ ﻣﺸﺎﺀﺍﻟﻠﻪ ﺍﻥ ﺷﺎﺀ ﺍﻟﻠﻪ ﻉ ﺧﻴﺮ ﻭﺳﻼﻣﻪ
ﺍﻧﺎ .. ﺍﻥ ﺷﺎﺀ ﺍﻟﻠﻪ
ﺩﻧﻴﺎ .. ﺩﺍﺑﻴﻦ ﻣﺰﺍﻟﺘﻲ ﺻﻐﻴﺮﻩ ﺟﻴﺒﻲ ﻭﺗﺮﻳﺤﻲ
ﺍﻧﺎ .. ﺧﻴﺮ ﻣﺎﺗﺒﺪﺍ ﺟﺎﻣﻌﻪ ﺟﺮﺑﺘﻪ ﻑ ﺍﻣﺘﺤﺎﻧﺎﺗﻲ ﻋﻠﻴﻚ ﻋﺬﺍﺏ ﻭﺍﻟﻠﻪ
ﻣﺮﻳﻢ .. ﻫﻴﺎ ﻧﻔﺴﻴﻪ ﻑ ﺍﻣﺘﺤﺎﻧﺎﺕ ﺗﻘﻌﺪ ﺗﺤﺖ ﺻﻔﺮ ﻳﺎﺑﺎﻝ ﺣﻤﻞ ﻭﺟﻮ
ﺍﻧﺎ .. ﻣﺎﻧﺤﻜﻴﻠﻚ ﺗﻌﺒﺖ ﺍﻳﻬﻢ ﻣﻌﺎﻳﺎ ﻏﻴﺮ ﻣﻮﺳﻌﻠﻲ ﺑﺎﻟﻪ ﻣﺴﻜﻴﻦ
ﺑﺸﺮﻯ .. ﺍﻣﺘﺤﺎﻧﺎﺕ ﻋﺎﺩ ﻭﺭﺍﺟﻞ ﺍﻟﻲ ﻣﺎﻳﺮﺍﻋﻲ ﻑ ﺿﺮﻭﻑ ﺍﻧﻘﻨﻪ ﺳﺎﻣﻂ
ﺍﻧﺎ .. ﻻ ﺍﻟﺤﻤﺪﺍﻟﻠﻪ ﻣﺮﺍﻋﻴﻨﻲ ﻓﻮﻕ ﻣﻦ ﻟﺰﻭﻡ
ﺭﺷﺎ .. ﺷﻦ ﺩﺭﺗﻲ ﻓﻴﻬﺎ ﺑﺲ ﻣﻴﺲ
ﺍﻧﺎ ﺿﺤﻜﺖ .. ﻭﺍﻟﻠﻪ ﺷﻮﺭ ﺍﻳﻬﻢ ﻫﻮ ﺍﻟﻲ ﺣﻠﻘﻬﺎ
ﺳﻠﻴﻤﻪ .. ﻋﺎﺩﻱ ﻣﺎﻳﺼﻴﺮﻟﻬﺎ ﺷﻲ ﻏﻴﺮ ﻳﻘﻮﻯ ﺷﻌﺮﻫﺎ
ﻓﺎﻃﻤﻪ .. ﺻﺎﺡ ﺍﻫﺎ ﺍﻫﻲ ﻣﺮﻳﻢ ﺣﻠﻘﻨﻬﺎ ﻭ ﻫﻴﺎ ﺻﻐﻴﺮﻩ ﻣﺸﺎﺀ ﺍﻟﻠﻪ ﺷﻮﻓﻲ ﺷﻌﺮﻫﺎ
ﻣﻨﻴﺮ .. ﺍﺣﻢ ﻳﻨﻌﻠﻴﺎ
ﻣﺤﻤﺪ ﺿﺮﺑﻪ ﻉ ﺿﻬﺮﻩ .. ﺻﺤﻪ ﺻﺤﻪ ﻳﺎﻣﻨﻴﺮ
ﻣﻨﻴﺮ ﻛﺸﺦ ﻑ ﻭﺟﻪ .. ﺳﻠﻤﻚ ﻣﻨﻮﺭ ﻳﺎ ﻭﻟﺪ ﻋﻤﻲ
ﻣﺤﻤﺪ .. ﻋﻴﻮﻧﻚ ﻑ ﻭﻃﻰ
ﺍﻳﻬﻢ ﻳﻀﺤﻚ .. ﺗﺴﺘﺎﻫﻞ
ﻣﻨﻴﺮ .. ﺍﺷﻮﻭﻭﻑ ﻓﻴﻚ ﻳﻮﻡ
ﺍﻳﻬﻢ .. ﻫﻬﻪ ﻋﻠﻲ ﺍﻧﺖ ﻋﻤﻠﺘﻮﺍ ﺑﻴﺎ
ﻣﻨﻴﺮ .. ﺍﺣﻴﻴﻲ ﻏﻴﺮ ﻧﻘﺮﺍ ﺍﻟﻔﺎﺗﺤﻪ ﺑﺲ
ﻣﺤﻤﺪ .. ﺑﻌﺪ ﺗﻘﺮﺍﻫﺎ ﺳﺎﻫﻞ
ﻣﻨﻴﺮ .. ﺗﺎﻓﻬﻪ ﺧﺰﻱ
ﺍﻧﺎ .. ﻻ ﻋﺎﺩﻱ ﻗﻨﻌﻨﻲ ﻭﻣﻦ ﻫﻨﺎ ﻟﻌﻴﺪ ﺗﻮﺍ ﻳﻄﻠﻊ ﻭﺻﻐﻴﺮﻩ ﻣﻦ ﻳﺒﻲ ﻳﻌﻠﻖ ﻋﻠﻴﻬﺎ
ﺳﻠﻴﻤﻪ .. ﻻ ﺻﺤﻴﺢ ﻋﺎﺩﻱ ﺗﻮﺍ ﻳﻄﻠﻊ ﻭﺟﻬﺎ ﺑﺎﻥ ﺑﺲ
ﺍﻧﺎ .. ﻫﻬﻬﻪ ﺍﻫﺎ ﻳﻀﺤﻚ ﻣﻨﻀﺮﻫﺎ
ﺍﻧﺎ ﺑﻨﺮﻡ ﻧﺒﺤﺖ ﻓﻴﻬﺎ ﻭﻫﻴﺎ ﺗﺠﺮﻱ ﺑﻤﺸﺎﺉ ﻭﺗﺨﺶ ﻑ ﺳﺎﺱ
ﺍﻳﻬﻢ ﺻﺒﻰ ﻳﺠﺮﻱ
ﺍﻧﺎ ﺻﺒﻴﺖ .. ﺷﻦ ﺻﺎﺭﻟﻬﺎ ﺣﻲ ﻋﻠﻴﺎ
ﺍﻳﻬﻢ ﻣﺴﻜﻬﺎ ﻭﻫﻴﺎ ﻃﻠﻘﺘﻬﺎ ﺃﻋﻴﺎﻁ .. ﺳﺎﻫﻠﻪ ﺳﺎﻫﻠﻪ ﻣﺎﻓﻴﻬﺎ ﺷﻲ ﻧﻔﺠﻌﺖ ﺑﺲ
ﺳﻠﻴﻤﻪ .. ﺗﺮﺍﻩ ﻣﺎ ﻓﻴﻬﺎ ﺷﻲ ﻣﻔﺠﻮﻋﻪ ﺑﺲ
ﺍﻧﺎ ﻣﺴﻜﺘﻬﺎ ﻣﻦ ﺍﻳﻬﻢ ﻭﺣﻀﻨﺘﻬﺎ .. ﺗﺮﺍﻩ ﻳﺎ ﻋﻤﺮﻱ ﺍﻧﺘﻲ ﺳﺎﻫﻠﻪ ﻳﺎ ﻣﺎﻣﺎ ﻋﻠﻴﺶ ﺍﻟﺒﻜﺎﺀ
ﻣﻨﻴﺮ .. ﻫﻬﻬﻪ ﻋﻠﻴﻚ ﺩﺭﺍﻣﺎ ﻳﺎﻣﻴﺲ ﻏﻴﺮ ﻫﺎﺗﻴﻬﺎ ﺗﻮﺍ ﻧﺴﻜﺘﻬﺎ
ﺷﻤﺮﻫﺎ ﻣﻨﻴﺮ ﻭﻗﻌﺪ ﻳﻨﻄﺰ ﻓﻴﻬﺎ
ﻣﻨﻴﺮ .. ﻫﻮﻭﺑﺎ ﻳﺎ ﻋﻤﻮ ﺷﻨﻮ ﻳﺎﺧﻮﺍﻓﻪ
ﺍﻣﺠﺪ .. ﺍﻫﻲ ﺗﻀﺤﻚ ﻏﻴﺮ ﻓﺠﻌﺘﻨﺎ
ﺩﻧﻴﺎ .. ﺩﻟﻮﻋﻪ ﻣﻦ ﺗﻮﺍ ﻳﺎﺧﻴﻪ ﻧﺠﻴﻬﺎ
ﺭﺷﺎ .. ﺣﺮﻛﺎﺕ ﺍﻣﻬﺎ ﻣﻦ ﻫﻴﺎ ﺻﻐﻴﺮﻩ ﻳﺎﺣﻨﻪ
ﺍﻳﻬﻢ .. ﺍﻭﺑﺎ ﻟﻘﻴﺖ ﻣﻦ ﻳﻄﻠﻊ ﻓﻀﺎﻳﺤﻚ
ﺭﺷﺎ .. ﺷﻮﺭﻫﺎ ﺍﻟﻌﻴﺎﻁ ﻭﺩﺭﺍﻣﺎ ﻣﻴﺲ
ﺍﻧﺎ .. ﻣﺒﺮﺩﻙ ﺧﺰﻱ
ﺍﻳﻬﻢ .. ﻻ ﻋﺮﻓﻬﺎ ﻉ ﺳﺒﻠﻪ ﺩﻣﻮﻉ
ﺍﻧﺎ .. ﺑﻄﻞ ﺳﻤﺎﻃﻪ ﺍﻧﺖ ﺗﺎﻧﻲ ﻋﺎﺩ
ﻗﻌﺪﻧﺎ ﻧﻬﺪﺭﺯﻭ ﻭﺷﻮﻳﺎ ﻭﺭﻛﺒﻨﺎ ﻭﻣﺸﻦ ﺍﻻﻳﺎﻡ ﻋﺎﺩﻱ ﺟﺎﺀ ﻋﺸﺮﻩ ﺭﻣﻀﺎﻥ ﻭﻛﻨﺎ ﻓﺎﻃﺮﻳﻦ ﻑ ﺣﻮﺵ ﻫﻠﻲ "
" ﺍﻣﻴﺮﻩ .. ﺣﻲ ﻧﺴﻴﺖ ﺍﻟﺤﻠﻮ ﺍﺻﺒﺮ
ﻋﺰﻭ .. ﻳﻴﻴﻲ ﻋﻠﻴﻨﺎ ﻋﺎﺩ
ﺍﻣﻴﺮﻩ .. ﻧﺰﻝ ﻓﻜﻨﻲ ﻣﻦ ﻗﻠﺐ ﺍﻟﻮﺟﻪ
ﻋﺰﻭ ﺭﻓﻊ ﺣﺎﺟﺒﻪ .. ﻛﻨﻚ ﺗﺤﻜﻲ ﺑﻨﻔﺘﺮﻩ
ﺍﻣﻴﺮﻩ .. ﻧﺤﻜﻲ ﻋﺎﺩﻱ ﺍﻧﺖ ﻣﻨﻔﺼﻞ ﻋﻠﻴﺎ ﺍﻟﻴﻮﻡ
ﻋﺰﻭ .. ﺑﻌﺪﻳﻦ ﺳﺎﻫﻞ ﺍﻧﺎ ﻧﺎﺯﻝ
ﺍﻣﻴﺮﻩ ﻛﺸﺨﺖ ﻭﺧﺸﺖ ﻟﻜﻮﺟﻴﻨﻪ .. ﻛﻨﻪ ﻫﺬﺍ ﺍﻭﻑ ﻋﻠﻴﻚ ﻧﻜﺪ
ﺧﺬﺕ ﺍﻟﺤﻠﻮ ﻭﻧﺰﻟﺖ ﻭﺍﻧﺎ ﻛﻨﺖ ﻛﻴﻒ ﺧﺎﺷﻪ ﻭﻣﺎﺳﻜﻪ ﻃﺎﺟﻴﻦ ﻭﺳﻦ ﻑ ﻛﺮﻭﺳﻪ
ﻋﺰﻭ .. ﺍﻭﻭﻭﻭ ﻧﻮﺭﺗﻮ ﻧﻮﺭﺗﻮ ﺧﻴﺮﺍﺕ ﻛﻴﻒ ﺣﺎﻟﻬﺎ ﺣﺒﻴﺐ ﺧﺎﻟﻬﺎ
ﺍﻧﺎ .. ﻧﻮﺭ ﻧﻮﺭﻙ ﻳﺎﻏﺎﻟﻲ ﻛﻴﻒ ﺣﺎﻟﻚ ﻭﻛﻴﻒ ﺣﺎﻝ ﺍﻣﻴﺮﻩ
ﻋﺰﻭ .. ﺍﻟﺤﻤﺪ ﺍﻟﻠﻪ
ﻃﺒﺲ ﻉ ﻭﺳﻦ ﻭﺷﻤﺮﻫﺎ
ﻋﺰﻭ .. ﻋﻠﻴﻚ ﺗﺠﻠﻴﻤﻪ ﻣﺎﺩﺍﺭ ﻓﻴﻬﺎ ﺧﻴﺮ ﺍﻳﻬﻢ
ﺍﻧﺎ ﺿﺤﻜﺖ .. ﺍﻟﻠﻪ ﻏﺎﻟﺐ
ﻋﺰﻭ .. ﻋﺴﻞ ﻳﺎﺧﻴﻪ
ﺍﻧﺎ .. ﻣﻦ ﺟﺎﺀ
ﻋﺰﻭ .. ﺗﻮﺍ ﻛﻴﻒ ﻧﺰﻟﺖ
ﺍﻧﺎ ﺧﺎﺷﻪ ﺷﻮﺭ ﺍﻟﺤﻮﺵ .. ﻻ ﺗﺼﻐﺮ ﻳﺎﻋﺰﻭ ﺧﺸﺸﻬﺎ ﻣﻌﺎﻙ ﺍﻟﻜﺮﻭﺳﻪ
ﻋﺰﻭ .. ﺑﺎﻩ ﺗﻢ
ﺍﻣﻴﺮﻩ .. ﺧﻴﺮﺍﺕ ﺷﻨﺠﻮ
ﺍﻧﺎ ﺑﺮﻣﺖ ﻧﺴﻠﻢ .. ﺍﻟﺤﻤﺪﺍﻟﻠﻪ ﺷﻨﺠﻮﻙ ﺍﻧﺘﻲ
ﺍﻣﻴﺮﻩ .. ﺍﻟﺤﻤﺪ ﺍﻟﻠﻪ ﺑﺨﻴﺮ
ﺧﺸﻴﻨﺎ ﺟﻮﺍ ﻭﻛﺎﻧﺖ ﺭﻳﻬﺎﻡ ﺟﺎﻳﺎ
ﺭﻳﻬﺎﻡ ﺻﺒﺖ .. ﻭﻳﻦ ﻃﻮﻟﺘﻲ
ﺍﻧﺎ ﻧﺴﻠﻢ ﻋﻠﻴﻬﺎ .. ﻫﺬﻱ ﻧﻮﺿﻪ ﺍﻳﻬﻢ ﻋﺎﺩ ﻛﻴﻒ ﺣﺎﻟﻚ ﺍﻧﺘﻲ ﻭﻛﻴﻒ ﺣﺎﻝ ﺍﻧﺲ
ﺭﻳﻬﺎﻡ .. ﺍﻟﺤﻤﺪﺍﻟﻞﻩ ﺑﺨﻴﺮ ﺧﻴﺮﺍﺕ ﻳﺎﺍﻣﻴﺮﻩ
ﺍﻧﺎ ﺳﻠﻤﺖ ﻉ ﺭﺣﺎﺏ ﻭﻣﺎﻣﺎ
ﺭﺣﺎﺏ .. ﺷﻦ ﺩﺍﻳﺮﻩ
ﺍﻧﺎ .. ﺑﻴﺘﺰﺍ ﻳﺎﺣﻨﻪ
ﺭﺣﺎﺏ .. ﺭﻳﻬﺎﻡ ﻣﺪﺍﻳﺮﻩ ﺑﻄﺎﻃﺎ ﻣﺒﻄﻨﻪ
ﺍﻧﺎ .. ﺍﻫﺎ ﻗﺎﻟﺘﻠﻲ
ﺭﺣﺎﺏ .. ﻣﺘﻔﻘﺎﺕ ﺻﺎﺭ ﺗﻲ ﻭﻳﻦ ﻭﺳﻦ
ﺧﺶ ﻋﺰﻭ ﻣﺎﺳﻚ ﺍﻳﺪﻫﺎ .. ﺧﻴﺮ ﻳﺎﺧﻮﻳﻠﻪ ﺧﻴﺮ ﻳﺎﺟﺪﻳﺪﻩ
ﺭﺣﺎﺏ .. ﻣﻨﻀﺮﻫﺎ ﻳﻀﺤﻚ ﻧﺠﻚ ﻟﻴﺎ
ﻣﺎﻣﺎ .. ﻣﺎﻳﺼﻴﺮﻟﻬﺎ ﺳﻮﺀ ﻋﺎﺩﻱ
ﺍﻣﻴﺮﻩ ﺍﺑﺘﺴﻤﺖ .. ﺗﺮﺍ ﻳﺎﻋﺰﻭ ﻧﺸﺪﻫﺎ
ﻋﺰﻭ ﻣﺪﻫﺎ ﻟﻬﺎ .. ﺍﻣﺴﻜﻲ ﺑﺤﺘﻲ ﻛﻴﻒ ﻣﺎﺳﻜﻪ ﻓﻴﺎ
ﺍﻣﻴﺮﻩ .. ﻧﺠﻚ ﻟﻴﺎ ﻗﻤﻌﺰ ﺗﻼﻳﺎ ﺑﻴﺶ ﻧﻤﺴﻜﻬﺎ
ﻋﺰﻭ ﻗﻤﻌﺰ ﺗﻼﻫﺎ ﻭﻫﻴﺎ ﻣﺴﻜﺘﻬﺎ
ﺍﻣﻴﺮﻩ .. ﻧﺠﻴﻬﺎ ﻣﺪﺭﻫﺒﻪ ﺭﺑﻲ ﻳﺤﻔﻈﻬﺎ ﻟﻜﻲ
ﺍﻧﺎ .. ﺗﺴﻠﻤﻲ ﻭﻳﺤﻔﻈﻚ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﺳﻨﻪ ﺍﻟﺠﺎﻳﻪ ﻧﺸﻮﻓﻪ ﻋﻨﺪﻛﻢ
ﻋﺰﻭ ﺍﺑﺘﺴﻢ ﻭﺑﺤﺖ ﻑ ﺍﻣﻴﺮﻩ .. ﺍﺣﻢ ﺍﻥ ﺷﺎﺀ ﺍﻟﻠﻪ
ﻋﻼﺀ ﻃﻠﻊ .. ﺧﻮﺍﺗﻲ ﺟﻦ ﺟﺎﻳﺎﺕ ﺑﻬﺮﺟﺘﻬﻦ
ﺍﻧﺎ .. ﻛﻨﻚ ﻣﺎﺗﺒﻴﻨﺶ ﺑﻬﺮﺟﺘﻨﺎ
ﻋﻼﺀ .. ﻏﻴﺮ ﺳﻠﻤﻲ ﺑﺲ
ﺍﻧﺎ ﺿﺤﻜﺖ .. ﺻﺒﺤﺖ ﺍﻧﺖ
ﻋﻼﺀ .. ﻣﺎﻧﺤﺒﺶ ﺍﻟﻤﻘﺪﻣﺎﺕ ﺍﻧﺎ
ﺳﻠﻢ ﻋﻠﻴﻨﺎ ﺑﻌﺪ ﻭﺻﻞ ﻑ ﺍﻣﻴﺮﻩ ﺧﺬﺍ ﻭﺳﻦ ﻣﻨﻬﺎ
ﻋﻼﺀ .. ﺍﻧﺎ ﻃﺎﻟﻊ ﻧﺸﻴﻠﻬﺎ ﻣﻌﺎﻳﺎ ﻋﺎﺩﻱ
ﺍﻧﺎ .. ﺗﺴﺎﻝ ﻓﻴﺎ ﺃﺧﺮﻯ ﺷﻴﻠﻬﺎ
ﻋﻼﺀ .. ﻣﺶ ﺟﻴﻌﺎﻧﻪ ﻭ ﻻ ﺣﺎﺟﻪ
ﺍﻧﺎ .. ﻻ ﻻ
ﻋﻼﺀ ﺣﻄﻠﻬﺎ ﻻﻫﻴﻪ .. ﻫﻴﺎ ﻣﻊ ﺳﻼﻣﻪ ﻭﺧﻠﻴﻚ ﺑﻼﻫﺎﻳﺘﻚ ﺑﻼ ﻋﻴﺎﻁ
ﺭﺣﺎﺏ ﺗﻀﺤﻚ .. ﻣﺴﻤﻄﻚ
ﻃﻠﻌﻮ ﺷﺒﺎﺏ ﻭﻧﺤﻦ ﺧﺸﻴﻨﺎ ﻭﺷﻮﻳﺎ ﻭﺟﺖ ﺭﺷﺎ
ﺭﺷﺎ .. ﻭﻭﻭﻭﻭ ﻋﻄﺒﻚ ﻋﻠﻴﻚ ﺣﻤﻠﻪ ﻋﻠﻴﻚ ﺗﻌﺐ
ﺭﺣﺎﺏ ﺑﺤﺘﺖ ﻓﻴﻬﺎ ﺑﺘﻜﺸﻴﺦ .. ﻣﻦ ﻗﺎﻟﻚ ﺍﻓﺘﺤﻲ ﻛﺮﻋﻴﻚ
ﺍﻧﺎ ﻃﺮﺑﻘﺖ ﺿﺤﻚ .. ﻓﺘﺤﺘﻬﻦ ﺑﺎﻟﺤﺐ ﻣﺶ ﻉ ﺳﺎﺱ ﺣﻤﻞ
ﺭﺷﺎ .. ﺗﺴﺨﻔﻲ ﺍﻧﺘﻲ ﻭﻳﺎﻫﺎ ﺗﻮﺍ ﻧﺸﻮﻓﻚ ﻳﺎ ﺭﺣﺎﺏ
ﺍﻣﻴﺮﻩ ﻣﺒﺘﺴﻤﻪ .. ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺴﻬﻞ ﻋﻠﻴﻚ
ﻣﺎﻣﺎ .. ﺗﺮﻳﺤﻲ ﻗﻴﺴﻚ ﻣﺶ ﻣﺮﻳﺤﻪ ﺭﻭﺣﻚ
ﺭﺷﺎ .. ﻻ ﻭﺍﻟﻠﻪ ﻣﺘﺮﻳﺤﻪ ﻏﻴﺮ ﺍﻫﻮ ﺗﻌﺐ ﺑﻜﻞ ﻳﺎﻣﺎﻣﺎ
ﻣﺎﻣﺎ .. ﺗﻮﺍ ﺑﻌﺪ ﺗﺤﻄﻴﻬﻢ ﺗﻨﺴﻰ ﺗﻌﺐ
ﺭﻳﻬﺎﻡ .. ﻳﻼ ﻃﺮﻭﺡ ﻛﻨﺘﻲ ﻗﺮﻳﺐ ﺗﻤﻮﺗﻲ ﻋﻠﻴﻬﻢ
ﺭﺷﺎ .. ﻭ ﺍﻟﻠﻪ ﻣﺘﻌﺒﻴﻨﻲ ﻭﺍﺟﺪ
ﻣﺎﻣﺎ .. ﺟﻴﺒﻲ ﻫﺎﻻﺛﻨﻴﻦ ﻭﺗﺮﻳﺤﻲ ﻛﻢ ﺳﻨﻪ
ﺭﺷﺎ .. ﻻ ﻭﺭﺃﺱ ﺍﻣﻲ ﻣﺎﻧﻲ ﺣﺎﻣﻠﻪ ﺃﺧﺮﻯ ﺗﺨﻴﺎﻟﻲ ﻧﺤﻤﻞ ﺑﺎﻟﺘﺆﺍﻡ ﺃﺧﺮﻯ ﺗﻲ ﻭﺣﻖ ﺭﺑﻲ ﻧﺤﻮﻝ ﺭﺣﻤﻲ ﻣﺮﻩ ﻭﺣﺪﻩ
ﻣﺎﻣﺎ .. ﻭﻭﻭﻭﻭ ﻋﻠﻴﻨﺎ ﺑﻌﻴﺪ ﺳﻮﺀ ﻛﻨﻚ ﺗﻔﺎﻭﻟﻲ ﻳﺎﻓﺮﺧﻪ
ﺭﺣﺎﺏ .. ﻣﺎﺗﻌﺪﻟﻴﺶ ﻋﻠﻴﻬﺎ ﻛﺬﺍﺑﻪ ﺭﺍﻩ
ﺭﺷﺎ .. ﺑﺎﻩ ﻭﺍﻟﻠﻪ ﻧﺠﻴﻚ ﻧﺪﻗﻜﻚ ﻉ ﺿﻬﺮﻙ ﻧﻄﻠﻊ ﻗﻠﺒﻚ
ﺭﺣﺎﺏ .. ﻛﺬﺍﺑﻪ ﺍﺻﻼً ﻋﺎﺭﻓﺘﻚ ﺍﻧﺎ ﺩﻳﺮﻱ ﻑ ﻃﺮﻭﺡ ﺑﺲ
ﺭﺷﺎ .. ﻏﻴﺮ ﺧﺎﻃﻴﻨﻲ ﺑﺲ ﻳﺎﻓﺮﺧﻪ
ﻗﻌﺪﻧﺎ ﻧﻬﺪﺭﺯﻭ ﻭﻧﻮﺗﻮ ﺍﻟﻤﻐﺮﺏ ﻭﺟﻮ ﺍﻧﺲ ﻭﺍﻳﻬﻢ ﻭﻣﺤﻤﺪ ﺍﺫﻥ ﻣﻐﺮﺏ ﻭﺣﻄﻴﻨﻪ ﺍﻟﺤﻠﻴﺐ ﻭﺗﻤﺮ ﻭﺣﻠﻮ
ﻋﻼﺀ .. ﻫﻴﺎ ﺧﻼﺹ ﻣﺪﻱ ﺻﻔﺮﻩ
ﺭﺣﺎﺏ .. ﻫﺎﻙ ﻫﻴﺎ ﺑﻌﺪﻫﺎ ﺗﻌﺎﻝ ﺧﻮﺫ ﺍﻟﻤﻴﻪ
ﻋﻼﺀ ﺧﺶ ﻟﻤﺮﺑﻮﻋﻪ .. ﺍﻧﺴﺘﻮﻥﺍ ﻭﺍﻟﻠﻪ
ﻋﺰﻭ .. ﺗﻔﻀﻠﻮ ﻳﺎﺷﺒﺎﺏ
ﻣﺤﻤﺪ .. ﺯﻳﺪ ﻓﻀﻠﻚ ﺍﻥ ﺷﺎﺀ ﺍﻟﻠﻪ ﻉ ﺧﻴﺮ ﻣﻠﺘﻤﻴﻦ
ﺍﻧﺲ .. ﺍﻥ ﺷﺎﺀ ﺍﻟﻠﻪ ﻭﺍﻧﺘﻢ ﻃﻴﺒﻴﻦ
ﺣﻠﻮ ﻓﻄﻮﺭﻫﻢ ﻭﺻﺒﻮ ﺑﻴﺼﻠﻮ
ﻣﺤﻤﺪ .. ﻫﻴﺎ ﺍﻳﻬﻢ
ﻋﻼﺀ .. ﺷﻴﺦ ﺍﻳﻬﻢ ﻭﻻ ﺷﻨﻮ
ﻣﺤﻤﺪ .. ﻻ ﻋﺎﺩ ﻣﺶ ﻟﻬﺪﺭﺟﻪ ﺻﻮﺗﻪ ﺳﻤﺢ ﺑﺲ
ﺍﻧﺲ .. ﺻﻠﻲ ﺑﻴﻨﺎ ﻫﻲ
ﺍﻳﻬﻢ .. ﺍﻟﻠﻪ ﺍﻛﺒﺮ
ﺻﻠﻰ ﺑﻴﻬﻢ ﺍﻳﻬﻢ ﻭﻧﺤﻦ ﺣﻄﻴﻨﺎ ﺍﻟﻔﻄﻮﺭ
ﺭﻳﻬﺎﻡ .. ﺣﻠﻮﻩ ﺍﻟﻜﻔﺘﻪ ﻋﻄﻴﻨﻲ ﻃﺮﻳﻘﺘﻬﺎ ﻳﺎﺍﻣﻴﺮﻩ
ﺍﻣﻴﺮﻩ .. ﺍﻥ ﺷﺎﺀ ﺍﻟﻠﻪ ﺳﻤﺤﻪ ﻭﻻ ﻋﺎﺩﻱ
ﻣﺎﻣﺎ .. ﻣﺸﺎﺀﺍﻟﻠﻪ ﺍﻳﺪﻳﻚ ﻣﻦ ﺫﻫﺐ
ﺍﻧﺎ .. ﻻ ﻣﺸﺎﺀﺍﻟﻠﻪ ﺣﻠﻮﻩ
ﺍﻣﻴﺮﻩ .. ﺻﺤﻪ ﺗﺴﻠﻤﻦ
ﺭﺷﺎ .. ﻛﻨﺖ ﻣﺴﻬﻔﻪ ﻋﻠﻴﻪ ﺑﺮﺍﻙ ﻳﺎﺍﻣﻲ
ﻣﺎﻣﺎ .. ﻛﻨﻚ ﻣﺎ ﻗﻠﺘﻲ ﻣﻌﻘﻮﻟﻪ ﺗﻘﻌﺪ ﻑ ﺧﺎﻃﺮﻙ
ﺭﺷﺎ .. ﺍﻫﻮ ﺟﻴﺖ ﻭﻛﻠﻴﺘﻪ
ﺍﻧﺎ ﺳﻴﺒﺖ ﻓﻄﻮﺭ ﻭﻗﻌﺪﺕ ﻧﺎﻛﻞ ﻑ ﻟﻴﻢ
ﺭﺣﺎﺏ .. ﻛﻨﻚ ﺑﺴﻢ ﺍﻟﻠﻪ
ﺍﻧﺎ .. ﺍﻣﻤﻢ ﻟﻴﻢ ﻃﻌﻤﺘﻪ ﺗﻬﺒﻞ ﺑﻜﻞ
ﻣﺎﻣﺎ .. ﻛﻨﻚ ﻣﺎﻛﻠﻴﺘﻲ ﻛﻨﺎﻓﻪ ﺍﻟﻴﻮﻡ
ﺍﻧﺎ .. ﻻ ﻣﺎﻧﺒﻲ ﺣﻠﻮ ﻛﺎﺭﻩ ﺍﻟﺤﻠﻮ ﺣﺎﻣﺾ ﺍﻣﻤﻤﻢ ﻟﻴﻢ ﻳﻬﺒﻞ
ﺍﻣﻴﺮﻩ .. ﺍﻥ ﺷﺎﺀ ﺍﻟﻠﻪ ﻭﻟﻴﺪ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﻭﻟﻴﺪ ﻳﺎﺭﺏ
ﻣﺎﻣﺎ .. ﺍﻫﺎ ﻭﻟﻴﺪ ﻭﺣﻤﻚ ﻉ ﺣﺎﻣﺾ ﻣﺶ ﻛﻴﻒ ﻭﺳﻦ ﻉ ﺣﻠﻮ
ﺭﺷﺎ .. ﺍﻧﺎ ﻣﺶ ﻣﻌﺮﻭﻑ ﻉ ﺍﻻﺛﻨﻴﻦ ﻗﺎﻋﺪﻩ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﻭﻟﻴﺪ ﻭﺑﻨﻴﻪ ﻛﻴﻒ ﻣﺎﻓﻲ ﺧﺎﻃﺮﻙ
ﺭﺷﺎ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺍﻣﻴﺮﻩ ﺻﺒﺖ .. ﺻﺤﻪ ﺻﻔﺮﻩ ﺩﺍﻳﻤﺎ
ﻣﺎﻣﺎ .. ﻛﻮﻟﻲ ﻣﺎﻛﻠﻴﺘﻲ ﺷﻲ
ﺍﻣﻴﺮﻩ .. ﻭ ﺍﻟﻠﻪ ﻣﺎﻋﻨﺪﻱ ﻭﻳﻦ ﻧﺤﻂ ﺳﻠﻢ ﺍﻳﺪﻳﻚ ﻳﺎﺍﻋﻤﻴﻤﻪ
ﻣﺎﻣﺎ .. ﺳﻠﻤﻚ ﺣﺘﻰ ﺍﻧﺘﻲ ﺳﻠﻤﻚ ﺩﻭﺍﺭﻩ
ﺍﻣﻴﺮﻩ .. ﺻﺤﻪ
ﺻﺒﺖ ﺍﻣﻴﺮﻩ ﺧﺸﺖ ﻟﻜﻮﺟﻴﻨﻪ ﻭﻧﺤﻦ ﺑﺪﻳﻨﺎ ﻧﺼﺒﻮ ﻭﻧﻠﻤﻮ ﻑ ﺣﻮﺳﻪ ﻭﻃﻠﻌﻨﻲ ﺍﻧﺎ ﻭﺭﺷﺎ ﻭﺧﺸﻦ ﻟﺒﻨﺎﺕ ﻟﺤﻮﺳﻪ ﻭﺩﺭﻧﺎ ﺷﺎﻫﻲ ﻟﺮﺟﺎﻟﻪ ﻭﺭﻭﺣﻮ ﻛﻤﻠﻦ ﺍﻟﺒﻨﺎﺕ ﺍﻟﺤﻮﺳﻪ ﻭﺍﻣﻴﺮﻩ ﺭﻛﺒﺖ ﻟﺸﻘﺘﻬﺎ ﺗﺒﻴﻨﺎ ﻧﺎﺧﺬﻭ ﺭﺍﺣﺘﻨﺎ ﻭﻫﻜﻲ
ﺍﻧﺎ .. ﺷﻨﺠﻮﻫﺎ ﺣﺴﻴﺘﻬﺎ ﻫﺎﺩﻳﻪ
ﻣﺎﻣﺎ .. ﻟﻌﻨﺪ ﺗﻮﺍ ﻣﺸﺎﺀ ﺍﻟﻠﻪ ﻋﻠﻴﻬﺎ ﻭﻋﺰﻭ ﺑﺎﻳﻦ ﻧﺘﺮﻳﺢ ﻣﻌﺎﻫﺎ
ﻋﻼﺀ ﺟﺎﺀ ﻗﻤﻌﺰ .. ﺭﻛﺒﺖ ﻣﺮﺍﻩ ﺑﺪﻳﺘﻮ ﻓﻴﻬﺎ ﺗﻘﺮﻳﻢ
ﺭﺷﺎ .. ﻣﺶ ﺗﻘﺮﻳﻢ ﻏﻴﺮ ﻧﺴﺎﻟﻮ ﺑﺲ ﻛﻠﻪ ﺍﻧﺖ
ﻋﻼﺀ .. ﻫﺎﺑﺎ ﻋﻠﻴﻜﻦ ﺑﺎﻩ ﺷﻨﺠﻮﻛﻦ ﻭﺍﻟﻠﻪ ﻟﻜﻦ ﻭﺣﺸﻪ ﻫﻜﻲ
ﺭﻳﻬﺎﻡ .. ﻳﻨﻌﻠﻴﺎ ﻣﻦ ﺍﻟﺤﻨﻴﻦ
ﻋﻼﺀ .. ﻧﻌﻨﺒﻮ ﺍﻟﻲ ﻳﻌﺒﺮﻛﻦ ﻣﺮﻩ ﺍﺧﺮﻯ
ﺍﻧﺎ .. ﻫﻬﻬﻪ ﻭﺳﻊ ﺑﺎﻟﻚ ﻛﻨﻚ ﻉ ﺳﺒﻠﻪ ﺍﻧﺖ
ﻋﻼﺀ .. ﺧﻠﻴﻨﻲ ﺑﺎﻟﻠﻪ ﺩﺍﻳﺮ ﺭﻭﺣﻲ ﻧﺴﺄﻝ ﻭﺣﺮﻛﺎﺕ
ﺍﻧﺎ .. ﻳﻨﻌﻠﻴﺎ
ﺭﺷﺎ .. ﺑﺎﻩ ﻭﺟﻌﻨﻚ ﻣﺎﺗﻐﻴﺐ
ﻋﻼﺀ .. ﺍﻧﻌﻢ ﺍﻧﻌﻢ "
" ﻋﺰﻭ ﺧﺶ ﻉ ﺍﻣﻴﺮﻩ ﻑ ﻛﻮﺟﻴﻨﻪ .. ﻛﻨﻚ ﺭﻛﺒﺘﻲ
ﺍﻣﻴﺮﻩ .. ﺷﻲ ﺑﺲ ﺧﻼﺹ ﺍﻛﻴﺪﻩ ﺧﻮﺍﺗﻚ ﺑﻴﻬﺪﺭﺯﻥ ﻣﻊ ﺍﻣﻚ ﻭﻳﺎﺧﺬﻥ ﺭﺍﺣﺘﻬﻦ
ﻋﺰﻭ .. ﺍﻫﺎ ﺯﻋﻼﻧﻪ
ﺍﻣﻴﺮﻩ .. ﻋﺎﺩﻱ
ﻋﺰﻭ ﺻﺒﻰ ﻣﺴﻜﻬﺎ ﻣﻦ ﺧﺼﺮﻱ .. ﻛﻴﻒ ﻋﺎﺩﻱ ﻋﻨﺠﺪ ﺗﺰﻋﻠﻲ ﻣﻨﻲ
ﺍﻣﻴﺮﻩ .. ﺣﺘﻰ ﺍﻧﺖ ﺿﺎﻳﻘﺖ ﻣﺶ ﻗﺼﺪﻱ
ﻋﺰﻭ .. ﻻ ﻋﺎﺩﻱ ﻧﺠﻚ ﻟﻴﺎ
ﺍﻣﻴﺮﻩ ﺍﺑﺘﺴﻤﺖ ﻭﻋﺰﻭ ﺑﺎﺳﻬﺎ ﻉ ﺭﻗﺒﺘﻬﺎ
ﻋﺰﻭ .. ﻧﺤﺒﻚ ﻳﺎﺳﻤﺤﻪ
ﺍﻣﻴﺮﻩ .. ﺍﻣﻤﻤﻢ ﻧﻤﻮﺕ ﻓﻴﻚ ﻳﺎﻏﺰﺍﻟﻲ
ﻋﺰﻭ .. ﺑﻨﻘﻮﻟﻚ ﺳﺮ ﻉ ﺳﺮﻳﺮ
ﺍﻣﻴﺮﻩ .. ﻻ ﻻ ﻋﻴﺐ
ﻋﺰﻭ .. ﻏﻴﺮ ﺗﻌﺎﻟﻲ ﺑﺲ
ﻛﺮﻫﺎ ﻣﻦ ﺍﻳﺪﻫﺎ ﻭ ﻫﻴﺎ ﺗﻀﺤﻚ
ﺍﻣﻴﺮﻩ .. ﺑﺸﻮﻳﺎ
ﻋﺰﻭ .. ﻣﻌﺶ ﻓﻴﻬﺎ ﻋﻨﺠﺪ ﻭﺟﻚ ﺷﻨﻮ ﺳﻤﺎﺣﻪ ﻫﺬﻱ ﻭﻭﻭﻭﻭﻭﻭ "
" ﻫﺪﺭﺯﺕ ﻋﻨﺪ ﻫﻠﻲ ﻟﻌﻨﺪ ﺍﻝ 2 ﻭﺟﺎﺀ ﺍﻳﻬﻢ ﺭﻭﺡ ﺑﻴﺎ
ﺍﻧﺎ .. ﺍﻟﻴﻮﻡ ﻣﺎﺭﻗﺪﺗﺶ ﻣﻦ ﺍﻳﺪ ﺍﻻﻳﺪ ﺗﻮﺍ ﺗﺤﻘﻬﺎ ﻃﺎﻳﺤﻪ ﺷﻮﻳﺎ ﺍﺧﺮﻯ
ﺍﻳﻬﻢ ﻳﺒﻮﺱ ﻑ ﺧﺪﻫﺎ ﻭﺣﻄﻬﺎ ﻑ ﺳﺮﻳﺮﻫﺎ ﻭﻗﺮﺏ ﻣﻨﻲ
ﺍﻳﻬﻢ .. ﻣﺮﺍﻳﻒ ﻋﻠﻴﻚ ﺭﺍﻩ
ﺍﻧﺎ ﺑﺮﻣﺖ ﻋﻠﻴﻪ .. ﻫﻤﻤﻤﻢ ﻉ ﺷﻨﻮ ﻣﺮﺍﻳﻒ
ﺍﻳﻬﻢ ﻣﺴﻚ ﺧﺼﺮﻱ .. ﻣﺮﺍﻳﻒ ﻋﺎﺩ ﺍﻓﻬﻤﻲ
ﺍﻧﺎ ﺿﺤﻜﺖ .. ﺍﺣﻢ ﻧﺤﺒﻚ
ﺍﻳﻬﻢ ﺍﺑﺘﺴﻢ .. ﻛﻤﻴﻪ ﺍﻟﺼﺪﻕ ﺍﻟﻲ ﻑ ﻋﻴﻮﻧﻚ ﻭﻗﺖ ﺗﻘﻮﻟﻴﻬﺎ ﻟﻴﺎ ﺗﻮﺍ ﺍﻧﺘﻦ ﻣﻤﻜﻦ ﺗﻜﺬﺑﻦ ﻑ ﻣﻮﺍﺿﻴﻊ ﺛﺎﻧﻴﺎً ﺑﺲ ﻑ ﺍﻟﺤﺐ ﻣﺴﺘﺤﻴﻞ ﻧﺤﺲ ﻓﻴﻚ ﻭﻗﺖ ﺗﻘﻮﻟﻴﻬﺎ ﻣﺎﺗﻔﻜﺮﻳﺶ ﻑ ﺣﺪ ﺑﺲ ﺗﻔﻜﻴﺮﻙ ﻓﻴﺎ ﺍﻧﺎ
ﺍﻧﺎ ﺍﺑﺘﺴﻤﺖ .. ﺍﻟﺤﺐ ﻛﻴﺎﻥ ﻭﺷﻌﻮﺭ ﺣﻠﻮ ﻭﻗﺖ ﻧﻘﻮﻟﻬﺎ ﻧﺤﺲ ﺑﻔﺮﺣﻪ ﻫﻜﻲ ﻧﺤﺲ ﺩﻳﻤﺎ ﻻﺯﻡ ﻧﺤﺴﺴﻚ ﺑﺤﺒﻲ ﻉ ﻗﺪ ﻣﺎﺍﻧﺖ ﻣﺮﻳﺤﻨﻲ ﻭﻣﻬﺘﻢ ﺑﻴﺎ ﻭﺗﻔﺮﺡ ﻓﻴﺎ
ﺍﻳﻬﻢ ﺗﻨﻬﺪ ﺗﻨﻬﻴﺪﻩ ﻃﻮﻳﻠﻪ .. ﺍﻧﺎ ﻛﺎﻥ ﺷﻔﺘﻚ ﺑﺲ ﺍﺑﺘﺴﻤﺖ ﻧﺤﺐ ﻧﺴﻤﻊ ﺻﻮﺗﻚ ﻭﻫﻤﺴﻚ ﻭﻛﺎﻥ ﻏﺒﺘﻲ ﻋﻠﻴﺎ ﻳﻮﻡ ﺗﻮﺣﺸﻴﻨﻲ ﻭﺍﺍﺍﺟﺪﺩﺩ ﻧﺤﺒﺒﻚ ﻭﻧﺤﺐ ﻛﻞ ﺷﻲ ﻓﻴﻚ ﺣﺘﻰ ﺭﻳﺤﻪ ﻋﻄﺮﻙ ﻧﺤﺒﻬﺎ ﻛﻴﻒ ﺗﺒﻴﻨﻲ ﻣﺎﻧﺴﻌﺪﻛﺶ ﻭﻣﺎﻧﺘﻬﺘﻤﺶ ﺑﻴﻚ ﻧﺼﻒ ﺍﻟﺤﺐ ﺍﻫﺘﻤﺎﻡ
ﺍﻧﺎ ﻣﺴﻜﺖ ﻑ ﺭﻗﺒﺘﻪ ﻭﺑﺴﺘﻪ ﻑ ﻓﻤﻪ ﻭﻫﻮ ﻣﺴﻚ ﺧﺼﺮﻱ ﻭﻟﺼﻘﻨﻲ ﻓﻴﻪ ﻭﻗﻌﺪ ﻭﻳﻮﺧﺮ ﻉ ﺳﺮﻳﺮ ﻃﻴﺤﻨﻲ ﻉ ﺳﺮﻳﺮ ﻭﻃﺎﺡ ﻋﻠﻴﺎ
ﺍﻳﻬﻢ ﺍﺑﺘﺴﻢ .. ﻧﻤﻮﺕ ﻓﻴﻚ ﻳﺎﻓﺮﺻﺘﻲ ﻣﻦ ﺍﻟﺤﻴﺎﺀ
ﺍﻧﺎ ﺑﺼﻮﺕ ﻫﺎﺩﻱ .. ﻳﺎﺭﺏ ﻣﺎﺗﺨﺘﺒﺮﻧﻴﺶ ﻑ ﺍﻳﻬﻢ
ﺍﻳﻬﻢ ﻳﺒﻮﺱ ﻑ ﺭﻗﺒﺘﻲ ﺯﻳﻦ ﻭﻭﻭﻭﻭﻭ "
" ﺍﻟﻴﻮﻡ ﺛﺎﻧﻲ ..
ﺍﻣﻴﺮﻩ ﺗﻨﻮﺽ ﻑ ﻋﺰﻭ .. ﻫﻴﻴﻲ ﻋﺰﻭ ﻋﺰﻭ
ﻋﺰﻭ ﻓﺘﺢ ﻋﻴﻦ ﻭﺣﺪﻩ ﺑﻌﺪﻫﺎ ﻧﻂ ..
" ﻳﺘﺒﻊ "..
ﺭﺍﻳﻜﻦ ﻳﺎﺑﻨﺎﺕ ﺗﻔﺎﻋﻠﻦ ﻫﻴﺎ ﻣﺰﺍﻝ 10 ﺣﻠﻘﺎﺕ ﻭﺗﻜﻤﻞ
Anosha Alriany
