The writer: Anosha Alriany✍🏻
#عكس_تيار✨
حلقه13
"انا بحتت فيه وزمطت ريقي..الو
علاء..ميس انا علاء
انا صكرت سبيكر وحطيت الموبايل ع وذني..هلا اعليوه
علاء..اهلين كيف حالك
انا..تمام انت كيف حالك
علاء..انا كويس رد عليا ايهم بعدها رديتي انتي ا..
انا..اها ماه مش مسجلته بس بعدها عرفت صوتك خذيته منه
علاء..اها معليش كلمتك بدري بس موضوع مايتاجلش
انا..ان شاء الله خير حسك شغلتني في حاجه
علاء..امس كنا بنحكوا معاك انا وعزو بس مافيش فرصه ليوم كان فاضيه ع مغرب نجيك
انا..اها قاعده تفضل ف اي وقت
علاء..خلاص تم ديرلي قهوء من تحت ايديك
انا...هههه حاضر من عيونك
علاء..نتلاقوا
انا..اوكي
صكرت وحطيت موبايل ع رخام وبرمت ع غاز نشوف ف حليب وايهم كان مزال بديشنبر ومصبي متكي ع تلاجه صبيت لحليب ف طواسي وحطيته ع طاوله وهو مزال مصبي يبحت فيا
ايهم..كنه علاء
انا بصوت واطي..مشعارف قال يبيني ف موضوع بعدين
ايهم..اه باه ان شاء الله خير
حطيت بشكوط وفواكه ف طاوله
انا..ماتبيش تفطر انت قاعد مش لابس
ايهم..اها توا نلبس بس نبيك تحدديلي جلبيتي
انا..باه
ايهم..توا نلبس ونطلعها لكي
انا..عليش تلبس نحددها لكي بالمره
مشيت قدامه وهو ورايا خشيت لدار ونفتح ف دولاب صبا ورايا وباسني ع خدي
ايهم..زعلتي مني
انا..انت حسيت انك زعلتني بلي درته
ايهم مسكني من كتوفي وبرمني له..اها طبعاً حسيت انك زعلتي مني بس هكي انا نغار بعد سمعته قال اسمك
انا..انا مانحبش قله الثقه ونقص زايد
ايهم..مش نقص ولا قله ثقه اسمها غيره
انا..لا مش غيره انت كنت تفنص هكي منضرك يخوف
ايهم ابتسم..باه يا عمري انا اسف بس اكيد اي حد بيدير كيفي خلاص ماتزعليش
مسكني من ذقتي وحرك راسي
انا ابتسمت..خلاص حول خلي نحددلك جلبيتك وقت
ايهم وخر..باه هيا ندخن علي ماكملتي
انا..ع الريق واعر عليك افطر قبل
ايهم..باهي ياستي هيا
طلعتها ولعت حداد قعدت نحدد فيها وهو يطلع باقي دبشه
انا..هاك حبيبي واتيه البس وتعالى نفطرو خليني نبرم ع شقه شويا
ايهم..باه مش مطول
برمت ع شقه وطلع ايهم فطرنا ونزلنا لوطه
انا&ايهم..السلام عليكم
كلهم..وعليكم السلام
ايهم ابتسم..كيف حالك ياغاليه
قرب منها وباس ايديها وراسها
سليمه..الحمدالله انا نشوفكم بخير نقعد كويسه
ايهم..ربي يخليك لنا
انا..كيف حالك يااعميمه
سليمه..الحمدالله كيف حالك انتي شااخبار هلك
انا..الحمدالله تسلم عليك ماما
سليمه..سلمها ياربي
انا برمت ع دنيا..كيف حالك دندونا
دنيا ابتسمت بشويا..الحمدالله
انا..مديه العريس وهو ديما ماسك فيك
دنيا..كان جاك
مديت ايديا بناخذه قعد يمد ف ايديه لي ايهم
ايهم ابتسم..حبيب عمه تعالى
امجد..عليك جاذبيه للطفال ياايهم
ايهم..مش عارفه ليش اي طفل لازم يلصق فيا
سليمه..من وانت صغير غالي عليك العيال وتحب تمسكهم
ايهم..عندي بيهم جو وين تسنيم ورتاج
امجد..تسنيم عند عيت عمك ورتاج تلعب ف جنان
ايهم..ومنير
امجد..عند محمد
ايهم..باه هيا تعالى ياامجد خلي نطلعو
طلعو من تلانا
