ကျုပ်ဒီစေတီမရောက်ဖြစ်တာအတော်ကြာပြီဖြစ်သည်။ မေမေရှိတုန်းကတော့ရောက်ဖြစ်ပေမယ့် အခုကဖေဖေ့ကိုလည်းမပို့ခိုင်းချင်တော့ မရောက်ဖြစ်တော့တာပင်။
"ဒီ စေတီက ၁၁၉၇ ခုနှစ်မှာတည်ခဲ့တာတဲ့ နရပတိစည်သူမင်းကအလှူဒါယကာလေ
မေမေ ရှိတုန်းကအလွတ်ရတဲ့ထိတတွတ်တွတ်ပြောပြနေတတ်တာသိလား"
သိသလောက် ကြားဖူးနားဝ စေတီတော်အကြောင်းကို ဘေးနားကအရပ်ရှည်ရှည်နဲ့သူဆီပြောပြပေးရသေးသည်။မနေနိုင်မထိုင်နိုင်မေမေ့အကြောင်းတွေပါဖောက်သည်ချမိသေး၏။
"မောင့် မေမေ နဲ့ဆိုပုံပြင်တွေအများကြီးနားထောင်ရမှာပဲ"
ကျုပ်ရီပြရုံမှလွဲ၍.......
"စေတီတော်ရဲ့ ငါးမျက်နှာမှာအာရုံခံဂူငါးလုံးရှိပြီးတော့ သီဟိုဠ်ဘုရင်ထံကနေမြတ်စွာဘုရားရဲ့သရီရဓာတ်တော်အဆူ၃၀ကိုရွှေကြုတ်နှင့်တကွ ဒီဓမ္မရာဇိကဆေစတီ တည်မယ့်ကျောက်ဖျာထက်မှာထားပြီးဌာပနာထားတာဆိုပဲ"
"မောင် ကဘယ်ဆိုးလို့လဲ ကိုယ် အရွေးမှန်သွားပြီ"
"မမြှောက်ပါနဲ့ဗျာ
ဂူဘုရားငါးခုမှာလည်းပုဂံဆေးရေး နံရံပန်းချီ မင်စာ တွေကိုတွေ့နိုင်တယ်တဲ့"
"အခုကိုယ်တို့သွားကြည့်ရအောင်"
ရုပ်သေးလေးခေါင်းတချက်ငြိမ့်ပြပြီးစေတီတော်အကြောင်းဆက်ပြန်သည်။
"ညောင်ဦး ရွှေစည်းခုံစေတီတော်နဲ့တူသယောင်ရှိပေမယ့် ထူးခြားတာက ပန္နက်အောက်ခြေကစတုရန်းပုံမဟုတ်ပဲငါးမြှောင်ပုံတဲ့ဗျ ယင်းအထက်မှာလည်းပစ္စယာသုံးဆင့်တည်ဆောက်ထားပြီးပစ္စာအဆင့်ဆင့်မှာလည်းငါးရာငါးဆယ်ဇာတ် စဉ့်သုတ်ရုပ်ကြွအုပ်ချပ်တွေကပ်ထားတယ်"
"နေပူတယ် မောင် ဂူထဲသွားဘုရားသွားဖူးရအောင်"
"ဟုတ်"
အပြင်မှာနေဒီလောက်ပူနေတာ ဂူတွင်းမှာအေးနေရောပါလား။
"ရင်ထဲပါအေးသွားတယ် ဟီးဟီး"
"ဟုတ်ပါ့ဗျာ အေးနေရောပဲ"
ကျုပ်စကားဆိုလိုက်သည်နှင့်တပြိုင်တည်းနံဘေးကသည်လူကထောက်ခံသည်။
YOU ARE READING
ပုဂံမြေမှဤချစ်ခြင်း(OC)
General Fictionဆောင်းဦးလေပြေဆိုတဲ့စာရေးသူရေးသားထားသောဇာတ်လမ်းဖြစ်ပါတယ် တဆင့်ပြန်တင်ပေးခြင်းသာ
