بسم الله الرحمن الرحيم
"إن الله وملائكته يصلون على النبي يأيها الذين آمنوا صلوا عليه وسلموا تسليما"
صدق الله العظيم
رواية أين أنتِ من قلبي ؟
الكاتبه الصغيرة....
الفصل الأول....
كانت السيارة تمشي على أقصى سرعتها، وتأكل الطريق بسرعتها هذه كأن سائقها يهرب من شيئا ما ترى ماهو؟
لتصرخ بأعلى صوتها لكي تجعله يهدئ سرعتها
آسيا.... بفزع.... بالراحة ياعمرو فيه إيه؟ هنموت كدا؟
عمرو.... بخوف... ماهو لو ممشتش بالسرعه دي هنموت برضه
آسيا... طيب وإحنا رايحين فين كدا؟
عمرو.... هننزل مكان محدش يعرفنا فيه.، لحد مالجو يهدا ونشوف هنعمل إيه؟
آسيا.... بثقه... أيوة يعني هنروح فين؟ دا طريق قبلي، إوعي تكون هتخدني الصعيد؟
عمرو.... بتأكيد.... فعلا أنا هعمل كدا، دا المكان الأمن بالنسبالنا دلوقتي لحد مالحكومة تصرف عينيها عننا
آسيا.... أيوة يعني مش لاقي غير الصعيد اللي نستخبي فيه؟
عمرو.... كمان هتتأمري في وقت زي ده؟ آسيا بالله عليكي أنا مش عارف أفكر، إنتي تحمدي ربنا إني فكرت وعملت كدا وننزل الصعيد لإن دماغي واقفه عن التفكير، فإهدي شوية
آسيا.... بنفاد صبر..... طيب ياريت تهدي السرعه شوية بدل مانموت في العتمة دي
عمرو..... أنا بحاول نوصل أي مكان صعيدي آمن، مش اي مكان
آسيا..... هو احنا فين دلوقتي؟
عمرو... لسه الطريق طويل، إحنا لسه في الجيزة
آسيا.... يارب نخلص من أم اليوم ده، طب هنبات فين ياشاطر هناك ؟
عمرو.... مش عيب نبقا عايشين في الشوارع والخرابات طول السنين دي وتسألي سؤال زي ده؟
آسيا.... بتنهيدة.... ربنا يستر
عمرو..... إنشاء الله
أما في أجمد بيوت الصعيد......
كانت تجلس بجانب إبنتها تبكي والجميع حولها يحاول تهدأتها بكافة الطرق
ليالي.... خلاص بجا ياما، والله لو مش عاوزاني اسافر مش مسافرة
منال.... ياريت ،بجد ياريت ،إيه لزومة العلام، إنتي خدتي البكالوريا كفاية عليكي لحد إكده يابتي، ماجدراش بعد عنك طوالي، وبعدين إنتي مش محتاجة العلام في أيها شئ إنتي بنت المرحوم عثمان البدري وبنت أخو هتلر، يعني بتعملك ألف حساب فاهمة يعني إيه يابتي؟
في هذه اللحظة كان الجميع يهدئ فيها بكافة الطرق ويحاولون مواساتها
في هذه الأثناء يستمع الجميع إلى حمحمته المعروفه والتي جعلتهم يغطون رؤوسهم ويفسحون الطريق إحتراما لدخوله
هتلر.... يارب ياساتر، مالك ياأم فادي خير العمال شيعولي وجالولي حالتك إنك عتبكي
منال.... وقد جففت دموعها إرتعابا منه.... أبدا بس فراج بتي صعب عليا جوي
هتلر..... يلا إطلعي ياليالي جهزي بجية حاجتك، يلا عشان السواج زمانه على وصول
ليالي.... حاضر أوامرك يابوي
صعدت ليالي ورحل البقية تاركون هتلر مع زوجته لتنظر له نظرة ممزوجة بخوف وعتاب
منال.... برضك مصريين على العلام في البندر؟ ليه ماتروحش كلية في الأقصر أهي جمبنا او في الصعيد ليه تروح اخر البلاد؟ أنا متعودتش على فراج بتي بالشكل ده
هتلر..... في الول لازم تعرفي ان مصلحة بت اخوي في الأول والتاني هيبتنا وهيبة عيلة البدري في البلد، دي رغبة بتك، وبعدين إنتي عارفه بتك مليح اما جلب الام حاولي شوية عشان خاطر مستجبل بتك فاهمة؟ أنا مش ضد مصلحتها كفاية تأجيل بجا في العلام
بصي يامنال من الاخر لو عاوزة بتك تقعد جمبك وتتجوز من عيني بس رغبتها الأول، لكن بقا مستقبلها دا أكيد رغبتها شوفي مستجبلها أهم في حياتي فاهماني؟، زي ماهي بتك هي بت أخوي وتربيتي فاهمة لمصلحتها لازم تكمل علام
منال..... برعب.... فاهمة بس...
قاطعها بصوته الحاد...... بس ايه عاوز اسمع جرارك، ليالي تسافر ولا تجعد جارك؟ ها جولت إيه دلوك؟
منال.. بخوف وتوتر..... خلاص اللي تشوفه إنت أدري بكل حاجة، بس ليه تمشي بليل في العتمة دي النهار له عينين
هتلر.... عشان اتي اللي بتأخريها المفروض الدراسة بدأت من بدري وانتي اللي معطلاها وكفاية إجدة بكره عندها محاضرات، وماتجلجيش انا هفضل معاها دجيجة بدجيجة مناع هيطمني ومش هيسيبها الا مايخلص الشغل اللي وراه َاللي انا مكلفه بيه
منال..... طيب إبجا طمني
هتلر.... خلاص يبجا بلاش دموع فاهماني، مش عاوز بكا، دي بتك رايحة تتعلم في القاهرة، سيبيني أروح أشوف كت بعمل إيه ياريت مش كل شوية تشيعولي فاهمة ياحرمة؟
منال.... بخوف... فاهمة ياهتلر
.
رأيكم في أول فصل.... رواية أين أنتِ من قلبي ؟
الكاتبه الصغيرة...
أكمل؟؟
ياريت تشجعوني، قراءة ممتعه
الكاتبة الصغيرة....
VOUS LISEZ
أين أنتِ من قلبي (متوقفة)
Storie d'amoreليست مغرورة، أو بريئة ،إنما هي شيطانة صغيرة، ولدت ليكون الشارع بيتها والتشرد حياتها والخبث والمكر أساليبها ،تدخل حياته تقلبها رأسا على عقب أما هو هتلر الصعيد أو بمعنى أصح سيد بلدته وكبيرها، ليس عمدتها ولكن يحكم البلد بقانون أقوى من العمودية والبشوية...
