رواية عقاب بلا جريمة"بقلم زينب سعيد" ( سيتم مسح الرواية قريباً للتعديل)

الفصل العاشر

رواية عقاب بلا جريمة. 

بقلم زينب سعيد.

في كلية روان. 

تجلس روان مع نور صديقاتها تبكي بشدة وهي تحكي لها ما حدث.

نور بحنان :إهدي يا قلبي عسي أن تكرهوا شئ وهو خيرا لكم مش ممكن العريس ده يطلع كويس.

روان بدموع :مش قادرة يا نور بحبه.

نور بهدوء :خلاص يا روان سبيها لله إلي ربنا عايزه هيكون لو نصيبك هتتجوزيه يلا بقي أستهدي بالله أن شاء الله خير.

روان بحزن: يااارب ريح قلبي.

نور بحنان: باذن الله خير.

*************بقلم زينب سعيد ************

ليمر اليوم بروتين شديد فجنة ذهبت لعملها في موعدها.

أما عند روان عادت من جامعتها وأخبرتها والدتها بأن العريس وعائلته سيأتو في الغد لتذهب لغرفتها سريعاً وتبكي بشد.

*************بقلم زينب سعيد ************

في صباح اليوم التالي.

في منزل سليم.

تستيقظ أميرة مبكرا وتبدأ في تنظيف المنزل إستعدادا لإستقبال العريس المنتظر.

ليستيقظ سليم ورامي ويفاجأوا بوالدتها تنظف المنزل بنشاط.

رامي بمزاح :أيه يا ميرو حملة النظافة إلي علي الصبح دي.

أمير بهدوء: مش في عريس جاي لأختك .

رامي بإستغراب: وأيه يعني .

أميرة بغيظ: يعني لازم البيت يبقي علي سنجة عشرة.

سليم بهدوء :بس البيت نضيف يا أمي مفيش داعي للتعب. 

أميرة بحنان :مش موضوع نضيف ولا لأ دي فرحة يا أبني.

سليم بحنان: زي ما تحبي يا أمي بس متتعبيش نفسك.

أميرة بحنان :حاضر يا حبيبي بس معلشي محضرتش الفطار يا أبني ملحقتش.

رامي بصدمة :نعم أمال أنا هاكل أيه.

سليم بهدوء :ولا يهمك يا أمي هناكل في الشغل يلا يا رامي محتاجة حاجة يا أمي.

أميرة بلهفة: أه يا حبيبي محتاجة شوية حلويات وجاتوهات وفاكهة و.

رامي بمقاطعة :أيه يا أمي ده كله هو جاي يخطب ولا جاي يأكل.

أميرة بغيظ :كل واحد يقدم مقامه يا حيوان.

سليم بضحك :حاضر يا أمي هجيب كل إلي طالبتيه يلا يا رامي.

رامي بغيظ :يلا باي يا ميرو.

أميرة بضحك: لأ يا حبايبي لتعود لتكمل عملها من جديد .