Unicode
Oct-11,2014,Friday 5:00pm
"သီချင်းတွေထဲမှာ မင်းအမြဲ ရှိနေတယ်..
ကိုယ့်ရဲ့အတွေးတွေ မင်းပဲဖြစ်နေရမယ်
ခံစားချက်တိုင်းကို ဖန်ဆင်းပေးတဲ့သူ
ဘဝတခုလုံးဟာ မင်းကြောင့်လှနေတော့မယ်......🎼"
ဆုန်သင်းပါရ်ရဲ့"သခင်"သီချင်းလေးကို
ကားထဲမှာခပ်တိုးတိုးလေးဖွင့်ထားတယ်။
ချစ်ဖြိုး တစ်ယောက် အ ဝေ ခေါ်လို့သာ
ကားပေါ်တက်လိုက်လာတာ။ဘယ်သွားနေမှန်းလဲမသိဘူး။၁၀မိနစ်လောက်မောင်းပြီးတော့ YP Cafeဆိုတဲ့ဆိုင်သေးသေးလေးရှေ့မှာ အ ဝေ ကားရပ်လိုက်ပြီးဆိုင်ထဲကိုသူကပဲဦးဆောင်ဝင်သွားတယ်။ဆိုင်လေးရဲ့အတွင်းပိုင်းက သပ်သပ်ရပ်ရပ််နဲ့ချစ်စရာလေး။သီးသန့်အခန်းလေးရှေ့ သူတို့နှစ်ယောက်ရောက်သွားတော့
"ချစ်ဖြိုး မျက်လုံးမှိတ်ထား"
"ဟမ် ဘာလို့လဲ"
"အခန်းထဲရောက်ရင် သိလိမ့်မယ်ကွာ'"
မျက်လုံးမှိတ်ထားတဲ့ချစ်ဖြိုးကို အ ဝေကလက်ဆွဲပြီး အခန်းထဲခေါ်ဝင်သွားတယ်။
"ရပြီ ဖွင့်"
Happy 18th Birthday Chit Phyo
My Love is only for You
ဆိုတဲ့ နံရံမှာချိတ်ထားတဲ့စာတန်းလေးကို ချစ်ဖြိုးအရင်တွေ့လိုက်တယ်။ပြီးတော့ စားပွဲဝိုင်းလေးပေါ်မှာ အဖြူရောင် ခရင်မ်ပေါ်မှာရွှေရောင်ပွင့်ချပ်လေးတွေပါတဲ့မွေးနေ့ကိတ်လေး။ကိတ်ပေါ်မှာလည်း ရေးထားသေးတယ်။Happy Birthday Nyi တဲ့။
" ဟင် ဒါ.. ဒါ... ဟာ ဟုတ်သားပဲ
ဒီနေ့ငါ့မွေးနေ့ပဲ ဟာ surpriseအကြီးကြီးပဲ
ကွာ ဟမ်ပြီးတော့အောက်ကစာကြောင်းက
My love is......ဟာ ကိုကိုရယ်ဗျာ"
ပျော်လွန်းလို့ ခုန်ဆွခုန်ဆွဖြစ်နေရာကနေ
ချစ်ဖြိုး ငိုမဲ့မဲ့မျက်နှာလေးနဲ့ အ ဝေက်ိုရင်ခွင်ထဲအတင်းဆွဲဖက်လိုက်တယ်။အ ဝေ ခေါင်းလေးကိုပွတ်ပြီး ချစ်ဖြိုးမျက်ရည်လေးဝိုင်းလို့။ရင်တွေခုန်လိုက်တာမပြောနဲ့တော့။ချစ်ဖြိုးသူ့မွေးနေ့ကို လွန်ခဲ့တဲ့တစ်ပတ်လောက်သတိရနေပေမယ့် တကယ်လည်းမွေးနေ့ရောက်ရောသူ့မွေးနေ့ကိုမေ့နေရော။မေ့တယ်ဆိုတာကလည်း မွေးနေ့ကိုဖာသိဖာသာကျော်သွားချင်လို့ကို သူမွေးနေ့အကြောင်းသတိမရအောင်နေနေတာ။မွေးနေ့ရောက်ရင်သူအဖေ့ကိုသတိရလွန်းလို့။ပြီးတော့သူ့မွေးနေ့မှာ သူ့ဘေးမှာမိသားစုတစ်ယောက်မှမရှိဘဲဖြတ်သန်းရတာကိုလည်းသူအရမ်းဝမ်းနည်းတာ။ဒါကြောင့်မို သူမွေးနေ့ကိုတမင်မမေ့ မေ့အောင်နေနေတာ။အခုသူ့ကြိတ်ချစ်နေရတဲ့ကောင်လေးက သူ့အတွက်မွေးနေ့ပွဲလေးလုပ်ပေးပြီး သူ့ကိုချစ်တယ်တဲ့လေ။အိပ်မက်များလား။မဟုတ်ဘူး တကယ်ပါ။
သူ့ကို အတင်းဆွဲဖက်လာတဲ့ကောင်လေးရဲ့နောက်ကျောကို အ ဝေ ပြန်ဖက်ထားပြီး တဘဝလုံးမှာအလှဆုံးအပြုံးကိုပြုံးနေမိတယ်။မပြုံးပဲနေနိုင်ရိုးလား အ ဝေ အချစ်ကိုတွေ့ပြီလေ။ အ ဝေရင်ခုန်တတ်ပြီ။ချစ်သူလေးကိုဒီနေ့သူဖွင့်ပြောလိုက်ပြီ။
