بين الثأر والحب هويت بعيناه

البارت الثامن

#ريما

فتحت عيني شويه الدنيا ضلمة باوعت على الساعه جانت ال 11 الصبح كعدت فتحت البرده الدنيا عبارة عن ثلج صايره والنار طافيه فتت غسلت وجهي بارد الجو كلش شفتي متكشره ما جنت هيج هامله نفسي وايدي هم امشكه من البرد طلعت من الحمام ولكيت سترة بدر على الكرسي لبستها بيها عطره شكد هادئ العطر ما اعرف شون اشغل النار ردت افتح الباب وجان ينفتح بسرعه رجعت ليورة بدر جان وكال

بدر:ها ناويه تنهزمين

_اي هيج انهزم بهل لبس واضح مو بردانه هواي وين ..وين جنت

بدر:مامجبور اكول الج وين جنت لابسه سترتي

نزعت الستره وشمرتها عليه ضحك يستفزني وكعدت على الجربايه الغرفه ثلج تغطيت بالغطه جوعانه وملابسي رطبه بعدها ما نشفت تغطيت وجان شايل جياسه بيده وخلاهم على الجربايه وكال

بدر:شنو متعرفين تشغلين النار؟

_لا

بدر:كومي

_ها

بدر:كومي تعالي اعلمج

_لا ما اريد

بدر:مباقي وياج طول عمري حتى اشغل الج النار ولازم بعد تعتمدين على نفسج منا وهيج لان اختج برعايتج وانتي الي لازم تعتنين بيها كاعد يحجي الي وسام هي كلش مؤدبه وموهوبة بس كلش مشتاقه الج ومحتاجتج يمها لان انتي كل شي بقه الها ومتئذيه هواي تره بس مبينه الج هي مابيها شي وتريد تشوفج بس الواقع غير شي يكلي دائما تبجي لان مشتاقه الج ولأمج وابوج لهذا اريدج قويه فهمتي

كمت كعدت بصفه وعلمني اشمر الخشب وشون ارتبه حته تبقه النار مشتعله اكثر وقت ممكن ولازم مو رطب الحطب لان يدخن اذا رطب و وين ابقيه مخزون بالمستقبل وشون اخلي السائل وشون اشمر النار حته لا اتئذه لو احترك والمسافه الي بينه شكد تكون بقيت صافنه على النار واحس بالدفو على وجهي وكال

بدر:اشتريت الج كم شغله اضن انتي جنتي محتاجتهم لان اعرف متستغنين عنهم راح اسوي جاي جبت فطاير بالجبن لكيتها حارة

_تمام

فتحت الأغراض خليت الفطاير يم النار فتحت الجيس الثاني جايب ستره صوف الي احب الملابس الصوف بالشته والصوف الناعم وكتله شكرا وهو منطيني ضهره لبسته جان دافي وجواريب ورديه ضحكت مرطب بشره وشفه بطعم الكرز وكبوس طبعا ضحكت وباوعت عليه ولكيته يباوع عليه والدموع ترست عيني وكال