بين الثأر والحب هويت بعيناه

البارت الأول (الجزء الثاني)

#بعد ثلاث سنوات

#فرنسا

#بدر

اليوم اكو حفله لكبار الشخصيات العراقيه ماكو شخصيه زباله ومنافقه وحراميه ما اجوي لهل حفلة والي موجودين اشخاص محتاج ضروري اشوفهم واندمهم على اليوم الي عرفوني بيه اليوم تبادل ملفات وفلوس وتجاره مخدرات بينهم ومسوين هل حفلة حتى يغطون وساختهم بدلت ولبست قاط رسمي شلت اسلحتي فؤاد وسيف ويايه اليوم نخلص شغلنه وناخذ ملفات من واحد حتى نبدي بمهمه جديده جانو يسوقن وكاعد ليوره جنت مجرد اتخيل ضحكتها تخليني اتأمل يوم من الأيام راح اشوفها مره ثانيه واطلب منها السماح راح الكاها لابد يجي يوم والكاها وصلنه ونزلت فتح فؤاد باب السياره الي عود اني شخصيه مرموقه فتنه للفندق هائل جان وضحكنه بس شفنه البنات وضربني فؤاد على ضهري وكال

فؤاد:لا تطلع بدون وحده

_اشكرك خاف على نفسك

فؤاد :لا شكرا تذبحني الي بالبيت

ضحكت عليه بقينه نتمشى فتشونه اني وفؤاد و اسلحتنه عند سيف راح يفوت النه من المطبخ عنده علاقه ويه وحده من النادلات الي بالفندق هنا راح تفوته بدون تفتيش تمشينه اتفاقنه بغرفه رقم 13 راح نتشاوف وناخذ الأسلحة ورحنه فتح الباب يضحك وفتنه الأسلحه على الفراش اخذت مسدسي وفؤاد هم نزلنه للحفله اخذت كلاص شمبانيا بس شكل ما احبها ولا احب الشرب اصلا بقينه نسولف اني وفؤاد سيف ينتضرنه بره ناس هواي يركصون وبنات عارضات ازياء نباوع بالوجه بس نريد نشوف واحد من القاده الكبار اسمه (مصطفى) عنده اليوم صفقه مخدرات اشتغلت اغنيه

nf_let you down

حيلل وين رجعتني جانت كل ما تسمعها بالسياره تغني وتعرف صوتها مو حلو بس جانت تحب تضوجني ومتدري حتى ازعاجها احبه بقه فؤاد يحجي بالي مو يمه يم الأغنيه العطر مو غريب انداريت ليورة وبنفس اللحضه بنيه رفعت راسها بقيت صافن عليها وضحكت

فؤاد:ريما هاي

لزمته كل قوتي من جتفه بقيت صافن عليها وهي هم للحظه احس نفسي نكطع ما نزلت عيني ولا عينها اريد اشبع من شوفتها لحد ما واحد فرنسي خله ايده على خاصرتها وباسها من ركبتها ضحكت جانت لابسه ثوب اسود طويل مبين كل تفاصيل جسمها الي احبها وضحكت من باسها وبقت تركص وياه شعرها مسويته غامق وعيونها عدسات ومشو هذا نفسه الي المفروض ياخذ مصطفى منه الملفات نداريت على فؤاد شربت الكلاص الي بأيدي وخليته على الميز وكال

فؤاد :هي لو مو هي فهمني

_ه..هي اسكت لا تخلي احد ينتبه حاجزين بغرفه رقم 12 مرحبا ومصطفى بالغرفه رقم 22