بين الثأر والحب هويت بعيناه

البارت السادس

ندارت بسرعه وباوعت عليه التوب لون بيج بلون جسمها اثار خراميش على ركبتها وصدرها مشيت ولزمت البلوز ولبسته وكالت

ريما:بس..ردت اغسل وجهي

_حسام الي سوه هل شي

ريما:اي..اي عاد.ي

وخرت البلوز من ركبتها وسحبتها من ايدها كعدتها يم الجنط وباوعت عليها وكلت الها

_لا تتحركين فهمتي شنو معنى هل كلمه ابقي كاعده دقايق

باوعت عليها لكيتها تعيب خزرتها ودارت وجهة مشيت كسرت خشب ورجعت الدنيا بدت تغرب خليت الخشب بالكاع وشعلت نار قريب منها مخليه ضهرها على جنطتها ومتغطيه وكالت

ريما:نرتاح شويه اكدر اغمض عيني شويه

_لا

ريما :كلش نعست اريد بس

_اول شي خلي اعقم الجروح احسن ما يلتهب واكلي وبعدين ارتاحي

ريما:لا ما مشتهية

بالكوة فاتحه عينها جانت هلكانه تعب وكعدت يمها خليت معقم بالكطنه وخرت شويه البلوز من صدرها مأذيها ابن الكلب عقمت ركبتها ويم صدرها ورجعت لبست والستره طلعت الها الكبوس وخليته براسها قريبه كلش مني رفعت راسها وضحكت باوعت عليها وكالت

ريما:لا تعاملني بلطف ما انطيك الرمز ما انطيه

ضحكت عليها مخبله وطلعت الجفوف ولبستهم الها صارت مثل الطوبه وخليت الأكل المعلب يم النار شويه حته يدفئ وانطيتها بدت تاكل اباوع عليها بطرف عيني وكلت الها

_شراح تسوين من تشوفين اختج

ريما:احضنها

_ههه كلش ضريفه شراح تسوون وين ترحون اكدر ادبر الكم مكان

ريما:يكفي تطلعون من حياتنه وما اشوف احد بيكم واني ادبر نفسي الله لا يعوزني عليكم

_اهلج توفو وانتي تحتاجين حمايه

ريما:كافي تذكرني اهلي توفو اهلي توفو بسببك ما اريد حمايه ولا شي اريد اوصل لأختي وما اريد اشوف اي واحد منكم

وخلت العلبه الفارغه بالجيس وتمددت وخلت راسها على الجنطه وجانت مخليه الغطه الثاني على الجنطه مالتي بقيت اباوع على ملامح وجها شكد حلوة وكلش راغب بيها واليه بس يا مستقبل ويه واحد مجرم خشمها احمر صاير وشفتها هم وره شويه كمت لزمت الغطه وغطيتها عدل بقيت كاعد احسب لطلقات الي عندي ورجعت المسدس بضهري وخليت حطب بالنار ضوه النار عاكس على وجها الطفولي بريئه كلش دخنت جكاره تحركت ولزمت الغطه بايدها كل قوتها وكالت بصوت ناصي بابا طفيت الجكاره شهكت وفتحت عينها وكعدت بسرعه وكع الكبوس بالكاع شعرها جان مفتوح نزعت الجفوف وكلت الها