بين الثأر والحب هويت بعيناه

❤️البارت الخامس عشر ❤️(نهاية الجزء الاول )

#ريما

اموت الف مره كل ما اذكر بدر شسوه بيه وبنفس اليوم من فؤاد كاعد يهددة بيه وكفت وراه حته يحميني بعدني اثق بيه رغم كل الي سواه ما اكدر انام عدل ولا اكدر اكل جسمي مدمرني وجع بطني ورحمي احس بوجع مو طبيعي كل ما تذكر الصور مال شمس اموت ادعي الله ياخذني ولا افكر بابا هيج مسوي واله ايد بهل موضوع عمري كله جنت اكول ابويه اكثر اب مثالي بهل دنيه واتمنى احب واحد مثل بابا وافتخر بيه بس طلعت طول حياتي عايشه بوهم وكذبه داخل كذبه وبدر الأنسان الي حبيته من كل قلبي كسر شي بيه وبداخلي ما اكدر اباوع عليه ولا اكدر احجي وياه ولا اريده يتقرب مني ندك الباب جنت كاعده يارب مو هو يا رب ميجي يمي فتح الباب وفات جان هو سد الباب وكفت وكال

بدر :كعدي

لابس كله اسود لحيته طولانه شعره متخربط وجهة تعبان مشه كعد يمي بقيت منزله راسي بالكوة مسيطره على نفسي

بدر:شوفيني ايدج

مكدرت ارفعها لزمها وفتح الضماد كام فات للغرفه عقمها ورج ضمدها وكال

بدر:عقميها كل يوم

احس بيه يباوع عليه اني جنت منزله راسي والله كام طلع من الغرفه يله كدرت اتنفس ما طلعت من الغرفه ابد صارت الدنيا ليل اجتي نورة وكالت الي خلي نطلع راح يطلعون كلت الها ما اريد اطلع بقيت حسيت بيهم طلعو واني بقيت بوحدي جنت لابسه ثوب عريض وابيض دلع فات للغرفه باوعت عليه وصارت عيني بعينه ونزلت راسي بسرعه لابسه قاط يتفاخر عبالك فايت للغرفه بس مبقي لحيته نفس الطول وكف كبالي مكدرت ارفع راسي جسمي كله يرجف خله ايده جوه حنجي ورفع راسي بقيت عيني ليجوة وكال