بين الثأر والحب هويت بعيناه

البارت الثاني عشر

#بدر

صارت عصبيه وفاتت جسمها صدرها ورجلها كلها طالعه وتكعد كبالي والزلم يباعون عليها ولازم ابقه مسيطر على نفسي هل رزلتها بقيت كاعد فتحت دكمه القميص اختنكت وطلعت من الحمام لو باقيه على غضب الله هذاك احسن وكلت الها وبالكوه نبره صوتي طلعت عاديه هاي تخبلت رسميا

_ريما

ريما:شنو اعتقد ما الك حق تتدخل بلبسي هذا ومراح اغيره شنو بس لا تحبني وتغار عليه انت كلت بس اوصل لدانة تعوفني

_الي يعجبج لبسي واذا تردني رجعي على هذاك

بالكوه لزمت نفسي مشت على المرايه رجعت كعدت كبال المرايه اباوع عليها عدلت حمرتها وخلت عطر على معصمها ومسحت يم ركبتها وشعرها نزلته عدل لابسه ثوب اسود طويل مطلع نص صدرها ورادنه صايرات على زنودها وضهرها طالع وفتحه من كدام واصله لنص فخذها بعلت ريكي واني اباوع عليها ودارت وجها وبقت تباوع عليه وابتسمت وكالت

ريما:جاهزة

_يله متاخذين ستره

ريما:لا نكمل تمثيله زواجنا من ابرد تخليها على جتفي وهل سوالف مال حبجيه الرخيصه

_ماشي

تحجي على اعصابها واني هم وابتسمت وما حجيت شي بس نهايه الليلة مراح تخلص على خير وهذا احساسي ومتأكد من هل شي ونزلنه رحنه للمطعم كلش راقي جان وهادئ وخليت ايدي على خاصرتها ومشينه كعدنه بمكان هادئ موسيقى هادئة اجه النادل وسئل شنو نشرب وكلت اله

_خليها عصير اثنين

بقه صافن عليه وكال عصير استغرب وكتله

_اي المدام حامل واني وعدتها مراح اشرب لحد ميجي ابنه بخير واني رجال يوفي بوعده

بارك النه وهي صارت حمره واني بالكوة مسيطر على ضحكتي وفرحان النادل وطلبنه اكل وعصير وراح ولزمت ايدي كل قوتها وكالت بعصبيه

ريما:حامل هذا شكل حامل مدام اني

ضحكت ما سيطرت على نفسي ولزمت ايدها وبستها من رجع النادل وخله عصير النه ضيافه لان حامل المدام درت وجهي حته ما اشوف تعابير وجهة تشكرت منه بقيت لازم ايدها وما احسها غير عاضتني باوعت عليها ضحكت من كل قلبي هاي كارثه البنيه وسحبت ايدها من بين ايدي واخذت كلاص العصير وكلت الها

_مو عندج

ريما:الطفل عاجبه يشرب