بين الثأر والحب هويت بعيناه

البارت السابع

صوره البارت ل ريما اقرب شي لكيته للبطلة 🌚

بدر:راح نتزوج بس اوصلج لتركيا ننفصل منكدر نسافر منفصلين لازم نسوي هيج شي حته نبعد الشبهات عنه لان راح يدورون علينه وهم يعرفون اشكالنا ويعرفون اني وياج كل شخص وحد بس من نتزوج ونغير كم شي بهوياتنه واشكالنا محد راح يشك بينه لان متزوجين وشاردين من اهلنة لان رفضو يزوجونه قصه لطيفه مو

_لا

بدر:مو بكيفج الموضوع خلص وراح يتم بس نحتاج توقيعج وبصمه ايدج

_كتلك لا يعني لا مو كلشي بكيفك ما تزوجك ما تزوج واحد مجرم ولا اريد اتقرب منك مجرد افكر بهل شي تلعب نفسي منك ومن نفسي اني اخذ واحد مجرم كتل اهلي وامي وابويه كبال عيني ماتو بسببك وتريد اصير بأسمك بعقلك شي انت ايع الله ياخذك

ما احسيت غير ضربني راشدي على وجهي وكعو المواعين بالكاع واني راسي وجسمي كله صار على الجربايه على خاصرتي المخيطه وصاح بعصبيه كل جسمي رجف خليت وجهي بالغطه ما اريد اباوع عليه تجاهلت كل الوجع ضرب الحايط كل قوته طلع صوت قوي كعدت بسرعه ورجع ضرب الحايط اجتي بأطار الصورة وكسرها وجسمي كام يرجف كله من الخوف باوع عليه نزلت راسي بسرعه ولزمت الغطه جسمي يرجف كله وطلع بره الغرفه وسد الباب كل قوته بس طلع بالكوة اخذت نفس والدموع متوكف من عيني من الوجع الي بخاصرتي والخوف خليت ايدي نملت دمت عرفت الخياط نفتح دنكت بالكاع ولميت الكزاز فات للغرفه ومشه وكال

بدر:عوفيه

بقيت اجمع الكزاز ركع كبالي وخر ايدي خفت منه ورجعت ليورة وكتله

_اسفه اسفه بس لاتئذيني

بدر:بسببج بسبب تصرفاتج وكلامج كاعد اسوي كل شي لخاطرج ولخاطر توصلين بسلامه لأختج وانتي تعاندين

_جذاب تسويها علمود الملفات

صحت بقه يباوع عليه الدموع متخليني حته اباوع عدل وكف بسرعه ورجعت على الحايط وكتله بخوف وارجف منه

_بد..بدرلا تئذيني

صار قريب مني كلش رفع البلوز بقيه يباوع على خاصرتي وضرب الحايط كل قوته وبسرعه حضنته جسمي الي تصرف مو اني جسمي هيج سوة خليت راسي على صدره وايدي لزمت بيها تي شيرته من ضهرة كل قوتي وكلت اله بسرعه وبالكوة اخذ نفس

_حتزوجك هذا هو بس بس لا تأذيني

خلي ايده عليه وسحبني كل قوته لحضني وكال وشفته على راسي

بدر:ريما لا تعانديني ريما اعصابي خسرت بيها هواي ناس لا تخليني هيج اسوي بيج كاعد اسوي كلشي لمصلحتج حقج انسان مقزز الي كدامج جان اله ايد بمقتل اهلج والسبب الي انتي بيه هسه بسببي واني انسان مقزز ايدي كلها متلوثه بدم ناس بس الي اريده وهذا قراري اريدج بمكان امن محد يتقرب منج تبدين حياة جديده ويه اختج بعيدا عن كل هل قذارات