بين الثأر والحب هويت بعيناه

الجزء الثاني (البارت الثالث)

ريما:جوعانه صار يومين مماكله شي ماعندي فلوس

_شنو

ريما:جوعانه شنو شنو

_انطيتج فلوس هواي يعيشونج عشر سنين على الأقل

ريما:اي صح بس صرفتهم حته اوصل لهل مستوى وهواي بذرت بيهم

_مم مستوى يعني مطورة ؟

خليت ايدي على خاصرتها تقربت منها شفتي صارت على شفتها وكالت

ريما:ولا تفكر بالموضوع تحلم تمس شي مني

وابتعدت رجعت كعدت بالكرسي مالتها وسقت ريما مو هي نفسها متغيره الف درجه قويه كلش قويه لدرجه ما اكدر اشوف بعينها اي حزن او حب لهل حياة نضراتها جامده رايده توصل لغايه شنو هاي الغايه ما اعرف للحضه ذكرتني بنفسي من بديت اكتل اول فتره بدون احساس او مشاعر والليل كله ما انامه بس اتذكر وجوه الناس الي كتلتهم

_شنو عاجبج تاكلين ؟

ريما:هبمرغر هواي جبن فوكاه وفنكر وكلاص ببسي جبير وبيه هواي ثلج وراها اريد شي حلاه احسب هل حساب

رحت للمطعم اتصلت بفؤاد وسيف وكلت الهم وين اني راحت غسلت ورجعت كعدت وطلبها جان على الميز وتأكدت الطماطه بدون كشر وماكو بصل وبدت تأكل ما مهتمه لأي أحد باوعت عليه وكالت

ريما:لا تخاف الرام بمكان امن

ورجعت تاكل فات فؤاد وسيف بقو صافنين عليها كعدو طلبو اكل اني بس كهوة فؤاد ميكدر يحجي شي وسيف حجه وياها بس مجاوبته ولا باوعت عليهم وكملت اكل نص اللفه وكلاص الببسي والفنكر خلصتهم وتربعت على الكرسي و اشرت للنادله اجتي وكالت الها تريد ايس كريم بس شوكلت و كيكه هم شوكلت وجابتهم الها اكلت نصهم شويه بقيت بس اشرب كهوة فنجان وره فنجان لحد ما خلصت الأكل هي وكالت

ريما:شكرا الأتفاق ك الأتي خمسين الف دولار و اريد اسم واحد من اتباع حسام وانطيك الرام

حسام هذا الي تريده حسام ؟؟ عينها بنص عيني ما نزلت عينها وهي تحجي تريد تاخذ ثارها من حسام ضحكت وكلت الها

_تعرفين دانه و وسام صار عدهم ريمة وهلال عمره سنتين وريمه 9 اشهر هم حاولتي تتواصلين وياها وياهم تطمئنين عليها ؟ تعرفين شكد دورت عليج ورسلت ناس بس حتى تعرف شي عنج

ريما:هواي يريدون هل ملفات شروطي واضحه لو اعيدها الك ؟؟

_كل سنه اروح يمهم زياره اطمئن عليهم يكولون ريمه هواي تشبهج هواي من انتي صغيره بالفعل شايله نفس جمال عيونج