ရဲကားသည် ပုဏ္ဏရိပ်စံအိမ်ရှေ့၌ ရပ်သွားခဲ့လေသည်။ထိုနောက် ရဲ ယူနီဖောင်း ၀တ်စုံ အပြည့် ၀တ်ထားသည့် မောင်နဲ့ မသိမ်းမယိမ်းလူ ရွယ် နှစ်ယောက် ကားပေါ်က ဆင်းလာခဲ့လေသည်။
" ကိစ္စထူးလို့လား မင်းနောင် ၊ လာ ဧည့်ခန်းထဲသွားရအောင် "
" ကိစ္စက ထူးတယ်ကွ ရှင်းရိပ် ၊ မင်း စုံးစမ်းခိုင်းတဲ့ကိစ္စ သိရပြီ လေ "
မောင်က ကားပေါ်က ဆင်းလာသည့် ရဲတစ်ယောက်အား စကားများပြောရင်း ဧည့်ခန်းထဲသို့ ၀င်လာကြသည်။ကြည့်ရသည်မှာ မောင်တို့က ရင်းနှီးကြပုံပါပဲ ။ ဧည့်ခန်းထဲ ၌ စံအိမ်ရှိလူအားလုံးစုေ၀းကာ ဆိုဖာတွေပေါ်မှာ ထိုင်နေကြပြီဖြစ်သဖြင့် ကျွန်မလည်း အနီးနားက ဆိုဖာပေါ်တွင် ၀င်ထိုင်လိုက်သည်။
" ဘာထူးလို့လဲ မင်းနောင် "
" ငါပြောမဲ့ စကားကို ဒီမှာရှိတဲ့ လူတွေပါ ကြားဖို့ မင်းအတွက် အဆင်ပြေမှာလား "
အခုမှ၀င်လာသော ကျွန်မကိုကြည့်ကာ ရဲအုပ်ကြီးက ပြောလာလေသည်။ မောင်က ကျွန်မရှိရာကို တစ်ချက်ကြည့်လာခဲ့သည်။
"ဘာမှမဖြစ်ပါဘူး ပြောပါ မင်းနောင် "
"မင်း ဇနီးနန်းကြာရိပ်ကို ဓားနဲ့ ထိုးသွားတဲ့သူ က အခု စခန်းမှာ သူကိုယ်တိုင် လာ၀န်ခံတယ် ရှင်းရိပ် "
" ဘာ ..... သူကိုယ်တိုင် လာ၀န်ခံတယ် "
ဒေါသရိပ်သန်းနေသော မောင်အသံ၌ အံ့သြမှုများလည်း ပါ၀င်နေသည်။ ရဲအုပ်ပြောသော စကားသည် ကျွန်မအပါအ၀င် စံအိမ်ရှိ လူအားလုံးကို အံ့အားသင့်စေ၏။
" ဘယ်သူလဲ မင်းနောင် ၊ ငါတို့သိတဲ့ လူတွေထဲကလား "
" အင်းဟုတ်တယ် ပြောရရင် မင်းတို့ ဆွေမျိုးတွေထဲကပဲ ငါ ..... "
ရဲအုပ်က ပြောရမှာ အားနာနေသည့်ပုံပေါ်သည်။
" ပြောပါ မင်းနောင် ဘယ်သူပဲဖြစ်ဖြစ် "
ရဲအုပ် သက်ပြင်းချလိုက်သာကို ကျွန်မ မြင်ရသည်။ ကျွန်မ စိတ်ထဲ၌ မြင်းရိုင်းတစ်ကောင် ကဆုန်ပေါက်နေသလိုဖြစ်နေ၏။ ကျွန်မ အား ဓားနဲ့ ထိုးလိုက်တယ် ဆိုသည်ထက် အဆိုပါလူသတ်သမားက မောင်ကို သတ်ဖို့ ရည်ရွယ်ခဲ့သူမလား ။ကျွန်မ မသိလိုက်မသိပါသာ လက်သီးဆုပ်လိုက်မိသည်။
YOU ARE READING
'' အချစ်ကြီးသူ၏ ရင်ထဲ၀ယ် ''(completed){Z+U}
Romanceသွေးသံသရဲရဲနဲ့မြင်ကွင်းများ ၊ လူတစ်ယောက် ကြောက်မက်ဖွယ်သေဆုံးနေခြင်းများ ၊ သွေးပျက်ဖွယ် အော်ညည်းသံများကို ကျွန်မ မကြောက်ပေ ...... ကျွန်မ ငယ်ငယ်လေးထဲက မနက်တိုင်း အိပ်ယာက နိုးထလာခြင်းသည် မိဘတွေရဲ့ နွေးထွေးတဲ့ အသံတွေနဲ့ နှိုးသာကြောင့်မဟုတ်သလို...
