" بسم الله الرحمن الرحيم "
" جعلنى ملتزمة "
" البارت الواحد والعشرون "
_ اييييييية انت بتقول اية يا "عبد الرحمن "
عبد الرحمن بهدوء :
_ الى سمعتية ياحياة انا هخطب نهلة
حياة بغضب :
_ لا دة انت اكيد جرالك حاجة يا "عبدالرحمن "
عبدالرحمن بنرفزة :
_ جرالى حاجة يعنى اية يا "حياة" انتى نسيتى انك بتتكلمى مع اخوكى الكبير
حياة بنفعال : لا منستش ياخويا ياكبير ، بس الى بتعملة دة مش عدل
عبد الرحمن بنفعال :
_ وانا كنت ظلمت مين بقا ياست "حياة" هنام ومعدلتش ؟ !
حياة بهدوء : ظلمت شذى
عبدالرحمن بغضب :
_ انا مظلمتش حد يا"حياه'' وانتى عارفة كدة كويس واظنك عارفة مين فينا اللى ظلم التانى ، وبعدين خلاص دة كان موضوع وخلص و قولتلك مية مرة متفتحيش سيرتها معايا تانى !
حياة بهدوء :
_ بس انت عارف انها كانت مظلومة وانها بتحبك لحد دلوقتي وانا متاكدة انك انت كمان بتحبها ،لية عاوزة تعمل فيها وفنفسك وف نهله كدة انت كدة بتظلمهم التنين وبتظلم نفسك كمان
عبدالرحمن بتوتر :
_ لا يا" حياه " انا مش بحبها انا اصلا عمرى ماحبتها ، ولو هى لسة بتفكر فيا قوليلها تنسانى خالص ومتفكرش فيا مجرد تفكير ، انا خلاص هبداء حياة جديدة مع انسانة تصونى وتصون اسمى وتحافظ عليا وعلى سمعتى .
حياة بنرفزة :
_ انت ازاى بقيت بالقسوة دى ،
من امتى وانت قلبك بقا جامد كدة لية كل دة لية عشان واحد حقير استغلها وهى ضعيفة محدش جمبها وياريتو كان حصل بنهم حاجة عشان تفضل تفكر فيها بالشكل دة ، لاكن الحمدلله ربنا سترها عليها وملحقش يعملها حاجة والفيديو الحقيقى انت شوفتو بنفسك وعرفت اية الى حصل بظبط ساعتها وانها مكنتش فوعيها .
عبدالرحمن بغضب :
_ ولو ولو يا"حياة" انا مستحيل اقدر انسى انها باتت ليلة ف حضن واحد تانى مستحيل انسى منظرها وهى ... بطر عبارتة ثم اكمل وقال انسى يا"حياة" الموضوع دة وخلينى انا كمان انسى "شذى" لو اخر وحدة ف الدنيا مش هرجعلها مش انا الراجل الى ارضى ع كرامتى انى اشوف مراتى فوضع زى دة واقبل بية ، وحتى لو محصلش بينهم حاجة يكفى انها كانت معاه اصلا ، وانا مش عاوز انسانة زى دى ف حياتى انا عاوز وحدة اكون اول راجل ف حياتها زى ماهى هتكون اول ست ف حياتى ، تكون ليا لوحدى محدش لمسها غيرى ، محدش شاف جسمها غيرى ، اول حد تحضنه وتنام جمبه هو انا ، كل دة نفسى احسة مع الست اللى هتكون مراتى ، شذى لورجعتلها كل مااشوفها هفتكر انها ..... "حياه" ارجوكى خلاص اقفلى الموضوع دا للابد
حياة بسخرية وهى تنظر له :
اية ياشيخ "عبدالرحمن" نسيت ان ربنا بيسامح وبيغفر وبيتقبل توبة اللى بيخطئ وندمة ولا اية ،
وهى تابت وندمت وبقت مع ربنا لية القسوة دى عليها وعليك لية تظلمها ، وتظلم نفسك
، وتظلم نهلة فوسطكم ،
عبدالرحمن بنفعال :
_ حياة قولت خلاص الموضوع دة خلص انا هتقدم لنهلة وهيبقى كتب كتاب وفرح على طول
حياة بحزن:
_ برحتك ياعبدالرحمن بس ياريت ما ترجعش تندم فالاخر .
