نجم تيك توك يقع في حب بنت الريف

الفصل الخامس

وفي المطعم ..............
حنين : هاتلي اتنين بيتزا وسط و واحد برجر و ....

محرم مقاطعا حنين : بسسسسسسس ايه هو لسه فيه و

حنين : وانت مالك هو انت اللي هتحاسب ولا انا ده ايه ده

ثم تعود حنين لإكمال طلباتها ليبدأ محرم في تخبيط كفيه عجبا من هذه المفجوعه

أما جنى فأخذت تعد للجرسون عدة طلبات لا تقل شيئا عن طلبات حنين ولكنها أنهت كلامها قائله : و كمان واحد بيبسي دايت

شهاب : لأ لزمته ايه البيبسي الدايت بعد كل اللي انت طلبتيه ده

لتنظر له جنى شزرا ثم تنظر للجرسون

جنى : ها فهمت

ليهز الجرسون رأسه بمعنى نعم

جنى : اياك تنسى حاجه

ايه : تعالى بقى بص انا مش هطلب كتير انا عايزه ............... وبس

اينوا : دا واضح أن الموضوع ده وراثه في العيله

محمد جلال : اماااال

ليميل فيزو على لميس : هو انت كمان كده

لتحرك لميس رأسها بمعنى نعم مع بسمة أسف

فيزو : انا كمان

لميس : انت كمان ايه

فيزو : انا كمان كده

لميس : دا احنا زمايل في المهنه بقى

فيزو بنبرة فخر : أومااااال

لينتهوا جميعا من الطلبات وبعد فتره من الوقت يأتي الجرسون بالطلبات ليبدأوا في الأكل

جنى و فمها مليئ بالأكل : مالك يخويا بتبص كده ليه

شهاب : لأ ولا حاجه انا بس عندي سؤال واحد

جنى : اتنيل اسأل

شهاب : هو انت على طول مفجوعه كده

جنى : نعم يخويه وبعدين انت مالك أصلا

شهاب : لأ ولا حاجه بس انا خايف تخلصي الأكل اللي في ايدك و تاكلينا

جنى : شكلي كده هموت حد النهارده

شهاب : نعم نعم يا عمر مين اللي يموت مين

جنى : شكلك نسيت العلقه بتاعة المحل

ليبدأوا في الشجار من جديد وكأنه شيء لا يملون منه

أما عند محرم و حنين

محرم وهو ينظر لحنين : يا ساتر يارب

حنين : نعم ... مالك

محرم : لأ ما فيش

حنين : اه اصلي بحسب

وبعد فتره أنهت لميس أكلها فأخذت تنظر حولها لتجد شطيرة فيزو لتضع يدها عليها لتأكلها

فيزو : بتعملي ايه دا بتاعي انا

لميس : بص شوف مين اللي هناك ده

ليدير فيزو وجهه حيث أشارت لميس فلا يجد شيء ليعيد النظر إلى لاميس مره اخرى ليجدها تأكل في شطيرته

فيزو : يا بنت الخطافه

لتشير لميس له بالباقي من الشطيره

لميس : تاخد

فيزو : لأ شكرا يختي

لميس : انت حر دي طعمها تحفه

فيزو : لأ انت كده بتحنسيني

لميس : كان نفسي أقولك اتفضل تاني بس للأسف خلصت

فيزو : عادي ولا يفرق معايا كده كده هطلب تاني

لميس في سرها : وانا اكلهم تاني

فيزو : نعم بتقولي حاجه

لميس : لأ ولا حاجه

فيزو : طيب انا هطلب تاني أطلبلك معايا

لميس : لأ شكرا

فيزو : براحتك 

أما عند حبيبه فقد كانت تضع كل تركيزها في الأكل غافله عن العيون التي تتأملها بتركيز
وبعد فتره لاحظت حبيبه تأمل حمو العربي لها

حبيبه ببرائه : تاخد

حمو العربي : ها .. لأ شكرا

حبيبه : لا والله شكلك عايز بس مكسوف

حمو العربي : يا بنتي مش عايز والله

حبيبه : خلاص براحتك دا حتى طعمو حلو

ليضحك حمو العربي على طفولتها

ولم يخلوا الحديث ايضا من مشاكسات ايه و اينو التي اعتادوا عليها من أول لقاء بينهاما

وبعد فتره من الوقت انتهوا اخيرا من الاكل و خرجوا من المطعم

ايه : يلا بقى نروح محل الأنتيكات علشان نجيب هدايا

محمد جلال: هدايا ايه ؟

ايه : هدايا للعروسه ولا عايزنا ندخل أيدينا فاضيه

محمد : لأ طبعا ازاي يلا بينا نروح محل عم محمد صاحب بابا

ايه : يلا

ثم ذهبوا جميعا لمحل انتيكات فخم في المول

صاحب المحل ( محمد ) : اهلا اهلا بالغاليين ولاد الغاليين

محمد جلال : ازي حضرتك عامل ايه

محمد : الحمد لله بخير وانت عامل ايه و باباك عامل ايه

محمد : بخير والله الحمد لله

وبعد الترحيب بدأوا جميعا في اختيار الهدايا بعد الانتهاء رفض صاحب المحل أن يأخذ منهم المال وبعد إصرار كبير منهم اخذ منهم جزء بسيط من المال

ثم خرجوا جميعا من المول و عاد كل واحد إلى منزله

وبعد مرور أسبوع  كان الجميع يجهز الحقائب للسفر حتى اصدقاء محمد جلال والذي طلبت منه العروس ( نور صلاح ) انا يطلب منهم الحضور للفرح
وبعد فتره ركبن الفتيات السيارات و توجهوا لمنزل العائله في البلد

وفي البلد ............

كده الفصل خلص و اشوفكم في الفصول الجايه أن شاء الله

صلوا على من بكى شوقا لروئيتنا 🤲♥️