نجم تيك توك يقع في حب بنت الريف

الفصل السادس عشر

حبيبه : يعني انت هتسيبيه

مايا : لو فضل مٌصر على رأيه هسيبه

جنى : بس هو بيحبك

مايا بحزن : وانا كمان بحبه بس مقدرش اعمل اللي هو بيقوله

حبيبه : ربنا يصلحلكم الحال

مايا : اللهم امين

وقطع حوارهم رنين هاتف مايا معلن عن اتصال مراد

جنى : اللهم صل على النبي بركاتك يا شيخه حبيبه

حبيبه : ردي بسرعه

مايا : الو السلام عليكم

مراد : وعليكم السلام اذيك يا مايا عامله ايه

مايا : انا الحمد لله وانت

مراد : تمام الحمد لله انا كنت بتصل بيكي علشان اقولك خبر حلو و انا واثق أنو هيفرحك

مايا : خير شوقتني

مراد : انا هرجع اقعد في مصر علشان خاطرك

مايا بفرحه : بجد يا مراد يعني احنا هنعيش في مصر على طول

مراد : ايوه بس كل فتره كده هبقى اسافر اطمن على الشغل

مايا بفرحه كبيره : بجد شكرا يا مراد

مراد : طيب ايه المفاجأه دي ما تستهلش خروجه حلوه

مايا : ما انت عارف ان عمو مش هيوافق

مراد : ملكيش دعوه انا هعرف اخليه يوافق بس وافقي انت الاول

مايا : ماشي انا موافقه يا مراد

مراد : طيب ما فيش تصبيره كده

مايا بزجره : مرااد

مراد : عيون مراد و روحه من جوه

اخذت حبيبه الهاتف من مايا

حبيبه :انت عارف لو ما قفلتش دلوقت ياض يا مراد وربنا لقول لخالو على اللي انت لسه قايله ويبقى لا خروجه ولا جوازه

مراد : خلاص خلاص حرمت والله

أنهت حبيبه الاتصال لتضحك هي و جنى و مايا

أما عند شباب التيك توك

فيزو و حمو العربي: الف مبروك يا شهاب

شهاب : الله يبارك فيكم و عقبالكم

فيزو : طيب بمناسبة عقبالكم دي انا حابب اقول حاجه

حمو العربي: و انا كمان

اينو : خير

فيزو : انا بحب لميس و قررت اتقدملها

حمو العربي: وانا كمان بحب حبيبه و قررت اتقدملها

محرم بفرحه كبيره: قولوا والله

شهاب: الف مبروك يا شباب

فيزو و حمو العربي: الله يبارك فيك يا شهاب

اينو : و هتسيبوا  السوشيال ميديا

حمو العربي: انا كده كده كنت واخد الموضوع تسليه و عارف ان هيجي يوم و اسيبها

فيزو : وانا كمان

شهاب : ربنا يوفقكوا بس هتروحوا تتقدموا امته

حمو العربي: أن شاء الله لما موضوعك يخلص هنكلم محمد جلال و نروح نتقدم سوا

شهاب : ربنا يتمملكوا على خير

حمو العربي: و يتمملك

شهاب : امين 

.........................
وبعد اسبوع مر بدون اي أحداث جديده تقدم شهاب لخطبة جنى من جديد ولكن في هذه المره وافق أهل جنى عليه لأن حياته أصبحت مستقره ومعه وظيفه وتغير للأفض من أجلها وتم تحديد موعد الخطوبه بعدها بإسبوع

وبعدها بإسبوع ..........
في منزل عائله الشيشيني ....
جنى : حلو الفستان دا يا حبيبه ايه رايك

حبيبه : انت احلى والله

ابتسمت جنى لتظهر غمازتيها و تنغلق عيناها بشكل لطيف و تحتضن حبيبه

مايا : وانا ماليش في الحضن ده ولا ايه

جنى : تعالي يا ميمو

واحتضنوا بعضهم حضنا جماعيا يا لها من علاقه جميله 💖

أما في منزل شهاب .......
دخلت والدة شهاب إلى غرفته لتجده يعدل من بدلته أمام المرأه و يبدوا على وجهه السعاده حتى أنه كان يغني

والدة شهاب : ربنا يسعدك دايما يبني

شهاب وهو يحتضنها بسعاده و بقوه : و يخليكي ليا يا ست الكل

ثم أخذ شهاب والدته و ركبوا السياره و اتجهوا إلى منزل عائله الشيشيني حيث ستنعقد الخطبه

وبعد فتره من الوقت وصل شهاب و والدته إلى منزل العائلة

نزل شهاب و والدته من السياره و استقبلته العائله بترحاب

وبعد السلام و الترحاب دخل شهاب إلى المنزل وجلس في انتظار أن تظهر حوريته لتخرج جنى من غرفتها بفستان رقيق فكانت حقا كالحوريه مع ابتسامتها اللطيف اللتي تجعل قلبه يرفرف
ما أن رأها شهاب حتى وقف و تقدم لها و أعطاها بوكيه الورد لتبتسم هي برقه وخجل لتجعل عقله يجن
شهاب بهمس حتى لا يسمعه احد: يخربيت حلاوتك

نظرت له بعبوس فقال : خلاص خلاص متكشريش مش هقول حاجه تاني

عادت ابتسامتها إلى وجهها وجلسوا في المكان المخصص لتتم طقوس خطوبة # شهاب و جنى
وسط سعاده بالغه من العائله و الاصدقاء

ولكن هل ستبقى هذه السعاده إلى الابد ام للقدر رأي آخر

...................

صلوا على من سيشفع لنا 💖🥺