نجم تيك توك يقع في حب بنت الريف

الفصل السابع عشر

وبعد مرور شهر بدون أي أحداث جديده......
حمو العربي على الهاتف مع محمد جلال ......

حمو العربي : بقولك ايه انا عايز رقم عمك منصور

محمد جلال: ليه هتشتكيله مني ولا ايه

حمو العربي وهو يحك عنقه : لا أصل بصراحه انا و فيزو كنا عايزين نتقدم ل حبيبه و لميس ف مش كل مره يعني هنقولك و انت تقوله انا حابب انا اللي أكلمه واقوله 

محمد جلال: خلاص هديهولك بس افتكر اني قولتلك بلاش 😂

حمو العربي : ليه يا عم هو هيعمل فيا ايه

محمد جلال: لا ولا حاجه اتصل وانت هتعرف 😂 وابقى قولي قالك ايه 😂

حمو العربي بمذاح : ماشي يا عم انا هتصل واللي يحصل يحصل

محمد جلال: ماشي هبعتلك الرقم على الواتس وابقى طمني عليك بعد ما تكلمه 😂

حمو العربي: حاضر يا اخويه 😂

محمد جلال: سلام بقى علشان اروح اشوف خالو عايزني ليه

حمو العربي: ماشي سلام

اغلق محمد الهاتف ليتجه إلى خاله

..................

وعلى الجانب الآخر كان مراد برفقة مايا بمطعم جميل على البحر يتأمل جمالها وهي سارحة بالبحر

مراد : انت للدرجادي بتحبي البحر

مايا وهي لازالت تنظر إلى البحر : جدا يا مراد انا طول عمري كنت بحلم يبقى عندي بيت على البحر بعيد عن الناس وعن الدنيا اروحه لما اكون مدايقه من الدنيا

نظر لها مراد نظره طويله وكأنه يفكر في شيء ما

.................

أما عند جنى اللتي تلقت اتصالا هاتفيا من شهاب

جنى : الو يا شهاب

شهاب : يا ساتر يا رب مالك بتقوليها كده ليه

جنى : هو ده اللي عندي عجبك عجبك مش عاجبك نسيب بعض عادي جدا

شهاب : لا لأ عاجبني والله خلاص

جنى : ها قول بسرعه كنت عايز ايه علشان شغاله على مشروع الدكتوره طلباه مني في الجامعه بقالها شهر و لو ما سلمتهوش بكره هشيل الماده

شهاب : يعني هي طالبته منك بقالها شهر وانت لسه فاكره تعمليه قبل ميعاد التسليم بيوم

جنى : هو الشغل ما يتظبتش غير لو تحت ضغط انت ايش فهمك انت

شهاب : ماشي يا بشمهندسه عامتا انا كنت متصل علشان اعزمك على الغدا في مطعم بس بما انك مش فاضيه ف خلاص خليها وقت تاني 

جنى : ومين قالك أن انا مش فاضيه دا انا فاضيه جدا

شهاب : طيب والمشروع اللي هيتسلم بكره