اينو :انت مش هتتقدملها انت فاهم انا اللي هتقدملها
مراد : انت بتقول ايه هو انت عايز تتقدم ل مايا
اينو : هو انت هتتقدم ل مايا
مراد : ايوه
اينو : لأ إذا كان كده هات حضن بقى
ثم حضن اينو مراد
مراد بقرف مزيف : ابعد يا عم ما بحبش التلزيق
اينو : خلاص يا عم ما تزقش
محمد جلال : يعني انت هتتقدم ل مايا بكره
مراد : ايوه
ايه بفرحه كبيره : بجد !!! يا بختك بيه يا مايا
اينو : صبرني يا رب
ايه : بتقول حاجه
اينو : لأ ابدا
و بعد انتهاء السهره ذهبوا جميعا الى النوم
وفي صباح اليوم التالي .....
مراد : خلاص يا ماما علشان خاطري دي عاشر مره تعدليلي البدله
والدة مراد : خلاص يا حبيبي يلا
مراد : طيب ايه مش هتسمعينا زغروطه حلوه كده دا انا حتى ابنك الوحيد
والدة مراد : احلى زغروطه لللوللللي ربنا يكتبهالك يا مراد و يجعلها من نصيبك
مراد : امين يا حبيبتي بس يلا بقى بسرعه علشان ما نتأخرش لحسن محمد عبده ( اخو مايا ) بيتلكك و ممكن يلغي الجوازه خالص
والدة مراد : اه انت هتقولي عليه
و بعد مده قصيره ركب مراد و معه والده و والدته السياره و انطلقوا نحو منزل مايا والذي لا يبعد عنهم كثيرا و عندما وصلوا ضج البيت بالزغاريط نعم فهذه أول فرحه لعائلة الشيشيني
نزل مراد من سيارته و كان وسيم جدا كالعاده و يحمل في يده بوكيه ورد
ثم دخل المنزل و بعد الترحيب و السلام جلسوا جميعا
و بداخل الغرفه ......
مايا و قد ارتدت فستانا جميلا : يوه بقى لبستوني الفستان و قولت ماشي لكن مش هطلع انا أقدم حاجه
ساندي وهي تقف عند الباب و فوقها هنا ينظرون من فتحة الباب يحاولون أن يروا ما يحدث بالخارج : محمد اخوكي مش ناوي يجيبها البر انا عارفه
و بالخارج ......
والد مراد : طبعا انتوا عارفين احنا جايين ليه واحنا مش هنلاقي احسن منكوا علشان نناسبكوا
منصور ( عم مايا ) : واحنا كمان مش هنلاقي احسن من مراد ولا احسن منكوا بس الأول نسمع رأي محمد عبده و بعدين نسمع رأي مايا
محمد عبده : طبعا يا عمو انا مقدرش اقول كلام بعد كلام حضرتك و طلاما حضرتك موافق يبقى انا موافق و مايا انا سألتها قبل ما يجو وقالت لي أن هي موافقه
أنت تقرأ
نجم تيك توك يقع في حب بنت الريف
Romansaخمسه من مشاهير التيك توك يقعوا في حب خمس بنات من الريف رومانسيه و اكشن و دراما بجد ها تعجبكم الروايه جدا
