نجم تيك توك يقع في حب بنت الريف

الفصل السابع عشر

وفي اليوم التالي كان محمد جلال يفاتح أعمامه في موضوع جنى و شهاب
وكانت جنى تجلس في غرفتها تستمع إلى حوارهم ولكنها كانت حزينه لأنها تعلم ردهم

احمد ( والد جنى ) : طبعا يا محمد انت عارف رأينا في الموضوع ده بس احنا مش هنكسر كلامك و هنديله فرصه ييجي و يتقدم و هنقوله على طلباتنا
وافق اهلا وسهلا ما وافقش بقى ف احنا ما عندناش بنات للجواز

محمد جلال : انا عارف يا عمو بس انا وافقت أن هو يجي يتقدم علشان يبقى عارف احنا رفضنا ليه

احمد : تمام خليه ييجي يتقدم يوم الجمعه الجايه

.................................

وفي يوم الجمعه من الأسبوع التالي كان شهاب قد أتى هو و والدته و اينو للتقدم لخطبة جنى
وبعد السلام و الترحيب بدا شهاب بالكلام

شهاب : طبعا يا عمي انا يشرفني اني اطلب ايد الانسه جنى

احمد : طبعا انت تشرفنا يا شهاب بس انت بتشتغل ايه

شهاب :انا عندي قناه على اليوتيوب عليها مليون مشترك و بتدخلي دخل حلو

منصور : يعني انت ما عندكش دخل غير اليوتيوب

شهاب : لأ هو انا ابويا الله يرحمه كان عنده محل جلود بس انا حاليا مش مهتم بيه و مأجرو بس اعتمادي الأساسي على القناه

احمد : طيب بص يا شهاب احنا حاليا مش هنقدر نرفضك بس برضو مش هنقدر نقبلك غير لما تقفل قناة اليوتيوب و التيك توك و كل حساباتك على السوشيال ميديا و يكون عندك وظيفه ثابته

قام شهاب من مكانه وقال بإنفعال : يعني ايه !!

قام اينو لتهدئة صديقه قبل أن يفعل شيء يندم عليه

اينو : أهدى بس يا شهاب

منصور : يعني نورتنا يا شهاب واحنا قولنالك على شروطنا تقدر تنفذها و بيتنا مفتوحلك في أي وقت تيجي تتقدم فيه

قام شهاب من مكانه بإنفعال بسيط : تمام شكرا يا عمي

قام منصور و سلم على شهاب : عفوا يا شهاب و زي ما قولتلك بيتنا مفتوحلك في أي وقت تقدر تيجي تتقدم تاني وان شاء الله هنقبلك

عاد شهاب ال منزله شارد الذهن هل ينهي شهرته و يفوز بحبيبته ام يبقي شهرته هو حقا لا يعلم ماذا يفعل
لتدخل عليه والدته
والدة شهاب : هتعمل ايه

شهاب : مش عارف يا ماما انا بجد مش عارف

والدة شهاب : صلي يا شهاب واستخير ربنا

شهاب : حاضر يا ماما

وفي اليوم التالي تجمع اينو و محرم و حمو العربي و فيزو في أحد الكافيهات ..............

محرم : يعني ايه انا مش فاهم يعني هم وافقوا ولا لأ

اينو : يعني هم قالوا شرط علشان يقبلون يقفل السوشيال ميديا بتاعه

محرم : يعني يتنازل عن شهرته ما اظنش انو هيوافق

فيزو : لأ هيوافق عارف ليه

محرم : ليه ؟؟

فيزو : علشان بيحبها ولو بيحبها هيضحي باي حاجه علشانها

محرم بغمزه : طيب وانت مش ناوي تضحي

فيزو : وانت مالك يا رخم

ثم نظر محرم ال حموه العربي : وانت يا حمو

حمو العربي : انا ايه

محرم بغمزه : ايه نظامك

حمو العربي بخبث : ادعيلي ربنا يوفقني

ثم نظروا جميعا إلى اينو

اينو : ايه في ايه بتبصولي كده ليه

فيزو : وانت يا معلم

اينو : انا ايه

حمو العربي : مش ناوي انت كمان

اينو : ناوي على ايه

غمز له محرم وقال : تضحي

اينو : وانت مالك يا غلس

محرم : ماشي يا عم يعني كلكوا مش ناويين ولا انا كمان ناوي

قالو الثلاثه في نفس واحد : ايههه !!

محرم : ايه يا شباب في ايه اتصدمتوا كده ليه

فيزو : يعني انت مش ممكن تضحي علشان حنين.. قصدي البنت اللي بتحبها

محرم : مش عارف الصراحه بس عمري ما اتحطيت في الموقف ده ومش عارف لو اتحطيت فيه هيكون رد فعلي ايه
ثم تابع بمرح بس اظن هضحي

وبعد اسبوع ...........

شهاب : ماما انا اخدت قراري

والدة شهاب : خير يا شهاب أن شاء الله

شهاب : انا قررت ..............

...........................................

كده البارت خلص و اتمنى يعجبكم 💖💋

متنسوش تعملوا فوت و كمنت جميل يشجعني اكمل ✨😍

و صلوا على من بكى شوقا لرؤيتنا 💖😭