زفيف الروح

"part 3"

تصويت 🙏
.
_ شنو شمدريك انت منين تعرفني
_ كتلج اعرف كلشي
_ اخاف بكر انت ودتنصب عليه
_ ههههههههههه بكر وينه وين النصب والحسابات ماكل تبن الله يساعده
_ منو انت وشتريد من عدنه
_ اجيت انبهج من خطيبج الارهابي ومن اهلج وأهله الي جاي يتستروله وانت هنا ما تدرين بالدنيا طشت لو رشت
_ شنو إرهابي شبيك انت شدتحجي
_ خطيبج هسه بالسجن وصارله اكثر من اسبوعين خابري اهلج سأليهم ورجعيلي انطيج التفاصيل

حسيت انضربت على راسي ماكدرت استوعب كلامه اتصلت بماما راسا
_ الو ها حبيبتي صاير شي بهل وقت
_ بكر وين
_غير مسافر
_مسافر لو بالسجن
_ هاا
_مسافرررر لو بالسجننن احجي
_ منين عرفتي انت
_ يعني بالسجن وانتو ناصبين عليه وتكلولي مسافر وفوكها ارهاب مو
_ والله ابوج هذا ميقبل احجي خاف تفسخين الخطوبه
_ اعتبروها انفسخت اصلا واني أدبر روحي هنا اذا معندي اب يعيني ويخاف عليه عندي رجليه وظهري استند عليهن
_ ماما شبيج هسه انت عصبيه حاولي تهدين وتفهمين الموضوع
_ حتى انت ماما والله متوقعتها منج
_ ياأمي شمسويه اني
_ روحي ماما روحي ماراح استفاد شي منكم
_ اهدي وباجر اخابرج وافهمج
_ اني اعرف شلون افهم يلا باي

سديت الخط وجسمي كله يرجف حسيت اعصابي تلفت باوعت للموبايل لكيت هذا كاتبلي

_ ها بشري
_ انت شمدريك منين تعرفني
_ مو مهم هذا الحجي المهم انت
_ شسوا ودخل للسجن شلون ارهاب يعني
_ متعاون وي واحد إرهابي عاساس يخلي عبوه بالسوك وينطوه فلوس بالهبل وطبعا هاي مو اول صفقة كومه صفقات قبلها والكل متورط ويا بس ما ثبتت لحد هسه
_منو متورط ويا يعني
_ابوج وعمج
_ بابا هم متورط انت صدك تحجي الله عليك لتسوي بيه هيج والقرآن كلبي حيطك
_ اسم الله على كلبج
_اني شسوي هسه فدوه كلي شسوي وين اروح
_ ضلي مثل ما انت كملي دراستج اهم شي دراستج
_ اريد افسخ الخطوبه
_ اي هذا احسن شي تسوي
_ بس بابا شلون اذا فسخت يرجعني للموصل وما اكمل دراستي
_ هاي يمي
_ شنو يمك منو انت اعرفك تعرفني والله راح اتخبل
_ اهدي وافهمج كلشي
_ ما اريد اهدى احجيلي يلا
_ تردين تبقين هنا وتكملين دراستج وبدون مضايقات ابوج غير
_ اي وافسخ هم
_ هايهيه اعتبريهن صارن بعد على شنو هاي الأعصاب انت عليج تكليلي شنو تردين واني انفذ
_ منو انت وليش هيج تحجي وياي
_ اوثقي بيه والي تردي يصير
_ مستحيل اثق باي شخص بهل دنيا بعد
_ اوثقي اخر مره
_ بس كلي منو انت ومنين تعرفني
_ من احل مشكلتج اكلج منو انه ولا تخافين اصلا اعتبريها انحلت
_ واذا جذب
_ ازين شواربي اذا جذبت عليج
_ بالله ماعندك شوارب اصلا
_ هههههههههههه خليها عليه ومعليج
_ بس تحجيلي كلشي يصير
_ من عيوني