زفيف الروح

"part 28"

ولادة حياة جديده من رحم الحزن والألم،  بصيص امل وحلم جديد ..

لين الجاف ♥️🍃

____________

_ بيبي يعني صدك حامل انت متاكده

_ اي ولج حامل وعود من يجي مهيب سوي تحاليل وتاكدي

_اخاف افرح والله خاف يطلع مو طفل

_ ولج تشككين بقدراتي

_ هههههههه يارب والله فرحانه واخيرا راح يصير عندي عائلة

_ فرحي يمه يلوكلج الفرح

_ ان شاء الله لله يتمم فرحتي على خير

_ ان شاء الله يارب

_ بس بيبي لاتحجين فدوه اني اخاف من هاي نور لاتروح تسوي شي

_ لا يمه المن احجي

..رحت لغرفتي والفرحه ماسايعتني منتظره مهيب يجي بفارغ الصبر اشتاقيتله كلش هواي طول ٢٠ يوم هلمره اتصلت عليه بالليل وجاوبني

_ شكد مشتاقلج اووووف

_ حبيبي والله كلش اشتاقيتلك يمتى تجي

_ ماضل شي كم يوم

_ محضرتلك مفاجأة

_ كولي شنو

_ لا من تجي

_ يجوز ما اجي كولي لاتخليها بنفسي

_ شنو ماتجي مو كلت كم يوم

_ كلشي يصير الوضع خطر

_ لاتخوفني عفيه

_ ادعيلي هواي والله كريم

_ الله يرجعك الي سالم ومايراويني بيك شي ابد

_ امين ، هسه تحجين لو شلون

_ اي خل اكلك بس شوف اني مو كلش متأكده

_ هسه غير تحجي

_ يمكن اني حامل

_ ها

_ حامل حامل

_ تحجين صدك لو تشاقين

_ والله

ضل ساكت واني تفاجأت يعني توقعت يفرح لو شي بس مادري

_ مهيب وياي انت الو

انكطع الخط ثواني ورجع جنه نحجي بالواتساب اني ويا شويه وسمعت صوت صياح وإطلاق نار بعدها انكطع الخط متت بدمي بيومها وصار وجع بكلبي حسيت صار بي شي كلامه مال واحد حاس حيصير بي شي انتظرت يدك مره ثانيه ماكو ضليت افتر بالغرفه مثل المقبله وكل شويه اروح على تلفوني دزتله فويز

_ مهيب الله عليك طمني فدوه ليصيرلك شي والقرآن اموت بعدك والله ما اتحمل فدوه جاوبني ولك انت اهلي والله روحي راحت الله عليك جاوب فدوه