زفيف الروح

"part 15"

لين الجاف ♥️
___________

.. مر اسبوع على اخر حديث بيني وبينه احترم ارادتي وما خابرني ولا اجه واني بهل الاسبوع ماطلع من راسي واني اقرا براسي واني امتحن واني اكل واشرب شويه واتخبل احس صار محور حياتي عباره عنه اتذكرت مواقفنه موقف موقف كلماتنه كلمه كلمه لمساته الي بوساته اتذكر من يحتويني بعز ضعفي من يخفف عني من يعوف كلشي عنده ويجيني ركض بس اطلبه صفنت بيني وبين نفسي معقول أكدر اعوفه وابتعد عنه وهو ساكن بكل جزء بيه ،طلعت حسابه وضليت اباوع بصوره شكد حلو بعيني وشكد هيبه اشوفه احلا واحد من بعد ما حبيته شفت كل الناس بلا ملامح ، ضليت اريد اراسله واحجي ويا وما اريد احس غلط اراسله واسامحه بسهوله بس ماعندي غيره حتى امي راسلتني مره واختفت بعد ماكو اي شخص يريدني غيره ..

دزيتله رساله

_ شلونك

يمكن ورا دقيقتين جاوبني

_ هسه صرت زين شلونج يحيلي

_ بخير

_ ها نكدر نكول طوينه هذيج الصفحه

_ مادري راح اتخبل

_ شنو يريحج كليلي بويه

_ انت كلي شلون ارتاح

_ من تقبلين نزوج

_ شنو الي يثبتلي مراح اندم ومراح اتعير بالشي السويته الي

_ تتوقعين اسويها واعيرج

_ مادري اني فاقده الثقه بيكم كلكم

_ هايهيه ديان براحتج لا اجبرج ولا شي ماترديني وما واثقه بيه الله وياج بعد والي تردي سوي براحتج

_ يعني راح تتخلى عني بهل سهوله

_ ولج مو خبلتيني فهميني شتردين لخاطر الله اتوسل بيج ماترديني ابتعد ماتقبلين شسوي

_ تحملني مو اليحب يتحمل

_ وياكل تبن هم

_ لعد شلون

_ بكيفج انه بعد ما احجي

_ تعال اخذني

_ وين

_ مختنكه اريد اطلع

_ يلا جايج

كمت بدلت واني مادري الداسوي صح او غلط اني مهيب احبه وما أكدر اكرها حتى من عرفت ماكرهته ضجت منه شويه ورجعت اشتاقله واحن اله بس هسه اخاف اندم خاف اقبل ويتغير عليه لو يأذيني

ضليت بمتاهة افكاري علما اجه خابرني ونزلتله

_ يابه شكد مشتاقلج

_ تعبانه مهيب

_ بعد ماكو تعب يايوم ماعندج شي

_ مادري