زفيف الروح

"part 23"

تفاعلكم وتصويتكم 🙏🏻♥️

___________________

دخلت والكاها بالكاع ركضت عليها اباوع وجهها اصفررر ليمونه وجوا عيونها زراك ضليت اضرب على وجهها

_ دياان شبيج كعدي ديان

لزمت مكان النبض ما جاي احس بي

هزيتها هز ماتتحرك اباوع وانتبه على الحبوب كلها مخلصه ولا شيت حبوب بي حبايه

_ غبيييه غبييييه

شلتها بسرعه ونزلت جوا

_ حجيييهه لبسي عبايتج وتعاي وياي

_ شكوو ولك شصاير

_ يمههه انتحرت بسرعههه

_ يبووووووي

اجت وياي بسرعه وانطلقت بيها للمستشفى

_كله من وراك والله

_ سكتي رحمه لله

_ ولك بنيه منتهيه مابيها شي صاحي تجي انت تجرح بيها وتاذيها بالزايد ليشش ماتريدها عوفها طلكها بس لا تحجي

_ اطلكها وين تولي عدها احد عدها اهل عدها صخامم

_ بتي هي وتضل بتي والله أفضلها عليك واطردك واخليها تعيش وياي

_ استغفر الله

_ بسرعه ولك البت حلكها ابيض يمه راح تموت

وصلنه للمستشفى وانه كلبي نار عليها شكد لمت روحي على قساوة حجيي وياها صح غلطت بس تأذت اكثر وتدمرت اكثر وانه جاي ازيد عليها التعب والقهر بدل ما احتويها واكول طفله وغلطت ..

دخلوها للعمليات وسوو غسيل معده وضعها مامستقر لان ماخذه كميه كلش جبيره

_ لازم نعرف سبب الانتحار

_ يعني ما واضح

_ مبين متعرضه للتعنيف

_ دكتور البنيه فقدت ايدها ونفسيتها متأزمه

_ مع هذا راح تجي الشرطه ويشوفون الوضع

_ خل يجون هلا بيهم ، وهسه أكدر ادخل يمها

_ اي تفضل

دخلت والحجيه ضلت برا ، اباوعلها واكول وي نفسي

_ حبيبتك هاي ولك شلون تاذيها هيج لو ميته بسببك شتسوي

كعدت يمها بست رأسها وخدودها وشفايفها والعب بشعرها جبتها حتى بدوت حجاب من التوتر بوقتها اباوع على ايدها لحد الان مامستوعب كصو ايدها والقرآن عبالك واحد ضربني على راسي وانتبهت هسه

_ اوف يارب امتحانك صعب والله مادري شسوي

_ ديان يلا كعدي فتحي عيونج خل اشبع منهن ومم جمالهن صارلي شكد مامتغزل بعيونج الحلوه ،، اوف ديان اووف ليش طلعتي بطريقي ليش شفتج ليش متت عليج ولج والقرآن انت اكبر عذاب شفته بحياتي وفوك كل هذا بعدني احبج ..