زفيف الروح

"part 8"

لين الجاف
________

كمية المشاعر والأحاسيس الي داعيشها بهل لحظه متنوصف ما عندي اي كلمه تعبر عن الي ديصير اول مره احس بنفسي هيج مهمه ، رجال طول بعرض حاضني والفرحه ماسايعته لان كدر يحصل عليه اني الي عشت كل عمري واني احس نفسي زايده على اهلي لكيت انسان يعتبرني الدنيا كلها، عوض ربي من يجي ميجي عادي ابد واني عوضي اجه بهيئة مهيب ماكدر اكول عنه كلمه غير سندي وعوضي الحلو ...

_ شلون راح نكون سوا

_ خليها عليه اني ارتبها

_ بس اطلب منك طلب

_ عيوني الج

_ تسلم عيونك بس خل هلموضوع ورا ما اخلص المرحله الاولى وخلينا نتعرف على بعض بهاي الفتره

_ بس ديان اني اريدج بالحلال

_ مراح نسوي شي غلط

_ زين ليش

_ انت تدري بيه اني هستوني طالعه من علاقه فاشله صعبه عليه ادخل راسا بعلاقه ، خلينا نتعرف على بعض زين يجوز راح تلكه بيه شغلات ماتعجبك وتخليك تتركني

_ اني راضي بعيوبج قبل محاسنج

_ ميخالف ليش نستعجل وليش اسوي مشكله بهذا الوقت خليني اكمل هلمرحله على خير والباقي الله كريم

_ يلا على راحتج بس المهم ما تغيرين رايج

_ اني متأكده من قراري لتخاف

_ شنو الغير رايج

_ انت

_شلون

_ يلا خل اروح انام تأخر الوقت

_ لا جاوبي اول

_ خليني محتفظه بهل شي لنفسي

_ على راحتج

_ بس كلي عرفته منو هذا

_ باجر ينحل كلشي لاتخافين

_ اكيد

_ اكيد

_ تمام ، يلا تصبح على خير

_ وانت الخير كله

رجعت لفراشي واني مرتاحه مادري اذا راح تدوم هاي الراحه والسعاده لو هم تنكلب بيه بس قررت اعيش اللحظه وافرح بيها ، دزلي مسج

_ تتحجبين ؟

_ شعندك وي حجابي

_ عندي عدواه ما تنتهي للموت

_ اممم ليش تريدني اتحجب بالله

_ يمعوده لاتشعليني اكثر

_ اي كول اغار عليج وفضها

_ حرام بابا حرام يعجبج بعدين هاي شعراتج الحلوه تحترك