زفيف الروح

"part 12"

لين الجاف 🤍
_________________

.. اخذوني للأشعة ومنين وهواي سوالف وطلع مابيه شي واكدر اطلع من المستشفى.

_ الحمدلله على سلامتج

_ الله يسلمك

_ نطلع

_ اريد أضل يمك اليوم شلون

_ والله صعبه ابوي موجود بالبيت اليوم وما اريد تصير مشاحنات

_ لا اصلا مستحيل اجيكم

_ ليش

_ عيب وزودتها هم كلما تصيرلي شغله اجيتكم هم ميصير

_ صدك تحجين ترا البيت بيتج واحنه نطلع وانت تبقين شنو زودتيها بعد

_ دتخجلني

_ عادي يمعوده

_ اممم، اكلك تعالي بالليل

_ اجي ادللي

_ تدخل للبيت

_ لا صعبه البنات موجودات وماريد تطلع عليج كلمه وانه هذني ما مرتاحلهن

_ ماشي بس المهم تجي

_ اجي يحيلي شتردين اسوي شعندي غيرج

_ عوض ربي يجنن

_ ههههههه انت تصفنين وتحجين درر

_ لعد شلون

_ يلا عمي امشينا صارت الدنيا ليل هم يلا تنامين وترتاحين

_ ماشي حبي

طلعنا ووصلني للبيت جانت الساعه ب ٧ بالليل

_ شوف اذا كاعده ادزلك مسج حتى تجي واذا ما ادز يعني نايمه حتى متجي على الفاضي

_ ماشي يلا نامي وارتاحي ولا تفكرين ابد اشغلي عقلج بأي شي الا التفكير بالي صار

_ ان شاء الله باي

_ الله وياج

دكيت الباب وفتحت زينه

_ ياااع ولج اجيتي والقرآن كلوبنه راحت عليج وين اختفيتي

_ خليني ادخل والله مالي حيل للوكفه

_ هاي شبيج شبي راسج ملفوف

_ خل ادخل واحجيلجن

دخلت جوا والبنات وجوهن مكلوبه

_ شرفت الست

_ اماني سكتي عني لخاطر ربج والقرآن اطلع كل حركتي بيج

_ ليش عيني منين تجيج الحركه اشو دايحه ٢٤ ساعه وي دكتورج

_ وين شفتيني دايحه هاااا وين شفتيني