Taint Me With Sin ᵀᵃᵉᵏᵒᵒᵏ ᶠᶠ

1☠️

කිම් නම්ජුන් සහ ඔහුගේ බිරිඳ කිම් යුන් බීගේ විවාහය සිද්ද වුණේ 1992 වර්ෂයේ මුල් භාගයේදී... ඒ වෙද්දි බුසාන් නගරයේ පදිංචි වුණු ඔවුන් දෙදෙනා බලාපොරොත්තු වුණු පරිදිම යුන් බී නොබෝ කාලයකින්ම ගැබ් ගත්තා...ඒ වෙද්දීත් නම්ජුන් ඇඟලුම් ආයතනයක කළමනාකරණ නිලධාරියෙක් විදිහට සේවය කළා..

කාලය ඇහිපිය ගහන ඉක්මනින් ගෙවිල ගියා...මේ 1993 වර්ෂයේ මුල් භාගය,

යුන්බිගේ ප්‍රසූත දිනය යෙදිලා තිබුනේ ජනවාරි අග සතියට නිසා අලුත් අවුරුද්දේ මුල් කාලයම නම්ජුන්ට කාර්යබහුල කාලයක් වුණා..ඒ නිසාම තමන්ගේ බිරිඳ එක්ක ගත කරන්න ලැබෙන කාලය සීමිත වුනත් ඔහු තමන්ගේ බිරිඳ වෙනුවෙන් තමන්ට කළහැකි උපරිමය සිද්දකළා... කොයිතරම් කාර්යබහුල වුනත් තමන්ව හැමවිටකම සතුටින් තියන්න උත්සාහ කරන තමන්ගේ සැමියා ගැන යුන්බිගේ හිතේ තිබුනෙත් අසීමිත ආදරයක්....

"ඔයා හිතන්නේ අපිට පුතාලම දෙන්නෙක් ලැබෙයිද නැත්තන් දුවලා දෙන්නෙක් ලැබෙයිද."

තමන්ගේ උකුලේ ඔලුව තියන් තමන්ගේ කුස මතින් හෙමීට අත් එහාමෙහා ගෙනියමින් ඉන්න නම්ජුන්ගෙන් යුන්බි ප්‍රශ්න කළා...

"කවුරු ලැබුනත් මට‍ කමක් නෑ... මොකද ඔයාලා තුන්දෙනාම මගෙනේ.."

නම්ජුන් තමන්ගේ බිරිඳ දිහා බලාගෙන කියලා බිරිඳගේ කුස මතින් සියුම් හාද්දක් තියද්දි යුන්බීගේ මූණේ හ‍රි අහිංසක හිනාවක් ඇඳුනා...

"මටත් කමක් නෑ දුවලා දෙන්නෙක් ලැබුනත් පුතාලා දෙන්නෙක් ලැබුනත්.. ඒත් ඔයා දන්නවද දෙයක්.."

"ම්ම්ම් නෑනේ... මොකක්ද ඒ මං දන්නෙත් නැති දේ.."

නම්ජුන් යුන්බිගේ උකුලෙන් තමන්ගේ ඔලුව ගන්න ගමන් ඇඳෙ යුන්බිට මුහුණලා ඉඳගත්තා..

"අපි දෙන්නා බඳින්නත් කලින් මං මේ ගැන හිතලා තිබ්බේ... පුතෙක් වුනත් දුවෙක් වුනත් මං සතුටින් බාරගන්නවා.. ඒත් අපේ පලවෙනි බබා පුතෙක් වෙනවට තමයි මං නම් කැමති වුණේ... එදා ඩොක්ටර් කිව්වම ලැබෙන්න ඉන්නේ නිවුන්නු කියලා මට‍ හිතුනෙම එයාලා පුතාලා වෙනවනම් හොඳයි කියලා.."