Taint Me With Sin ᵀᵃᵉᵏᵒᵒᵏ ᶠᶠ

7☠️

Jungkook's P. O. V.

මම බොහොම අමාරුවෙන් විල්ව වාරු කරන් නොවැටී සමබර වුණා..එළියක් කියලා අතේ තිබුණු එකම ලන්තෑරුමත් මේ වෙද්දි බිම වැටිලා බිඳිලා ගියා.. ඒකෙන් ඉහිරුණු භූමිතෙල් සුවඳ මට‍ දැනුනා... මට‍ කිසිම දෙයක් නොපෙනුනත් මං විල්වත් වාරු කරන් හෙමීට බිමින් ඉඳගත්තා... ඒ එක්කම මං දැක්කා තවත් එළියක් අපි දිහාවට එනවා...

ඒ වෙන කවුරුත් නෙමෙයි ජේසන්... ජේසන් ඉක්මනින් අපි ඉන්න තැනට ආවා...

"විල්ට මොකකට හ‍රි බය වෙලා ජේසන්.."

"මොකකටවත් බය වෙලා නෙමෙයි.. නර්ස් සාරා... එයාට බය වෙලා තියෙන්නේ.."

ජේසන් දිහා මං බැලුවේ පුදුමෙන්.. ඒ වෙලාවේ තමයි මං ජේසන්ගේ මූණත් යන්තම් හ‍රි පැහැදිලිව දැක්කේ.. ජේසන්ගේ නළල දෙපැත්තේ දහඩිය බින්දු..ජේසන් ඉන්නෙත් මොනවහරි දේකට බය වෙලා...

"මොනවද ජේසන් දැක්කේ.."

"අපි උදේ වළදාපු නර්ස් සාරාගේ බොඩි එක දැන් තියෙන්නේ පිටිපස්සේ  ගේට් එක ළඟ.."

"එහෙම දෙයක් වුණේ කොහොමද..."

"සමහරවිට සත්තු ඇදගෙන ඇවිත් වෙන්න ඇති ඩොක්ටර්..."

"එතකොට ඒකට බය වෙලාද මේ විල් දුවන් ආවේ.."

"විල් එලියට යන්න හදද්දී බොඩි එක දැකලා.. ඒකෙ ඔලුව කඳෙන් වෙන් කරලා ඩොක්ටර්.."

මගේ අත ඉබේටම මගෙ පපුව ළඟට ගියා... මට‍ මුලින්ම කියන්න දෙයක් හිතාගන්න බැරි වුණා... ජේසන් විල්ව නැගිට්ටවන්න උත්සාහ ගද්දි මාත් විල්ව වාරු කරන්ම ජේසන්ගේ උදව්වෙන් නැගිට්ටා... ජේසන් විල්ගේ එක අතක් කරට උඩින් දාගද්දී මාත් අනිත් අත මගෙ කරට උඩින් දාගෙන අපි දෙන්නගෙම වාරුවෙන් විල්ව ලඟම තිබුණු රෙස්ට් රූම් එකකට අරන් ගියා...

නර්ස් කෙනෙක්ට විල් ගැන බලන්න දීලා මං ජේසන් එක්ක පිටත්වුණේ සාරාගේ බොඩි එක තියෙනවා කිව්ව තැනට.. මාත් ජේසනුත් මගක් දුර යද්දීම අපිට තේයොන්ව මුණගැහුනා..

එයාටත් විස්තරේ කියද්දි තේයොනුත් අපි එක්ක යන්න එකතුවුණා..

ගොඩනැගිල්ලේ පිටිපස්ස ගේට්ටුව ළඟට යන්න ආවත් එළියේ තාමත් තද වැස්ස..