Taint Me With Sin ᵀᵃᵉᵏᵒᵒᵏ ᶠᶠ

6☠️

සාරා ගේ සිරුර වැටිලා තිබ්බෙ පොළොවට මුහුණලා වැටිච්ච විදිහට... ඒ කියන්නේ සාරා මෙතනින් පැනලා සියදිවි නසාගෙන කියලා අනුමාන කරන්න පුළුවන්... ඒත් සමහර විට කවුරුහරි තල්ලු කලා වෙන්නත් පුළුවන්...

මට‍ මතක් වුණේ තේයොන්ව.. සාරා ඇරුනම මේ පාලු පැත්තට එන එකම කෙනා තේයොන්.... සාරාගේ ලේ මේ වෙද්දිත් පොලොව රතු පාටට හරවල තිබුනත් බිම තියෙන ලේ තරමක් දුර‍ට කැටි ගැහෙන්න අරගෙන... ඒ කියන්නේ මම මේක දකින්න ඇත්තේ මේ සිදුවීම සිද්දවෙලා සෑහෙන්න වෙලාවකට පස්සේ... මට‍ හිතෙන විදිහට මේ දේ වෙලා තියෙන්නේ උදේ වරුවේ.... දැන් මට‍ හිතාගන්න පුළුවන් උදේ ඉඳලා සාරාව දකින්න ලැබුනේ නැත්තේ ඇයි කියලා... ඒත් තේයොන් මේ ගැන දන්නේ නැද්ද...

මම ආරක්ෂකයො දෙන්නව එතනින් රඳවලා ආපහු ඇතුලට ආවා... ඩොක්ටර් ජේඩන් මේ වෙලාවේ නැති නිසා මමයි මෙතන වගකීම්භාරව ඉන්නේ... ඒත් මට‍ හිතාගන්න බෑ මොකක්ද කරන්න ඕන කියලා.. ඒ නිසා මම මිස් මෙලීස්ව හොයාගෙන ගියා...

මිස් මෙලීස්ට මම වෙලා තියෙන දේ කියද්දි මම දැක්කා ඇය මගෙ වචනයක් ගානේ පපුවේ කුරුසය සටහන් කරනවා..

"අපි දැන් මොකක්ද මිස් මෙලීස් කරන්නේ.. සාරාගේ පවුලේ කෙනෙක්ව දැනුවත් කරන්න ඕනි නේද..."

"මම හිතන්නේ නෑ ඩොක්ටර් ජන්කුක්... මං දන්න තරමින් සාරාට කාත්කවුරුත් නෑ... මුලදි එයා හිටියේ එයාගේ අක්කා එක්ක... සාරාට පවුලේ කෙනෙක්ට හිටියේ එයාගේ සහෝදරිය විතරයි... ඒත් එයා එක්කත් දැන් සාරා කිසිම සම්බන්දකමක් පවත්තන්නේ නෑ... ඒ නිසා මේ ගැන දැනුවත් කරන්න තරම් කෙනෙක් නෑ..."

මට‍ අහන්න ලැබුනේ ඒ වගේ දෙයක්... මනුස්සයෙක්ට මරණෙන් පස්සේ දුක් වෙන්න තරම්වත් ළඟින් ඉන්න පවුලේ කෙනෙක්වත් නෑ කියන්නේ ඒක මොනතරම් අසරණකමක්ද...

"ඒ කියන්නේ අපි දැන් සාරාගේ බොඩි එකට මොකක්ද එහෙනම් කරන්නේ..."

"අනිත් අයට කරන දේම තමයි... අර පිටිපස්සේ තැනිතලාවේ තියෙන සුසාන භුමියේ මිහිදන් කරලා සාරාගේ ආත්මය වෙනුවෙන් අපි හැමෝම යාඥා කරමු..."