December 29 ရက်နေ့ Taehyung မွေးနေ့မရောက်မှီ ၁ ရက်အလိုမှာ ဒယ်ဂူမြို့ကို မိသားစုလိုက် ခရီးနှင်ခဲ့ကြသည်
ဆွေမျိုးအစုံအလင်နှင့် ဖြတ်သန်းနေကျ မွေးနေ့လေးကို ဒီနှစ်လဲ ဆွေမျိုးများနှင့်ပဲ ဖြတ်သန်းဦးမည်ဖြစ်သည်
ဒယ်ဂူမြို့သို့ တစ်ရွေ့ရွေ့နှင့်ဝင်လာသော အိမ်စီးကားလေးတစ်စီးက ဒယ်ဂူမြို့ကြီး၏အလွန်က လယ်ကွင်းပြင်ကြီးများစီသို့ ဦးတည်သွားနေသည်
လယ်ကွင်းများအား မြင်နေရသောအခါ ကားမှန်တစ်ချပ်ကို အသာချလိုက်ပြီး ရှုခင်းများကိုခံစားကြည့်သည်
လယ်ကွင်းပြင်ကျယ်ကြီးများပေါ်မှဖြတ်သန်းသွားသော လေပြေအေးများက လတ်ဆတ်လျက်...
မြို့ပြင်သို့ရောက်လာပြီဖြစ်၍ မြို့ပြရဲ့ ကွန်ကရစ်ခင်းလမ်းတွေအစား မြေစိုင်မြေသားများနှင့် ရောထွေးနေသည့် ရွာအဝင်လမ်းကလေးကအစားထိုးသွားသည်
မြေနီညီညီတို့ ဝန်းရံခံထားရတဲ့လမ်းကလေးက ဖုန်တွေတလူးလူးနှင့်တော့မဟုတ်သည့်အတွက် လေကောင်းလေသန့်ကို စိတ်သန့်သန့်နှင့်ရှူနိုင်ပါသည်
မြေနီလမ်းကလေး၏ ဘေးတစ်လျှောက်တွင်ရှိသော အမွှေးဖြူဖြူနှင့် ကျူပင်ကိုင်းများကလည်း လေပြေနှင်ရာယိမ်းလျက်
Taehyung ကင်မရာတစ်လုံးကိုထုတ်၍ မြင်မြင်သမျှ ရှုခင်းတို့ကို မှတ်တမ်းတင်မိနေသည်
"ဘာမှမပြောင်းလဲဘူးပဲ"
ကင်မရာတစ်လုံးအား ကြည့်ကာ တစ်ယောက်တည်းရေရွတ်နေသော Taehyung ၏စကားကို အမေဖြစ်သူက သဘောကျသွားသည်
"ငါတို့သားလေးက တစ်နှစ်လောက် ဒီနေရာကိုမရောက်တာနဲ့ပဲ နှစ်တွေအကြာကြီးမရောက်ဖြစ်သလိုခံစားနေရပြီနဲ့တူတယ်"
ကင်မရာကို အကြည့်မပျက်ပဲ ကောင်လေးပြုံးလိုက်မိသည်
"အရင်ဆိုးလ်မှာနေတုန်းကနဲ့ ခုနိုင်ငံခြား ထွက်ရတာနဲ့မတူဘူးမလား"
YOU ARE READING
HE
SonstigesThe city of love လို့တင်စားရတဲ့ Paris မြို့သို့ပညာတော်သင်သွားနေသော အနုပညာကိုချစ်မြတ်နိုးတဲ့ဒယ်ဂူမြို့ကကောင်လေးတစ်ယောက်... နွေကျောင်းပိတ်ရက်မှာ Paris မြို့တော်ကြီးကနေ မွေးရပ်မြေကိုပြန်လာခဲ့ရင်း တစ်စုံတစ်ယောက်ကြောင့်မထင်မှတ်ထားတဲ့ အတိတ်ကိုရှ...
