#صراخ_صامت
للكاتبة:زهراء الخالدي
..
ﻛﺒﺮﻧﻪ ﻭﻣﺎﺣﺴﺒﻨﻪ ﺍﻫﺪﻭﻣﻨﻪ ﺍﺯﻏﺎﺭ
ﻭعله گد ﺍﻟﺮﺩﻥ گصینه ﺍﺩﻳﻨﻪ🖤،
..
بارت٦
تحسن ابوي لحمدالله ،
وطلع سبب وكعته بسبب انسداد بشراين لقلب
ورجع الشغلة لشكد توسلنه بي يتركه
لأن مجاي نشوفه بسببه وهوه هم يتعب بسببه بس
ميقبل يكول خوش شغله واذا اعوفه وين الكه شغل بعد .
ليوم لواحد بس يريد يجلبلة بشغله واني اجي اتبطر وعوفه ؟
ماكدرنه نحجي بعد ، بس اضوج ع ابوي بسبب هلشغل ومنشوفه هواي ماعده يوم الجمعه ويخلصه نوم ،
لأن يتعب كلش ومينام زين واحنه ننقهر علي ونعوفه نايم .
اجه العام الدراسي واني رحت للثاني ابتدائي ،
امي مشترت الي صدريه كالت عندج مال اول ابتدائي
جديدة ونضيفه مابيه شي ،
ولحد هسه من اذكر اول يوم الية بلمدرسه اشبع ضحك
(بأول يوم الي بلمدرسة كعدت من لصبح مكيفه لأن سجلت بلمدرسة وصرت اول ابتدائي يعني كبرت وجنت طايره من لفرح ،
بدلت وجنت سابحه قبل منام حته اكعد نضيفه
وامي سوتلي ضفاير وخلتلي شريط أبيض ،وقراريص بيض لبست جنطتي ولحذاء ، ورحت للمدرسه
وحدي اشوف لبنات اهلهم يوصلوهم ويبجن ، وأني ولا
يمي اصلاً ولا واحد وصلني بس اخذت مصرف من امي
وطلعت لأن اندل لمدرسة .
طبيت للمدرسه بس ما اندل صفوف وماندل صفي وين ؟
حتاريت ياربي شسوي ؟
فاتت معلمة من عندي وكلتلي:
-لحلوة ليش واكفه هنا ؟
-ااأ خاله ما اندل صفي
-هههههههههههه خاله شنو؟
ههههه تعاي تعاي اوصلج بعدين اني معلمة لطالبات يسموني ست وانتي يحلوه هم سميني هيج تمام (كالته ببتسامة)
-هزيت راسي اله بضحكه وهيه اخذتني وسولف وياي ،
-انتي وحدج جايه شو ماشفت احد وياج غير احد يطب
وياج يدليج ع صفج يشوف اسمج وين ؟
-اي اجيت وحدي
-والله عفيه عليج بطوله اول مره اشوف طالبه
صف اول ماتبجي وفوك كل هاذا تجي وحده !
-"جاوبته بفخر"
اي عادي بعدين اني اندل طريق بس افوت بشارع
كببلل نوب اروح ع بيتنه واوصل وبس ،
-ههههه عفيه عفيه وهاي وصلنه ماكلتيلي شنو اسمج
حته اشوف بيا صف انتي
-اسمي اسراء عباس__ وبصف لاول ابتدائي مدرسة__
-لج انتي ليوم ناويه تسوين عندي مقص
من لضحك ههههههههه
-كمت اضحك ع ضحكته اخذتني للصف وكعدتني
اول رحله وصت عليه لمدرسه وطلعت .
أنت تقرأ
صراخ صامت
Action- ضلـِم ، دعـ..ـِارة ، طـِريق مجهول يا ترا ماذا سيحدث لثلاثة فتيات فـِي طريق مجهول ؟. -للكاتـِبة: زهراء الخالدي .
