صراخ صامت

بارت 13

#صراخ_صامت
للكاتبة:زهراء الخالدي
..

إلچم جرحك إشما طاب تدري
اشما تزيد الآخ تكبر هيبة العطّاب
🖤🖤
..

يوم جديد ساعة جديدة ودقيقة جديدة وثواني جديدة ، هية هاي الحياة لازم نعيشه بلحلوه والمرة ولازم ننسى كلشي صار بلأمس ونعوف كلشي ورانه ونفتح صفحة جديدة هَيه هاي الحياة لو شما تسوي وتحاول ماتكدر ترجع الوقت وتصحح خطئك او تغير شي من الماضي لو تدفع عمرك علمود ترجع الوقت وتصحح السويته هم مراح يصير ولا راح يرجع الوقت ، غصب ع الكل لازم نفتح صفحة جديدة وننسى الصار ونعيش يومنة وننتضره يخلص حته يجي اليوم الثاني ونعيشة نفس بقيه لأيام .

هاي حياتي وي اهلي شما يصير غصب علية لازم انسى الصار واحاول اتئقلم وتعايش وي المواقف الصعبة الما ممكن طفلة بعمري تتعرض لهاذا الشي او صعب ع طفلة تتحمل كل هاذا تحملت المسؤلية من صغري وصرت اني القائد احب شخصية القائد وروح القائد واصير اني لأمر الناهي من صغري نسيت شي اسمه ضحك او فرح ما عدى لاحضات الضحك الوي خواتي .

مانام اذا ما افكر او اخطط المستقبلي بوسط طريق مجهول اليمكن ع لحضه يخرب كلشي خططت اله والعكس صحيح يمكن ب أي لحضة يخرب كلشي الخططته ويمكن لا يمشي كلشي ع ما اريد وهاذا الخايفة خاف يخرب كلشي اريدة ع لحضه او يمكن بلحضة ضعف .

نهضت من افراشي بدون كسل شابعة نوم وهاي طبيعتي لو انام ساعة وحده خلص اني مكتفية وشبعانة نوم ، رحت غسلت وجهي وتوجهت للدرج صعدت فتحت باب السطح ، استنشقت هوى صافي  بي نسمة برد ضليت واكفه ثواني مستمتعة بمنضر الغيوم والشمس الجو كلش صافي اليوم واني احب هيج اجواء ضليت واكفة اباوع ع غيوم واخمن شنو مرسوم بيه لحد ما سمعت صوت امي تصيحني ،

-اسرررراء يله وين الملابس المدهورة خبصتني تريد تبدل (قصده ع زينة)

-مديت راسي اله من الباب وكتله :
اااااااي يمممممممة اجيت رحت ركض للحبل جريت الملابس من الحبل ونكتتهن من قطرات الندى المتساقط عليهن من الفجر ، اخذتهن ونزلت جوه لكيت امي مشغلة الصوبة ومخليه عليه قوري الجاي وبصف الصوبة صينية بيه كلاصات وطاوة مال بيض ، وزينة كاعده مقابيل الصوبة النعاس عامي عيونه وبس تثاوب وعود مغسله وجه عين مغسلته وعين لا ، اول ماشمرت الملابس بلكاع اخذت ملابسه بملل لبستهن ودكم القميص صاعدة ونازلة احترك كلبي من ورة بروده ، كمت جريته ودكمت قميصه عدل ولبسته الصدرية وكتله :

-هاي بعدنه بأوله وهيج كسولة انتي باجر عكبة شسوين لازم تبطلين ، بعدين وجهج شبي ليش مغاسلته عدل ؟

-اهوووو اسراء والله انعس هاج سويلي الستريج
(الكالون او الستريج هواي اكو اله مسميات)