صراخ صامت

بارت 9

#صراخ_صامت
للكاتبة:زهراء الخالدي
..

موش احنة ياهو الچان يفهم
حچينا أحنه الضحچ مرات
رمز لبچينا 🖤🖤،

..

-بابا

-ها

-شبيك ليش هيج صاير بيك ؟

-ماكو شي باباتي بس تخربطت وخذوني للمستشفى .

-يعني هـاي المدة كله انت بلمستشفى ؟

-اي حبيبتي ، روحي نامي بابا ليش لهسه كاعدة بعدج ؟

-ما نمت جنت انتضرك خفت عليك كلش (حجيته وبجيت)

-لا لا هـاي ع شنـوو البجي هـاي كدامج اني كلشي مابيه ، تعاي ابوسج (تقربت من عنده باساني بخدي) يلة هسه طفي الشمعة وروحي نامي حبيبتي .

-تمام تصبح ع خير ، هز راسه بدون ميجاوبني طفيت الشمعة وطلعت رحت للغرفة تمددت ع فراشي أااخ هسه يله اطمنت ورتاح كلبي ، غمضت عيوني بتعب واستسلمت للنوم بعد يوم متعب كله هبطات ..

ثاني يوم الصبح كعدت من النوم ع ضرباة خفيفة بأيد ناعمة ، فتحت عيوني ع كيف وشفت فطوم مخليه راسه ع صدري وتضرب بوجهي وتضحك ، جريته من ايده عضيته ع كيف وهية تضحك الملعونة ، اخر شي كمت لميت لفراشات وعزلت الغرفة وطلعت بره ..

انتبهت ع ساعة عزاا الساعة هسه بـ12 ونص ، يومية هيج وكت اني كاعدة لأن متعودين نكعد من لساعة 9 اذا كلش كلش نكعد بـ10 .

طلعت بره اغسل وشفت باب لاستقبال مفتوح مديت راسي وشفت ابوية ، ياربي شكد فرحت من شفته حبيبي همزين ماطلع لشغل لأن كلش تعبان ، رحت يمـه جان متمدد وبيده السبحة ولمصلاية مصفطه ومخليه بصفه جان يصلي يمكن ، صافن ع سكف ويسبح رحت ابد ما انتبه ع وجودي جان باله شارد مادري وين ؟ ..

وصلت يمه وكفت فوك راسه وتخصرت
اباوعله وابتسم لحد مشافني ضحك وكلي:

-صح النوم ياحلو

-صباح النور بابا شلوَن صرت ؟

-ههههه صباح الضهر حبيبتي ،

-يااا بابا بس هليوم تئخرت بلنوم لأن لبارحة ضليت سهرانه ، ماكتلي شلون صرت تره بالي ضل يمك لبارحة والله بس النعاس غلبني لو ما انعس جان ضليت يمك سهرانه ،

-لحمدالله بابا ليضل بالج ‏علِيه

-لا بابا شلون ميضل بالي عليك شصار بيه لبارحة من تئخرت وربي كمت الوب عليك وعيني ماخذت نوم ماكدرت انام وانت ما موجود .